MADRASA RAHMAN GREASE MWISHO IMEFIWA NA MWANAFUNZI BI.SALAMA JUMA NYAMBI

Saturday, June 18, 2016 Maoni: 0

ASSALAAM ALAYKUM WARAHMATULLAH WABARAKATU 

Madrasat Rahman iliyopo Segerea mwisho, Dar es salaam  tunasikitika kutangaza kifo cha mwanafunzi wetu marehem Bi.Salama Bint Juma Nyambi (pichani kushoto mwenye gauni la bluu na mtandio mweupe). Msiba upo Segerea mwisho kwenye mtaa wenye madrasat Rahman. Maziko leo  ni Jumamosi 18.7.2016

 Allah amlaze mahala pema peponi- Amiin

CHUO CHA KUMBUKUMBU YA MWALIMU NYERERE CHAFANYA KONGAMANO KUHUSU UADILIFU NA UTAWALA BORA KATIKA KUSIMAMIA RASILIMALI ZETU

Saturday, June 18, 2016 Maoni: 0

Naibu Katibu Mkuu Wizara ya Elimu Sayansi na Teknolojia Dk.Lenard Akwilapo akikabidhiwa picha na Mwakilishi Makazi wa Shirika la KAS, Daniel El-Noshokaty ya waasisi wa ushirikiano kati ya Tanzania na Shirika lisilo la Konrad Adenauer Stiftung (KAS) la nchini Ujerumani, Hayati Mwalimu Julius Nyerere (kushoto pichani) na Konrad Adenauer (kulia), wakati wa Kongamano la la kitaifa na kimataifa lililokuwa na mada yake kuu uadilifu wa viongozi na utawala bora katika usimamizi wa maliasili kwa ajili ya maendeleo endelevu ya Tanzania lililofanyija katika Chuo cha Kumbukumbu ya Mwalimu Nyerere Kigamboni Dar es Salaam juzi.
Makamu Mwenyekiti wa Chama Cha Mapinduzi Tanzania Bara, Philip Mangula akichangia jambo kwenye kongamano hilo.
Taswira katika ukumbi wakati wa kongamano hilo.

Read more »

RC WA MWANZA MHE JOHN MONGELLA APOKEA GARI LA WAGONJWA

Saturday, June 18, 2016 Maoni: 0

 Mkuu wa mkoa wa Mwanza Mhe. John Mongella akikata Utepe kuashiria uzinduzi wa mapokezi ya Gari la Wagonjwa kutoka Rafiki Surgical Mission.

 Mkuu wa Mkoa wa Mwanza John Mongella, akikabidhi cheti cha Shukrani kwa Balozi Issaya Chialo, kama sehemu ya shukrani kwa kutambua mchango wa Rafiki Surgical Mission, walio utoa kwa Mkoa huo wa Gari la Wagonjwa.

Hilo ndilo gari lililotolewa na Rafiki Surgical Mission.

(Habari na picha zote na Afisa habari wa mkoa wa Mwanza)

Kwa picha zaidi BOFYA HAPA

Na Atley Kuni RS Mwanza. 

 Mkuu wa mkoa wa Mwanza Mhe John Mongella amepokea gari la Wagonjwa kutoka kwa Surgical Rafiki Mission kwaajili ya kuhudumia wananchi wa mkoa huo ambalo amelikabidhi kwa uongozi wa hospitali ya mkoa wa Mwanza Sekouture na kuwataka kuitunza kwa maslahi mapana ya wananchi wa mkoa huo. 

 Akizungumza kabla yakupokea gari hilo mkuu huyo wamkoa amesema, msaada walio upokea kutoka kwa Rafiki Mission ni masaada wakupigiwa mfano kwakuwa watu wengi wanabarikiwa vitu vingi lakini suala lakutoa misaada wameshindwa. 

RC  Mongella amesema kama mkoa ukipata marafiki wa aina ya Rafiki hawana budi kuwa ng’ang’ania wasiondoke kwenye himaya yao. 

“ Nafahamu hata sisi tunabarikiwa sana lakini hata siku moja hakuna mtu aliwahi kuleta hata mkasi, hivyo lazima tufahamu kutoa ni moyo na sio utajiri. Katika hatua nyingine mkuu huyo wa mkoa amesema, karibu asilimia tisini ya matatizo ya afya yanayo ikabili jamii ya kitanzania yamejikita katika suala la afya ya mama na mtoto ambayo kama taifa tukifanikiwa kuwekeza katika hili, basi matatizo mengine ya afya yataondoka yenyewe .

 

“ Najua suala la mama na mtoto ni tatizo mtambuka kwa taifa, hivyo tukiwekeza zaidi katika afya ya mama na mtoto tutakuwa tumekabili changamoto kubwa ya masuala ya afya na itawawezesha wananchi kujikita katika shughuli za maendeleo”, alisema Mongella 

 Awali akitoa salama za Rafiki Mission, Balozi Issaya Chialo, alisema wao kama Rafiki Mission, wanatambua matatizo yanayo ikabili jamii ya kitanzania hususan masuala ya afya, na kwamba wao kama Rafiki Surgical mission, hawana ubaguzi katika utoaji wa misaada kwa jamii nzima ya kitanzania.

