Mafuriko makubwa Amerika ya Kusini, Uingereza

Watu wapatao 140,000 wameokolewa kufuatia mafuriko makubwa katika mataifa manne ya Amerika ya Kusini. Paraguay ndiyo nchi iliyoathirika vibaya na mafuriko hayo, ambapo hali ya hatari imetangazwa. Maafisa wanasema wengi wa watu waliopoteza makaazi yao ni familia masikini zinazoishi kandoni mwa Mto Paraguay, karibu na mji mkuu, Asuncion. Maelfu ya watu nchini Uruguay, Brazil na Argentina pia wamekimbia makaazi yao. Watabiri wa hali ya hewa wanasema kumekuwa na mvua kali za El Nino na zisizo za kawaida katika msimu huu wa kaskazi. Kwengineko, barani Ulaya mvua kubwa imesababisha mafuriko kaskazini mwa kisiwa cha England. Mito mikubwa katika miji ya Manchester na Leeds imefurika na wakaazi kwenye kaunti za Lancashire na West Yorkshire wamehamishwa. Jeshi la Uingereza limeitwa kusaidia uokozi.

Youla ateuliwa waziri mkuu mpya wa Guinea

Rais Alpha Conde wa Guinea amemteua waziri mkuu mpya, baada ya kuapishwa mapema wiki hii kwa muhula mpya wa miaka mitano wenye utata. Mamady Youla, mchumi ambaye amefanya kazi serikalini na kwenye sekta binafsi, anachukuwa nafasi ya Mohamed Said Fofana, aliyejiuzulu Jumatano iliyopita. Youla, mwenye umri wa miaka 54, amepewa jukumu la kuunda serikali itakayojikita kwenye uundaji wa nafasi mpya za ajira, kuinua maisha ya vijana na kuuimarisha uchumi wa taifa hilo la kipato cha chini. Conde, mwenye umri wa miaka 77, alichaguliwa kwenye uchaguzi wenye utata hapo mwezi Oktoba na akaapishwa Jumatatu iliyopita. Mwezi uliopita, mahakama ya katiba ilitupilia mbali madai ya wapinzani kwamba ushindi wa asilimia 57.8 wa kiongozi huyo ulikuwa wa wizi.

Al-Shabaab yapoteza mshambuliaji 1, yaua polisi 1 Kenya

Mshambuliaji mmoja wa kujitoa muhanga ameuawa kaskazini mwa Kenya, baada ya kuripukiwa na bomu alilokuwa akilitega hapo jana. Afisa mmoja wa polisi wa mji wa Mandera, Suleiman Rashid, ameliambia shirika la habari la AP kwamba maafisa waliokuwa kwenye doria waliwakamata washukiwa watano wa kundi la al-Shabaab wakitega bomu barabarani, lakini  mmoja wao akaliripua na kusababisha kifo chake. Juzi Ijumaa, anamgambo wa kundi hilo waliushambulia msafara wa polisi na kumuua afisa mmoja. Msemaji wa al-Shabaab, Sheikh Abdiasis Abu Musab, alisema awali waliliacha gari lililobeba abiria lililokuwa likisindikizwa na polisi hao. Polisi ya Kenya imethibitisha kupoteza askari wake mmoja kwenye mashambulizi hayo.

Israel yauwa Wapalestina wawili

Vikosi vya Israel vimewauwa Wapalestina wawili kwenye mashambulizi mawili tafauti hapo jana. Mtu mmoja mwenye umri wa miaka 56 alipigwa risasi na kuuawa wakati akijaribu kumponda mwanajeshi kwa gari katika kituo cha ukaguzi cha Huwara, Ukingo wa Magharibi. Masaa kadhaa kabla ya hapo, polisi mjini Jerusalem walimpiga risasi na kumuua kijana mmoja wa Kipalestina katika eneo la Mji Mkongwe, wanayesema alitoa kisu wakati  wa kukaguliwa. Kwa mujibu wa vyanzo vya upande wa Wapalestina, maafisa wa polisi wa Israel walirusha mabomu ya machozi na risasi za mpira dhidi ya waandamanaji wapatao 150, ambapo watu 20 walijeruhiwa. Tangu kuanza kwa vuguvugu jipya la maandamano ya mitaani hapo mwezi Oktoba, vikosi vya Israel vimeshawauwa zaidi ya Wapalestina 130, huku Waisraili 18 wakipoteza maisha kwa kushambuliwa kwa visu.

