Wanachuo wa Chuo cha St. Joseph Songea Waingia katika Mgomo

WANACHUO wa Chuo kikuu cha St,Joseph tawi la Songea wamegoma kuingia  madarasani na kutoka kufanya shughuli za aina yeyote ndani ya chuo  hicho huku wakiwa wamebeba mabango yaliyoandikwa jumbe mbalimbali  zikiwemo zilizoandikwa wamechoka kunyanyaswa na wakufunzi ambao wengi  wao raia wa India baada ya uongozi wa serikali ya wanachuo kutimuliwa  nyadhifa zao na kuwasimamisha masomo kwa muda wa miezi sita. 

Kundi la waandishi wa habari wa mjini Songea mara tuu baada ya kupata  taarifa ya tukio hilo walifika kwenye eneo la chuo kikuu cha St,Joseph  kilichopo eneo la Luhuwiko mjini Songea ambako walishuhudia maandamano  makubwa ya wanafunzi wakiwa wamebeba mabango yaliyo ujumbe mbalimbali ikiwemo ya wamechoka kunyanyashwa na wakufunzi ambao ni wahindi. 

Pia wanachuo hao walishuhudiwa wakiimba nyimbo mbalimbali zenye ujumbe  wamechoka kunyanyashwa kwani wao ni watu wazima hapaswi kulinganishwa na wanafunzi wa shule za msingi au sekondari huku wimbo mwingine ukiwa na  ujumbe kama siyo mwalimu Nyerere kuleta amani wahindi msingefika kwetu  kufanya biashara. 

Kufuatia mgomo huo ililazimika askari polisi kufika kwenye eneo hilo  huku wakiwa wamebeba silaha kwa lengo la kutuliza gasia ambao  walitawanywa katika maeneo mbalimbali ya chuo lakini wanachuo waliendelea na maandamano yao huku wakiimba nyimbo za kushinikiza  uongozi wa chuo uwarejeshe viongozi wa serikali ya wanachuo kwa sababu  ya kutetea haki za wanachuo ambazo walizodai wahidi hao wamekuwa  wakizikiuka. 

Wanachuo hao ambao walidai kuwa malalamiko yao walishayafikisha kwa 

mkuu wa mkoa wa Ruvuma Saidi Mwambungu wakidai kuwa hali ya mazingira ya chuo hicho siyo manzuri lakini bado wahindi hao wameendelea na vitendo viovu licha ya mkuu wa mkoa kuwaangiza kuwa waache kuunyanyasa uongozi  wa serikali ya chuo na wayaweke vizuri mazingira ya chuo hicho ikiwa ni  pamoja na kufanyia matengezo ya vyoo ambavyo vimesababisha baadhi ya  wanachuo kwenda kujisaidia polini.

Walisema kuwa chuo hicho kinavyoo vyenye matundu na wayaweke vizuri 

mazingira ya chuo hicho ikiwa ni pamoja na kufanyia matengezo ya vyoo 

ambavyo vimesababisha baadhi ya wanachuo kwenda kujisaidia polini. 

Walisema kuwa chuo hicho kinavyoo vyenye matundu 14 ambapo kati ya 

matundu hayo saba ya wanawake na saba ni wanaume wakati chuo hicho 

kinawachuo zaidi ya 1,200 na kufanya kusababisha tundu moja kutumiwa na  wanachuo 64 badala ya kati 20 au 25.

Kwa upande wa viongozi wa serikali ya wanachuo waliyotimuliwa Aristides 

Munjwahuzi na waziri mkuu wake Deogratius Sanga waliwaambia waandishi wa habari kuwa matatizo makubwa yaliyopo ndani ya chuo hicho ni mengi   ambayo wanachuo wakijaribu kulalamika kupitia uongozi wa serikali ya  wanachuo badala yake uongozi wa chuo umefikia kuufukuza uongozi wa  serikali ya chuo na kuwasimamisha masomo kwa muda wa miezi sita jambo  lilionekana kuwa ni uonevu mtupu.

Hata hivyo mmoja wa viongozi wa chuo hicho mtawa Antonia Emmanuel 

alisema kuwa suala la viongozi wa serikali ya wanafunzi la kuvuliwa 

madaraka na kusimamishwa masomo walishapewa maelekezo kuwa malalamiko  yao walete kwa maandishi ili yajadiliwe lakini hawakufanya hivyo jambo  ambalo aliliita kuwa ni dharau na badala yake ameshangazwa kuona  wanachuo wakiwa wamebeba mabango yenye jumbe mbalimbali lakini amesema  tatizo hilo linahitaji kuwepo mazungumzo ya pande zote mbili yakiwa na  lengo la kumaliza tatizo hilo.

WAZIRI MKUU AKAGUA MAREKEBISHO YA UKUMBI WA BUNGE KWA AJILI YA BUNGE LA KATIBA MJINI DODOMA LEO

Waziri Mkuu, Mizengo Pinda akikagua kazi ya uwekaji viti vipya katika ukumbi wa Bunge mjini Dodoma Januari 18,2014 ikiwa ni maandalizi ya Bunge la Katiba linalotarajiwa kuanza mwezi ujao.

Waziri Mkuu, Mizengo Pinda akiwa ameketi kitini wakati akikagua marekebisho yanayofanyika katika ukumbi wa Bunge mjini Dodoma Januari 18, 2013 ikiwa ni maandalizi ya Bunge la Katiba linalotarajiwa kuanza mwezi ujao. (Picha na Ofisi ya Waziri Mkuu).