 “ Mkuu wa mkoa sisi shughuli zetu zipo katika mkoa wa Mtwara tukijikita katika zaidi katika utafutaji wa mafuta na Gesi, lakini hiyo haituzuii sisi kupeleka misaada pembe zingine za nchi na ndio maana leo tupo katika mkoa wako wa Mwanza” alisema Balozi Chialo na kuongeza kuwa, wanajisikia fahari katika hilo. Chialo ameutaka uongozi wa Hospitali ya rufaa ya mkoa wa Mwanza Seko’uture kulitunza gari hilo la wagonjwa lenye thamani ya Mil. 40, ambalo litasaidia katika kuwakimbiza wagonjwa wenye mahitaji maaluma sehemu mbali mbali za mkoa huo na mikoa ya jirani. 

 Kwa upande wake Mganga Mkuu wa Mkoa wa Mwanza, Dkt. Subi, amesema hivi sasa hospitali ya mkoa huo inakabiliwa na changamoto ya chumba cha kutolea huduma ya upasuaji kwa akina mama, ambapo mkuu wa mkoa amemtaka Mganga huyo wa mkoa kutenga kiasi cha Mil. 5 kutoka katika makusanyo ya ndani ya hospitali ya mkoa huo na Mkuu wa mkoa kupitia wadau wa maendeleo atahakikisaha kiasi kingine cha fedha kinacho salia kinapatikana kwaajili ya ukarabati wa chumba hicho ambacho kinahitaji Mil.20 ili kiweze kufanya kazi ya upasuaji kwa akina mama. 

 Hospitali ya Rufaa ya mkoa wa Mwanza Seko’uture, imekuwa msaada kwa wagonjwa wa mkoa huo na mikoa ya jirani kutokana na huduma zake kuwa nzuri na madaktari mabingwa wanaopatikana katika mkoa huo.

=================================================

DAWA ZA MILIONI 294 ZILIZOKAMATWA KATIKA OPERESHENI ZAKABIDHIWA KWA MKUU WA MKOA WA DAR ES SALAAM.

Saturday, June 18, 2016 Maoni: 0

  Mkuu wa Mkoa wa Dar es Salaam, Paul Makonda akipokea dawa kutoka kwa Msajili wa baraza la Famansia , Elizabeth Shakalaghe ambazo walizikamata katika operesheni safisha maduka ya dawa   leo jijini Dar es Salaam.

Mkuu wa Wilaya ya Ilala,Raymont Mushi akipokea baadhi ya maboksi ya dawa jijini Dar es Salaam leo.

Na Chalila Kibuda, Globu ya Jamii.

BARAZA la  Famasia Tanzania  limekabidhi dawa  kwa Mkuu wa Mkoa wa Dar es Salaam, Paul Makonda zenye thamani ya Sh. milioni 294 zilizokamatwa katika operesheni safisha maduka ya dawa  iliyofanyika jijini Dar es Salaam.

Akizungumza wakati wa kukabidhi dawa  hizo Msajili wa baraza hilo, Elizabeth Shakalaghe amesema operesheni hiyo iliyofanyika katika Mikoa tisa na walifanikiwa kukamata dawa  zenye thamani ya zaidi ya  Sh. milioni 336 na kati ya dawa  hizo dawa  zenye thamani ya zaidi ya  Sh milioni 11 hazifai kwa matumizi ya binadamu.Alisema dawa hizo zitasambazwa katika hospitali zote za mkoa wa Dar es Salaam na zimehakikiwa.

Amesema katika Mkoa wa Dar es Salaam majalada 10 yamefunguliwa  mahakamani kwa wale waliokamatwa  na dawa  za serikali ambayo kwa sasa yapo katika hatua za upelelezi. 

"Bado kumekuwa na ongezeko  la maduka ya dawa ambayo yanaanzishwa kinyume na sheria na taratibu hususani katika Mkoa huu na tumebaini kwamba maduka yaliyofugwa wakati wa operesheni yanafunguliwa wakati wa usiku na kuendelea kutoa huduma za dawa .amesema.

Elizabeth amesema lengo la operesheni hiyo lilikuwa ni kuwabaini na kuwachukulia hatua stahiki wale wote watakaobainika kuvunja sheria ya famasi katika uendeshaji na utoaji wa huduma za dawa nchini.

Akizungumza baada ya kukabidhiwa dawa hizo, Mkuu wa Mkoa huu,Paul Makonda alisema wamiliki wa maduka ya dawa ambao hawana vibali wanatakiwa kufunga maduka hayo mara moja au kuzirudisha walikonunua  huku wengine wakifanya huduma nyingine ambayo ni tofauti na leseni walizoomba.

Makonda amevitaka  vyombo vya dola na watendaji wa ngazi ya mkoa , manispaa, kata na mitaa kuhakikisha wanayafunga na kuyaondoa maduka yote ambayo hayana vibali na yanayoendeshwa kinyume na sheria ya famansi nchini.

