MPALULEBLOG:: Semina ya Viongozi wa Kidini katika kukuza Utalii

Rais wa Zanzibar na Mwnyekiti wa Baraza la
Mapinduzi Dk.Ali Mohamed Shein,alipokuwa akitoa hutuba yake katika
ufunguzi wa semina ya siku moja kwa Viongozi wa kidini katika kukuza
dhana ya Utalii kwa wote,iliyofanyika katika ukumbi wa Salama Bwawani
Hotel Mjini Unguja leo,(kulia) Msahauri wa Rais masuala ya Utalii,
Issa Ahmed Othman,na Waziri wa Habari,Utalii,Utamaduni na Michezo,
Said Ali Mbarouk,(kushoto) Katibu mtendaji wa Kamisheni ya Utalii Ali
Halil Mirza.[Picha na Ramadhan Othman,Ikulu

Rais wa Zanzibar na Mwnyekiti wa Baraza la Mapinduzi
Dk.Ali Mohamed Shein,alipokuwa katika picha ya pamoja na Viongozi wa
kidini katika kukuza dhana ya Utalii kwa wote,mara baada ya kuifungua
semina ya siku moja iliyofanyika leo katika ukumbi wa Salama Bwawani

Baadhi ya Viongozi wa madhehebu mbali
mbali ya kidini wa Mkoa wa Mjini Magharibi wakisikiliza kwa makini
hotuba ua ufunguzi wa semina ya siku moja ya Viongozi wa kidini
katika kukuza dhana ya Utalii kwa wote,iliyofunguliwa na Rais wa
Zanzibar na Mwenyekiti wa Baraza la Mapinduzi Dk.Ali Mohamed Shein,
katika ukumbi wa Salama Bwawani Hotel Mjini Unguja leo.[Picha na
Ramadhan Othman,Ikulu.

WEMA SEPETU KUMSHUSHA NYOTA WA FILAMU OMOTOLA JALADE KUTOKA NIGERIA

Nyota wa filamu wa Nigeria, Omotola Jalade katika pozi matata

Nyota wa filamu wa Nigeria, Omotola Jaladekatika kivazi cha ofisini

Nyota wa filamu wa Nigeria, Omotola Jalade katika kivazi cha kutokea

MSHINDI wa Miss Tanzania mwaka 2006, Wema Sepetu, anatarajia kumdondosha nyota wa filamu wa Nigeria, Omotola Jalade hapa nchini.
Wema Sepetu, ambaye kwa sasa anatamba kwenye tasnia ya filamu anatarajia kumleta Omotola kwa ajili ya kusindikiza uzinduzi wa filamu yake mpya iitwayo Super Star.
Filamu hiyo ya Super Star, inazungumzia maisha ya Wema kuanzia utotoni kushiriki kwake Miss Dar Indian Ocean, Miss Kinondoni, Miss Tanzania hadi kuingia kwenye filamu.
Kwenye filamu hiyo Wema ameshirikiana na wasanii mbalimbali akiwemo mwimbaji wa Machozi Band, aitwaye Mwinyi.
Omotola, ambaye atatua Tanzania wiki hii, alianza kutamba kwenye tasnia hiyo baada ya kutoka na filamu iitwayo Iva mwaka 1993.
Hadi sasa nyota huyo amecheza jumla ya filamu 52, zikiwemo, Ties That Bind (2011), A Private Storm
Ije (2010), My Last Ambition (2009), Beyonce & Rihanna (2008), Temple of Justice (2008), Tomorrow Must Wait (2008) na nyingine nyingi.

Wakazi wa arusha waipokea kwa shangwe huduma mpya ya Airtel Jiunge na Supa5

.Mmoja wa wasanii anaeitikisa anga ya muziki wa hip hop nchini,anatamba na tuzo mbili za muziki huo huo huo wa hip hop,Roma akiamsha amsha hadhira kubwa ya watu iliojitokeza jioni ya leo kushuhudia uzinduzi wa huduma mpya ya kampuni ya simu za mkononi ya Airtel,Airtel Jiunge na Supa5,uliofanyika jana kwenye viwanja vya NMC mjini Arusha na kuhudhuriwa na umati mkubwa watu.