Taarifa ya Taswira Kutoka Jeshi la Polisi Zanzibar Kuhusu Ujambazi uliyotokea Raha Leo

Kamanda Mkadam akionesha moja ya Silaha aina ya SMG ambayo ilikuwa haina magazine waliokuwa wakiitumia watuhumiwa wa uhalifu katika maeneo ya Raha Leo na kuitupa katika eneo la msikiti wa Muembe Shauri wakati wakikimbia.

 Kamanda Mkadam akiwaonesha waandishi moja ya silaha aina ya Gobole,waliofanikiwa Jeshi la Polisi kumkamata mtuhumiwa wakati akijiandaa kwenda kufanya uhalifu maeneo ya mtoni.  

 Kamanda Mkadam akionesha bastola iliyotumia katika uhalifu wa kumpora fedha mfanyabiashara katika maeneo ya rahaleo Zanzibar ikiwa na risasi zake kamili, ilihusika katika tukio hilo.

 Kamanda Mkadam akisoma taarifa kwa waandishi wa habari kuhusu  bastola iliyotumiwa katika uhalifu wa kumpora fedha mfanyabiashara katika maeneo ya rahaleo Zanzibar ikiwa na risasi zake kamili, ilihusika katika tukio hilo.

Sehemu ya Silaha waliokuwa wakiitumia watuhumiwa wa uhalifu katika maeneo ya Raha Leo na kuitupa katika eneo la msikiti wa Muembe Shauri wakati wakikimbia.

Waandishi wa habari wakifuatilia taarifa inayotolewa na Kamanda wa Polisi Mkoa wa Mjini Magharibi Kamanda Mkadam Khamis Mkadam, kuhusiana na uhalifu uliofanyika mwanzo mwa wiki hii katika maeneo ya Rahaleo na kumpora fedha shilingi milioni kumi na moja katika tukio hilo na polisi kufanikiwa kuwakamata watuhumiwa hao, kwa ushirikiano wa Wananchi wa kwahani.

--

Habari za mchana ndugu wanahabari, tumewaita ili kutoa  taarifa kwa wananchi juu ya tukio ambalo limetokea ndani ya Mkoa wetu ambalo kwa kiasi kikubwa linataka ufafanuzi kutokana na jinsi linavyozungumzwa huko nje.

Siku ya tarehe 13/01/2014 majira saa 9:55 jioni hapo Rahaleo kwa Mchina Tambi palitokea tukio la unyangani wa kutumia silaha. Tukio hili lilitokea wakati  Bw:  SAID SEIF SALAMI 34, Riami wa RAHALEO ambaye ni MFANYA BIASHARA wa vyakula anayefanyia biashara yake Kibanda Maiti na anaishi mtaa  wa  RAHALEO alipofanyiwa unyanganyi huo.

Mfanya biashara huyu alifunga biashara yake majira ya saa 9:45 jioni ya siku hiyo ya tarehe 13/01/2014 na kuchukua pesa za mauzo ya kutwa jumla ya T.sh 11,500,000/= ambazo alizifunga katika bahasha /mfuko wa kaki na kuondoka nazo kuelekea nyumbani kwa kutumia gari yake no. Z. 128 EW NISSAN Rangi ya silver. Alipofika maeneo ya Raha Leo Kwa Mchina Tambi ndipo gari moja yenye no. Z.866 EX aina ya SCUDO ilipomzinga kwa mbele na ghafla aliona watu watatu wametokezea wakiwa na silaha mbili, moja ikiwa ni bastola na nyengine ni SMG. Watu hao walimlazimisha kwa

 usalama wake awape ule mfuko wenye pesa. Kwa kuhofia usalama wake alitoa pesa zote  jumla ya  T.SH 11,500,000/=

Majambazi hao baada ya kitendo hicho cha kuchukua hizo pesa walikimbilia kwenye gari yao. Kitendo hicho kilifanyika mbele ya watu ambao walianza kupiga kelele za mwizi!, mwizi!, mwizi!, kelele ambazo zilimfanya dereva wa gari ya majambazi kuondosha gari na kuwaacha wenzao watatu chini.

Wakati huo wananchi walipiga simu Polisi huku juhudi za ukamataji zikiendelea.

Polisi walifika eneo la tukio na kumkuta mtuhumiwa mmoja asiye na silaha akiwa tayari amekamatwa kwa msaada wa wananchi. Mtuhumiwa huyo anaitwaMAULID ALI @ KIPARA. Juhudi ziliendelea kufanywa kuwafuatilia majambazi wengine walioondoka  eneo la tukio na silaha. Miongoni mwao jambazi mmoja alifanikiwa kuitupa silaha aina ya SMG isiyo na magazine na shuka la kimasai ambalo alikuwa amevaa Jambazi huyo kujaribu kubadilisha utambulisho wake. Silaha na shuka hilo la kimasai vilitupwa hapo eneo la ndani ya msikiti wa Muembe Shauri. Jambazi huyu aliruka ukuta na kutokomea upande wa pili.

Mtuhumiwa wa tatu aliyekuwa na pistol alikabiliwa na Wananchi wa maeneo ya Kwa Ali Natoo kwa kushirikiana na Askari wetu wa vyombo mbalimbali wakiwemo Polisi, KMKM, JKU na Mafunzo na walifanikiwa kumkamata akiwa na hiyo Pistol aina GLOG 17 ikiwa na  no. PPG 617 ikiwa na risasi zake17 ambayo alikamatwa nayo Mtuhumiwa huyo aitwaye GANGIRA CHARLES MSHANDETE 34, MSUKUMA WA DSM  anayesadikiwa kuwa ni mtumishi wa PCCB DSM kutokana na maelezo yake lakini pia kitambulisho na silaha yake vinaonyesha kumilikiwa na Taasisi hiyo.