Aidha amevitaka vyombo vya dola kufanya operesheni nyakati za usiku ili kuweza kuwabaini na kuwachukulia hatua stahiki kwa wale watakaokaidi maagizo ya awali na kufanya biashara wakati wa usiku kwa kizingizio serikali imelala wakati huo.

==========================================

NAIBU SPIKA AKUTANA NA UJUMBE WA WABUNGE KUTOKA BUNGE LA CHINA

Saturday, June 18, 2016 Maoni: 0

Naibu Spika Dkt Tulia Ackson akisalimiana na Kiongozi wa Msafara wa Ujumbe wa Wabunge wa Kamati ya Mambo ya Nje kutoka Bunge la China ambaye pia ni Makamu Mwenyekiti wa Kamati hiyo Mhe Zhang Haiyang wakati alipofanya mazungumzo na Kamati hiyo Ofisini kwake Mjini Dodoma.

Naibu Spika Dkt Tulia Ackson akizungumza na Ujumbe wa Wabunge wa Kamati ya Mambo ya Nje kutoka Bunge la China kushoto ni Makamu Mwenyekiti wa Kamati hiyo Mhe Zhang Haiyang ambaye pia ni Kiongozi wa
Msafara huo.

Kiongozi wa Msafara wa Ujumbe wa Wabunge wa Kamati ya Mambo ya Nje kutoka Bunge la China ambaye pia ni Makamu Mwenyekiti wa Kamati hiyo Mhe Zhang Haiyang (katikati) akisanini Kitabu cha Wageni alipomtembelea Naibu Spika Dkt Tulia Ackson ofisini kwake Bungeni Mjini Dodoma.

Kiongozi wa Msafara Ujumbe wa Wabunge wa Kamati ya Mambo ya Nje kutoka Bunge la China ambaye pia ni Makamu Mwenyekiti wa Kamati hiyo Mhe Zhang Haiyang akimkabidhi Naibu Spika Dkt Tulia Ackson zawadi mara baada ya kuzungumza nae ofisini kwake Bungeni Mjini Dodoma.

Naibu Spika Dkt Tulia Ackson akiangalia zawadi aliyopewa na na Kiongozi wa Msafara Ujumbe wa Wabunge wa Kamati ya Mambo ya Nje kutoka Bunge la China ambaye pia ni Makamu Mwenyekiti wa Kamati hiyo Mhe Zhang Haiyang mara baada ya kuzungumza nao ofisini kwake Bungeni Mjini Dodoma.  (Picha na Ofisi ya Bunge)

=====================================================

KAMPUNI YA TING YATOA MAGETI YA CHUMA KUDHIBITI WEZI WA KOKI ZA MAJI UWANJA WA TAIFA

Saturday, June 18, 2016 Maoni: 0

Naibu Waziri wa Habari, Uramaduni, Sanaa na Michezo, Anastazia James Wambura (wane kushoto), akipeana mikono na Mkurugenzi Mtendaji wa kampuni ya Ting, Father Fernandez, wakati akipokea msaada wa mageti kwenye uwanja wa Taifa jijini Dar es Salaam Juni 17, 2016. Kampuni hiyoimetoa mageti 27 yenye thamani ya shilingi milioni 44.

NA K-VIS MEDIA/KHALFAN SAID

KAMPUNI YA kusambaza ving'amuzi vya televisheni ya Ting ya jijini Darves Salaam, imekabidhi mageti ya chuma  27 kwa uongozi wa uwanja wa taifa jijini Dar es Salaam ili kuwadhibiti “wakora” wanaoingia kwenye vyoo na kuiba koki za maji.

Akipokea msaada huo leo Juni 17, 2016 kwenye hafla fupi iliyofanyika uwanjanin hapo, Naibu Waziri wa Habri, Utamaduni, Sanaa na Michezo, Anastazia James Wambura, ameishukuru kampuni hiyo kwa msaada huo ambao utakomesha vitendo vya wizi na uharibifu wa miundo mbinu ya uwanja huo wa soka wa kisasa kabisa hapa nchini.

“Mwanzoni mwa mwezi wa tatu mwaka huu, nilifanya ziara ya kutembelea maeneo mbalimbali ya uwanja huu na kujionea uharibifu mkubwa kwenye vyoo ambapo koki za maji zimeibiwa na hivyo kusababisha baadhi ya vyoo kufungwa na kupelekea usumbufu mkubwa kwa mashambiki was ok.” Alisema Naibu waziri.

Naye Mkurugenzi mtendaji wa kampuni ya Ting, Mchungungaji Dkt. Veron Fernandos, alisema kampuni yake ambayo inajishughulisha na uagizaji na usambazaji wa ving’amuzi, imeona inao wajibu mkubwa wa kusaidia sekta ya michezo kwenye eneo hilo la kutunza miundombinu ya uwanja wa Taifa.

Alisema, Ting imetoa jumla ya mageti 27 yenye thamani ya shilingi milioni 44 ambayo yatasaidia kudhibiti wezi wanaoingia kwenye vyoo na kuiba koki na kuharibu miundombinu mingine.

