WAZIRI MKUU MAJALIWA AMPA POLE MBOWE KWA KUFIWA NA KAKA YAKE

 Waziri Mkuu, Kassim Majaliwa akisalimiana na  Mwenyekiti wa CHADEMA na kiongozi wa Upinzani Bunge, Freeman Mbowe  wakati alipokwenda kumpa pole  kufuatia kifo cha kaka yake, Kanali Mstaafu Maximillian Aikaeli Mbowe, nyumbani kwa marehemu, Tegeta jijini Dar es salaam Aprili 16, 2016.

 Waziri Mkuu, Kassim Majaliwa  akitia saini kitabu cha maombolezo ya kifo cha kaka yake   Mwenyekiti wa CHADEMA na kiongozi wa Upinzani Bunge, Freeman Mbowe   (kulia kwake) wakati alipokwenda kumpa pole  kufuatia kifo cha kaka yake, Kanali Mstaafu Maximillian Aikaeli Mbowe, nyumbani kwa marehemu, Tegeta jijini Dar es salaam Aprili 16, 2016

 Waziri Mkuu, Kassim Majaliwa akisalimiana na wanafamilia wakati alipokwenda  kumpa pole   Mwenyekiti wa CHADEMA na kiongozi wa Upinzani Bunge, Freeman Mbowe     kufuatia kifo cha kaka yake, Kanali Mstaafu Maximillian Aikaeli Mbowe, nyumbani kwa marehemu, Tegeta jijini Dar es salaam Aprili 16, 2016.

Waziri Mkuu, Kassim Majaliwa akisalimiana na mwanasiasa mkongwe,Kingunge Ngombale- Mwiru  wakati alipokwenda  kumpa pole   Mwenyekiti wa CHADEMA na kiongozi wa Upinzani Bunge, Freeman Mbowe     kufuatia kifo cha kaka yake, Kanali Mstaafu Maximillian Aikaeli Mbowe, nyumbani kwa marehemu, Tegeta jijini Dar es salaam Aprili 16, 2016. (Picha na Ofisi ya Waziri Mkuu)

MAMA WA MHARIRI MTENDAJI WA THE NEW HABARI ABSALOM KIBANDA AZIKWA RUNGWE MBEYA

Familia ya wanahabari kutoka media mbalimbali pamoja na baadhi ya wahariri walioshiriki mazishi ya mama wa mhariri mtendaji wa The New Habari Absalom Norman Kibanda aliyesimama katikati mwenye miwani mara baada ya maziko yaliyofanyika Rungwe mission wilayani Rungwe mkoani Mbeya jana mchana.
Michuzi Media Group inakupa pole sana kwa msiba uliokupata mpiganaji Mwenzetu Absalom Kibanda,Tunaomba Mungu akupe uvumilivu wewe pamoja na ndugu wote katika kipindi hiki kigumu cha kuondokewa na mpendwa wenu katika familia. Mungu alitoa na Mungu ametwaa jina la Bwana Lihimidiwe AMEN 

DARAJA LA KIGAMBONI KUFUNGULIWA RASMI JUMANNE APRILI 19, 2016

Viongozi Shrika la Taifa Hifadhi ya Jamii NSSF wakiwa katika picha ya pamoja na baadhi ya wakandarasi wa daraja la Kigamboni wakati lilipofunguliwa kwa ajili ya kupita magari kupita bure huku watembea kwa miguu na waendesha baiskeli wakipita bure. Daraja hilo litazinduliwa rasmi na Rais Dk. John Magufuli Jumanne tarehe 19.4.2016. 

Meneja Mradi wa Ujenzi wa Daraja la Kigamboni, Karim Mataka akiwa katika eneo la daraja la Kigamboni mara baada ya kufunguliwa kwaajili ya kupita magari na waenda kwa miguu.

Muonekano wa daraja la Kigamboni baada ya magari kuanza kupita.

Eneo lililoandaliwa kwa ajili ya kuweka jiwe la msingi wakati wa uzinduzi rasmi.

Pikipiki na magari yakipita darajani.

MBUNGE HASNA MWILIMA ATOA MSAADA WA SHILINGI MILIONI 6 NA TANI 17 ZA CHAKULA KWA WAHANGA WA MAFURIKO KIGOMA

Na Editha Karlo wa blog ya Jamii, Kigoma

MBUNGE wa Jimbo la kigoma Kusini ,Hasna Mwilima amewakabidhi msaada wa shilingi milioni sita na laki tatu na tani kumi na saba za vyakula kwa wahanga wa mafuriko katika Kijiji cha Kirando kata ya Sunuka Wilayani Uvinza.