Baada ya mahojiano kuanza, mtuhumiwa wa kwanza alitowa ushirikiano wa namna ya kumpata mshirika wao ambaye aliendesha gari la Majambazi, hivyo Mtuhumiwa huyo dereva alikamatwa maneo ya Shangani nyuma ya African House nyakati za Magharibi. Mtuhumiwa huyo wa tatu anaitwa KHAMIS FAKI HAJI 40, MSHIRAZI WA MWERA. Baadaye Mtuhumiwa huyo alitoa ushirikiano wa kuitoa gari iliyofanyia tukio ambayo tayari alikuwa ameshaificha ndani ya eneo la viwanda vidogo vidogo. Gari hiyo ina no. Z 866 EX aina ya SUZUKI ambayo ndiyo iliyotumika katika ujambazi.

Baada ya kukamatwa dereva huyo, mtuhumiwa wa kwanza aliendelea kutoa ushirikiano kwa kumvuta mtuhumiwa aliyeitupa Bunduki ya SMG pale msikitini Muembe Shauri. Ilipendekezwa itumike gari ya mtuhumiwa wa tatu ili kumfanya yule anayevutwa asishituke. Wapelelezi na Mtuhumiwa wa kwanza walienda hadi eneo walilokubaliana kukutana. Walipofika pale na ishara ilitolewa ili afike, lakini  wakati unafunguliwa mlango wa gari alibaini kuwa waliokuwemo ni Askari na hivyo alitimka mbio. Juhudi zilifanyika na akakamatwa. Mtuhumiwa huyo wanne anajulikana kwa jina la RAJAB MOHAMED BAKAR 25, MSHIRAZI WA KOROGWE TANGA. Licha ya mtuhumiwa huyu kujitambulisha kwa jina hilo wenzake wanamtambua kwa jina la CHRISTOPHER MKAAZI WA KIGOMA – MUHA. Mtuhumiwa huyu alipopekuliwa alipatikana na silaha nyingine ya Pistol aina ya Browning yenye namba TZ CAR 93480. Hizi ni namba mpya za silaha ambazo kupitia data base ya CAR DSM tunaweza kujuwa mmiliki halali wa silaha hii na jinsi gani imetoka mikononi mwake pengine inawezekan na yeye akawa ni mshiriki wa kosa la ujambazi. Pia pistol hiyo ilikuwa na risasi moja.

Kwa ufupi katika tukio hili silaha zilizokamatwa ni tatu ikiwemo SMG moja na pistol mbili na risasi 18 jumla.

Kuhusu mali zilizoibiwa pesa taslim T.sh 3,900,000/= zimepatikana na kwamba mtuhumiwa wa pili ndiye aliyekamatwa nazo pamoja na simu ya mlalamikaji, kadi ya Benki na leseni ya udereva. Katika sakata la ukamataji Mtuhumiwa huyu aliutupa ule mfuko wa pesa na mtoto mmoja aliuchukua na kukimbia nao. Juhudi zilifanywa na akapatikana akiwa ameshawakabidhi kaka zake ambao walirejesha jumla ya T.sh 3,900,000/= huku mfuko uliokuwa umehifadhi ukiwa umechanwa hali ya kuwa awali walipokabidhiwa na huyo mtoto mfuko huo ulikuwa umefungwa vizuri. Mtu mmoja anashikiliwa kuwezesha upatikanaji wa mali zilizobakia. Kwa jumla walikamatwa watu saba na kuhojiwa katika tukio zima.

Sambamba na taarifa hiyo napenda pia kuwaonyesha bunduki aina ya Gobore tuliyoikamata tarehe 03/01/2014 saa 1:00 usiku huko Fuoni  Mkoa wa Kusini Unguja pamoja na watuhumiwa watatu ambao walikuwa wanajiandaa kufanya ujambazi kwa BAKHRESA Mtoni Unguja walikamatwa wakiwa na silaha hiyo ya Gobore yenye kutumia risasi  za Shortgun

Watuhumiwa hao ni

1. ISMAIL HAJI SADI @ GREY, MSUKUMA WA AMANI KWA MABATA


2. ALI MOHAMED ALI@ BAB ALLY, FUNDI ALI, WA FUONI


3. OMAR ISSA MOHAMED, MSHIRAZI WA DSM

Watuhumiwa hawa leo tarehe 16/01/2014 tumawapeleka Mahakamani. 

Naomba kutumia nafasi hii kwa mara nyengine tena kuwashukuru na kuwapongeza wananchi wote kwa ushirikiano wao katika mapambano na majambazi tuliofanikiwa kuwakamata tarehe 13/01/2014.

Tunawaomba wananchi kutoa ushirikiano kwa Jeshi lao la Polisi kwa kutoa taarifa zitakazoweza kusaidia kuwakamata wahusika wa matukio kama haya ambao  lengo lao ni kujipatia mali kwa njia ya mkato lakini pia kuleta hofu na taharuki kwa wananchi.

MKE WA MTU SUMU, MME WA MTU JE????MWANAFUNZI AMWAGIWA MAFUTA YA MOTO BAADA YA KUFUMANIWA NA BOYFRIEND WA RAFIKI AKE.

Mwanafunzi wa chuo kimoja alimwagiwa mafuta ya moto na rafiki yake kipenzi baada ya kumkuta na boyfriend wake wakifanya mapenzi.