Sehemu ya Wakazi wa Arusha wakishangilia ujio wa huduma mpya ya Airtel Supa5

.Anajiita Mwamba wa Kaskazini,Msanii mwingine mahiri katika miondoko ya muziki wa hip hop nchini,Joe Makini akitumbuiza kwenye jukwaa jana kwenye viwanja vya NMC jijini Arusha,wakati kampuni ya simu za mikononi ya Airtel ilipokuwa ikizindua huduma yake mpya ya Airtel Jiunge na Supa5 kwa wakazi wa Arusha.

Wakazi wa jiji la Arusha wakiendelea kuhamia na kujiunga kwa wingi na Airtel.

.Sehemu ya Wakazi wa Arusha wakishangilia ujio wa huduma mpya ya Airtel Supa5

Msanii mahiri wa muziki wa kizazi kipya kutoka kundi la Wanaume Halisi lenye maskani yake Temeke,jijini Dar es Salaam,Juma Nature akiwarusha baadhi ya wakazi wa jiji la Arusha waliojitokeza kwa wingi kwenye viwanja vya NMC, wakati kampuni ya simu za mikononi ya Airtel ilipokuwa ikizindua huduma yake mpya ya Airtel Jiunge na Supa5 kwa wakazi wa Arusha.

Pichani kati ni Meneja Mauzo wa Kampuni ya simu za Mikononi ya Airtel-Arusha,Bwa Stephen Akyoo akiwa katika picha ya pamoja na washindi walioielezea vyema huduma mpya ya Airtel Jiunge na Supa5 na kujishindia zawadi ya simu aina Samsung.Kulia ni Lucas George na shoto ni Swalehe Mohamed.

Meneja Mauzo wa Kampuni ya simu za Mikononi ya Airtel-Arusha,Bwa Bw Stephen Akyoo akimkabidhi simu aina ya Samsung mmoja wa wakazi wa Arusha aitwaye Lucas George mara baada ya kushinda shindano la kughani ,wakati kampuni ya simu za mikononi ya Airtel ilipokuwa ikizindua huduma yake mpya ya Airtel Jiunge na Supa5,uliofanyika kwenye viwanja vya NMC mjini Arusha. Huduma ya Airtel Jiunge na Supa5 ilizinduliwa rasmi hivi karibuni jijini Dar na baadaye kuendelea kuzinduliwa katika mikoa mbalimbali kwa ajili ya kuwapa kilicho bora wateja wake popote pale walipo.

WAKALI DANCERS WASHEREHEKEA MIAKA 4 DAR LIVE MBAGALA

SHEREHE za miaka minne ya kundi la Wakali Dancers jana zilifana ndani ya ukumbi wa kisasa wa burudani, Dar Live uliopo Mbagala Zakhem, jijini Dar. Vikundi vya taarab vya Kings, Coast Modern na Kidumbaki kutoka Zanzibar pamoja na Talent Band vilifanya ‘bonge la kufuru’ kwa mashabiki waliofika katika ukumbi huo kwa ajili ya kuburudika wikiendi.

Wakali Dancer wakiwa na bendera yenye nembo yao wakati wakisherehekea miaka 4 ya kuanzishwa kundi lao.

...wakizidi kunogesha sherehe hizo.

...wakicheza wimbo wa Thriller ulioimbwa na Michael Jackson.

...wakizidi kupagawisha.

MMOJA MBARONI KWA MAUAJI, HUKU AJALI KUSABABISHA KIFO

Kamanda wa Polisi Mkoa wa DODOMA, Kamishna Msaidizi Mwandamizi wa Jeshi la Polisi Bw. Zelothe Stephen akisani taarifa kwa ajili ya vyombo vya habari(Press Release)

Na. Luppy Kung’alo,wa Jeshi la Polisi Dodoma

Jeshi la Polisi Mkoani Dodoma linamshikilia mtu mmoja aliyefahamika kwa jina la RAMADHANI S/O AMIR Mwenye umri wa miaka 24, Mkulima na Mkazi wa Pahi wilayani Kondoa kwa tuhuma za mauaji.

