TAARIFA KWA UMMA

SERIKALI KUENDELEA KUDUMISHA USHIRIKIANO NA IRAN

 Waziri wa Habari, Utamaduni, Sanaa na Michezo Mhe. Nape Moses Nnauye (kushoto) akizungumza na Mshauri wa Masuala ya Utamaduni kutoka Kituo cha Utamaduni wa Iran  hapa nchini Bw. Ali Bagheri alipomtembelea ofisni kwake leo jijini Dar es Salaam.

MHE. KAIRUKI ATEMBELEA MFUKO WA RAIS WA KUJITEGEMEA (PTF)

 Waziri wa Nchi, Ofisi ya Rais – Utumishi na Utawala Bora Mhe. Angellah  Kairuki (Mb) (kushoto)  akimsikiliza Kaimu Mkurugenzi Mtendaji wa Mfuko wa Rais wa Kujitegemea (PTF) Bi. Haighat Kitala (kulia) alipotembelea ofisi hiyo mapema leo.

WABADILISHAJI WA FEDHA TUNDUMA SASA KULIPIA KODI TRA: NAIBU WAZIRI WA FEDHA DKT ASHATU KIJAJI AIAGIZA

Naibu Waziri Fedha na Mipango Dkt,Ashatu Kijaji akizungumza na waandishi wa habari Mkoani Mbeya ( hawapo pichani) mara baada ya kufanya ziara katika Mpaka wa Tunduma na Zambia .

UCHUMI WA TANZANIA WAZIDI KUSHIKA KASI

Mkurugenzi Mkuu wa Ofisi za Taifa ya Takwimu Dkt. Albina Chuwa (katikati) akisisitiza jambo kwa waandishi wa habari (hawapo pichani) mapema hii leo jijini Dar es Salaam wakati akitoa takwimu za pato la Taifa kwa kipindi cha robo ya tatu ya mwaka 2015 (Julai – Septemba), kulia ni Mhadhiri Mwandamizi wa Uchumi wa Chuo Kikuu cha Dar es Salaam, Dk. Haji Semboja na kushoto ni Mkurugenzi wa Sera na Utafiti toka Shirikisho la Wenye Viwanda Tanzania (CTI) Bw. Hussein Kamote.

MBUNGE NASSARI ATEMBELEA KARAKANA YA VIFAA TIBA KATIKA MJI GUANGZHOU NCHII CHINA

Mbunge wa jimbo la Arumeru Mashariki ,Joshua Nassari akiwa katika moja ya karakana ya kutengeneza vifaa tiba katika mji wa Guangzhou nchini China.

MBUNGE WA EALA, SHY-ROSE BHANJI AKUTANA NA BALOZI WA RWANDA

 Mbunge wa Bunge la Afrika Mashariki, Mh. Shy-Rose Bhanji, (kushoto), akipeana mikono na Balozi wa Rwanda hapa nchini, Mh.Eugene Kayihura ofisini kwa balozi Masaki jijini Dar es Salaam, Jumatano Januari 13, 2016. Mh. Bhanji alifika kumsalimia na kumtakia heri ya mwaka mpya balozi huyo ambaye nchi yake ni mwanachama wa Jumuiya ya Afrika Mashariki. 

WAZIRI WA HABARI,UTAMADUNI,SANAA NA MICHEZO AKUTANA NA BODI YA WAKURUGENZI YA TBC

 Mkurugenzi mtendaji wa TBC Clement mshana ambaye pia ni katibu wa bodi ya wakurugenzi ya TBC akimueleza jambo Waziri wa Habari, Utamaduni, Sanaa na Michezo leo jijini Dar es Salaam walipokutana kuzungumzia changamoto mbali mbali za Shirika Hilo.