Ilikuwa ni siku ya ijumaa Nasra alipokuwa akitoka darasani na kurejea hostel alipokea sms ikisema "Nenda kwa Rafiki yako kipenzi Naima kuna Bonge la Surprize, tafadhali usikose nenda sasa hivi" Nasra aliamua kuchukua pikipiki hadi kwa rafiki yake alipofika tu alikuta viatu vya boyfriend yake nje, akashtuka kwanza kwani sio kawaida ya jamaa huyo kwenda kwa Naima bila ya kuwa na Nasra, Nasra alijaribu sana kugonga lakini hakufunguliwa, na baadae aliamua kupiga simu zote mbili ya rafiki yake na ya boyfriend wake pia zote zikaita tu bila kupokelewa, Alikaa pale nje hadi majira ya saa sita usiku, ambapo alishajua kunakitu kinaendelea. Muda ulivyozidi kwenda  Nasra alitoka na kwenda kuchukua marafiki zake wengine wawili, aliporudi alikuta bado hawajatoka ndani.

Mpaka majira ya saa saba hivi usiku, Nasra akiwa amebeba mafuta ya moto kwenye chupa ya chai yeye na marafiki zake walivunja mlango na kuwakuta wawili hao ndani wakiwa katika hali ya uoga jamaa alifanikiwa kukimbia na kumuacha Naima chumbani ambapo Nasra alifungua chupa ya chai na kumwagia mafuta hayo ya moto rafiki yake huyo msaliti.

Nasra alikamatwa baadae na kufikishwa kituo cha polisi ambayo alihojiwa na kusema kwamba, alikuwa akipata tetesi na uvumi kwamba mchumba ake anatembea na rafiki yake kwa siku nyingi hivyo alikuwa anatafuta tu uthibitisho, na ameupata baada ya kuatilia kwa muda mrefu.

TASWIRA 14 ZA ULALAJI WA WATOTO NA UNAWEZA KUJIFUNZA KITU KUPITIA PICHA HIZI ZA WATOTO

Mapacha wakikuwa watakuwa mamodel ukipitia picha unaweza kujifunza kitu

Huyu  akikuwa ni mcheza Rugby

Huyu nae akikuwa atakuwa comedian 

Hapa wa nyuma akikua atakuwa Dr na wa mbele atakuwa Prof.

Hapa hata wewe unajua akikuwa atakuwa nani

Huyu nae habari ndiyo hii live bila chenga unaweza kujua tu.

Huyu akikua atakuwa reporter 

Na huyu akikua atakuwa padri

Akikua atakuwa Actress 

Engineer wa kesho huyo 

Huyu akikua hata kuwa bartender 

Akikua atakuwa judge 

Akikua atakuwa Nurse 

Hapa ndiyo Sociology wetu

BABY MADAHA ANASWA LIVE BILA CHENGA AKIFANYA BIASHARA YA NGONO.

AMA kweli maovu yanazidi kuongezeka, shetani naye mbioni siku 

zote kunasa waliyo wake, kauli hizo zote ziko sambamba na staa wa 

sinema za Kibongo na mkali wa muziki wa Kizazi Kipya, Baby Joseph 

Madaha amenaswa baada kuingia mkenge mtego wa kujiuza, Ijumaa limesheheni.
 
 Kumekuwa na skendo kuwa baadhi ya mastaa wa kike Bongo 

hujihusisha na biashara ya kujiuza ili kujipatia kipato na 

kufanya sanaa 

kuwa kama chambo cha kunasa wanaume.
 OFM MZIGONI
Oparesheni Fichua Maovu (OFM) chini ya Global Publishers, mwaka

 jana ilinasa mastaa wawili kwenye mtego wake, mke wa mtu, Jacqueline Pentzel ‘Jack Chuz’ na Lulu Mathias Semagongo ‘Aunty Lulu’.
Mwaka huu, OFM imeanza kazi zake ambapo kwa kuanzia iliamua 

kumtega Baby Madaha aliyejaa kwenye kumi na nane zake.
 Mmoja wa wadau wa OFM alijifanya mfanyabiashara kutoka Mwanza ambaye ni mgeni wa jiji a.k.a Ngosha akijipachika jina la Frank ambapo baadaye katika mazungumzo, Baby Madaha alimbana na 

kutaka ampatie majina matatu ndipo mwana-OFM Frank (feki) akajipatia 

jina Frank Michael Lugwisha.

ILIKUWAJE?
Mchezo mzima ulianza Januari 13, mwaka majira ya saa 11:52 

jioni

 kwa kuchati kwenye simu ya kiganjani ambapo Baby Madaha

 aliingia kichwakichwa bila kujua anachati na ‘sumu’ wa OFM kama 

ifuatavyo;
Frank/OFM: Mambo vipi Baby Madaha? Nilikuwa naomba tuonane.
Baby Madaha: Kuhusu nini?
 Frank/OFM: Niwe mkweli, Madaha nimekupenda, nilipofika hapa 

Dar ndo nikaona nikutafute.
Baby Madaha: Unampendaje mtu usiyemjua?
Frank/OFM: Jamani nakuonaga magazetini na video zako.
Baby Madaha: Safi, so unataka kuniambia nini ambacho 

sijakisikia?
 Frank/OFM:  Nataka tu-meet (kukutana) Madaha nimetokea 

kukupenda sana lakini Alhamisi (jana) narudi mkoani Mwanza.
 Baby Madaha: Huwezi ku-manage kuwa na mimi, baki kuwa shabiki 

wangu tu.
Frank/OFM: N’take radhi Madaha, kwa nini nisiweze, kikubwa kipi?
Baby Madaha: Huh! Tuma vocha tuone how worth are you? (Tuma 

vocha tuone utajiri wako)
Frank/OFM: Acha utani bwana, vocha kitu gani, ongea mambo 

makubwa Madaha
Baby Madaha: Hahaha…yote ninayo-except vocha tajiri.
 Frank/OFM: Acha bwana. Vocha ndo kikwazo kwako?
Baby Madaha: Yap! Kama hutaki acha au unadhani natumia wireless kuchati na wewe?
Frank/OFM: Madaha wewe ni mkatili kiasi hicho?
 MAMBO YASIMAMA KWA MUDA
Masuala ya kuchati yalisimama kwa muda lakini ilipofika saa