Akizungumza na Wananchi wa kijiji hicho wakati akikabidhi misaada hiyo iliyo tolewa na Halmashauri ya Uvinza na Mkoa wa Kigoma na wadau mbalimbali alisema serikali kwa kuwathamini wananchi imeamua kutoa misaada ilikuweza kuwasaidia wahanga waliopoteza mali zao wakati wa mafuliko.

Mwilima alisema anaupongeza uongozi wa Mkoa wa kigoma na halmashauri zote kwa kutoa msaada wa vyakula vitakazo wasaidia waathirika hao katika kipindi hika ambacho wanajipanga kurekebisha makazi yao.

Pia aliishukuru Halmashauri ya Uvinza kwa kuthamini Wananchi wake na kutoa msaada wa shilingi milioni tano na Mwenyekiti wa Halmashauli hiyo kuongezea laki mbili wameonesha jinsigani serikali ya awamu ya tano inavyo wathamini wananchi.

“mimi kama mbunge wenu nitatoa shilingi milioni moja nitaongezea katika mchango wa Viongozi wengine waliotoa tutahakikisha tunashirikiana katika wakati waraha, wakati washida na nyakati zote tupo pamoja nitawahudumia ipasavyo ndugu zangu “, alisema Hasna.

Hata hivyo alimshukuru Mkuu wa Mkoa wa Kigoma kuchangia Chakula tani saba kupitia michango iliyotolewa na Halmashauri zote za Mkoa ilikuweza kuwasaidia Wanakijiji waliokumbwa na mafuriko.

Rehema Hassani ni mmoja kati ya Wahanga wa mafuriko pia ni Mkazi wa Kirando alisema kwaniaba yawanakijiji wenzake wanaishukuru Serikali pamoja na Mbunge kwa kutoa misaada hiyo tunaimani itatusaidia na tutaweza kujipanga upya na kuziendesha familia zetu.

Aliiomba Serikali kuwapatia maeneo mengine waweze kujenga na kuondoka kuishi mabondeni ambapo mvua kubwa ikinyesha maji hujaa mtoni na kuingia ndani kupelekea mafuriko hivyo serikali igawe maeneo mengine yakuweka makazi.

Msaada uliotolewa ni maharage kilo218,mchere kilo1240, unga , mihogo,mahindi, mashuka kwaajili ya zahanati 218,na mafuta ya kupikia na chumvi na shilingi milioni sita na laki tatu watakazo gawiwa wahanga wa mafuriko hayo zilizo tolewa na serikali pamoja na wadau mbalimbali.

Mafuriko hayo yalitokea tarehe 13 mwezi wa pili mwaka huu kufuatia mvua kubwa iliyonyesha uharibifu mkubwa wa mali na kaya zipatazo 49 kukosa mahali pa kuishi baada ya nyumba zao kusombwa na maji.

Mbunge wa jimbo la Kigoma kusini Husna Mwilima akimkabidhi fedha shilingi. Milioni sita na laki tatu mwenyekiti wa kijiji cha Kirando Athumani Chuma kwaajili ya wahanga wa mafuriko katika kijiji hicho.

Mhe. Hasna Mwilima akimkabidhi Bi rehema Issa mfuko wa sembe mmoja wa wahanga wa mafuriko katika kijiji cha kirando.

Mhe. Hasna akiteta jambo na muathirika wa mafuriko katika kijiji cha Kirando.

Sehemu ya chakula tani kumi na saba zilizokabidhiwa na mbunge wa jimbo la kigoma kusini Hasna Mwilima kwa wahanga wa mafuriko katika kijiji cha Kirando.

Baadhi ya makazi ya wanakijiji cha Kirando yaliyokumbwa na mafuriko

OLE SENDEKA ANOGESHA SHEREHE ZA DIWANI WA KATA YA ENGARENAIBOR LONGIDO MKOANI ARUSHA

 Wananchi wakiwa wamesheheni uwanjani wakati wa sherehe hizo za kumpongeza Diwani wa Kata ya Engarenaibor 

 Msemaji wa CCM Ole Sendeka akiwa na wenyeji baada ya kuwasili Kata ya Engarenaibor wilayani Longido mkoani Arusha akiwa katika ziara ya kikazi jana.