Rais wa Czech asema wahamiaji ni uvamizi uliopangwa

Rais Milos Zeman wa Jamhuri ya Czech amesema wimbi la wakimbizi barani Ulaya ni "uvamizi uliopangwa", na sio suala la bahati mbaya. Kiongozi huyo anayefahamika kwa misimamo yake mikali dhidi ya wahamiaji, amewataka vijana wa kiume nchini Syria na Iraq kukamata silaha kupambana na kundi lijiitalo Dola la Kiislamu, IS, badala ya kukimbilia Ulaya. Katika ujumbe wake wa Krismasi uliotolewa jana, Rais Zeman alisema "inawezekana" kuwahurumia wakimbizi wazee, wagonjwa, na watoto, lakini sio vijana wa kiume, kwani kukimbia kwao kunalipa nguvu kundi la IS. Hata hivyo, ujumbe huo wa Rais Zeman ulikanushwa na Waziri Mkuu

Bohuslav Sobotka akisema umejikita kwenye dharau na tabia ya kuyachukulia mambo kijuujuu. Utafiti wa hivi karibuni unaonesha kuwa asilimia 70 ya raia wa Czech, ambayo ni mwanachama wa Umoja wa Ulaya,  wanapinga uingiaji wahamiaji na wakimbizi kwenye nchi yao.

IS yatishia kuishambulia Israel kwa mara ya kwanza

Kiongozi wa kundi la kigaidi lijiitalo Dola la Kiislamu (IS), Abu Bakr al-Baghdadi, ametishia kuishambulia Israel, kupitia mkanda wa sauti uliotolewa jana. Katika kitisho cha nadra kwa taifa hilo la Kiyahudi, al-Baghdadi anasikika kwenye mkanda huo akisema kundi lake halijaisahau Palestina, huku akiapa kuigeuza ardhi hiyo kuwa makaburi ya Mayahudi. Ujumbe huo wa kwanza kutolewa na al-Baghadadi ndani ya kipindi cha miezi saba, unazitaja pia Marekani, Urusi na Ulaya kuwa walengwa wa mipango ya mashambulizi hayo. Bado rikodi ya mkanda huo haijathibitishwa na vyanzo huru. Kundi la Dola la Kiislamu, ambalo linatawala sehemu kubwa ya Syria na Iraq, limedai kuhusika na mashambulizi kadhaa ya kigaidi ulimwenguni, katika kampeni yake ya kijeshi iliyosambaa katika mataifa mbalimbali mnamo miezi ya hivi karibuni.

Umoja wa Mataifa waitisha mazungumzo ya amani ya Syria

Duru mpya ya mazungumzo ya kusaka amani ya Syria itafanyika tarehe 25 Januari, kwa mujibu wa mjumbe maalum wa Umoja wa Mataifa kwa mzozo huo, Staffan de Mistura. Taarifa iliyotolewa jana na Umoja wa Mataifa inasema mpatanishi huyo anatarajia ushirikiano kutoka kwa pande zote husika, ikimnukuu kuwa  "watu wa Syria wameshateseka vya kutosha." Alhamisi iliyopita, Waziri wa Mambo ya Nje wa Syria, Walid al-Moallem, alisema mjini Beijing, China, kwamba serikali yake ilikuwa tayari kushiriki mazungumzo hayo yanayosimamiwa na Umoja wa Mataifa, lakini "bila ya uingiliaji wa mataifa ya kigeni." Zaidi ya nusu ya raia wa Syria milioni 22 na nusu waliokuwepo kabla ya vita wamelazimika kuyakimbia makaazi yao. Mapema mwezi huu, Baraza la Usalama la Umoja wa Mataifa lilipitisha azimio linaloidhinisha mchakato wa amani unaosimamiwa na Umoja huo kuanzia mwezi Januari. Chini ya mpango huo, Syria inapaswa kuwa na serikali ya mpito ndani ya kipindi cha miezi sita ijayo na uchaguzi mpya ndani ya kipindi cha miezi 18 baada ya serikali hiyo kuundwa.