K-VIS MEDIA imeshuhudia koki za maji kwenye baadhi ya vyoo zikiwa zimeng’olewa.

 Mkurugenzi wa kampuni ya Ting, Mchungaji Dkt. Vernon Fernados, akimuonyesha moja ya mageti hayo Naibu Waziri Anastazia James Wambura

 Mkazi wa jijini Dar es Salaam, akitoka kwenye vyoo vya juu vya uwanja wa Taifa jijini Dar es Salaam, ambavyo vimeathirika sana na wizi huo, Mageti hayo yatafungwa kwenye vyoo hivyo vya juu uwanja mzima

 Mkazi wa jiji akijisaidia kwenye moja ya vyoo hivo huku upande wa kushoto bomba linaonekana likiwa limeng'olewa koki. Kwa picha zaidi BOFYA HAPA

==========================================

KAMATI YA MPITO – TZUK YAKAMILISHA RASIMU YA KATIBA, KUUNDA SHIRIKISHO LA JUMUIYA NCHINI UINGEREZA, RASIMU TAYARI IMEIVA KWA KUIDHINISHWA NA MKUTANO MKUU WA WATANZANIA WOTE WANAOISHI NCHINI UINGEREZA (UK & NI)

Saturday, June 18, 2016 Maoni: 0

Salaam, Kwa niaba ya Kamati ya Mpito - TZUK naambatanisha Rasimu ya Katiba iliyoandaliwa na kamati hii chini ya Uongozi wa Mwenyekiti wake Eng. Dr. Julius Hingira, Kamati hii, ilichachaguliwa na watanzania wenyewe mwishoni mwa mwezi April mwaka 2016, na kupewa muda wa siku tisini kukamilisha kazi yake. Kamati ilijitambulisha ubalozini na kupata kufahamika rasmi kama chombo kilichopendekezwa na watanzania wenyewe.

Rasimu hii imezingatia maoni ya watanzania wanaoishi hapa nchini Uingereza na kuandikwa katika mfumo unaokusudia kuleta umoja, mshikamano na upendo, wakati wa shida na furaha, kwa kuunganisha nguvu za Jumuiya zote zilizopo hapa UK na Northern Ireland na kutoa rai ya kuanzishwa kwa Jumuiya katika maeneo ambayo hakuna Jumuiya, yaani “local community”.

Pia Rasimu imejikita katika mazingira yanayozingatia kujiendeleza kiuchumi, ajira na uwekezaji, ushauri na kujishirikisha katika kuboresha sekta mbalimbali za umma na binafsi,  bila kusahau usaidizi wa misaada mbalimbali nyumbani Tanzania, katika nyanja za elimu, afya, kilimo, etc na umiliki wa rasilimali kwa manufaa ya wanajumuiya.

Rasimu hii ya katiba itawakilishwa kupata baraka, katika mkutano mkuu wa pamoja kwa watanzania wote utakaondaliwa na ubalozi wetu hapo baadae kwa maagizo ya Mh. Waziri Mkuu alipozungumza nasi katika ziara yake hivi Karibuni.

Hivyo basi ni vyema tukaipitia kwa kusoma kipengele kwa kipengele na kuwafahamisha wengine kwa kuisambaza rasimu hii iwezekanavyo ili iwafikie watanzania walio wengi zaidi na tuweze kupata maoni yao zaidi kabla ya kuidhinishwa na mkutano mkuu wa pamoja na kupanga tarehe ya kufanya uchaguzi wa viongozi wa Jumuiya kuu Shirikisho moja, itakayoundwa kwa uwakilishi wa Jumuiya za maeneo mbalimbali hapa UK na Northern Ireland.

Pia kamati ya Mpito itafanya kazi ya kuelimishana kuhusu rasimu hii na kubabadilishana mawazo na watanzania wote hapa UK, kwa kila aina ya mawasiliano ili kufanikisha zoezi hili kwa ufasaha.

Rasimu hii pia itapatikana katika mitandao mbalimbali online kama facebook, blogs, websites, whatsapp na telegram phone appilication za TZUK na nyingine nyingi za kitanzania etc.

Facebook ya TZUK ni: https://www.facebook.com/tzuk.diaspora
twitter page ni https://twitter.com/TZUKDiaspora , 
Website:tzuk.org.uk.

Rasimu ya Katiba link hii hapa chini;

https://files.acrobat.com/a/preview/def4a1a2-3041-45f1-a967-7b74a579dc72

Natanguliza shukurani, 

wenu katika ujenzi wa Jumuiya;

Abraham Sangiwa

...................................................

Katibu Mkuu - Kamati ya Mpito - TZUK

Hospitali ya Amana yaboresha huduma zake

Saturday, June 18, 2016 Maoni: 0

Na Jacquiline Mrisho – MAELEZO

Hospitali ya Rufaa ya Amana Jijini Dar es Salaam imeboresha huduma za afya kwa kuweka mashine maalumu ya kutibu meno ijulikanayo kama (Ceramic dental machine) lengo ikiwa ni kuboresha huduma hizo katika hospitali za umma.

