WAZIRI MWIGULU ATOA HOJA YA KUIDHINISHIWA KWA BAJETI YA 2016/2017 MBELE YA MWALIMU WAKE WA DARASA LA KWANZA.

Wednesday, May 04, 2016 Maoni: 0

Waziri wa Kilimo, Mifugo na Uvuvi Mwigulu Nchemba akitoa hoja kwa Bunge kuidhinisha makadirio na matumizi ya fedha ya wizara hiyo kwa mwaka 2016/2017 leo mjini Dodoma huku akishudiwa na mwalimu wake Maria Mnkumbo (hayupo pichani) aliyemfundisha darasa la kwanza na la pili katika shule ya msingi Makunda iliyopo wilaya ya Iramba Mkoani Singida.(Picha na Eleuteri Mangi-MAELEZO, Dodoma)

Airtel yatoa Fursa za Ajira kwa wanafunzi katika vyuo vikuu mbalimbali nchini

Tuesday, May 03, 2016 Maoni: 0

Meneja Rasilimali watu wa Airtel, Bi, Gabriella Kaisi (kulia) akiwapongeza James Kwayu (katikati) na Abubakar Nassor ambao ni wanafunzi wa vyuo waliofaidika na aiira katika kampuni ya Airtel kupitia ushirikiano kati ya Airtel na chama cha wanafunzi vyuoni Tanzania AIESEC wenye lengo la kuwawezesha vijana walioko vyuoni kupata ajira katika makampuni mbalimbali kila mwaka.

JESHI LA POLISI MKOA WA MBEYA LINAWASHIKILIA WATU WAWILI KWA KOSA LA KUPATIKANA NA BHANGI.

Monday, May 02, 2016 Maoni: 0

 JESHI LA POLISI MKOA WA MBEYA LINAWASHIKILIA WATU WAWILI KWA KOSA LA KUPATIKANA NA BHANGI.

Katika Tukio la Kwanza:

Mtoto wa miaka mitatu aliyefahamika kwa jina la JANET PONSIAN mkazi wa Matemela Wilaya ya Mbarali Mkoani Mbeya alifariki dunia papo hapo baada ya kugongwa na Gari yenye namba za usajili T.957 CWJ aina ya Isuzu Journey ikiendeshwa na dereva aliyefahamika kwa jina la ELIABU MYEKO (33) mkazi wa Makambako Mkoa wa Njombe.

Tukio hilo limetokea mnamo tarehe 01.05.2016 majira ya saa 17:45 jioni huko katika Kijiji cha Matemela, Kata ya Ipwani, Tarafa ya Rujewa, Wilaya ya Mbarali, Mkoa wa Mbeya.

Aidha chanzo cha ajali hiyo ni mwendo kasi na uzembe wa Dereva wa Gari hilo. Dereva alikimbia mara baada ya tukio na jitihada za kumtafuta kwa kushirikiana na mmiliki wa Gari zinaendelea. Mwili wa marehemu umehifadhi Kituo cha Afya Ipwani Wilayani Mbarali kwa uchunguzi wa kitabibu.

Kaimu Kamanda wa Polisi Mkoa wa Mbeya Kamishna Msaidizi wa Polisi EMANUEL G. LUKULA anatoa wito kwa madereva kuwa makini wanapotumia vyombo vya moto ikiwa ni pamoja na kuzingatia sheria, alama na michoro ya usalama barabarani ili kuepuka ajali zinazoweza kuepukika. Aidha anatoa wito kwa yeyote mwenye taarifa zitakazofanikisha kukamatwa kwa dereva huyu azitoe kwa mamlaka husika ili akamatwe.

Katika Misako:

Jeshi la Polisi Mkoa wa Mbeya linamshikilia mtu mmoja mkazi wa Matemela aliyefahamika kwa jina la HUSSEIN BAKARI (59) baada ya kukutwa na miche 25 ya Bhangi akiwa amepanda kwenye bustani yake ya mbogamboga.

Mtuhumiwa alikamatwa katika msako uliofanyika mnamo tarehe 01.02.2016 majira ya saa 16:00 jioni katika Kijiji cha Mayota, Kata ya Lugelele, Tarafa ya Rujewa, Wilaya ya Mbarali, Mkoa wa Mbeya.

Aidha katika msako mwingine, Mtu mmoja aliyefahamika kwa jina la WILSON PHILIP (19) mwendesha Pikipiki @ bodaboda, mkazi wa Msasani anashikiliwa na Jeshi la Polisi Mkoa wa Mbeya akiwa na Bhangi yenye uzito wa Gram 10.

Mtuhumiwa alikamatwa na askari katika msako uliofanyika mnamo tarehe 01.05.2016 majira ya saa 17:05 jioni huko Mtaa wa msasani, Kata ya Bagamoyo, Tarafa ya Tukuyu Mjini, Wilaya ya Rungwe, Mkoa wa Mbeya.

Watuhumiwa watafikishwa mahakamani mara baada ya upelelezi kukamiliki.

Imesainiwa na:

(EMANUEL G. LUKULA – ACP)

KAIMU KAMANDA WA POLISI MKOA WA MBEYA.