Liverpool wazima Leicester, Man Utd walala

Image copyrightPA

Image captionLiverpool walifungiwa na nguvu mpya Christian Benteke

Liverpool wamepunguza kasi ya Leicester kileleni mwa Ligi ya Uingereza baada ya kuwalaza 1-0 uwanjani Anfield.

Leicester walikuwa wameenda mechi tisa bila kushindwa ligini na leo imekuwa mara yao ya kwanza kumaliza bila kufunga bao ligini msimu huu.

Uwanjani Britannia, masaibu ya meneja Louis Van Gaal yamezidi baada ya Red Devils kucharazwa 2-0 na Stoke City. Meneja huyo amekabiliwa na shinikizo baada ya klabu hiyo kuandikisha msururu wa matokeo mabaya.

Janet Jackson aahirisha ziara ya kimuziki

Image copyrightAP

Image captionUnbreakable ni albamu ya 11 ya Janet Jackson

Mwanamuziki nyota kutoka Marekani Janet Jackson ameahirisha ziara yake ya kimuziki ya Unbreakable ili kufanyiwa upasuaji.

Wakuu wakamatwa kwa sababu ya rushwa Serbia

Image copyrightReuters

Image captionWaziri Mkuu wa Serbia Aleksandar Vucic (kulia) ameanzisha mazungumzo kuhusu kujiunga na EU

Polisi nchini Serbia wamewakamata watu 79, akiwemo waziri wa zamani kwa tuhuma za ufisadi.

Mwanahabari wa Ufaransa ‘afukuzwa’ Uchina

Image copyrightAP

Image captionGauthier atatakiwa kuondoka Uchina ifikapo 31 Desemba asipopata kibali kipya

Mwanahabari wa Ufaransa amezuiwa kuendelea kufanya kazi nchini Uchina wiki chache baada yake kuandika makala akikosoa sera za taifa hilo kuhusu watu wa jamii ya Uighers eneo la Xinjiang.

Wanajeshi wa Iraq wapiga hatua dhidi ya IS

Image copyrightAP

Image captionOperesheni ya kuukomboa mji wa Ramadi ilianza Jumanne

Wanajeshi wa Iraq wamepiga hatua kwenye operesheni yao dhidi ya wapiganaji wa Islamic State mjini Ramadi.

Waasi wachelewa kuondoka kambi Syria

Image copyrightGetty

Image captionEneo la Yarmouk limeshuhudia mapigano makali

Maelfu ya waasi ambao walitarajiwa kusaidiwa kuondoka kutoka kambi ya wakimbizi ya Yarmouk na maeneo ya karibu hawakuondoka kama ilivyotarajiwa, ripoti zinasema.

Mpango huo umekawishwa kutokana na hofu za kiusalama na mauaji ya kiongozi wa kundi moja la waasi jana.

Wapiganaji hao na familia zao walikuwa wamepangiwa kusafirishwa kutoka kambi hiyo kusini mwa Damascus hadi maeneo yanayodhibitiwa na makundi yao, chini ya mkataba kati ya serikali na waasi.

Tetemeko la ardhi lakumba Afghanistan

Image copyrightEPA

Image captionWatu 17 wamejeruhiwa mjini Peshawar, Pakistan

Tetemeko la ardhi lenye nguvu ya 6.3 limekumba maeneo ya kaskazini mwa Afghanistan, na kuathiri maeneo ya mbali hadi India.