Akiongea katika mahojiano kwa njia ya simu Mganga Mkuu wa Hospitali hiyo Bw.Meshack Simwela ameeleza kuwa kwa sasa wataweza pia kutoa huduma ya afya kwa viongozi wa serikali pamoja na wabunge kupitia wodi maalum iliyotengwa kwa ajili yao ili kupata huduma hiyo wanapokuwa jijini hapa.

"Tunaishukuru sana Serikali yetu kwa kutuletea mashine hii maalumu kwa ajili ya magonjwa yote ya meno na tunaishkuru pia kwa kutushauri kutenga wodi maalumu kwa ajili ya kuwatibia viongozi mbalimbali wakati wakiwa hapa Dar es Salaam,ushauri huo tumeupokea na tumeufanyia kazi", alisema Simwela.

Aliongeza kuwa maboresho hayo yatasaidia wananchi kupata huduma bora za afya na kupunguza gharama za matibabu na kuondoa usumbufu wa kwenda kutafuta huduma hiyo katika hospitali binafsi.

Bw. Simwela anabainisha kuwa mashine hiyo ilikuwa ikipatikana katika Hospitali chache za binafsi na matibabu yake huchukua muda mwingi na gharama kubwa jambo ambalo lilikuwa likiwaumiza wananchi wenye kipato cha chini, hivyo upatikanaji wa huduma hiyo imekuwa msaada mkubwa sana.

Vilevile aliongeza kwa kutolea ufafanuzi suala la huduma ya wodi maalumu itakayokuwa ikitoa huduma za afya kwa viongozi na wabunge tayari imeshaanza kufanya kazi tangu mwezi Machi mwaka huu ikiwa na vyumba viwili vya wagonjwa mahututi (ICU) pamoja na vyumba 24 ambavyo vina sehemu ya kukaa, kulala pamoja na choo.

Aidha, amefafanua kuwa matibabu katika wodi hiyo yanaweza kulipiwa kwa bima ya afya au kwa fedha taslimu pia ameongeza kuwa wodi hizo hazijatengwa kwa ajili ya viongozi pekee bali zinaweza kutumika pia kwa wananchi wa kawaida watakaoweza kulipia gharama za matibabu zilizopangwa katika wodi hiyo.

Naye Afisa Habari wa Halmashauri ya Manispaa ya Ilala, David Langa amesema kuwa kufunguliwa kwa wodi hiyo kumesaidia sana waganga kuwepo katika vituo vyao vya kazi muda wote kwasababu huduma za afya kwenye wodi hiyo ni masaa 24 pia mganga anapomtibu mgonjwa anapatiwa asilimia 30 ya gharama za matibabu yale papo hapo,fedha hizo ni nje ya mshahara wa mwisho wa mwezi.

Ametoa rai kwa Serikali kuongeza mashine hizo maalumu kwa ajili ya magonjwa ya meno na kuziweka katika Hospitali mbalimbali ili kupunguza mlundikano wa wagonjwa wengi katika Hospitali moja.

==================================================

MERCY KITOMARI, MJASIRIAMALI KIJANA ANAYETAKA KUMUONA ‘ROLE MODEL’ WAKE RAIS MAGUFULI

Saturday, June 18, 2016 Maoni: 0

Mjasiriamali kijana na mmiliki wa Nelwa’s Gelato, Mercy Kitomari wakati akizungumza na Meneja Uendeshaji wa mtandao wa Habari wa Modewjiblog, Zainul Mzige (hayupo pichani).

MJASIRIAMALI kijana na mmiliki wa Nelwa’s Gelato, Mercy Kitomari amesema anatamani kukutana na Rais John Pombe Magufuli kumwelezea haja ya kukutana na wanawake wajasiriamali vijana wamweleze matatizo yao.

Amesema Rais baada ya kukutana na makundi mbalimbali ya wafanyabiashara , inafaa akutane na wajasiriamali wanawake vijana ambao wanapita katika magumu mbalimbali .

Alisema katika mahojiano hivi karibuni ambayo sehemu yake itachapishwa katika mtandao wa Modewjiblog muda wowote kwamba, rais Magufuli akiwa kama ‘Role Model wake’ katika kujituma, anaweza kuwasikiliza wanawake hao vijana na kusaidia kuwasukuma juu zaidi katika kampeni ya kuiweka Tanzania kuwa nchi ya viwanda.

“Nimekuwa nikikutana na wanawake wenzangu ambao wamekata tamaa na wamekuwa wakiniuliza ninawezaje kuendelea, nikawambia wasi-give up (wasikate tama) na kwamba serikali hii ni ya viwanda na kuchapa kazi “ alisema na kufafanua kwamba wanachohitaji wanawake hao ni mazingira mazuri ya kufanya ujasiriamali.

Mercy ambaye anatengeneza ‘ice cream’ zinazotumia matunda yote ya kitanzania kama vile fenesi, nanasi, bungo, ndizi, embe ana ndoto ya kumiliki kiwanda kikubwa kinachoweza kutengeneza na kufikisha ashkrimu kwa Tanzania na Afrika Mashariki ifikapo mwaka 2020.