 2:22 usiku, mazungumzo yaliendelea ambapo siku iliyofuata Frank 

wa 

OFM aliamua kuendelea kumtengenezea mtego ili kujiridhisha kama 

ni 

kweli baadhi ya mastaa wa Bongo wanafanya biashara hiyo haramu.
Januari 14, mwaka huu, majira ya saa 5:00 asubuhi, Frank wa 

OFM alianza tena kuchati na Baby Madaha kama ifuatavyo;
 
 Frank/OFM: Mambo Madaha? Mi Frank
(akaamua kumpigia simu Frank wa OFM, ilikuwa mshtuko kwa Frank 

kwa sababu hakujipanga kuongea naye kwa hiyo hakupokea simu ya 

Baby Madaha ambayo ilipigwa saa 6: 30 mchana.
Dakika moja baadaye, Baby Madaha alituma meseji ya kumtoa hofu 

Frank wa OFM;
Baby Madaha: Frank ‘am calling you in vain uh afraiding of me 

(Frank nakupigia kwa nia njema unaniogopa?)
 Frank/OFM: Sorry nilikuwa tight, naweza kupiga?
Baby Madaha: Yap!
Frank/OFM: Frank wa OFM aliongea na Baby Madaha na kuanza kumchomekea ambapo alitoa ushirikiano wa kutosha na kuonesha 

nia ya kujenga uhusiano huku akimtaka staa huyo kuwa ‘siriaz’ 

akimuahidi kuwa atakuwa naye na kuwa ajenti wake wa muvi jijini Mwanza.
Baada ya maongezi ya kutongozana kwenye simu, Frank wa OFM 

alimtumia tena meseji Baby Madaha kama ifuatavyo;
 
 Frank/OFM: Nimefurahi sana kuongea nawe, sijui itakuwaje

 tukionana?
Baby Madaha: Wait, you I’ll see.
Frank/OFM: Eti ee, nimetokea kukupenda sana.
Baby Madaha: Thanks.
 Baada ya hapo Frank wa OFM alimaliza kumtumia ‘sms’ siku 

hiyo, ilikuwa saa 9:12 alasiri.
Hata hivyo, Frank wa OFM aliamua kumhoji zaidi kupitia sms 

akitaka kujua hasa akiwa naye hata kwa saa tatu atataka shilingi ngapi?
Frank/OFM: Sasa hivi nataka kutoka niende ATM kuchukua pesa, 

sasa hebu kuwa muwazi tu wangu, kuwa na wewe kwa kama saa tatu utakuwa poa nikupe Sh. ngapi? Mtu mzima nisije nikaumbuka si

 unajua tena

 kwa staa kama wewe?
 Baby Madaha: Milioni 10!
Frank/OFM: Baby usinikomoe, mimi na wewe tuna safari ndefu, 

kila nikija Dar tutakuwa pamoja.
Baby Madaha: (...anapiga simu lakini Frank wa OFM hapokei).
Baada ya kuona hivyo, Baby Madaha alituma sms hii “Call” (piga).
 
 MAONGEZI YA SIMU
Frank/OFM: Mambo vipi Baby, habari za muda tena?
Baby Madaha: Salama tu, kwani wewe ulikuwa unataka kutoa sh. 

ngapi ATM?
Frank/OFM: Mimi ndiyo nilikuwa njiani naelekea ATM natoka hapa hotelini nilipofikia nina Shilingi Mil.4 kwa usiku mmoja, hapo

 vipi?
Baby Madaha: Katoe 5 fresh, sasa benki gani utaenda kutoa

 wakati benki zote zimeshafungwa na ATM mwisho kutoa ni Mil.1,

 sasa

 hapo itakuwaje?
 Frank/OFM: Nitatoa kwa ATM, hata hivyo, nina master-card, 

naweza kutoa Mil.1 hadi mara 5, usijali kwani pesa kitu gani, 

cha

 msingi mimi ni kuwa na wewe!
Baby Madaha: Okay, fine unaweza kuja Kijitonyama (Dar) hapa 

kwenye hoteli ya (anaitaja jina)?
Frank/OFM: Nimefikia hapa hotelini (jina kapuni), sasa kutoka

 ni vigumu.
Baby Madaha: Okay, poa nitakuja hapo hotelini saa 1:00 usiku.
 Frank/OFM: Usijali karibu sana, nakupenda sana Baby Madaha 

yaani niko tayari kwa lolote, sema unataka nikupe nini?
Baby Madaha: Hahaha....(anachekaaa) nikija nitakwambia vyote ninavyotaka kwani unafanya biashara gani?
 Frank/OFM: Nauza nguo, mara nyingi nafuata Jakarta, Indonesia 

mara kwa mara lakini natumia muda mwingi kufanya kazi zangu

 Mwanza.
 Baby Madaha: Wee Msukuma eti? Mimi mwenyewe Msukuma kwani 

unadhani jina Madaha ni la nini hilo, mimi mwenyewe Msukuma.
Frank/OFM: Nimefurahi sana kusikia hivyo, unaweza kuongea 