Kwa mujibu wa Idara ya Utafiti wa Jiolojia ya Marekani kitovu cha tetemeko hilo kilikuwa mkoa wa Badakhshan, karibu na mpaka wa Pakistan na Tajik.

Haijabainika iwapo kulikuwa na majeruhi eneo hilo, lakini watu 17 walijeruhiwa katika mji wa Peshawar, nchini Pakistan.

Mamia ya watu waliuawa eneo lilo hilo 26 Oktoba baada ya tetemeko jingine la ardhi kutokea.

mkazi wa mtaa wa Bugweto kata ya Ibadakuli katika manispaa ya Shinyanga akiwa eneo la tukio baada ya pikipiki aliyokuwa anaendesha kugongana uso kwa uso na gari

 Jafari Ramadhani(20) mkazi wa mtaa wa Bugweto kata ya Ibadakuli katika manispaa ya Shinyanga akiwa eneo la tukio baada ya pikipiki aliyokuwa anaendesha kugongana uso kwa uso na gari ndogo katika barabara ya Mohammed Trans karibu na shule ya msingi Bugoyi B.Licha ya kugongana na pikipiki hiyo,pia mwendesha baiskeli aliyejulikana kwa jina la Peter Machanga amenusurika kufa baada ya kuruka na kuacha baiskeli ikagongwa na gari hilo.Tukio hilo limetokea leo majira ya saa nne asubuhi.Kwa mujibu wa mashuhuda wanasema chanzo cha ajali hiyo ni mwendokasi wa dereva wa gari pamoja ubovu wa barabara hiyo ambayo ina mashimo mengi-Picha zote na Marco Maduhu-Malunde1 blog

FAMILIA MBALI MBALI ZIMESHEREHEKEA SIKU KUU YA CHRISTMAS ILIVYOKUWA KWA WAKAZI WA JIJI LA DAR ES SALAAM,

KAMPUNI YA AGECO ENERGY & CONSTRUCTION LTD YAFUNGA MWAKA KWA KUFUNGA MTAMBO MKUBWA WA SOLA HOSPITALI YA MKOA SINGIDA.

 Kampuni Ageco Energy & Construction Ltd ni kampuni ya kitanzania inayotoa huduma mbali mbali za ukandarasi ikiwemo ufungaji wa mitambo ya umeme wa jua (solar power) kwa watu binasfi, taasisi za umma, mashirika ya nje, na wateja wengine toka sekta binasfi.  Hivi majuzi Ageco ilikamilisha mradi wake wa mwisho wa mwaka kwa kufunga mtambo wa umeme wa sola ujulikanao kitaalamu kama solar hybrid backup system katika hospitali ya Mkoa wa Singida. 

FUNGA MWAKA CONCERT NA DIAMOND NDANI YA DAR LIVE... ACHA KABISA!FUNGA MWAKA CONCERT NA DIAMOND NDANI YA DAR LIVE... ACHA KABISA!

Diamond Platnumz akisema na mashabiki wake waliofurika Dar Live usiku wa kuamkia

BONDIA THOMASI MASHALI AMKALISHA FRANSIC CHEKA MOROGORO

Bondia Thomas Mashali kushoto akioneshana umwamba na Fransic Cheka wakati wa mpambano wao uliofanyika Morogoro. Mashali alishinda kwa point katika mpambambano huo wa raundi kumi.

WAZIRI NAPE NNAUYE AWATAKA WATANZANIA KUENDELEA KUMUOMBEA RAIS DK JOHN POMBE MAGUFULI, KAZI YA KUTUMBUA MAJIPU NI NGUMU NA INA VIKWAZO VINGI

Waziri wa Habari, Utamaduni, Sanaa na Michezo Ndugu Nape Nnauye aliyekuwa mgeni rasmi akimuwakilisha Makamu wa Rais Mh. Mama Samia Suluhu Hassan akizindua rasmi albam mbili za kwaya ya Wakorintho wa Pili kwenye tamasha la Krismas lililofanyika kwenye ukumbi wa Diamond Jubilee leo, ambapo mwimbaji wa muziki wa injili kutoka nchini Afrika ya Kusini Rebecca Malope amefanya onesho kubwa lililovuta hisia za mashabiki wengi waliohudhuria katika tamasha hili akishirikiana na waimbaji mbalimbali wa hapa nyu mbani na nchi jirani ya Kenya.