Akiwa ameanza kazi hiyo mwaka 2010 kutoka ‘jiko’ la nyumbani Mercy amefanikiwa kutambua wigo wake wa biashara ambayo amesema ina changamoto nyingi hasa mifumo ya vibali na ulipaji kodi na ushuru.
Muonekano wa nje wa duka la Ice Cream la Nelwa’s Gelato lililopo ndani ya Petrol Station ya SOPCO barabara ya Morogoro-Magomeni Mwembechai karibu na kwa Sheikh Yahya.

Alisema uwapo wa kodi nyingi zenye viwango sawa kati ya anayeanza na aliyekuwepo; anayeingiza kidogo na kikubwa kunaleta athari kubwa kwa wajasiriamali wanaotaka kuchomoza.

“To be honest (nikiwa mkweli) zinavunja moyo… nyingi zinakwamisha kwani sisi waelewe tu kwamba tunatengeneza ajira na tunatengeneza soko kama mimi nanunua matunda natengeneza soko la mkulima.,.. natengeneza ashkrimu (Ice Cream) natengeneza ajira.. ipo haja ya kuangalia mambo mengi na hasa hili la kodi na ushuru” alisema.

Alisema ana mambo mengi ya kumwambia Rais Magufuli kama mjasiriamali mwanamke kijana.

“Atupe nafasi tukutane naye wanawake wajasiriamali vijana kisha tutamweleza mengi yakiwemo ya kodi na mifumo yake, mimi ningemweleza haja ya vyombo vyote vya huduma kutumia mtandao, kutoa huduma ,ningemweleza haja ya halmashauri na taasisi kutoa mafunzo mbalimbali ili kuinua wajasiriamali hawa na kuwasapoti si tu kuchukua kodi na ushuru” anasema Mercy.

Anasema wajasiriamali wengi wadogo hawaendelei kwa kukosa sapoti ya mafunzo na namna ya kufanya biashara zao zikue.

“Wasiwe wanachukua kodi na ushuru tu, halmashauri hizi lazima zianze kufikiria kukuza wajasiriamali kwa kuwapa elimu inayostahili katika biashara zao” anasisisitiza Mercy ambaye amesema angelipenda kumuona Role Model wake (Rais Magufuli) kumweleza mengi yanayohusu wanawake vijana na viwanda vidogo kuelekea viwanda vikubwa na hamu ya wajasiriamali wanawake vijana kuchangia pato la taifa na kulipa heshima.

Anasema anapokutana na wajasiriamali wa Uganda, Rwanda anaona jinsi serikali zao zinavyowasaidia kunyanyuka na anaona serikali ya awamu ya tano inaweza kuwasikia na wao wakanyanyuka. 

==================================================

BENKI YA CRDB YASAINI MKATABA NA KAMPUNI YA BIMA YA MGEn

Saturday, June 18, 2016 Maoni: 0

Mkurugenzi Mtendaji wa Benki ya CRDB, Dk. Charles Kimei akizungumza wakati wa hafla fupi ya kusaini mkataba na Kampuni ya Bima ya MGen wa kuweza kufidia asilimia ishirini ya mkopo ambayo mteja wa benki hiyo atakopa kwa ajili ya kununua nyumba. (Picha na Loveness Bernard)
Mkurugenzi Mtendaji wa Benki ya CRDB, Dk. Charles Kimei (kulia), akisaini mkataba na Ofisa Mtendaji Mkuu wa Kampuni ya Bima ya MGen Charles Sumbwe wa kuweza kufidia asilimia ishirini ya mkopo ambayo mteja wa benki hiyo atakopa kwa ajili ya kununua nyumba juzi jijini Dar es Salaam.

==============================================

KATIBU MKUU WIZARA YA MAMBO YA NDANI YA NCHI AFUNGA MAFUNZO JIJINI TANGA

Friday, June 17, 2016 Maoni: 0

 

Katibu Mkuu Wizara ya Mambo ya Ndani ya Nchi, Meja Jenerali Projest Rwegasira, akikagua gwaride la heshima lililoandaliwa wakati wa Mahafali ya kufunga Mafunzo ya Kozi ya Uongozi Daraja la Pili , yaliyofanyika Chuo cha Zimamoto na Uokoaji Chogo, Wilayani Handeni, jijini Tanga.