MFUKO WA PENSHENI WA PPF WATOA MFANYAKAZI BORA WA MWAKA 2015, RAIS MAGUFULI AMKABIDHI CHETI NA KITITA CHA SH. MILIONI TANO

Monday, May 02, 2016 Maoni: 0

Rais Dkt. John Magufuli, akimkabidhi cheti cha mfanyakazi bora wa mwaka 2015 Enock Kalege, na zawadi ya Sh. milioni 5 iliyotolewa na Mfuko wa Pensheni wa PPF kwa mfanyakazi huyo bora wa mwaka, wakati wa Kilele cha sherehe za Mei Mosi zilizofanyika Kitaifa mkoani Dodoma leo,Mei 1,2016.Kutoka kushoto, ni Kaimu Murugenzi wa Bernard Konga,Mkurugenzi Mkuu wa Mfuko wa Pensheni PPF, William Erio na Mkurugenzi Mkuu wa LAPF Eliud Sanga, wakiwa katika sherehe za Mei Mosi Mkoani Dodoma leo,

BWANA SAMWEL MILEGO AFUNGA NDOA NA BI. FLORIDA KAHATANO JIJINI DAR

Monday, May 02, 2016 Maoni: 0

Bwana harusi Samwel Milego na Bi. Florida Kahatano wakionyesha vyeti vyao mara baada ya kumaliza kufunga ndoa yao takatifu Jerusalem church of God lililoko Yombo Vituka jijini Dar es Salaam Jumamosi Aprili 30, 2016. PICHA ZOTE NA CATHBERT KAJUNA WA KAJUNASON BLOG.

Bwana harusi Samwel Milego akimvalisha pete Bibi harusi Florida Kahatano wakati wakifunga ndoa takatifu Jerusalem church of God lililoko Yombo Vituka jijini Dar es Salaam Jumamosi Aprili 30, 2016.

Bwana harusi Samwel Milego akila kiapo mbele ya mkewe Bi. Florida Kahatano wakati wakifunga ndoa takatifu Jerusalem church of God lililoko Yombo Vituka jijini Dar es Salaam Jumamosi Aprili 30, 2016.

PICHA ZAIDI BOFYA HAPA 

VYAMA VYA SIASA VIMEKUTANA KUJADILI MAPENDEKEZO YA MFUMO WA UTATUZI WA MIGOGORO NDANI NA BAINA YA VYAMA

Sunday, May 01, 2016 Maoni: 0

Mwenyekiti wa Baraza la Vyama vya Siasa Nchini Mhe. Peter Kuga Mziray akifafanua jambo wakati wa kikao cha Baraza kujadili Mapendekezo ya Mfumo wa utatuzi wa migogoro ndani na baina ya vyama vya siasa kilichofanyika mwishoni mwa wiki katika ukumbi wa GEPF Victoria Jijini Dar es salaam . Kulia ni Mhe. Jaji Francis S.K Mutungi, Msajili wa Vyama vya Siasa na Mhe. Vuai Ali Vuai, Makamu Mwenyekiti wa Baraza .

Bw. John Cheyo mmoja wa wajumbe wa Baraza la vyama vya siasa akichangia hoja wakati wa kikao cha Baraza kujadili Mapendekezo ya Mfumo wa utatuzi wa migogoro ndani na baina ya vyama vya siasa kilichofanyika mwishoni mwa wiki katika ukumbi wa GEPF Victoria Jijini Dar es salaam.

Baadhi ya wajumbe wa Baraza la Vyama vya Siasa wakifuatilia mjadala wakati wa kikao cha Baraza kujadili Mapendekezo ya Mfumo wa utatuzi wa migogoro ndani na baina ya vyama vya siasa kilichofanyika mwishoni mwa wiki katika ukumbi wa GEPF Victoria Jijini Dar es salaam.

TANZANIA SISI NYUMBANI - TSN YAFUNGUA HYPERMARKET JIJINI MWANZA

Saturday, April 30, 2016 Maoni: 0

Ufunguzi wa Hypermarket kubwa kuliko Mwanza unaendelea hivi sasa katika Mall ya Rock City Mwanza.

Hypermarket hii ambayo ni tawi jingine jipya la TSN linatazamiwa kuwahudumia wakazi wa Mwanza waliokuwa wakikosa uhondo wa bidhaa mbalimbali kwa bei nafuu zikiwemo mbogamboga fresh kutoka hapa hapa nyumbani.

Akizungumza katika ufunguzi huo masaa machache yaliyopita Mkurugenzi wa TSN alisema,Tanzania Sisi Nyumbani  TSN itatoa zawadi kwa watu 100 wa mwanzo kufika katika uzinduzi huo. 

"Hii ni hatua nyingine kubwa ya kuhakikisha Watanzania wanapata vitu fresh.. kutoka nyumbani tena kwa bei nafuu.Tanzania Sisi Nyumbani tunahakikisha Watanzania wanafurahia mazao yao wenyewe...tena kwa bei ya gengeni katika Hypermarket hii.. Wateja wetu ni majirani zetu... karibuni sana TSN Hypermarket Mwanza." alisema.

 Sehemu ya mpnagilio wa bidhaa kwa ndani kama zinavyoonekana. 

DAWASCO YATOA MKONO WA POLE KWA DADA ASHA CHANDE ALIYEPATA ULEMAVU WA MGUU WAKATI WA KUTAFUTA MAJI

Friday, April 29, 2016 Maoni: 0

Mkurugenzi wa Sheria wa Mamlaka ya Maji Safi na Majitaka (Dawasco), Bernadetha Mkandya akiwakatika picha ya pomoja na wafanyakazi wa(Dawasco), leo,jijini Dar es Salaam.

Mkurugenzi wa Sheria wa Mamlaka ya Maji Safi na Majitaka (Dawasco), Bernadetha Mkandya akimkabidhi hundi ya sh mil 2.5 Dada Asha Chande Ramadhani ikiwa ni sehemu ya kumpa pole kufuatia kupata ulemavu wa mguu wakati wa harakati ya kutafuta maji .Dawasco imetoa mkono wa pole, Mchele Maharage Unga wa Mahindi na Sukari pamoja na hundi ya Sh. Milioni 2.5.

Asha Chande Ramadhani akitoa neno la shukrani baada ya kupokea msaada wa kutoka Dawasco leo,jijini Dar es Salaam.

SHIRIKA LA UMEME TANZANIA TANESCO LAZINDUA ''TANESCO HUDUMA

Friday, April 29, 2016 Maoni: 0

Mkurugenzi Mtendaji wa Shirika la Umeme Tanzania (TANESCO) Mhandisi Felchesmi Mramba (kulia) akizungumza na Waandishi,viongozi wa Tanesco Dar es Salaam jana wakati wa Uzinduzi wa 'Tanesco Huduma' zilizoboreshwa kwa wananchi ,wateja wanaotumia simu za mkononi za kisasa katika mfumo uliotengenezwa COSTECH. 