Kisukuma?
Baby Madaha: Naweza, wewe nisemeshe tu!
Frank/OFM: Nakutogilwe gete Madaha (Frank anaongea Kisukuma 

kwamba anampenda sana Madaha)
Baby Madaha: Tukuhoya ntondo nduhu tabu (anajibu kwa Kisukuma 

kuwa hakuna tatizo tutaongea kesho).
 Ulipofika muda waliokubaliana na Frank wa OFM, Madaha alisema 

kuna foleni kubwa hivyo kuna sababu ya kubadilisha hoteli hiyo 

iliyoko maeneo ya Ubungo alipopanga Frank wa OFM waonane, Baby Madaha akataka wakutane nyingine iliyoko Kijitonyama.
“Siwezi kuja huko, kwanza kuna mifoleni isitoshe ni vizuri 

ukafika mwenyewe maeneo haya ya hoteli ya… (anataja), ni sehemu nzuri 

kwangu hivyo kama huna nia mbaya na mimi ni vizuri ukaja maana 

kesho nasafiri kwenda Kenya kwenye shughuli zangu za muvi, kwa 

hiyo unaweza kuja wewe tu maeneo haya,” alisema Madaha.

 Frank aliendelea kumbana kwamba tayari alikuwa ameshaandaa 

pesa shilingi Mil.5,

 kama walivyokubaliana lakini asingeweza kubeba mfuko wa fedha 

wote huo isitoshe ni

 hoteli ambayo ameizoea kwa muda mrefu.
“Ujue Dar mimi siyo mzoefu, achilia mbali kuogopa kutapeliwa

hivyo nakuomba uje kwenye hii hoteli nitafurahi sana dear, 

nakuomba unielewe ujue nakupenda sana mpenzi wangu Baby Madaha, tulia tuyajenge maisha,” alisema Frank wa OFM.
 Msanii huyo alimkomalia Frank wa OFM wakutane siku ya Jumanne

 usiku ambapo alimwambia pia kuwa amepata dharura anakwenda 

kumuona mfanyabiashara mwenzake kwenye hoteli moja iliyopo 

Masaki (jina tunalo) ambapo Baby Madaha alitaka waonane na Frank 

wa OFM 

kwenye hoteli hiyohiyo.
“Nimepata dharura sitaweza kuonana na wewe, naenda kumuona 

mfanyabiashara mwenzangu maeneo ya hoteli…(jina tunalo), tuonane kesho muda wa asubuhi,” 

alisema Frank.
 Baadaye Frank alimjulisha mteja wake kuwa yuko njiani anafuata mzigo bandarini 

akitoka wataonana na Baby Madaha kesho yake asubuhi ya Jumatano iliyopita, alituma 

sms hii;
Baby Madaha: Kuna stage tano in anything, nakupa tatu, coz uko 

siku ya tatu, 

denying, bargaining, accepting..... tomorrow if you be still on game, i give you the 

remained good

 day, enjoy Mr Frank, ukitoka cargo call me, we meet!
Frank/OFM: Okay, siku njema nitakutafuta.

 Baby Madaha: Matajiri wengine hawana maneno kama wewe kwa 

mfano…(anataja

 jina la pedeshee mmoja maarufu Dar). Wanatuma pesa na siyo

maneno, wee tuma

 hela (-)-pesa ipo kila sehemu we tuma ndo nitaweza kujiongeza 

kama nakuja au laa.
Frank/OFM: Nakutumia muda siyo mrefu, usijali.
 IJUMAA LAMBANA BABY MADAHA
Hata hivyo, Baby Madaha hakutumiwa pesa alizotaka ili 

kukamilisha zoezi badala yake, 

OFM walitua mzigo wa ushahidi kwenye dawati la Ijumaa ambalo lilikuwa na 

jukumu la kutafuta mzani wa ishu hiyo.
Ijumaa lilipomtafuta Baby Madaha alikiri kuwa kwenye mawasiliano 

na 

mwanaume aliyemtaja kwa jina la Frank Michael Lugisha ambaye 

alisema alikuwa

 akifanya naye makubaliano ya kusambaza filamu yake ya The Gal Bladder. Alipobanwa

 juu ya makubaliano ya kujiuza kwa mwanaume huyo kwa Sh. milioni 

5 alikataa 

pamoja na kwamba alielezwa kuwa kuna ushahidi wa meseji na sauti
Alipotakiwa kufika kwenye ofisi za gazeti hili ili 

 kusikilizishwa sauti na kuoneshwa 

meseji zake, Baby Madaha alisema hawezi kwa kuwa alikuwa na 

safari ya kwenda 

nchini Kenya muda mfupi baadaye. 

STORI HII NI KWA HISANI YA GLABOL PUBLISHERS LTD

WAJAWAZITO WANASWA WAKIFANYA BIASHARA YA NGONO- MJI KASORO BAHARI

OPARESHENI ya Polisi wa Mkoa wa Morogoro na kikosi maalum cha kufichua Maovu cha Magazeti ya Global Publishers (OFM), imemnasa mwanamke mjamzito katika kamatakamata ya machangudoa.

 Katika oparesheni hiyo ya aina yake iliyofanyika mwishoni mwa wiki iliyopita katika eneo la Msamvu (Kambi ya Itigi), wanawake 30 waliodaiwa kujihusisha na biashara hiyo walikamatwa.

 Waandishi wetu wakiwa na askari wa mkoa huo walimnasa mjamzito huyo anayedaiwa kuwa na mimba ya miezi sita akiwa mawindoni eneo hilo.

 

Changudoa huyo mwenye mimba akiwa chini ya ulinzi.

 Mara baada ya mjazito huyo kukamatwa alitoa yake ya moyoni kwa kusema kwamba anafanya biashara hiyo ili kupata fedha za kujikimu na ujauzito wake haumpi shida yoyote.