 

Katibu Mkuu Wizara ya Mambo ya Ndani ya Nchi, Meja Jenerali Projest Rwegasira(kushoto), akimkabidhi cheti mmoja wa wahitimu 156 wakati wa Mahafali ya kufunga Mafunzo ya Kozi ya Uongozi Daraja la Pili , yaliyofanyika Chuo cha Zimamoto na Uokoaji Chogo, Wilayani Handeni, jijini Tanga.(Picha na Wizara ya Mambo ya Ndani ya Nchi)

 

Katibu Mkuu Wizara ya Mambo ya Ndani ya Nchi, Meja Jenerali Projest Rwegasira(kushoto), akimvisha nyota mmoja wa wahitimu 156 wakati wa Mahafali ya kufunga Mafunzo ya Kozi ya Uongozi Daraja la Pili , yaliyofanyika Chuo cha Zimamoto na Uokoaji Chogo, Wilayani Handeni, jijini Tanga.(Picha na Wizara ya Mambo ya Ndani ya Nchi)

 

Gwaride la heshima likipita mbele ya Mgeni Rasmi, Katibu Mkuu wa Wizara ya Mambo ya Ndani ya Nchi, Meja Jenerali Projest Rwegasiara,  wakati wa Mahafali ya kufunga Mafunzo ya Kozi ya Uongozi Daraja la Pili , yaliyofanyika Chuo cha Zimamoto na Uokoaji Chogo, Wilayani Handeni, jijini Tanga.(Picha na Wizara ya Mambo ya Ndani ya Nchi)

 

Katibu Mkuu Wizara ya Mambo ya Ndani ya Nchi, Meja Jenerali Projest Rwegasira, akizungumza wakati wa Mahafali ya kufunga  Mafunzo ya Kozi ya Uongozi Daraja la Pili , yaliyofanyika Chuo cha Zimamoto na Uokoaji Chogo, Wilayani Handeni, jijini Tanga.Ambapo aliwaasa wahitimu kwenda kulihudumia Taifa kwa uadilifu.(Picha na Wizara ya Mambo ya Ndani ya Nchi)

===================================================

Waziri Nape akutana na Wakuu wa Vitengo vya Mawasiliano Serikalini katika kuadhimisha wiki ya utumishi wa Umma

Friday, June 17, 2016 Maoni: 0

 

Waziri wa Habari, Utamaduni, Sanaa na Michezo Mh. Nape Nnauye (katikati) akiongea na Wakuu wa Vitengo vya Mawasiliano Serikalini (hawapo pichani) ambao aliwataka kutengeneza mikakati madhubuti itakayoimarisha Mawasiliano ya Serikali kwa Umma. Kulia ni Kaimu Mkurugenzi wa Idara ya Habari MAELEZO Bi. Zamaradi Kawawa na kushoto ni Mkurugenzi Msaidizi kutoka Idara ya Habari (MAELEZO) Bw. Jamal Zubeir.

 

Waziri wa Habari, Utamaduni, Sanaa na Michezo Mh. Nape Nnauye akiwa katika picha ya pamoja na Wakuu wa Vitengo vya Mawasiliano Serikalini Leo Jijini Dar es Salaam.

 

Waziri wa Habari, Utamaduni, Sanaa na Michezo Mh. Nape Nnauye akiwa katika picha ya pamoja na Wakuu wa Vitengo vya Mawasiliano Serikalini Leo Jijini Dar es Salaam.

 

Wakuu wa Vitengo vya Mawasiliano Serikalini wakimsikiliza Waziri wa Habari, Utamaduni, Sanaa na Michezo Mh. Nape Nnauye wakati wa kikao cha pamoja ikiwa ni sehemu ya Maadhimisho ya Wiki ya utumishi wa umma.

 

Mkuu wa Kitengo cha Mawasiliano Serikalini Kutoka Wizara ya Ujenzi, Uchukuzi na Mawasiliano Bi. Prisca Ulomi akitoa neno la shukrani kwa Waziri wa Habari, Utamaduni, Sanaa na Michezo Mh. Nape Nnauye kwa niaba na Maafisa Mawasiliano wakati wa kikao cha pamoja kilichofanyika leo Jijini Dar es Salaam.

 

Kaimu Mkurugenzi wa Idara ya Habari MAELEZO Bi. Zamaradi Kawawa akisalimiana na Waziri wa Habari, Utamaduni, Sanaa na Michezo Mh. Nape Nnauye wakati akiwasili katika ukumbi wa Idara ya Habari MAELEZO ili kuzungumza na Wakuu wa Vitengo vya Mawasiliano Serikalini Leo Jijini Dar es Salaam.

Picha na Hassan Silayo-MAELEZO

======================================================

MATUKIO MBALIMBALI YA MKUTANO WA BUNGE LA BAJETI LEO TAREHE 17 JUNI, 2016 MJINI DODOMA

Friday, June 17, 2016 Maoni: 0

 

Mbunge wa Nchemba (CCM), Mhe. Juma Nkamia akifurahia jambo na Mbunge wa Kaliua (CUF), Mhe. Magnalena Sakaya wakati wakiingia katika viwanja vya Bunge leo mjini Dodoma  kuanza kipindi cha asubuhi cha Bunge hilo.

 

Waziri wa Mambo ya ndani ya Nchi, Mhe. Mwigulu Nchemba akibadilishana mawazo na Mwanasheria Mkuu wa Serikali, Mhe. George Masaju ndani ya ukumbi wa Bunge leo mjini Dodoma.

 

Naibu Waziri wa Nchi Ofisi ya Waziri Mkuu, Sera, Bunge, Ajira, Vijana na Ulemavu, Mhe. Antony Mavunde akijibu maswali ya Wabunge leo Bungeni mjini Dodoma wakati wa kipindi cha maswali na majibu.