WAZIRI MKUU MAJALIWA AKUTANA NA BALOZI WA QATAR NA BALOZI WA KUWAIT NCHINI

Waziri Mkuu, Kassim Majliwa akizungumza na balozi wa Qatar nchini, Mhe. Abdallah Jassim al Maadadi ofisini kwake jijini Dar es salaam Januari 13, 2016. (Picha na Ofisi ya Waziri Mkuu)

MAADHIMISHO YA CCM KUFANYIKA ZANZIBAR KILELE KUITIKISA SINGIDA

Na Chalila Kibuda,Globu ya Jamii.

CHAMA cha Mapinduzi (CCM) kinatarajia kuadhimisha miaka 39 ya kuzaliwa kwake na kumbukumbu hiyo itazinduliwa  Januari 31,Unguja –Zanzibar chini ya mgeni rasmi  Makamu Mwenyekiti wa CCM na Rais wa Zanzibar Dk. Ali Mohamed Shein.

Akizungumza na waandishi wa habari wakati akitangaza maadhimisho ya chama hicho,Katibu wa Halmashauri Kuu ya Taifa,Itikadi na Uenezi, Nape Nnauye amesema baada ya uzinduzi wa maadhimisho hayo Zanzibara,kilele chake kitakuwa mkoani Singida ambako zitafanyika kazi mbalimbali ikiwemo na ya kuingiza wanachama wapya, kufanya kazi za kujiletea maendeleo kwa kujenga madarasa,kupanda miti,pamoja na kufanya kazi za usafi .

Amesema viongozi wa kitaifa na baadhi ya wajumbe wa Kamati Kuu watapangiwa shughuli za ujenzi wa chama na taifa kwa ujumla katika wilaya za Mkoa wa Singida siku tatu kabla ya kilele ya maadhimisho ambayo yatafanyika mkoani Singida.

Nape amesema mgeni rasmi katika kilele cha maadhimisho hayo yatakayofanyika Februari 6 mkoani  Singida,anatarajiwa kuwa ni Mwenyekiti wa Chama hicho,Rais Mstaafu wa Awamu ya Nne,Dk.Jakaya Kikwete.

Kauli Mbiu ya maadhimisho kwa Chama hicho kwa mwaka huu kimetajwa kuwa ni “Sasa kazi,Kujenga Nchi na  Kukijenga Chama”.Maadhimisho ya CCM hufanyika kila Februari 5 ikiwa ni kumbukumbu ya kuzaliwa kwa CCM Februari 5 ,1977 iliyotokana kuungana kwa ASP na Tanu.

Katibu wa NEC Itikadi na Uenezi Ndugu Nape Nnauye akizungumza na Baadhi ya Waandishi wa habari,mapema leo kuhusiana na uzinduzi wa maadhimisho ya sherehe za chama hicho pamoja na kilele chake ambacho kinatarajiwa kufanyika mkoani Singida,Mkutano huo umefanyika kwenye ofisi ndogo za chama hicho zilizopo mtaa wa Lumumba,jijini Dar .

MAHAKAMA KUU YA TANZANIA YATOA MSAADA WA VITU MBALIMBALI KWA MAHABUSU YA WATOTO JIJINI DAR ES SALAAM.

Na. Aron Msigwa-MAELEZO.

13/1/2016. Dar es salaam.

Jamii imeaswa kujenga utamaduni wa kuwasaidia watu na makundi yenye mahitaji maalumu hususan wafungwa walio magerezani na wasiojiweza  ili kudumisha upendo na kuyafanya makundi hayo kujiona yanathaminiwa katika jamii.

Wito huo umetolewa leo jijini Dar es salaam na Mkuu wa Kitengo cha Habari na Mawasiliano Mahakama Kuu ya Tanzania Bw. Nurdin Ndimbe wakati akikabidhi msaada wa vyakula na vitu mbalimbali kwa Mahabusu ya Watoto ya jijini Dar es salaam vilivyotolewa na Mahakama Kuu ya Tanzania kama zawadi yao ya mpya 2016.