 “Jamani natafuta pesa za kujikimu na maisha hapa mjini sasa mnatukamata tukale wapi? Hii mimba ni yangu na ninayefanya ukahaba ni mimi niacheni,” alisema mdad

Kaburi lafukuliwa, maiti aachwa mtupu

Wakazi wa Kijiji cha Ilagala mkoani hapa,wamepatwa na bumbuwazi baada ya kukuta kaburi limefukuliwa na maiti ikiwa tupu bila sanda.

Tukio hilo limetokea Januari 14, 2014 katika Kijiji cha Ilagala Wilaya ya Uvinza mkoani hapa ambapo wakazi hao walistaajabu baada ya kukuta maiti ikiwa haina sanda.

Shuhuda wa tukio hilo Abdallah Shaban ambaye ni ndugu wa marehemu ambaye pia ni Mwenyekiti wa SACCOS ya Mwangu kijijini hapo alisema, marehemu alizikwa Januari 13, 2014 katika maeneo ya Malalo yaliyopo pembezoni mwa soko la Ilagala lakini na baada ya hapo walipoenda Januari 14, 2014 kwenye eneo hilo kwa ajili ya maziko ya marehemu mwingine walishangaa kuona kaburi limefukuliwa huku maiti akiwa mtupu

Shabani alisema, tukio hilo ni la kwanza kijijini hapo na kwamba kufukuliwa kwa kaburi hilo kunaonyesha kulifanywa na watu.

Naye baba mdogo wa marehemu, Issa Salum alisema, tukio hilo ni la mwaka kijijini hapo ambapo polisi wa Kituo cha Ilagala waliamuru kufukua kaburi lote na kukuta maiti tupu pasipo sanda na waliamua kununua sanda nyingine na kuzika upya.

Kutokana na tukio hilo inadaiwa kuwa mama wa marehemu Mwatano Juma alipoteza fahamu baada ya kushuhudia tukio hilo na baada ya kuzinduka hakuweza kuongea chochote kutokana na mshangao alioupata juu ya tukio hilo.

Kamanda mwandamizi msaidizi wa polisi Mkoani hapa, ASCP Frasser Kashai adai hana taarifa zozote kuhusiana na tukio hilo. Marehemu Juma Nkuru Muha (18), alifariki katika Hospitali ya Maweni akisumbuliwa na ugonjwa wa mapafu.

CCM YAZIDI KUJICHANGANYA NDANI YA MAKUNDI YA WANAOWANIA URAIS 2015

 Waziri Mkuu wa zamani, Edward Lowassa.

Dar es Salaam. Makundi ya Urais wa 2015 yanaendelea kuivuruga CCM baada ya Mwenyekiti wa chama hicho Mkoa wa Singida, Mgana Msindai kuibuka na kusema atamburuta mahakamani Mwenyekiti mwenzake wa Mkoa wa Geita, Joseph Kasheku ‘Msukuma’ asipomwomba radhi kwa kumchafua kwa kumwita mpuuzi.

Hata hivyo, Kasheku amesema Msindai anaweza kwenda mahakamani huku akisisitiza kwamba hawezi kumwomba radhi kwa kuwa anaamini kwamba alichofanya ni kinyume cha taratibu za chama na vikao.

Juzi, Kasheku alimponda Msindai mbele ya waandishi wa habari kwa kitendo chake cha kusema kuwa wenyeviti wa CCM wa mikoa yote ya Tanzania wanamuunga mkono, Waziri Mkuu wa zamani, Edward Lowassa katika safari yake ya urais wa 2015 wakati wa sherehe ya mwaka mpya huko Monduli, Arusha.

Msindai alisema jana kuwa amemtaka Kasheku aitishe mkutano wa waandishi wa habari na kumwomba radhi. “Asipofanya hivyo ndani ya siku saba nitampeleka mahakamani,” alisema Msindai.

Msindai pia alikanusha kuwa aliwekwa kitimoto katika mkutano wa wenyeviti wa CCM wa mikoa uliofanyika Zanzibar.

Msindai aliyekuwa Mbunge wa Iramba Mashariki kwa miaka 15, alikiri kuwa alialikwa pamoja na wenyeviti wenzake sita katika sherehe ya mwaka mpya iliyoandaliwa na Lowassa huko Monduli.

Katika sherehe hizo, Lowassa alitangaza kuwa ameanza safari ya matumaini, kauli ambayo wachambuzi wa masuala ya kisiasa waliitafsiri kama tangazo la kuwania urais mwaka 2015.

Msindai alikanusha kutangaza kuwa wenyeviti wote wa CCM wa mikoa wanamuunga mkono Lowassa wakati wa sherehe hiyo... “Mimi ni Mwenyekiti wa wenyeviti wa CCM, lakini sikuwahi kuzungumza kuwa wenyeviti wote wanamuunga mkono Lowassa katika Uchaguzi Mkuu 2015... kikubwa tulichozungumza ni kumuunga mkono katika safari yake ya mafanikio katika kuendeleza elimu, maji, ujenzi wa zahanati.”

Msindai alisema wanamwangalia Lowassa kutokana na uwezo wake katika kusimamia mipango yake ya maendeleo na zaidi katika kupigania elimu pana kwa Watanzania.

“Alipokuwa Wizara ya Maji alichangia maji kupatikana Dar es Salaam na mikoani na maendeleo mengi, uwajibikaji kwenye jimbo lake na aendelee hivyo...hayo ndiyo tuliyomsifia. Nilizungumza haya na sitabadilika,” alisema Msindai, ambaye alisema haogopi kufukuzwa.

“Mimi si mpya ndani ya CCM kama ‘Msukuma’. Nina miaka zaidi ya 40, ninaelewa taratibu zote za chama za udiwani, ubunge na urais. Kama ni kampeni ni baada ya chama kumpitisha mtu na sisi tutamuunga mkono... hata mimi ninaweza kuwania urais,” alisema.