 

Mbunge wa Tabora Kaskazini (CCM), Mhe. Almas Maige akiuliza swali Bunge leo wakati wa kipindi cha maswali na majibu.

 

Wabunge wa CCM Viti (Maalum) kutoka kushoto, Christine Ishengoma, Martha Umbulla na Magreth Sitta wakibadilishana mawazo ndani ya ukumbi wa Bunge wakati wa kipindi cha maswali na majibu ya Bunge hilo leo.

 

Mbunge wa Viti Maalum (CCM), Mhe. Halima Bulembo, akiuliza swali Bungeni leo wakati wa kipindi cha maswali na majibu ya Bunge hilo. Kulia ni Mbunge wa Busega, Mhe. Raphael Chegeni.

 

Naibu Spika wa Bunge, Mhe. Dkt Tulia Ackson akibadilishana mawazo na Wabunge mara baada ya kuahirisha   kipindi cha asubuhi cha Bunge hilo mjini Dodoma.

 

Naibu Spika wa Bunge, Mhe.Dkt. Tulia Ackson akifurahia jambo na Mbunge wa Kibiti, Mhe. Ally Ungando mara baada ya kuahirisha kipindi cha asubuhi cha Bunge hilo leo mjini Dodoma.(PICHA NA ISMAIL NGAYONGA- MAELEZO

RAIS DKT MAGUFULI AKUTANA NA BALOZI WA QATAR NCHINI NA SPIKA MSTAAFU MHE ANNE MAKINDA IKULU DAR ES SALAAM LEO

Rais wa Jamhuri ya Muungano wa Tanzania Dkt John Pombe Joseph Magufuli akisalimiana na Balozi wa Qatar hapa nchini Mhe Abdallah Jassim Al Maadadi Ikulu jijini Dar es salaam leo Juni 16, 2016

Rais wa Jamhuri ya Muungano wa Tanzania Dkt John Pombe Joseph Magufuli akiwa katika mazungumzo na Balozi wa Qatar hapa nchini Mhe Abdallah Jassim Al Maadadi Ikulu jijini Dar es salaam leo Juni 16, 2016.

MAKONDA AKANDIA SIMU FEKI ZIZIMWE KWANI SI SALAMA KWA MATUMIZI YA BINADAMU.

Mkuu wa Mkoa wa Dar es Salaam, Paul Makonda akizungumza katika mkutano wa wadau mawasiliano juu uzimwaji wa simu feki leo katika ukumbi wa Anatoglo jijini Dar es Salaam.

Na: Mwandishi Wetu.

 

Watanzania wametakiwa kutumia simu zenye viwango na kuachana simu bandia ambazo hata kiafya si salama kwa matumizi ya binadamu.

Hayo ameyasema leo Mkuu wa Mkoa wa Dar es Salaam, Paul Makonda wakati mkutano wa wadau wa mawasiliano kuelekea uzimaji wa simu leo usiku wa kuamkia kesho, Makonda amesema TCRA imethubu kutoa huduma bora  kwa wananchi katika mawasiliano.

Amesema TCRA imeweza kupambana tangu uzimaji wa analojia kuingia digitali ambapo Tanzania imekuwa nchi ya mfano katika utekelezaji wa vitendo katika masuala mawasiliano.

WATOTO WALIZALIWA LEO WASHEREKEA SIKU YA MTOTO WA AFRIKA KWA KUZAWADIWA ZAWADI NA WAFANYAKAZI WA BENKI YA CRDB TAWI LA MLIMANI CITY JIJINI DAR LEO.

KATIKA kusherekea siku ya mtoto wa Africa, Benki ya CRDB Tawi la Mlimani City limetoa zawadi mbalimbali kwa watoto na kimama waliojifungua siku ya leo.

Zawadi hizo zilizolenga kutambua mchango wa watoto wa kiafrica ambao ndio wajenzi wa taifa pamoja na wateja wa baadae wa taasisi za kibenki.

“Katika kusherekea siku hii adhimu na muhimu, Benki ya CRDB kupitia tawi lake la Mlimani City tumekuja kutoa zawadi kwa mama zetu hawa maana huwezi kusherekea siku ya mtoto bila kumpongeza na mama pia pamoja na kuwatakia kila la kheri wale ambao wanatarajia kujifungua,” alisema Mkurugenzi wa tawi hilo, Allen Kilango.

Zawadi hizo zenye thamani ya shillingi million 3.2 zilitolewa katika hospitali ya Sinza Palestina. Tawi hilo lilitoa sukari, maji, sabuni za kufulia, majani ya chai, Pampas pamoja na vifaa vingine kwa ajili ya kuwatunza watoto wachanga.

Wafanyakazi wa Benki ya CRDB wakiongozwa na Mkurugenzi wa CRDB tawi  la Mlimani City, Allen Kilango akiwa katika picha ya Pamoja na wafanyakazi wa Hospitali ya Palestina jijini Dar es Salaam leo.