WAZIRI MKUU KESHO KUANZA ZIARA YA KIKAZI MKOANI KIGOMA

Na Editha Karlo wa blog ya jamii,

Kigoma

WAZIRI Mkuu Kassimu M Majaliwa(MB) (Pichani) kesho ataanza ziara ya kikazi ya siku mbili Mkoani Kigoma.

Akizungumza na waandishi wa habari juu ya ziara hiyo Mkuu wa Mkoa wa Kigoma Kanali Mstaafu Issa Machibya alisema kuwa Waziri Mkuu atawasili Mkoani hapa kesho majira ya saa tatu asubuhi.

Alisema kuwa atapokelewa na viongozi mbalimbali wa serikali ya Mkoa na kisha atasomewa taarifa ya Mkoa.

Baada ya hapo ataelekea katika kambi ya wakimbizi ya Nyarugusu iliyopo Wilayani Kasulu pamoja na kambi ya wakimbizi ya Nduta iliyopo Wilayani Kibondo.

Na siku ya jumatatu atafungua mwalo wa kibirizi na kufanya majumuisho ya ziara yake katika ukumbi wa NSSF na kisha kurejea Dar es salaam

WANAKIJIJI WA KIJIJI CHA ENGUSEROSAMBU WAFURAHIA MSITU KUREJESHWA MIKONONI MWAO.

Mraghbishi Noorkiyengop Mbaima toka kijiji cha Enguserosambu akisimama mbele ya mifugo iliyokutwa msituni katika eneo lililoruhusiwa la msitu wa jamii wa Enguserosambu

Ilikuwa ni siku ya shangwe na furaha kwa wananchi wa kata ya Enguserosambu wilayani Ngorongoro. Hii ni baada ya serikali kukubali ombi lao la kusimamia rasilimali ya msitu wa Loliondo namba 2 unaopakana na vijiji vinne vinavyokadiriwa kuwa na idadi ya wakazi wapatao 20,000 wanaotegemea mahitaji yao toka katika huo msitu.

Huu ni msitu pekee ambao wananchi kwa kushirikiana na Mkuu wao wa wilaya, na mashirika rafiki, wamefanikiwa kuishawishi serikali kuukabidhi msitu huo kwao. Katika mchakato huo uliochukua miaka kadhaa wanawake toka katika vijiji vya Enguserosambu, Ng’arua, Orkiu na Naan wamekuwa mstari wa mbele katika kufanikisha azma hiyo ya kubakiza msitu wao wa enzi mikononi mwao. Akielezea furaha yake aliposikia msitu wa Loliondo namba 2 umekabidhiwa kwa wananchi, mraghbishi mwanamke Noorkiyengop Mbaima alisema 

MKESHA WA KRISMAS HOSPITALI YA MUHIMBILI WATOTO 12 WAZALIWA

 Afisa Muuguzi Msaidizi wa Hospitali ya Taifa Muhimbili Jijini Dar es Salaam Mwanne Satara  akimsaidia kumuelekeza Lulu Mohamed namna ya kumfunika nguo Mtoto aliyezaliwa usiku wa kuamkia Krismas Dar es Salaam ambapo akinamama 12 walipata watoto na Mmoja wa akinamama hao alipata mapacha 2 na  kufanya watoto wa kiume kufikia 6 na wakike 7, kati yao akinamama  waliofanyiwa upasuaji ni  akinamama 10 na kati ya hao  watoto njiti 2 na Hospitali ya Temeke akina mama waliojifungua hospitalini hapo kufikia idadi ya watoto 12, wakiume 4 na  wakike 8  

MHE. RIDHIWAN KIKWETE AVUNJA UKIMYA, AZUNGUMZIA KUHUSU MAKONTENA NA MALI ANAZODAIWA KUMILIKI...