Mkurugenzi Mtendaji wa Shirika la Umeme Tanzania (TANESCO) Mhandisi Felchesmi Mramba (katikati) akizungumza.Wengine kushoto ni Mkurugenzi Mkuu wa Tanzania Commission for Science and Technology (COSTECH),Hassan Mshinda na Ofisa Mtendaji Mkuu wa DTBi,George Mulamula.

kiongozi wa Tanesco akizungumza.

Read more »

MAKAMU WA RAIS MHE. SAMIA AFUNGUA MKUTANO WA KUWEZESHA WANAWAKE KIUCHUMI KATIKA NCHI ZA UKANDA WA MASHARIKI NA KUSUNI MWA AFRIKA LEO

Friday, April 29, 2016 Maoni: 0

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akifungua mkutano kuhusu kuwezesha wanawake kiuchumi katika nchi za Ukanda wa Mashariki na Kusini mwa Afrika. Mkutano huo umeandaliwa na Jopo la Ngazi ya Juu la Katibu Mkuu wa Umoja wa Mataifa, Ban Ki-moon aliloliteuwa Mwanzoni mwa huu, kusaidia kufanya uchambuzi na kutoa mapendekezo ya namna ya kuchagiza kasi ya kuwezesha wanawake kiuchumi ifikapo 2030. Umefanyika Leo April 29,2016 Hyatt Hotel Dar es salaam.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akiwa katika picha ya pamoja na Jopo la ngazi ya Juu la Katibu Mkuu wa Umoja wa Mataifa la kuwezesha wanawake kiuchumi Baada ya kufungua mkutano kuhusu kuwezesha wanawake kiuchumi katika nchi za Ukanda wa Mashariki na Kusini mwa Afrika. Mkutano huo unazungumzia kuhusu kusaidia kufanya uchambuzi na kutoa mapendekezo ya namna ya kuchagiza kasi ya kuwezesha wanawake kiuchumi ifikapo 2030. Umefanyika Leo April 29,2016. (Picha na OMR)

WAZIRI JENISTA ATEMBELEA BANDA LA MFUKO WA FIDIA KWA WAFANYAKAZI, KWENYE MAONYESHO YA USALAMA MAHALA PA KAZI

Friday, April 29, 2016 Maoni: 0

WAZIRI wa NCHI ofisini ya WAZIRI Mkuu, Jenista Mhagama(wakwanza kulia), na naibu wake, Dkt. Abdallah Possi.(wapili kulia), walipotembelea banda la WCF, kwenye maonyesho ya Siku ya Usalama na afya mahala pa kazi mjini Dodoma Aprili 28, 2016.Kushoto ni afisa uhusiano mwandamizi wa WCF, Sebera Fulgence.WCF inashiriki maonyesho hayo yaliyoratibiwa na OSHA kwa ushirikiano na TUCTA, ikiwa ni sehemu ya maadhimishi ya Siku ya wafanyakazi Duniani(Mei Mosi).

Afisa uhusiano mwandamizi wa WCF, Sebera Fulgence, akizungumza kwenye maonyesho hayo ya OSHA.

Wananchi wakipatiwa MAELEZO kuhusu mafao ya fidia kwa wafanyakazi kutoka kwa maafisa wa WCF(kushoto).

MSTAHIKI MEYA WA MANISPAA YA KINONDONI AGAWA MAENO YA BIASHARA KWA WAFANYABIASHARA NDOGO NDOGO

Friday, April 29, 2016 Maoni: 0

Mstahiki Meya wa Manispaa ya Kinondoni Boniface Jacob akizungumzana wa wafanyabiashara ndogo ndogo waeneo la Ubungo Stendi ya Mkoa kuhama katika eneo hilo na kuhamia katika kituo cha mabasi Simu 2000, leo jijini Dar es Salaam.

Wafanyabiashara ndogo ndogo waeneo la Ubungo Stendi ya Mkoa wakijibapanga kwenye maeneo yao waliypewa bure na Mstahiki Meya wa Manispaa ya Kinondoni Boniface Jacob leo jijini Dar es Salaam.

Wafanyabiashara ndogo ndogo waeneo la Ubungo Stendi ya Mkoa wakimsikiliza Mstahiki Meya wa Manispaa ya Kinondoni Boniface Jacob leo jijini Dar es Salaam. (Picha na Emmanuel Massaka,Globu ya Jamii).

Meya wa Manispaa ya Kinondoni Mhe. Boniface Jacob leo amefanya ziara katika eneo la ubungo na kuongea na wafanyabiashara ikiwemo kuwaonyesha eneo la kufanya biashara zao.

Amewataka wafanyabiashara hao kesho wasiwepo maeneo hayo na kuwataka kuhamishia biashara zao katika eneo la soko la Mawasiliano (Sinza), kwani wasipofanya hivyo Kamati ya Ulinzi na Usalama Manispaa ya Kinondoni imeshakaa na imepanga kuwaondoa.

Meya alieleza kuwa isingekuwa busara kuwaondoa bila kuwaeleza watakwenda wapi, Meya amewakabidhi wafanyabiashara hao kadi ambazo watazionyesha ili wasisumbuliwe,pia amewataka wasilipe pesa yeyote endapo watatakiwa walipie maeneo ya biashara waliyopewa.

Pia amesema kuhusu ushuru hawatalipa kwa muda wa mwezi mmoja baada ya hapo watalipia,Meya huyo amewahakikishia wafanyabiashara hao kuwa hakuna atakayekosa eneo la kufanya biashara.

Afisa biashara wa Manispaa ya Kinondoni amewataka wafanyabiashara hao kutokaidi agizo hilo la Meya,hivyo kuanzia kesho wataondolewa kwa nguvu.