Kamanda wa Polisi Mkoa wa Dodoma Bw. Zelothe Stephen alisema tukio hilo la mauaji lilitokea tarehe 17/06/2012 majira ya saa 17:15 jioni katika kitongoji cha Lusangi Kijiji na Tarafa ya Pahi Wilaya ya Kondoa Mkoani Dodom.

Akizungumzia tukio hilo alisema kwamba mtuhumiwa huyo alimshambulia na kumpiga bwana MOHAMED S/O IBRAHIM Mwenye umri wa miaka 60, Mkulima na Mkazi wa Lusangi kwa kumpiga na kipande cha kuni kichwani na kisha kumchoma na kitu chenye ncha kali kifuani.

“Marehemu alikuwa nyumbani kwake na mara ghafla akatokea mtuhumiwa huyo na kuanza kumpiga na kumshambulia.” Alisema Kamanda Zelothe Stephen

Bw. Zelothe alisema kwa mujibu wa maelezo yaliyotolewa na majirani wa eneo hilo walidai kwamba mtuhumiwa ni mgonjwa wa akili, hata hivyo mtuhumiwa amekamatwa na atafikishwa mahakamani kujibu tuhuma zinazomkabili.

Mkuu huyo wa Polisi Mkoa wa Dodoma alisema Mwili wa marehemu umehifadhiwa katika chumba cha kuhifadhi maiti katika Hospitali ya Wilaya ya Kondoa.

BODI YA UTALII TANZANIA YAPONGEZWA KWA KAZI NZURI

Katibu Mkuu wa Wizara ya Maliasili na Utalii Bibi Maimuna Tarish (Kushoto) akizungumza na wajumbe wa Baraza la Wafanyakazi wa Bodi ya Utalii Tanzania –TTB alipokuwa akifungua kikao cha baraza hilo kilichofanyika katika ukumbi wa chuo cha Utalii jijini Dar es salaam hivi karibuni. Katikati ni Mwenyekiti wa Baraza hilo ambaye pia ni Mkurugenzi Mwendeshaji wa Bodi ya Utalii Dk. Aloyce Nzuki, na kulia ni Katibu wa Baraza hilo Bw Elirehema Maturo.

Na: Geofrey Tengeneza

Bodi ya Utalii Tanzania (TTB) imepongezwa kwa kazi nzuri inayofanya katika utekelezaji wa majukumu yake ikiwa ni pamoja na jukumu kubwa la kuitangaza Tanzania kama eneo bora lenye vivutio vingi vya kitalii duniani pamoja na ushindani mkubwa kutoka nchi nyingine na hivyo kufanya idadi ya watalii wanotembelea nchi yetu kuendelea kuongezeka mwaka hadi mwaka sambamba na kuongezeka kwa pato la Taifa litokanalo na sekta ya utalii.

Akifungua kikao cha Baraza la Wafanyakazi wa Bodi ya Utalii hivi karibuni katika ukumbi wa Mikutano wa chuo cha Utalii jijini Dar es salaam Katibu Mkuu wa Wizara ya Maliasili na Utalii Bibi Maimuna Tarish amesema Bodi ya Utalii imeendelea kutekeleza vema majukumu yake na kwamba wafanyakazi wa taasisi wana kila sababu ya kujivunia mafanikio haya kwa kuwa kila mmoja kwa nafasi yake amechangia katika mafanikio hayo. Amewataka wafanyakazi kuendelea kuwa wabunifu zaidi kwa kuibua mawazo mapya yatakayosaidia kuboresha utendaji wa Bodi siku hadi siku na kujipima kwa matokeo ya kazi na mipango wanayojiwekea. “Nawaomba sambamba na kuwa na mipango ya kazi mfanye kazi kwa matokeo na kuwa wabunifu kadri iwezekanavyo kwa kila mfanyakazi kujitahidi kuwa na mawazo mapya ambayo yatasaidia shirika kuboresha utekelezji wa majukumu majukumu yake” alisema Bibi Maimuna.