Bw. Ndimbe amesema Mahakama Kuu ya Tanzania imetoa msaada wa vitu mbalimbali vikiwemo Mchele, Sabuni, Vinywaji, Chumvi, Unga wa Ngano, Unga wa Sembe, Mchele ,Sukari na Mafuta ya kupikia  kwa Mahabusu hao kuonyesha Upendo na namna Mahakama hiyo inavyowathamini watoto hao.

Ameongeza kuwa Mahakama Kuu ya Tanzania imetoa msaada huo kwa lengo la kujenga mahusiano mema baina yake na watoto hao ili waendelee kuipenda na kuwa na mtazamo chanya juu ya utendaji wake.

‘ Nimekuja kukabidhi msaada huu kwa niaba ya Mahakama Kuu ya Tanzania kwa Mahabusu hii ya Watoto ikiwa ni zawadi yao ya mwaka mpya, lengo letu ni kujenga mahusiano mema kati yetu Mahakama na watoto hawa wajue kuwa tunasaidia jamii katika masuala mbalimbali’’ Amesema Bw. Ndimbe.

Kwa upande wake Afisa Mfawidhi wa Mahabusu hiyo Bw. Ramadhan Yahaya akizungumza mara baada ya kupokea msaada huo ameishukuru Mahakama Kuu ya Tanzania kwa uamuzi wake wa kuwakumbuka Mahabusu hao.

Amesema kitendo cha Mahakama Kuu ya Tanzania kuwapatia msaada huo kimewapa faraja watoto hao na kuwafanya wajione wanathaminiwa na kupendwa na Mahakama hiyo.

Ametoa wito kwa Taasisi na Mashirika mengine kuiga mfano huo ulioonyeshwa na  Mahakama  Kuu ya Tanzania ili kudumisha upendo miongoni mwa makundi ya watu wenye mahitaji maalum.

 Mkuu wa Kitengo cha Habari na Mawasiliano Mahakama Kuu ya Tanzania Bw. Nurdin Ndimbe (kushoto) akimkabidhi Afisa Mfawidhi wa Mahabusu ya Watoto jijini Dar es salaam Bw. Ramadhan Yahaya (kulia) msaada wa vyakula na vitu mbalimbali vilivyotolewa na Mahakama Kuu ya Tanzania leo.

RAIS MSTAAFU, DK ALI HASSANI MWINYI ATUNUKIWA SHAHADA YA HESHIMA YA UDAKTARI WA SAYANSI YA JAMII YA CHUO KIKUU CHA KIMATAIFA CHA AFRIKA (IUA)

  Rais Mstaafu wa Tanzania, MzeeAli Hassani Mwinyi (katikati) akitunukiwa Shahada ya Heshima ya Udaktari wa Sayansi ya Jamii ya Chuo Kikuu cha Kimataifa cha Afrika (IUA) na Rais wa Sudani ambaye pia ni mkuu wa chuo hicho, Omar al-Bashir (wa pili kulia) mjini Khartoum, Sudani  hivi karibuni.

PROF. MUHONGO:TUNATAKA TANESCO IJIENDESHE KIBIASHARA:

Waziri wa Nishati na Madini, Profesa Sospter Muhongo (katikakati) akimsikiliza Mbunge Mteule wa Jimbo la Ludewa, Deo Ngalawa (kulia) wakati wa ziara ya waziri alipotembelea eneo la utafiti wa mradi wa Makaa ya Mawe Mchuchuma.

WAZIRI KITWANGA AKABIDHI VITANDA, MAGODORO, MASHUKA JIMBONI KWAKE, AAHIDI KUMALIZA TATIZO LA MAJI NA BARABARA MISUNGWI

Mganga Mfawidhi wa Kituo cha Afya cha Misasi, Ernest Msiba akikijaribu kimoja kati ya vitanda 20 kabla ya Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga (watatu kushoto) kumkabidhi vifaa hivyo Mkurugenzi wa Halmashauri ya Wilaya ya Misungwi, Nathan Mshana (wapili kushoto). Waziri Kitwanga alikabidhi vitanda (20), magodoro (20) pamoja na shuka (20) kwa ajili ya Kituo cha Afya cha Misasi pamoja na vitanda sita kati ya hivyo walikabidhiwa Zanahati ya Nyamijundu iliyopo Kata ya Kasololo jimboni humo. Hafla ya makabidhiano hayo ilifanyika katika Kijiji cha Misasi. Kushoto kwa Waziri ni Meneja wa Mfuko wa Pensheni wa PPF Kanda ya Ziwa, Meshack Bandawe, ambapo shirika lake pia lilitoa baadhi ya misaada katika kituo hicho cha afya. Picha zote na Felix Mwagara.