Meya amesema kuna maeneo wamepewa madiwani akiwemo yeye na hayafanyiwi biashara, hivyo sio sawa maeneo hayo wapewe wafanyabiashara.

TANAPA YAKABIDHI MABATI 2800 KUSAIDIA UJENZI WA MAABARA NA ZAHANATI WILAYANI SERENGETI

Friday, April 29, 2016 Maoni: 0

Mbunge wa Jimbo la Serengeti Mhe. Marwa Ryoba (kushoto) akipokea msaada wa mabati kutoka kwa Meneja Ujirani Mwema wa TANAPA Bw. Ahmed Mbugi wilayani Serengeti.

Na Jacquiline Mrisho – Dar es Salaam

Shirika la Hifadhi za Taifa (TANAPA) limekabidhi jumla ya mabati 2800 kwa Halmashauri ya Wilaya ya Serengeti mkoani Mara kusaidia ujenzi wa maabara 15 za shule za sekondari na zahanati zilizo katika Kata mbalimbali za wilaya hiyo.Akikabidhi msaada huo Meneja ujirani mwema wa Tanapa, Ahmed Mbugi amesema TANAPA imetoa msaada huo kusaidia Maendeleo ya Elimu na Afya katika wilaya hiyo.“Mabati haya ni msaada ambao tumeutoa kwa Wilaya ya Serengeti ikiwa ni muendelezo wa misaada tunayoitoa kwa jamii hii ili kusaidia shughuli za maendeleo wilayani hapa” alisema Mbugi.

Naye Mkurugenzi Mtendaji wa Halmashauri ya Wilaya ya Serengeti, Naomi Nnko aliongeza kuwa ujenzi wa maabara hizo kutawawezesha wanafunzi kusoma masomo ya sayansi kwa vitendo, na hivyo kuongeza ufaulu katika shule za sekondari wilayani humo.Aidha, Mwenyekiti wa Halmashauri ya Wilaya hiyo, Juma Keya alishukuru kwa msaada huo toka TANAPA na kuomba mashirika mengine ndani na nje ya Wilaya ya Serengeti kushirikiana na Halmashauri hiyo kuleta maendeleo katika jamii.

Akizungumza katika hafla hiyo, Mkuu wa wilaya ya Serengeti, Maftah Mohammed aliliomba shirika hilo kuchangia upatikanaji wa madawati katika shule za msingi na sekondari zilizopo wilayani humo.Mpaka sasa TANAPA imeisaidia Halmashauri hiyo kwenye ujenzi wa maabara katika Kata ya Natta, uchimbaji wa marambo na ujenzi wa mabweni katika shule za Sekondari.

Rais Magufuli afungua Kikao kazi cha makamanda Polisi na waendesha mashitaka awapa neno

Friday, April 29, 2016 Maoni: 0

Rais wa Jamhuri ya Muungano wa Tanzania Dkt. John Pombe Magufuli amelitaka Jeshi la Polisi nchini na Ofisi ya Mwendesha Mashitaka kujirekebisha kwa kutekeleza wajibu wao huku wakitanguliza maslahi ya taifa.

Rais Magufuli ametoa maagizo hayo leo tarehe 29 Aprili, 2016 wakati akifungua kikao cha kazi cha Makamanda wa polisi wa mikoa, Mawakili wafawidhi wa serikali  wa Mikoa na Wakuu wa upelelezi wa Mikoa na Vikosi, kinachofanyika kwa siku mbili katika ukumbi wa Mikutano wa Dodoma uliopo katika eneo la Tambukareli Mjini Dodoma.

Awali kabla ya kutoa hotuba yake Rais Magufuli aliwapa nafasi Makamanda na Mawakili Wafawidhi hao kutoa maoni yao juu ya changamoto zinazowakabili katika kutekeleza wajibu wa kufanya upepelezi na kuendesha mashitaka, hususani kujua sababu za kuchelewesha kesi za makosa ya jinai, ambapo wamedai ufinyu wa bajeti ndio sababu kubwa ya kucheleweshwa kwa kesi za hizo.

Kufuatia kutajwa kwa changamoto hiyo Rais Magufuli ameahidi kuhakikisha anawatafutia fedha kwa ajili ya kukabiliana nazo, lakini ametaka fedha zitakazotafutwa zitumike vizuri kwa kuwa taarifa zinaonesha Jeshi la Polisi limekuwa likihusishwa na matumizi mabaya ya fedha hali inayoongeza ukubwa wa matatizo yanayokwamisha utendaji wake wa kazi.

Ametolea mfano wa taarifa za matumizi mabaya ya fedha zinazotolewa kwa ajili ya kununulia vifaa na sare za askari, ama mikataba yenye mashaka inayotiwa saini kati ya Polisi na wawekezaji kuwa ni baadhi ya mambo yanayoongeza hali ngumu ya utendaji kazi kwa jeshi hilo.

"Oysterbay pale ni eneo ambalo ni very prime, kila mmoja anajua, mmeingia kwenye mikataba mnayoijua nyinyi, akapewa mtu anawajengea pale, sifahamu kama majengo hayo yanafaa. Palikuwa na ubaya gani eneo la Oysterbay likawa na hati, mkaitumia hiyo hati kwenda kukopa benki na kujenga nyumba hata za ghorofa 20 pale, mkaweka investment  na Polisi wenu wakakaa pale. Nimesema lazima nizungumze kwa uwazi, nisiposema kwa uwazi nitajisikia vibaya nikimaliza mkutano huu, nataka muelewe na muelewe ukweli direction  ninayoitaka mimi" Amesema Rais Magufuli.

Aidha, Rais Magufuli ameitaka Ofisi ya Mwendesha Mashitaka kujipanga kufanya kazi kwa ufanisi na ameelezea kusikitishwa kwake na vitendo vya serikali kushindwa katika kesi nyingi mahakamani licha ya kuwa na wanasheria mahiri.