Akizungumzia mikutano ya Baraza la Wafanyakazi sehemu za kazi Katibu Mkuu huyo amesema jambo muhimu sana katika kutatua baadhi ya matatizo yanayoikabili taasisi husika kwa kuwa mikutano hiyo ndicho chombo cha juu kabisa ambacho wafanyakazi kupitia wawakilishi na viongozi wao wa vyama vya wafanyakazi na Menejimenti wanapata fursa ya kukaa pamoja na kujadili masuala mbalimbali yanayohusu taasisi na wafanyakazi kwa ujumla. Amesema kwa kufanya hivyo ni kutekeleza kwa vitendo agizo la serikali linalolenga katika kuendeleza na kudumisha utawala bora jambo ambalo linadumisha umoja na mshikamano baina ya wafanyakazi.

Baraza hili jipya la wafanyakazi wa Bodi ya Utalii Tanzania pamoja na mambo mengine kadhaa katika kikao chake hicho cha siku mbili lilipokea na kujadili makadirio ya mapato na matumizi ya Bodi katika kipindi cha mwaka 2012/2013, na taarifa ya utekelezaji wa mipango na kazi mbali mbali za Bodi katika kipindi cha Julai 2011 hadi Machi 2012.

Utalii nii Sekta ya pili nchini kwa kuchangia katika pato la Taifa ambapo inachangia kiasi cha asilimia 17.2 baada sekta ya Madini ambayo ndiyo inaongoza. Aidha kwa mujibu wa takwimu za mwaka 2011 idadi ya watalii waliotembelea Tanzania kutoka nchi mbalimbali duniani iliongezeka kutoka watalii 782,699 mwaka 2010 hadi watalii 867,994. Nayo mapato yatokanayo na utalii yaliongezeka kutoka dola za Kimarekani 1,254.50 mwaka 2010 hadi ufikia dola za kimarekani 1,348,30

PHILIP GUCHA AKABIDHIWA PIKIPIKI YAKE ALIYOSHINDA KATIKA PROMOSHENI YA "VUMBUA HAZINA CHINI YA KIZIBO"

Mkazi wa Iringa Bw. Philip Gucha akiwa amepanda pikipiki mpya ambayo amejishindia katika promosheni ya VUMBUA HAZINA CHINI YA KIZIBO NA SBL, makabidhianoya pikipiki hiyo yalifanyika jana mkoani Iringa mjini.

Kampuni ya Bia ya Serengeti jana imekabidhi zawadi ya bajaji mpya na pikipiki mpya kabisa kwa washindi wa zawadi hizo mkoani Iringa ambapo Bajaji ilikabidhiwa kwa Bw Fadhili Manzi katika mji mdogo wa Mafinga mkoa humo na pikipiki ilikabidhiwa kwa bw………… mjini Iringa ni katika promosheni ya VUMBUA HAZINA CHINI YA KIZIBO na SBL inayoendeshwa na kampuni ya bia ya Serengeti.

Ni wiki ya 6 sasa kati ya wiki 16 za promosheni hiyo ambapo katika droo ya sita iliyochezeshwa hivi karibuni washindi wawili walipatikana ambao ni bw. Deusdedit Tobias Njau 22 kutoka kiboroloni mkoani Kilimanjaro ambaye alijishindia jenereta mpya na Bw. Vicent Lymo 36 kutoka kibosho mkoani Kilimanjaro ambaye amejinyakulia pikipiki mpya kabisa ambayo naye atakabidhiwa zawadi yake siku chache zijazo pindi taratibu za usajili zitakapokamilika.

Makabidhiano hayo yalifanyika jana na kupata kuhudhuriwa na waandishi wa habari wa vyombo mbalimbali vya habari hapa nchini huku tukio zima likishuhudiwa na umati mkubwa wa watu ambao walitoa maoni mabalimbali juu ya zoezi zima la promosheni hiyo na kusema SBL inabadilisha maisha ya watanzania wengi hasa vijana jambo ambalo linapaswa kuigwa na makampuni na mashirika mengine hapa nchini.Washindi hao wameishukuru SBL nakuitaka iendelee na moto huohuo.