PROF. MUHONGO:UMEME WA MAKAA YA MAWE LAZIMA.

Waziri wa Nishati na Madini, Profesa Sospeter Muhongo (katikati) akizungumza na baadhi ya watendaji wa Mgodi wa Makaa ya Mawe ya Ngaka mara baada ya kuwasili katika mgodi huo wakati wa ziara yake ya kikazi mkoa wa Ruvuma. Wengine ni ujumbe aliofuatana nao   pamoja na Mbunge wa Mbinga vijijini, Martin Msuha, Mkuu wa Wilaya ya Mbinga Senyi Ngaga, Kamishna Msaidizi wa Madini, anayeshughulikia Leseni John Nayopa, Watendaji toka Shirika la Umeme Tanzania (TANESCO), Shirika la Maendeleo ya Taifa (NDC), Ofisi ya Madini Kanda ya Ziwa Nyasa, baadhi ya Maafisa toka Wizara ya Nishati na Madini na EWURA.

FLAVIANA MATATA FOUNDATION YATOA MSAADA SHULE YA MSINGI

MSINUNE Taasisi ya Flaviana Matata ilizindua rasmi msimu wa "BACK TO SCHOOL" kwa kutoa vifaa vya shule kwa jumla ya watoto 270 wa Shule ya Msingi Msinune ambayo ipo chini ya ulezi wa mwanzilishi wa #FMF na mwanamitindo wa Kimataifa Flaviana Matata. Zaidi ya kutoa vifaa vya Shule Flaviana Matata Foundation kwa kushirikiana na wadau wamefanikiwa kujenga choo na waalimu na wanafunzi shuleni hapo.Flaviana Matata akikabidhi mabegi ya shule kwa watoto wa shule ya Msingi ya Msinune ambapo ameteuliwa kama mlezi wa shule hiyo kwa mwaka wa tatu sasa.

CHUO CHA KODI CHAIMARIKA KWA UMAHIRI WA MAFUNZO YA FORODHA NA KODI KIMATAIFA

Mkuu wa Chuo cha Usimamizi wa Forodha na Kodi, Prof. Isaya Jairo akizungumza na wandishi wa habari (hawapo picha) jijini Dar es Salaam juu ya Mahafali ya nane yatakayofanyika katika Ukumbi wa Julius Nyerere tarehe 16 Januari mwaka huu, Mgeni rasmi anatarajiwa kuwa Waziri wa Fedha na Mipango, Dkt. Philip Mpango. Kutoka kushoto ni Makamu Mkuu wa Chuo Usimamizi wa Forodha na Kodi, Dkt. Lewis Ishemoi na  Bw.Charles Sabuni, Naibu mkuu wa Chuo (Mipango, Fedha na Utawala).

MASHUJAA RADIO YAWAPA RAHA WAKAZI WA LINDI. SASA NI BURUDANI KWA KWENDA MBELE.

 Mashujaa Radio Ilipowapa Raha Mashabiki wa Mkoa wa Lindi, Ni Katika Usiku wa FM Academia, onyesho lililofanyika kwenye Ukumbi wa Oceanic Hoteli, Katika Picha ni baadhi ya Wanenguaji wa Bendi hiyo Wakati wakitikisha na kuwakosha Mioyo Mashabiki wa Mashujaa Fm Radio, na Picha ya Juu ni Raisi wa Fm Academia Nyoshi akiwa na Mratibu wa Onyesho hilo, Juma Diwani ambaye ni Mkuu wa Uratibu wa Maonyesho wa Mashujaa Radio 89.3, Lindi Sasa Inaongea.imefanyika 9/1/2016 (Picha Zote Na: Dj, Kizzo).