"Niwaombe mawakili na polisi wanaohusika na upelelezi mtangulize maslai ya nchi mbele, kwa sababu kumekuwa na usemi kwa baadhi ya wapelelezi na mawakili wachache, nasema wachache, panapokuwa na kesi inayohusiana na pesa pesa, wana misemo yao wanasema dili limepatikana, na saa nyingine kesi inapopelekwa mahakamani wana-collude Mawakili wa serikali na mawakili wanaomtetea  mhalifu, na wanapo-collude siku zote serikali inashindwa. Unapoona hali hiyo ya kila siku serikali inashindwa, halafu siku hiyo unataka serikali ikuwezeshe, kwa vyovyote serikali inapata kigugumizi" amesisitiza Rais Magufuli.

Dkt. Magufuli pia amelitaka Jeshi la Polisi kujiepusha na kashfa ambazo zimekuwa zikisemwa dhidi yake, ikiwemo maafisa wa Polisi kujihusisha na biashara ya dawa za kulevya na kuazimisha silaha kwa wahalifu wa ujambazi.Hata hivyo Rais Magufuli amelipongeza Jeshi la Polisi na ofisi ya Mkurugenzi wa  Mashitaka kwa kazi kubwa wanayoifanya na ametaka apelekewe mpango wa mahitaji yao ili atafute namna ya kuimarisha vyombo hivyo.

Gerson Msigwa

Kaimu Mkurugenzi wa Mawasiliano, IKULU

Dodoma

29 Aprili, 2016 

MATUKIO KUTOKA BUNGENI MJINI DODOMA

Friday, April 29, 2016 Maoni: 0

Waziri Mkuu, Kassim Majaliwa akiteta na Mbunge wa Ilala Azzan Mussa Zungu, bungeni mjini Dodoma Aprili 29, 2016.

Waziri Mkuu,Kassim Majaliwa akiteta na Mbunge wa Ilemela na Naibu Waziri wa Ardhi, Nyumba na Maendeleo ya makazi, Angeline Mabula bungeni mjini Dodoma Aprili 29, 2016.

Waziri Mkuu,Kassim Majaliwa akiteta na Mbunge wa Mpwapwa, George Lubeleje kwenye viwanja vya Bunge Mjini Dodoma Aprili 29, 2016.

Waziri Mkuu, Kassim Majaliwa akisalimiana na Mbunge wa Butiama , Nimrod Mkono kwenye viwanja vya Bunge mjini Dodoma Aprili 29, 2016.

Waziri Mkuu,Kassim Majaliwa akiteta na wabunge Ahmed Shabiby wa Gairo (kushoto) na Suleiman Ahmed Saddiq wa Mvomero, kwenye viwanja vya bunge mjini Dodoma Aprili 29, 2016.

Waziri Mkuu, Kassim Majaliwa akisalimiana na Mbunge wa Songea Mjini, Leonidas Gama kwenye viwanja vya Bunge mjini Dodoma Aprili 28, 2016. (Picha na Ofisi ya Waziri Mkuu).

Bomba la mafuta kukamilika 2020

Friday, April 29, 2016 Maoni: 0

Naibu Katibu Mkuu wa Wizara ya Nishati na  Madini anayeshughulikia madini Profesa James Mdoe ( wa kwanza kushoto, waliokaa mbele); Naibu Katibu Mkuu  wa Wizara  ya Nishati na Madini anayeshughulikia nishati Dk. Mhandisi Juliana Pallangyo ( wa  pili kushoto waliokaa mbele)  pamoja na wataalam wengine  wa Wizara ya Nishati na Madini wakifuatilia kwa makini  hotuba iliyokuwa inatolewa na Waziri wa Nishati na Maendeleo  ya Madini Nchini   Uganda, Mhandisi  Irene  Muloni (hayupo pichani) katika mkutano  kati ya nchi ya  Tanzania na  Uganda lengo likiwa ni kujadili mpango  wa  ujenzi wa bomba la mafuta kutoka  Hoima, Uganda hadi katika bandari ya  Tanga nchini Tanzania.

Waziri wa Nishati na Madini, Profesa Sospeter Muhongo (katikati) akielezea uzoefu wa Tanzania kwenye ujenzi wa miradi  ya mabomba ya gesi na mafuta katika mkutano huo. Kushoto ni Waziri wa Nishati na Maendeleo  ya Madini Nchini   Uganda, Mhandisi  Irene  Muloni na kulia ni  Katibu Mkuu wa Wizara ya Nishati na Madini, Profesa Justin Ntalikwa.

Wataalam kutoka Wizara, taasisi na makampuni ya mafuta kutoka Tanzania na Uganda wakifuatilia kwa makini mada iliyokuwa inawasilishwa na mwakilishi kutoka kampuni ya Total katika mkutano huo.

Katibu Mkuu wa Wizara ya Nishati na Maendeleo  ya Madini Nchini  Uganda, Dk. Fred Kaliisa (kushoto) akifafanua  jambo katika kikao hicho. Kulia ni Waziri wa Nishati na Maendeleo ya Madini Nchini   Uganda, Mhandisi Irene Muloni.

Waziri wa Nishati na Madini, Profesa Sospeter Muhongo (kushoto) akizungumza na waandishi wa habari kuhusu  utekelezaji wa mradi wa bomba la mafuta kutoka Hoima nchini Uganda hadi katika bandari ya  Tanga nchini  Tanzania. Kulia ni Waziri wa Nishati na Maendeleo  ya Madini Nchini   Uganda, Mhandisi  Irene  Muloni.

Waziri wa Nishati na Maendeleo  ya Madini Nchini   Uganda, Mhandisi  Irene  Muloni (kulia)  akifafanua jambo alipokuwa  akizungumza na waandishi wa habari mara baada ya kukamilika kwa mkutano huo.  Kushoto ni Waziri wa Nishati na Madini, Profesa Sospeter Muhongo.