Ndugu zangu waandishi wa habari, nimeamua kuwaita ili kuzungumza nanyi kuhusu baadhi ya mambo yaliyokuwa yanasemwa katika vyombo vya habari kuhusu mimi.

Awali ya yote napenda kusema kuwa habari hizo ni UONGO mtupu, ni mambo yanayozushwa na waandishi wa habari hizo kwa nia ya kuchafua jina langu kwa sababu wanazozijua wanaoandika. UKWELI ni kwamba haya ni mambo yenye kufanywa kwa nia na dhamira mbaya dhidi yangu na hata familia yangu.

VODACOM TANZANIA YAENDELEZA UTOAJI WA ELIMU KWA MADEREVA NA ABIRIA HAPA NCHINI

  Maofisa wa Jeshi la polisi kitengo cha Usalama barabarani pamoja na Meneja Uhusiano wa Vodacom Tanzania, Matina Nkurlu(wapili toka kushoto)wakimshuhudia dereva Frank Masawe wa basi lenye Namba za usajili T 798 DCT linalofanya safari za mikoa ya Dar es Salaam na Mtwara akisoma karatasi yenye majibu baada ya kupimwa kilevi,wakati wa zoezi lilioendeshwa na Jeshi la polisi kitengo hicho kwa kushirikiana na Vodacom Tanzania kupitia kampeni ya”Wait to send”inayotoa elimu kwa madereva kutokutumia simu na kilevi wakati wote wakitumia vyombo vya moto ikiwa ni mwendelezo wa kampeni hiyo iliyofanyika jana katika Vituo vya mabasi ya kwenda mikoani cha Ubungo na Mbagala jijini.

RAIS MAGUFULI AUNGANA NA WAKRISTO KUADHIMISHA SIKUKUU YA KRISMASI

JAMHURI YA MUUNGANO WA TANZANIA

KURUGENZI YA MAWASILIANO YA RAIS IKULU

Simu: 255-22-2114512, 2116898 E-mail: press@ikulu.go.tz Tovuti : www.ikulu.go.tz                Faksi: 255-22-2113425

OFISI YA RAIS,       IKULU,  1 BARABARA YA BARACK OBAMA,   11400 DAR ES SALAAM. Tanzania.

Rais wa Jamhuri ya Muungano wa Tanzania Dkt. John Pombe Magufuli ameungana na watanzania wote kuadhimisha Sikukuu ya Krismasi ambayo wakristo wote duniani huadhimisha siku ya kuzaliwa Yesu Kristo, zaidi ya miaka 2000 iliyopita.

Rais Magufuli na Mkewe Mama Janeth Magufuli wamesali ibada ya Krismasi katika misa takatifu iliyofanyika katika Kanisa la Mtakatifu Petro lililopo Oysterbay Jijini Dar es salaam.

Akitoa salamu za Krismasi baada ya kukaribishwa na Askofu Mkuu wa Jimbo Kuu Katoliki la Dar es salaam Mhadhama Kadinali Polycarp Pengo, Rais Magufuli amewatakia heri watanzania wote katika sikukuu hii ya Krismasi na kuwataka waishi kama ambayo Yesu Kristo aliishi, na kwa kutekeleza yote ambayo aliyafundisha.

Ametoa wito kwa watanzania kuishi kwa amani, upendo na Mshikamano huku wakizingatia kufanya kazi, hasa wakati huu ambapo yeye mwenyewe anahamasisha uchapa kazi kupitia kauli mbiu ya "Hapa Kazi Tu"

Rais Magufuli pia amewataka wakristo wote kuungana kuliombea taifa, kuwaombea viongozi na kuwaombea watanzania wote ili waweze kutimiza majukumu yanayowakabili.