KATIBU MWENEZI CCM MKOA WA MWANZA ATOA MAAGIZO KWA WAWAKILISHI WA WANANCHI.

Katibu Mwenezi wa CCM Mkoa wa Mwanza Simon Mangellepa akiongea na Wanahabari katika ofisi za Chama hicho Mkoa wa Mwanza.

WAZIRI MKUU AMFARIJI MAMA MARIA NYERERE KUFUATIA KIFO CHA MKWEWE MH. LETICIA NYERERE

Waziri Mkuu, Kassim Majliwa akitia saini kitabu cha Maombolezo ya kifo cha Mbunge wa zamani,Leticia mageni Nyerere wakati alipokwenda kumhani mjane wa Baba wa taifa, Mama Maria Nyerere Msasani jijini Dar es salaam Januari 12, 2016.

WAZIRI UMMY MWALIMU AFANYA ZIARA KATIKA DAWATI LA JINSIA NA WATOTO LA MKOA WA RUVUMA

 Waziri wa Afya, Maendeleo ya Jamii, Jinsia, Wazee na Watoto,Ummy Mwalimu (Mb.)akiwa katika picha ya pamoja na wadau mbalimbali wa Maendeleo ya Mtoto, mbele ya Ofisi za Dawati la Jinsia na Watoto la Mkoa wa Ruvuma.

WAZIR MKUU MAJALIWA AWAJULIA HALI SUMAYE NA BALOZI KIBELLOH MUHIMBILI

 Waziri Mkuu, Kassim Majaliwa akimpa pole Waziri Mkuu, Mstaafu Frederick Sumaye  ambaye amelazwa katika hospitali ya taifa ya Muhimbili kwa matibabu Januari 12, 2016.

KILELE CHA SHEREHE ZA MAADHIMISHO YA MIAKA 52 YA MAPINDUZI YA ZANZIBAR.

 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akiwapungia mkono wananchi walioshiriki katika kilele cha Sherehe za Mapinduzi Matukufu ya Zanzibar kutimia miaka 52 katika Uwanja wa Amaan Studium leo akiwa katika gari maalum.

MAADHIMISHO YA SIKU YA MAPINDUZI ZANZIBAR.

GLOBAL YATOA MIFUKO 100 YA SARUJI UJENZI SEKONDARI KINONDONI

DC, Makonda (kulia) akipokea mfuko wa saruji kutoka wawakilishi wa Global, Elvan Stambuli (katikati) na David Mwaipaja (kushoto).

SERIKALI KUKAMILISHA UKARABATI WA KITUO CHA AFYA CHIPOLE.

 Mkurugenzi Idara ya Uratibu Maafa Ofisi ya Waziri Mkuu, Brig. Jen, Mbazi Msuya akisisitiza umuhimu wa kuwa na Kituo cha Afya chenye vifaa tiba, tarehe 12 Januari 2016, wakati alipokuwa akikagua ukarabati wa kituo cha Afya cha Chipole wilayani songea vijijini, baada ya kituo hicho kuungua mwaka 2013 na Ofisi hiyo kukikarabati. (wa kwanza kulia) ni Makamu wa Mama Mkubwa Chipole, Sista. Sairis Mkinga.

WAZIRI UMMY MWALIMU ATEMBELEA JENGO LA ZAHANATI YA MPINGI WILAYA YA SONGEA.

Waziri wa Afya Maendeleo ya Jamii Jinsia Wazee na Watoto Mheshimiwa Ummy Mwalimu ametembelea jengo la zahanati ya Mpingi, wilaya ya Songea Vijijini na kuzungumza na wanakijiji wa eneo hilo.