Akiongea na waandishin wa habari wakati wa kukabidhi zawadi hizo meneja wa masoko SBL mkoa wa Iringa Bw. Philip Gucha amesema washindi hao walipatikana kihalali na kwamba kila mtanzania mweneye sifa zilizoainishwa katika vigezo na masharti ya promosheni hiyo ana haki na uwezo wa kushiriki na kushinda zawadi mojawapo au zaidi kati ya zawadi zilitajwa katika promosheni hiyo “leo tunawakabidhi hawa zawadi zao lakini zawadi hizi ni robot u ya zawadi zite ambazo tunawasubiri ninyi watanzania na wateja wetu wote kujishindia” alisemaGucha na kuwataka watanzania wote wenye mapenzi mema na kampuni ya bia ya Serengeti waendelee kushiriki kwani batahi ya mtu haiwezi kwenda kwa mwingine.

Hii ni droo ya sita wiki ya sita mfululizo ambapo bado takriban wiki 11 sasa ili kuisha kwa promosheni hiyo ya pekee na ya kwanza kutokea hapa nchini ambapo zaidi ya milioni 780 za kitanzania zinashindaniwa kote nchini

Kwa upande wake mshindi wa bajaj bw. Fadhili Manzi amesema kwasasa safari ya maisha yake na familia yake itabadilika kutokana na zawadi hiyo kwani ni sawa na mkulima hodari kuzawadiwa trekta “Sasa wale vijana wenye uwezo wa kuendesha bajaj walete vyeti na leseni zao za udereva wa bajaj ili niwape kazi kwani hii bajaj inaanza biashara haraka iwezekanavyo” alisema Manzi ambaye alionekana kujawa na furaha ya pekee na kutumia fursa hiyo kuishukuru kampuni ya bia ya Serengeti kwa kumwezesha kupiga hatua kubwa kimaisha.

WAKUFUNZI WA SENSA WAPIGWA MSASA

Mkurugenzi Mkuu wa Ofisi ya Taifa ya Takwimu Dkt Albina Chuwa akitoa ufafanuzi kwa wakufunzi wa Sensa kwa ngazi ya kitaifa jana mjini Dodoma. Wakufunzi hao wanaandaliwa kwa ajili ya kwenda katika mikoa mbalimbali nchini kwa ajili ya kuwaelimisha wengi watakaosaidia kufanikisha zoezi la sensa tarehe 26 mwezi Agosti mwaka huu.PICHA NA VICENT TIGANYA WA MAELEZO

Baadhi ya viongozi wa Ofisi ya Taifa ya Takwimu na wakufunzi wa Sensa kwa ngazi ya Kitaifa wakiwa watulia kimya kwa dakika mbili kwa ajili ya kuombeleza kifo cha Mhariri wa Jamboleo Willy Edward kilichotokea mjini Morogoro alipokuwa akihudhuria mafunzo ya sense kwa wahariri . Viongozi na wakufunzi hao walikuwa katika mafunzo ya siku 10 tayari kwa ajili ya kwenda kufundisha hatua za mikoa . Mafunzo hayo yanaendeshwa na Ofisi ya Taifa ya Takwimu (NBS)yalianza jana mjini Dodoma.

Kamishna wa Sensa Hajjat Amina Mrisho akitoa neno la utangulizi kwa wakufunzi wa Sensa kwa ngazi ya Kitaifa wakati wa mafunzo ya siku 10 tayari kwa ajili ya kwenda kufundisha hatua za mikoa . Mafunzo hayo yanaendeshwa na Ofisi ya Taifa ya Takwimu (NBS) yalianza jana mjini Dodoma.

Baadhi ya wakufunzi wa Sensa kwa ngazi ya Kitaifa wakiwa katika mafunzo ya siku 10 tayari kwa ajili ya kwenda kufundisha hatua za mikoa wakifuatilia mafunzo kutoka kwa wataalam mbalimbali walikuwa wakitoa mada mbalimbali. Mafunzo hayo yanaendeshwa na Ofisi ya Taifa ya Takwimu (NBS) yalianza jana mjini Dodoma.

Shairi kutoka kwa mdau Mroki Mroki:Kapumzike kwa amani Wille wa Ogunde

Kapumzike kwa amani Wille wa Ogunde

Salaamu wasomaji, Moyo naupiga konde,

Sihitaji hata maji, kama viazi mviponde,

Nimejawa na simanzi, Kifo cha kaka Ogunde,