"Ndugu waumini wenzangu, mimi ni yuleyule, nipo vilevile na nimekuja hapa kama Mkristo wa kawaida, muendelee kuliombea taifa hili na mtuombee pia sisi viongozi wake" Amesisitiza Rais Magufuli

Gerson Msigwa

Kaimu Mkurugenzi wa Mawasiliano, IKULU

25 Desemba, 2015

ASKOFU DR MDEGELLA ATAKA WATANZANIA KUMWOMBEA RAIS DR MAGUFULI KWA KAZI NZURI

Askofu wa kanisa la Kiinjili la Kilutheri Tanzania (KKKT( Dayosisi ya Iringa Dr OwdenBurg Mdegella akimpa baraka ya Christmas mtoto Monica Kasesela huku babake mkuu wa wilaya ya Iringa Bw Richard Kasesela na binti yake Cathelin Kasesela wakishuhudia baada ya kumalizika kwa ibada ya pili katika usharika wa kanisa kuu

RAIS MAGUFULI ASHIRIKI MISA YA KRISMASI KANISA LA MTAKATIFU PETER JIJINI DAR ES SALAAM LEO

Rais Dkt John Pombe Joseph Magufuli, mkewe Mama Janeth Magufuli na Mke wa Waziri Mkuu Mama Mary Majaliwa wakishiriki Ibada ya Krismas katika Kanisa la Mtakatifu Peter jijini Dar es salaam leo Desemba 25, 2015

RAIS DKT. JOHN POMBE JOSEPH MAGUFULI KIMBILIO LA WATANZANIA - WAZEE WANENA ZANZIBAR

GO FOR ZANZIBAR (GOZA) A GERMAN NGO SUPPORTS THE WELEZO OLD AGE HOME

Mwenyekiti wa NGOs ya Go For Zanzibar Antje Fleischer na Meneja Mradi Mussa Khamis Baucha , wakimkabidhi msaada Mwakilishi wa Wazee wa Kijiji cha Welezo Zanzibar Mzee Kombo Shein, vyakula kwa ajili ya wazee hao ili kuweza kujimuika na Wananchi katika kusherehekea Sikukuu ya Krismax na mwaka mpya kulia Msimamizi wa Kijiji hicho Sister Mary Gemma na Hassan Khamis hafla hiyo imefanyika katika makaazi ya wazee hao welezo jana 