 Mwinjilisti akiiimba wimbo maalum wa makaribisho, Msemaji wa CCM Ole sendeka alipowasili kwenye sherehe hizo,katika Kata ya Engarenaibor wilayani Longido mkoani arusha

 Dada wa Kimasai akilia kutekeleza moja ya mila za kupokea mgeni muhimu, Msemaji wa CCM Ole Sendeka alipofika katika Kata ya Engarenaibor wilayani Longido akiwa katika ziara ya kikazi

 Wenyeji wa Jamii ya Kimasai wakiwa wamejipanga kumpokea Ole Sendeka kwenye eneo la sherehe katika kata ya Engarenaibor

 Msemaji wa CCM, Ole sendeka akisalimiana na baadhi ya viongozi alipowasili kwenye uwanja wa sherehe, katika Kata ya Engarenaibor wilayani Longodo mkoani arusha

DIAMOND PLATINUM'S APAGAWISHA BONANZA LA VODACOM FUNGUA SEMESTER HATAREEEE-MABIBO HOSTEL

 Madansa wa msanii wa muziki wa kizazi kipya bongo fleva, Diamond   Platinum’s wakifanya yao wakati wa bonanza la Vodacom fungua semester lililoandaliwa na Vodacom Tanzania lililoshirikisha vyuo vikuu vyote vya jijini Dar es Salaam na kufanyika katika viwanja vya Mabibo hosteli hapo jana.

 Msanii wa muziki wa kizazi kipya bongo fleva, Diamond   Platinum’s akiwapagawisha mashabiki wake kwenye bonanza la Vodacom fungua semester lililoandaliwa na Vodacom Tanzania lililoshirikisha vyuo vikuu vyote vya jijini Dar es Salaam na kufanyika katika viwanja vya Mabibo hosteli hapo jana.

 Diamond   Platinum’s akiwapagawisha mashabiki wake kwenye bonanza la Vodacom fungua semester lililoandaliwa na Vodacom Tanzania lililoshirikisha vyuo vikuu vyote vya jijini Dar es Salaam na kufanyika katika viwanja vya Mabibo hosteli hapo jana.

 Nyomi ya wanafunzi wa vyuo vikuu vya jijini Dar es salaam na mashabiki wa msanii wa muziki wa kizazi kipya bongo fleva, Diamond   Platinum’s(hayupo pichani)wakipagawa naye wakati wa bonanza la Vodacom fungua semester lililoandaliwa na Vodacom Tanzania lililoshirikisha vyuo vyote vikuu vya jijini Dar es Salaam na kufanyika katika viwanja vya  Mabibo hosteli hapo jana. 

MAKAMU WA RAIS MHE. SAMIA AWASILI MKOANI MOROGORO KUANZA ZIARA YA KIKAZI YA SIKU TATU

 Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiongozana na Meneja Mkuu wa Uzalishaji katika kiwanda cha Ushoni wa Nguo za aina mbalimbali Mw. Ritesh Krishandev Beesony, wakati alipowasili katika kiwanda hicho leo April 16,2016 kwa ajili ya kutembelea na kuangalia utendaji kazi zinazofanywa kiwandani hapo. Makamu wa Rais yupo Mkoani Morogoro kwa ziara ya kikazi ya siku tatu.

  Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiangalia nguo za aina mbalimbali zinazotengenezwa na kiwanda cha Ushoni cha Mazawa kiopo Msamvu Mkoani Morogoro wakati alipotembelea  kiwanda hicho leo April 16,2016 kwa ajili ya kuangalia utendajia kazi zinazofanywa kiwandani hapo. 

  Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiangalia nguo za aina mbalimbali zinazotengenezwa na kiwanda cha Ushoni cha Mazawa kiopo Msamvu Mkoani Morogoro wakati alipotembelea  kiwanda hicho leo April 16,2016 kwa ajili ya kuangalia utendajia kazi zinazofanywa kiwandani hapo. 

 Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiangalia nguo za aina mbalimbali zinazotengenezwa na kiwanda cha Ushoni cha Mazawa kiopo Msamvu Mkoani Morogoro wakati alipotembelea  kiwanda hicho leo April 16,2016 kwa ajili ya kuangalia utendajia kazi zinazofanywa kiwandani hapo. 

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiongea na Viongozi na wafanyakazi wa kiwanda cha Ushoni wa Nguo cha Mazawa kiliopo Msamvu Mkoani Morogoro wakati wa  ziara yake ya kutembelea kiwanda hicho leo April 16,2016. Picha na OMR

Rais Nkurunziza amtumia ujumbe Rais Magufuli, amhakikishia Burundi ni shwari

Rais wa Jamhuri ya Burundi Mheshimiwa Pierre Nkurunziza amemtumia ujumbe Rais wa Jamhuri ya Muungano wa Tanzania Dkt. John Pombe Magufuli ambaye pia ni Mwenyekiti wa Jumuiya ya Afrika Mashariki, akimhakikishia kuwa hali ya Burundi ni shwari na amemuomba awasihi wananchi wa Burundi waliokimbia nchi yao warejee nyumbani.