Balozi wa Uganda Nchini Tanzania, Dorothy Hyuha akifafanua jambo katika mkutano huo.

Read more »

TANZANIA COMMENDED FOR ENHANCING GIRLS EDUCATION IN ICT.

Friday, April 29, 2016 Maoni: 0

The Permanent Representative of Tanzania to the United Nations Economic Commission for Africa (UNECA) and Ambassador of Tanzania to Ethiopia H.E. Naimi Hamza Aziz(centre) poses for a picture with four student girls from Tanzania who participated in the Girls in ICT Day Celebrations in Addis Ababa under the auspices of International Telecommunication Union ITU held at AU Headquarters yesterday.

From left, Elida Alex Paul from Msalato Girls Secondary school, Dorice Mhanga from Kleruu Secondary School in Iringa, Khudhaima Bedran Sultan from Chasasa Secondary school in Pemba and Elician Yohana Kapi from Nyankumbu Secondary school in Geita .(photo courtesy of Tanzanian Embassy in Addis Ababa Ethiopia).

Tanzania has been commended for its efforts in enhancing girl’s education in the country including rural areas with the aim of achieving gender balance by availing opportunities for girls to acquire skills in science and technical subjects including Information and Communication Technology (ICT).

The compliments were given yesterday (April,28,2016) by the International Telecommunication Union (ITU) Regional Director for Africa Mr. Andrew Rugege when officiating at the opening ceremony of the International Girls in ICT Day Celebration held at the African Union Headquarters in Addis Ababa, Ethiopia.

“ Your Excellency Tanzanian Ambassador Naimi Aziz, I would like you to convey my regards to your government for its efforts in promoting ICT education for girls as witnessed by four girls who travelled all the way from Tanzania to join us in this auspicious occasion. The girls, excelled in ICT competition organized by ITU,” he said praising the girls for successful creating useful IT applications that could be used for provision of social services.

The four girl students from Tanzania who were invited for the occasion in the Ethiopian capital, Addis Ababa include, Khudhaima Bedran Sultan from Chasasa Secondary school in Pemba Zanzibar, Elician Yohana Kapi from Nyankumbu Secondary school in Geita, Dorice Mhanga from Kleruu Secondary school in Iringa and Elida Alex Paul from Msalato Girls Secondary school in Dodoma.

Mr. Rugege said ITU estimates a skills shortfall of over two million jobs in the Information and communication technology (ICT) sector within the next five years adding that, Girls and young women who learn coding, apps development and computer science will not only be well-placed for a successful career in the ICT sector, but ICT skills are rapidly becoming a strong advantage for students in just about any other field they might choose to pursue.

“ Girls in ICT Day reminds us that ICTs help to improve the lives of people everywhere and especially in Africa – through better health care, better environmental management, better communications, and better educational systems that transform the way children and adults learn,” he said adding that the technology has been instrumental in creating job opportunities to African youths.

The girls participating in the school workshops were invited to the African Union in Addis Ababa HQ for a half day celebration where they had the opportunity to present their work and what they learned during the workshops to the ITU officials, the diplomatic community, AU Staff and ITU Delegates.

Six girls from various secondary schools in Tanzania who excelled in ICT competition coordinated by the ITU were invited for the ADDIS Girls in ICT Day celebration having emerged winners from zonal and eventually national ICT contests. Two of them could not travel to Addis Ababa to join their colleague due to delay in visa application.

The Four Girls are scheduled to return home on Saturday.

ITU’s Girls in ICT Day, is a global initiative aimed at raising awareness among girls and young women about the importance of digital skills for a successful professional career in all sectors and encouraging them to consider studies and careers in Information and Communication Technologies (ICT).

.ITU is the United Nations specialized agency for information and communication technologies – ICTs.

An organization based on public-private partnership since its inception, ITU currently has a membership of 193 countries and almost 800 private-sector entities and academic institutions. ITU is headquartered in Geneva, Switzerland, and has twelve regional and area offices around the world.

ITU membership represents a cross-section of the global ICT sector, from the world’s largest manufacturers and telecoms carriers to small, innovative players working with new and emerging technologies, along with leading R&D institutions and academia.

Founded on the principle of international cooperation between governments (Member States) and the private sector (Sector Members, Associates and Academia), ITU is the premier global forum through which parties work towards consensus on a wide range of issues affecting the future direction of the ICT industry.

From Freddy Maro,

Tanzania Embassy Addis Ababa Ethiopia

NDUGAI AKABIDHI UENYEKITI WA JUKWAA LA MASPIKA WA JUMUIYA YA AFRIKA MASHARIKI

Friday, April 29, 2016 Maoni: 0

Spika wa Bunge Mhe. Job Ndugai akimkabidhi Uenyekiti wa Jukwaa la Maspika wa Mabunge ya nchi za Jumuiya ya Afrika Mashariki, Spika wa Bunge la Afrika Mashariki Mhe. Daniel Kidega baada ya Tanzania kumaliza muda wake. Alimkabidhi Uenyekiti huo wakati wa Mkutano wa kumi na moja (11) wa Jukwaa la Maspika wa Mabunge ya nchi za Afrika Mashariki uliofanyika Jijini Arusha leo tarehe 29 Aprili, 2016. Kulia ni Katibu wa Bunge Dkt Thomas Kashililah

Spika wa Bunge Mhe. Job Ndugai akisalimiana na Rais wa Bunge la Seniti la Burundi Mhe Reverien Ndikuriyo wakati wa Mkutano wa Mkutano wa kumi na moja (11) wa Jukwaa la Maspika wa Mabunge ya nchi za Afrika Mashariki uliofanyika Jijini Arusha.