WANAKIJIJI WACHARUKA WAMTAKA MKURUGENZI MBOGWE AKAZOE TAKA ZILIZOTUPWA KIJIJINI KWAO SIKU YA USAFI DECEMBER 9

UCHAFU ULIOZOLEWA KATIKA KATA YA MASUMBWE NA KUTUPWA KATIKA MAKAZI YA WATU KATIKA KIJIJI CHA SHENDA.Wanachi wa kijiji cha Shenda katika kata ya Masumbwe wilayani Mbogwe mkoani Geita Wameitaka ofisi ya mkurugenzi wa halmashauri ya Mbogwe kuziondoa takataka zilizowekwa kijijini kwao kufuatia zoezi la usafi la December 9 Lililofanyika nchi nzima.Wakiongea na waandishi wa habari za mtandaoni wananchi hao wanakijiji hao wamesema kuwa wanashangazwa na kitendo cha halmashauri ya wilaya kutuma takataka katika kijiji chao licha ya kwamba hakuna dampo la uchafu eneo hilo.Wameongeza kuwa taka hizo ni hatari kwa afya zao kwani zimetupwa karibu na eneo la shule ya msingi,Makazi ya watu na vibanda vya mama ntilie hali inayozua hofu ya kuzuka kwa magonjwa ya mripuko kwani taka hizo zimeanza kuoza na kusambaa katika makazi ya watu kipindi hiki cha masika.Sambamba na hayo wameshangazwa na maamuzi ya ofisi ya mkurugenzi kutupa taka hizo katika kijiji chao licha ya kuwa yapo maeneo mengi ya wazi ambayo yangeweza kutumika kutupa taka hizo ambazo kwa sasa zimekuwa kero katika kijiji chao hasa kutoa harufu mbaya na funza.Kwa mujibu wa kaimu mtendaji wa kijiji cha Shenda Joseph Jaseda amesema sehemu zilizotupwa taka hizo ni makazi ya watu na kwamba walipouliza kuhusu hatua hiyo waliambiwa kuwa gari la kuzoa taka liliharibika sehemu hiyo na ndipo walipoamua kutupa taka hizo.Kwa upande wake diwani wa kata ya Masumbwe Shimo Kiyuyu amesema kuwa alifikisha malalamiko ya wananchi kwa mkurugenzi na Mkurugenzi akatoa gari ili uchafu uzolewe lakini juhudi hizo ziligonga mwamba kutokana na gari hiyo kwenda eneo la uchafu bila wazoaji wa taka hizo.Kwa upande wake afisa afya wa halmashauri ya wilaya ya MbogweEdward Razalo amekiri uchafu huo kutupwa katika maeneo hayo na kuongeza kuwa baada ya wananchi kulalamika walienda kuweka dawa ya kuwa wadudu katika taka hizo na kwamba hawajaziamisha kutokana na taka hizo kutokuwa na madhara kwa wananchi.

MKUU WA WILAYA YA IRINGA RICHARD KASESELA AFUNGUA MAFUNZO YA ULENGAJI SHABAHA

Mkuu wa Wilaya ya Iringa akipokea maelezo toka kwa Mshauri wa Mgambo wa Mkoa Luteni Kanali J. Kitita

WATANZANIA WAASWA KUENDELEZA AMANI ILIYOPO

Waziri Mkuu Kassim Majaliwa akihutubia sherehe za Maulid zililofanyika katika viwanja vya Karim Jee.

MUUAJI WA AFISA WA INTELIJENSIA WA TANAPA AKAMATWA

Pichani  gari aina ya Nissan Mazda lenye namba za usajili T. 435 CSY lililokutwa na mwili wa marehemu Emily Kisamo ambaye ni Afisa wa Intelejensia TANAPA uliohifadhiwa kwenye buti mara baada ya kuuawa na Mfanyakazi wake wa ndani.

……………………………………………………

REBECCA MALOPE KUWASHA MOTO TAMASHA LA XMASS DIAMOND JUBILEE LEO

 Mwimbaji wa muziki wa injili kutoka nchini Afrika ya Kusini,Rebecca Malopeakiwasili kwenye uwanja wa ndege wa JNIA jioni hii tayari kwa ajili ya kutumbuiza kaika tamasha la Krismass litakalofanyika ndani ya ukumbi wa Diamond Jubilee jijini Dar es salaam kesho likishirikisha waimbaji mbalimbali wakiwemo wa nchini Tanzania kama vile Rose Muhando, Upendo Nkone, Joshua Mlelwa na wengine wengi , kushoto katika picha anayefurahia ni Mkurugenzi wa Kampuni ya Msama Promotion iliyoandaa na kumleta mwimbaji huyo  Bw. Alex Msama.

MAKAMU WA RAIS MHE. SAMIA SULUHU HASSAN AHUDHURIA SHREHE ZA MAULID ZANZIBAR

 Mjumbe wa Halmashauri Kuu ya CCM Taifa na Makamu wa Rais wa Jamhuri ya Muungano wa Tanzania Mhe. Samia Suluhu Hassan, akisalimiana na Katibu Msaidizi Mkoa wa Magharibi Kichama Zanzibar Suleiman Mzee (CHARAS) alipowasili Uwanja wa ndege wa Kimataifa wa Abeid Karume Zanzibar Disemba 24,2015 kwa ajili ya kuhudhuria  Maulid ya kuzaliwa Mtume Muhammad (S.A.W).