Barua yenye ujumbe huo, imewasilishwa kwa Rais Magufuli leo tarehe 16 Aprili, 2016 Ikulu Jijini Dar es salaam na Mjumbe Maalum wa Rais Nkurunziza ambaye ni Mnadhimu wa Jeshi la Burundi Meja Jenerali Evariste Ndayishimiye.

Meja Jenerali Ndayishimiye amemueleza Rais Magufuli kuwa Rais wa Burundi Mheshimiwa Pierre Nkurunziza amemtuma kuleta barua hiyo pamoja na shukrani za dhati kwa Tanzania ambayo ni rafiki, jirani na ndugu wa kweli wa Burundi kwa ushirikiano mzuri inaoupata kutoka Tanzania katika masuala mbalimbali.

"Burundi na Tanzania ni ndugu wa kweli, na sisi Burundi tunaiona Tanzania na nchi yetu kama Baba na mtoto wake" amesema Meja Jenerali Ndayishimiye.

Kwa upande wake Rais Dkt. John Pombe Magufuli amemshukuru Rais Nkurunziza kwa kumtumia ujumbe huo na amemhakikishia kuwa Tanzania itaendelea kuwa rafiki na ndugu wa dhati wa Burundi kama ambavyo mahusiano ya nchi hizi mbili yamejengwa tangu zamani.

Kuhusu hali ya Burundi Rais Magufuli amesema anaamini kuwa wasuluhishi mgogoro wa nchi hiyo ambao ni Rais wa Jamhuri ya Uganda Mheshimiwa Yoweri Kaguta Museveni na Rais Mstaafu wa awamu ya Tatu wa Tanzania Mheshimiwa Benjamin William Mkapa watafanikiwa kusuluhisha mgogoro huo.

"Naomba umwambie Rais Mheshimiwa Nkurunziza kuwa Tanzania itaendelea kushirikiana na Burundi, na tunawaombea mgogoro uishe ili muendelee kuijenga nchi yenu" Amesema Rais Magufuli.

Gerson Msigwa

Kaimu Mkurugenzi wa Mawasiliano, IKULU

Dar es salaam

16 Aprili,2016

YANGA YASHIKA USUKANI WA LIGI KUU, YAICHAPA MTIBWA SUGAR 1-0

Mshambuliaji wa Yanga, Haruna Niyonzima akitafuta mbinu za kumtoka beki wa Mtibwa Sugar, Majaliwa Shaban katika mchezo wa Ligi Kuu ya Soka Tanzania Bara uliofanyika leo kwenye Uwanja wa Taifa jijii Dar es Salaam. Yanga imeshinda 1-0 na kufikisha pointi 59 na kuongoza katika msimamo wa Ligi huku ikifuatiwa na Simba yenye Pointi 57. (Picha na Francis Dande)

Mshambukiaji wa Yanga, Thaban Kamusoko akitafuta mbinu za kuwatoka wachezaji wa Mtibwa Sugar.

Kipa wa Mtibwa Sugar, Said Mohamed akiokoa moja ya hatari langoni mwake.

Donald Ngoma akipiga kwa kisigino huku akizongwa na beki wa Mtibwa Sugar, Andrew Vicenti.

Hapo je utaweza......

Mshambuliaji wa Yanga, Malimi Busungu (kulia) akitafuta mbinu za Henry Joseph katika mchezo wa Ligi Kuu ya Soka Tanzania Bara uliofanyika kwenye Uwanja wa Taifa jijini Dar es Salaam.

Henry Joseph akichuana na mshambuliaji wa Yanga, Amissi Tambwe (kushoto).

Mshambuliaji wa Yanga, Amissi Tambwe akichuana na beki wa Mtibwa Sugar, Andrew Vicent

Henry Joseph akipeana mkono na kocha msaidizi wa Yanga, Juma Mwambusi.

Kocha na wachezaji wa Yanga wakitoka uwanjani baada ya kumalizika kwa mchezo.

Harua Niyonzima akibadilishana mawazo na Simon Msuva baada ya mchezo kumalizika.

Kocha wa Yanga, Mecky Maxime kulia akiwa na msaidizi wake Zuberi Katwila.

Kikosi cha mtibwa Sugar kilichoanza leo

Kikosi cha Yanga kilichoanza leo.

Deus Kaseke akiwatoka mabeki wa Mtibwa Sugar.

Simon Msuva akimtoka beki wa Mtibwa Sugar.