Siombi radhi

Kwa upande wake Kasheku alisema hamwombi radhi Msindai, kwani si wenyeviti wote wa CCM wanaomuunga mkono Lowassa katika safari yake aliyoiita ya matumaini.

“Siombi radhi na hata sasa hivi anaweza kushtaki, tulipokutana Zanzibar alitueleza kuwa alitoa kauli ya kuumuunga mkono Lowassa kimakosa na kusema alikuwa akimaanisha yeye na wenzake aliokwenda nao Monduli ndiyo wanamuunga mkono Lowassa,” alisema Kasheku.

Kasheku alifafanunua kuwa Msindani alisema kuwa wanahabari walikosea kumnukuu baada ya kuandika katika vyombo vya habari kuwa alisema wenyeviti wote wanamuunga mkono Lowassa.

Alisema baada ya Msindai kukiri jambo hilo, wenyeviti waliokuwa Zanzibar waliandaa tamko la pamoja na kuagiza lisomwe na Msindai mbele ya wanahabri katika Ukumbi wa Idara ya Habari Maelezo, Dar es Salaam.

“Katika huo mkutano ilitakiwa niwepo mimi (Kasheku), Msindai na Mwenyekiti wa CCM Mkoa wa Dar es Salaam, Ramadhan Madabida, ila cha ajabu mwenzetu (Msindai) alitukimbia na tulipomtafuta akasema yupo Singida, hivyo sisi tuliamua kutoa tamko lile,” alisema Kasheku.

Alisema kauli aliyoitoa Msindai ni kinyume na maagizo ya wenyeviti wote wa CCM, huku akimtaka kabla ya kwenda mahakamani, ahakikishe kuwa amewasilisha malalamiko yake ndani ya chama ili Kamati ya Maadili ya chama ikae na kutoa uamuzi.

“Hatuna ugomvi na Lowassa, tuna ugomvi na yeye aliyetuweka nyuma yake na kusema wote tunamuunga mkono Lowassa, nani alimwambia maneno hayo na ilikuwa katika kikao gani?,” alihoji Kasheku na kuongeza:

“Kama kuna watu wapo nyuma ya Lowassa au mtu yeyote ni siri yao, iweje yeye atulazimishe sisi kuwa nyuma yake kwa mgongo wa Mbunge wa Monduli”.

Mgeja amtetea Msindai

Mwenyekiti wa CCM wa Mkoa wa Shinyanga, Hamis Mgeja ambaye pia alikuwa Monduli, alimtetea Msindai akisema hakuwahi kuzungumzia suala la urais katika mkutano huo wa Monduli zaidi ya kumsifu Lowassa kwa mafanikio aliyoleta kwenye jimbo lake na maeneo mengine alipokuwa Waziri Mkuu.

Alisema hakuna dhambi kwa kumpenda mtu yeyote, wote wanaotoa kauli za kukanusha ni dalili za woga, wivu, kutokujiamini na inawezekana wana watu nyuma yao.

 MWANANCHI

Mtoto aibiwa katika mazingira ya kutatanisha

 

Kamanda wa polisi mkoani Singida, SACP Geofrey Kamwela, akizungumza na waandishi wa habari (hawapo pichani) kuhusiana na tukio la kupotea kwa mtoto.

Na Nathaniel Limu, Singida

MTOTO Meristina Samwel mwenye umri wa mwezi mmoja na siku moja mkazi wa Misuna Manispaa ya Singida ameibiwa katika mazingira ya kutatanisha.

Kamanda wa polisi mkoani Singida, SACP Geofrey Kamwela amesema tukio hilo la wizi wa mtoto, limetokea Januari 14 mwaka huu saa tano asubuhi huko katika mtaa wa Ginery kata ya Mandewa tarafa ya Unyakumi Manispaa ya Singida.

Amesema siku moja kabla ya tukio, mwanamke ambaye jina lake bado halijafamika, alifika Misuna nyumbani kwa mama wa mtoto aliyeibiwa, aitwaye Fatuma Jumanne (26) na kudai anatafuta mtoto wa kazi.

 “Baada ya mazungumzo ya muda kati ya wanaweke hao, kulijengeka aina fulani ya urafiki uliopelekea mwanamke mwizi wa mtoto kurudi tena  nyumbani kwa Fatuma”,amesema.

Kamwela amesema siku hiyo januari 14 saa tano asubuhi, mwanamke huyo, akiwa nyumbani kwa Fatuma alimwombwa mwenyeji wake waende wote Ginery ili akamwonyeshe nyumbani kwake.

Akifafanua zaidi, amesema kwa vile Fatuma alikuwa na watoto wawili, yule mwanamke mwizi, aliomba kubeba mtoto mchanga na Fatuma akabeba yule mkubwa.

 “Walipofika Ginery, mwanamke mwizi alimpeleka Fatuma mgahawani akamnunulia chai vitafunwa na soda.  Baada ya kutoa ‘ofa’ hiyo, mwanamke huyo alimwaga Fatuma kuwa anaenda duka jirani kuchukua ufunguo wa nyumba yake huku akiwa na kitoto kichanga”,amesema.

Kamwela amesema mwanamke huyo huku akiwa amembeba Meristina, hakuweza kurudi tena kwa Fatuma na badala yake kupotelea kusikojulikana na mtoto huyo.

Kamanda huyo amesema juhudi za kumtafuta mtoto na mwanamke huyo mwizi zinaendelea na amewataka wananchi kuwa endapo watamtilia  shaka mwanamke mwenye mtoto mchanga watoe taarifa kituo chochote cha polisi.