 Ziara hiyo ni moja kati ya kazi anazozifanya mkoani hapa kwa lengo la kuzungumza na wananchi, watoa huduma na watumishi wa sekta ya afya ili kuboresha huduma za matibabu na kuhamasisha wananchi kushiriki katika shughuli mbalimbali za afya ikiwemo uchangiaji katika mfuko wa Bima ya Afya.

Baada ya kufika kijijini hapo na kuona jitihada zilizofanywa na

na wananchi katika kujenga zahanati ya kijiji, Waziri Ummy aliwaahidi wananchi hao mabati na misumari ili kuunga mkono ujenzi wa zahanati hiyo. 

Mheshimwa Ummy Mwalimu akisaini kitabu cha wagenii kijijini Mpingi .

WAZIRI UMMY MWALIMU ATEMBELEA HOSPITALI YA PERAMIHO SONGEA

Waziri Ummy Mwalimu akisalimiana na Padri Lucius wa hospitali ya Peramiho

SAMATTA APONGEZWA DAR LIVE.

Mchezaji Bora wa Mwaka 2015 kwa Wachezaji wa Ndani, mchezaji wa Taifa Stars na Klabu ya TP Mazembe ya DRC Congo, Mbwana Samatta.

MADALALI WA ARDHI WAONYWA, WAZIRI LUKUVI AFANYA ZIARA KIBAHA ADHAMIRIA KUMALIZA MIGOGORO YA ARDHI

Waziri wa Ardhi, Nyumba na Maendeleo ya Makazi, Wiliam Lukuvi akisaini kitabu cha wageni alipowasili Ofisi ya mkoa wa Pwani kukagua utendaji wa kazi kuzungumza na wananchi pia kusikiliza malalamiko na kero zao kuhusu maswala ya ardhi alipokuwa kwenye ziara ya kikazi katika Wilaya ya Kibaha

WAFANYAKAZI WA MAZNAT WAPATA SEMINA KUHUSIANA NA UWEKEZAJI WA PAMOJA

Mkurugenzi wa Maznat Bridal akifungua semina kwa wafanyakazi wake juu ya huduma bora kwa wateja, ujasiriamali na Uwekezaji wa Pamoja iliyofanyika katika hoteli ya Kebbs jijini Dar es Salaam.

VIONGOZI WA WILAYA YA MISUNGWI WAKUTANA NA WAZIRI KITWANGA KATIKA KUCHANGIA MIRADI YA MAENDELEO

 Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga akizungumza na Wakuu wa Idara wa Halmashauri ya Wilaya ya Misungwi mkoani Mwanza mara baada ya kupokelewa wilayani hapo. Waziri Kitwanga aliwataka viongozi hao kuongeza nguvu kubwa ya kukusanya kodi kwa wafanyabiashara wenye mitaji mikubwa na si kuwasumbua wafanyabiashara wadogowadogo. Pia aliwataka viongozi hao wahakikishe hakuna mwanafunzi atakayekaa chini darasani ifikapo mwakani.

VIONGOZI WA WILAYA YA MISUNGWI WAKUTANA NA WAZIRI KITWANGA KATIKA KUCHANGIA MIRADI YA MAENDELEO.

 Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga akizungumza na Wakuu wa Idara wa Halmashauri ya Wilaya ya Misungwi mkoani Mwanza mara baada ya kupokelewa wilayani hapo. Waziri Kitwanga aliwataka viongozi hao kuongeza nguvu kubwa ya kukusanya kodi kwa wafanyabiashara wenye mitaji mikubwa na si kuwasumbua wafanyabiashara wadogowadogo. Pia aliwataka viongozi hao wahakikishe hakuna mwanafunzi atakayekaa chini darasani ifikapo mwakani.

Special East African Resident Accommodation Rates. Serengeti Serena Lodge | Lake Manyara Lodge | Ngorongoro Serena Lodge | Mbuzi Mawe Serena Camp | Kirawira Serena Camp | Zanzibar Serena Hotel

Can't see images?Click here...

Special East African Resident Accommodation Rates .