Spika wa Bunge Job Ndugai akisalimiana na Naibu Spika wa Bunge la Rwanda Mhe Jeanne Uwimanimpaye wakati wa Mkutano huo.Spika wa Bunge Mhe. Job Ndugai (wa kwanza kulia) akifurahia jambo na Spika wa Bunge la Afrika Mashariki Mhe. Daniel Kidega (katikati) na Spika wa Bunge la Kenya Mhe. Justin Muturi wakati wa Mkutano wa Mkutano wa kumi na moja (11) wa Jukwaa la Maspika wa Mabunge ya nchi za Afrika Mashariki uliofanyika Jijini Arusha.

Spika wa Bunge Mhe. Job Ndugai amemkabidhi Uenyekiti wa Jukwaa la Maspika wa Mabunge ya nchi za Jumuiya ya Afrika Mashariki Spika wa Bunge la Afrika Mashariki Mhe. Daniel Kidega baada ya Tanzania kumaliza muda wake.

Spika Ndugai alimkabidhi Uenyekiti huo wakati wa Mkutano wa kumi na moja (11) wa Jukwaa la Maspika wa Mabunge ya nchi za Afrika Mashariki uliofanyika Jijini Arusha leo tarehe 29 Aprili, 2016.

Mkutano huo pia ulihudhuriwa na Spika wa Bunge la Seneti la Kenya, Spika wa Bunge la Kenya, Rais wa Bunge la Seniti la Burundi, Naibu Spika wa Bunge la Burundi, Naibu Spika wa Bunge la Rwanda, Spika wa Bunge la Afrika Mashariki pamoja na Makatibu wa Mabunge ya nchi wanachama wa Afrika Mashariki.

Akiukabidhi Uenyekiti huo Spika Ndugai aliwashukuru Maspika wenzake kwa ushirikiano walimuonesha katika kipindi chote cha Uongozi wake na kumtakia kila la kheri Mwenyekiti mpya wa jukwaa hilo.

Maspika wa nchi wanachama wa Jumuiya ya Afrika Mashariki hushika Uenyekiti wa Jukwaa la Maspika wa Jumuiya hiyo kwa kipindi cha mwaka mmoja ambapo Tanzania ilichukua Uenyekiti wa Jumuiya hiyo mwaka jana.

Spika wa Bunge la Afrika Mashariki Mhe Kidega atashiki Uenyekiti wa Jukwaa hilo kwa kipindi cha mwaka mmoja kabla ya kuukabidhi kwa Spika mwingine katika mkutano ujao unaotarajiwa kufanyika nchini Kenya.

Pamoja na mambo mengine mkutano huo wa Jukwaa la Maspika wa Mabunge ya nchi za Jumuiya ya Afrika Mashariki ulijadili maswala mbalimbali yanayohusiana na nchi wanachama wa Jumuiya ya Afrika Mashariki.Jukwaa la Maspika wa Mabunge ya nchi za Jumuiya ya Afrika Mashariki lilianzishwa mwaka 2008.

Chama cha Wakunga Tanzania(TAMA) watoa mafunzo kwa wanahabari Nchini

Friday, April 29, 2016 Maoni: 0

Chama cha Wakunga Tanzania (Tanzania Midwives Association-TAMA) imefanya mkutano maalum wa kuhamasisha waandishi wa Habari kuhusu kazi za wakunga katika kuelekea siku ya Wakunga Dunia ifikapo hapo Mei 5 mwaka huu.

Katika mkutano huo uliofanyika jana Aprili 28, TAMA ilibainisha kuwa, wanahabari wengi wamekuwa wakichanganya habari za wakunga wataalam ambao wapo chini ya Chama hicho na wale wakunga wa jadi ambao hawana taalum pamoja na kiapo cha kufanya kazi hiyo kitu ambacho kinaleta usumbufu mkubwa kwa jamii.

Mratibu wa TAMA, Bi. Martha Rimoy katika mkutano huo, ameeleza kuwa, shughuli za Wakunga wataalam ni wale tu ambao wamesomea taaluma hiyo pamoja na kula kiapo katika kumsaidia Mama na Mtoto na na huyo ndiyo anaitwa Mkunga na si wale ambao hawajapata mafunzo wala kula kiapo.

Aidha, aliomba wanahabari na vyombo vya habari kuzipatia nafasi/Kipaumbele habari za Wakunga kwani zitaondoa woga kwa jamii iliyojenga Imani potofu kwa wakunga.“Jamii imekuwa ikijenga Imani potofu namna ya Wakunga buka kujua mkunga huyo ni yupi. Tunaomba ifahamike Mkunga ni yule aliyepata mafunzo yake kitaalam na pia kula kiapo pamoja na kusajiliwa na taasisi husika kama ilivyo taratibu za Nchi.

Tuondoe Imani zingine kwa Wakunga pia tunawaomba wanahabari kuweza kutoa elumu ya kutosha kuhusiana na mambo ya Wakunga hasa wakunga wataalam ambao wamepatiwa mafunzo yote ya kuhakikisha wanamuokoa Mama na mtoto wakati wa uzazi” alieleza Bi. Martha Rimoy.

Kwa upande wake Katibu Mkuu wa TAMA, Dkt Sebalda Reshabari ambaye alikuwa mgeni rasmi katika mkutano huo, ameeleza kuwa, Wakunga wataalam wanao wajibu wa kumsaidia Mwanamke na mtoto katika kukabiliana na vifo vitokanavyo na Masuala ya Uzazi vinavyozidi kuwatesa akina mama wengi, hasa inapokuja wakati wa tendo la kujifungua.

Aidha, Dkt. Sebalda amebainisha kuwa, pamoja na Changamoto mbalimbali, vifo vya watoto walio chini ya umri wa miaka 5, imepungua kwa asilimia 81, huku akitaka muendelezo wa elimu utolewe kwa Jamii.

Kwa upande wake, Afisa Mipango wa Afya ya Mama na Uzazi wa Shirika la Idadi ya Watu Duniani (UNFPA)nchini, Bi. Felista Bwana ameelezea kuwa, upo umuhimu wa Mkunga mtalaam katika kuokoa Uhai wa Mama na mtoto kwani bila wao Dunia ingekuwa kwenye matatizo makubwa.

Siku ya Ukunga Duniani Inatarajiwa kuadhimishwa katika Viwanja vya Mnazi mmoja Jijini Dar es Salaam, Mei 5 mwaka huu huku ikibeba ujumbe wa kauli mbinu ya “Wanawake na Watoto wachanga ni muhimili wa Ukunga”.

Aidha, mkutano huo ulieza changamoto wanazokabiliana nazo wakunga ni nyingi hivyo wameimba Serikali kuangalia namna ya kukabiliana nayo ili kila Mkunga kufanya kazi yake kwa uhuru na haki kwa dhama za sasa huku wakiomba jamii kuondoa dhana potofu dhidi yao pindi wawaonapo katika vituo vya Afya, Zahanati na Hospitali zote.

Mkutano huo maalum wa TAMA, ulihusisha wanahabari mbalimbali kutoka katika vyombo vya Habari nchini ikiemo, Magazeti, Radio, Televisheni na magazeti ya mtandaoni.

Katibu Mkuu wa TAMA, Dkt Sebalda Reshabari (kushoto) akieleza jambo kwa wanahabari na watu mbalimbali (hawapo pichani) wakati wa mkutano huo kwa waandishi wa habari juu ya kufahamishwa shughuli za Wakunga. Kulia ni Bi. Felister Bwana kutoka UNPFA, Nchini Tanzania.

Mkutano huo ukiendelea...

Baadhi ya maafisa kutoka taasisi za Wakunga na mambo ya Afya wakifuatilia mkutano huo.

Read more »

HALMASHAURI ZA MASASI, NANYAMBA KUANZA UTEKELEZAJI WA MRADI WA UIMARISHAJI MIFUMO SEKTA ZA UMMA AWAMU YA KWANZA MKOANI MTWARA

Friday, April 29, 2016 Maoni: 0

MKUU wa Wilaya ya Newala, mkoani Mtwara, Christopher Magala akizungumza wakati wa kuhitisha mafunzo ya utekelezaji wa Mradi wa Usimamizi wa Mifumo ya Sekta za Umma (PS3) yanayofadhiliwa na Shirika la Kimataifa la Misaada la Marekani (USAID) na kutekelezwa katika Halmashauri 97 katika mikoa 13 nchini. Uzinduzi wa mradi wa PS3 ngazi ya mkloa wa Mtwara ilifanyika juzi mjini humo.

Mkoani Mtwara mradi huo utatekelezwa kwa awamu mbili ambapo awamu ya kwanza itahusisha Halamshauri ya Nanyamba na Halmashauri ya Wilaya Masasi.

Awamu ya pili ambayo itatekelezwa mkoani mtwara kwa halamashauri saba zilizobaki utafanyika mwezi Februari na Oktoba mwaka 2017 na utahusisha Halmashauri za Mjiwa Newala, Wilayaya Newala, Mji wa Masasi, Wilaya ya Nanyumbu, Manispaa ya Mtwara, Wilaya ya Mtwara na Wilaya yaTandahimba.

 Baadhi ya Maofisa wa Mradi wa PS3 pamoja na wakurugenzi wa Halmashauri za Wilaya Mkoani Mtwara wakifuatilia ufungaji wa mafunzo hayo.

 Washiriki wakifuatilia mada mbalimbali katika mafunzo hayo.

 Mshauri wa Mradi katika Masuala ya Rasilimali Fedha, Dk Daniel Ngowi akizungumza wakati wa mafunzo hayo.

Read more »

Kongamano la Uwekezaji Tanzania na Urusi lililofanyika jijini Dar

Friday, April 29, 2016 Maoni: 0

Makamu wa pili wa Rais wa Serikali ya Mapinduzi Zanzibar Mhe. Balozi Seif Ali Iddi akifungua kongamano la kujadili Fursa za Uwekezaji kati ya Tanzania na Urusi lililofanyika jana jijini Dar es salaam ambalo limewakutanisha wafanyabiashara mbalimbali wa Mataifa hayo mawili. 

Waziri wa Viwanda Biashara na Uwekezaji Mhe. Charles Mwijage akifafanua kwa waandishi wa habari leo Jijini Dar es salaam kuhusu faida za ushirikiano wa kibiashara kati ya Tanzania na Urusi utakaochangia maendeleo katika sekta za Kilimo, Usafirishaji na Nishati hapa nchini.

Waziri wa Viwanda na Biashara wa Urusi Mhe. Denis Manturov akizungumza kwenye kongamano la kujadili fursa za Uwekezaji kati ya Tanzania na Urusi lililofanyika jana Jijini Dar es salaam.

Baadhi ya washiriki wa kongamano la kujadili fursa za Uwekezaji kati ya Tanzania na urusi wakifuatilia mada wakati wa kongamano hilo jana Jijini Dar es salaam.

Makamu wa Pili wa Rais wa Serikali ya Mapinduzi Zanzibar Mhe. Balozi Seif Ali Iddi (kushoto) akizungumza jambo na Mwenyekiti wa Taasisi ya Sekta Binafsi Tanzania Bw. Reginald Mengi jana  Jijini Dar es salaam mara baada ya kufungua kongamano la Uwekezaji kati ya Tanzania na Urusi.

Makamu wa Pili wa Rais wa Serikali ya Mapinduzi Zanzibar Mhe. Balozi Seif Ali Iddi (wanne kutoka kushoto) akiwa na Wawakilishi wa Serikali ya Urusi, anayefuata ni Waziri wa Viwanda na Biashara Mhe. Charles Mwijage akifuatiwa na Waziri wa Viwanda Biashara na Masoko wa Serikali ya Mapinduzi Zanzibar Mhe. Amina Salum Ali.Picha zote na (Fatma Salum- MAELEZO)