Rais Magufuli ateua Mkurugenzi Mkuu SIDO na Mkurugenzi Mtendaji Hosp ya Benjamin Mkapa Dodoma

 

Rais wa Jamhuri ya Muungano wa Tanzania Dkt. John Pombe Magufuli amemteua Prof. Sylvester Michael Mpanduji kuwa Mkurugenzi Mkuu wa Shirika la Viwanda Vidogo (SIDO).

Taarifa iliyotolewa leo Ikulu Jijini Dar es salaam na Katibu Mkuu Kiongozi Balozi John Kijazi imeeleza kuwa uteuzi wa Prof. Sylvester Michael Mpanduji umeanzia leo tarehe 18 Julai, 2016.Kabla ya uteuzi huu Prof. Sylvester Michael Mpanduji alikuwa Mhadhiri wa Chuo Kikuu cha Sokoine cha Kilimo (SUA).

Prof. Sylvester Michael Mpanduji anachukua nafasi iliyoachwa wazi na Mhandisi Omary Jumanne Bakari ambaye uteuzi wake umetenguliwa.Wakati huo huo, Rais wa Jamhuri ya Muungano wa Tanzania Dkt. John Pombe Magufuli amemteua Dkt.Winnie Mpanju-Shumbusho kuwa Mkurugenzi Mtendaji wa Hospitali ya Benjamini Mkapa - Dodoma.

Kabla ya Uteuzi huo, Dkt. Winnie Mpanju-Shumbusho alikuwa Mkurugenzi Mkuu Msaidizi wa Shirika la Afya Duniani (WHO) lenye makao yake makuu Mjini Geneva nchini Uswisi na alimaliza mkataba wake tangu Mwezi Desemba 2015.

Uteuzi wa Dkt. Winnie Mpanju-Shumbusho umeanza leo tarehe 18 Julai, 2016.

Dkt. Winnie Mpanju-Shumbusho anachukua nafasi iliyoachwa wazi na Dkt. Donan William Mmbando ambaye ameomba kupumzika kutokana na sababu binafsi.

Gerson Msigwa

Kaimu Mkurugenzi wa Mawasiliano, IKULU

Dar es salaam

18 Julai, 2016 

===============================================

UTT - PID YASHIRIKI MKUTANO WA WATAALAMU WA MIPANGO MIJI KAMA MOJA YA WADAU WAKUU

Monday, July 18, 2016 HABARI MBALIMBALI Maoni: 0

 Afisa Masoko wa Taasisi ya Miradi na Maendeleo ya  Miundombinu (UTT-PID, Bi. Kilave Atenaka akiwa na mmoja wa washiriki kwenye banda la (UTT-PID ndani ya kumbi ya mikutano ya BOT. Mkutano huo uliofunguliwa na Katibu Mkuu wa Wizara ya Ardhi, Nyumba na Maendelo ya Makazi Dr. Yamungu Kayandabila ndani ya kumbi ya mikutano ya BOT. Msisitizo wa swala la Bodi ya Mipango Miji kuweka mipango ya matumizi bora ya Ardhi kwa Maendeleo ya wananchi na Taifa kwa ujumla.

Katibu Mkuu Wizara ya Ardhi Akipata melezo toka kwa moja wa maofisa wa Taasisi ya Miradi na Maendeleo ya Miundombinu (UTT-PID) juu ya miradi mbali mbali ya Taasisi yake.

 Wateja wakipata maelezo juu Miradi mbalimbali ya ujenzi na Miundombinu inayotekelezwa na Taasisi ya Miradi na Maendeleo ya Miundombinu (UTT-PID) maeneo mbalimbali  nchini.

========================================

KUTOA MSAADA HAIMAANISHI NI KUTENGENEZA MAZINGIRA YA KUKWEPA KODI-MAKONDA

Monday, July 18, 2016 AJALI Maoni: 0

.Mkuu wa Mkoa wa Dar es Salaam, Paul Makonda (katikati)akipokea moja ya bati  kutoka kwa Mkurugenzi Mtendaji wa Kampuni hiyo, Subash Patel ikiwa ni sehemu msaada wa kupaulia vyumba madarasa leo jijini Dar es Salaa , Kushoto ni Katibu Tawala wa Mkoa, Thelesia Mmbando. 

Mkuu wa Mkoa wa Dar es Salaam, Paul Makonda akiangalia mtambo wa kutibu maji taka na kuweza kutumika katika matumizi mengine wakati alipotembelea matambo huo katika kiwanda cha uzalishaji bati cha MMI Steel. 

Na Chalila Kibuda, Globu ya jamii 

MKUU wa Mkoa wa Dar es Salaam, Paul Makonda amesema kuwa wanaotoa misaada haimaanishi kuwa wanataka kutengeneza mazingira  ya kukwepa kodi,ni wajibu wa kampuni au taasisi kuguswa kwa namna moja ama nyingine katika kusaidia kutatua changamoto zinazoizunguka jamii .

Makonda ameyasema hayo leo,wakati wa makabidhiano wa bati 10000,na madawati 1000, kutoka kwa kampuni ya kuzalisha bati ya MMI Steel na Baps Charity amesema kuwa kampuni hiyo imefungua kampeni ya ujenzi wa vyumba vya madarasa.

Makonda amesema kuwa Rais Dk. John Pombe Magufuli alitoa bilioni mbili hivyo bati hizo zitakwenda katika kupaua vyumba vya madarasa na bati zingine zitabaki hivyo wadau waitikie wito wa kujenga vyumba vya madarasa.

Amesema kampuni hiyo imetoa sehemu yake katika kuunga mkono jitihada za Rais Dk.John Pombe Magufuli ya elimu bure ambayo itaendana na mazingira bora ya kusomea.

Makonda amesema kuwa kampuni hiyo imeweka mtambo wa majitaka kusafisha na kutumika tena na kutaka kampuni zingine zifanye hivyo.

Amesema kuwa wenye viwanda kuacha kutumia mitaro ya mvua kutiririsha maji na kutengeneza mifumo yao.

Nae Mkurugenzi Mtendaji wa Kampuni hiyo, Subash Patel amesema kuwa wameona umuhimu wa elimu na jitihada za Rais na kuamua kutoa sehemiu ya uwezo wao.Patel amesema kuwa wataendelea kutoa kadrichangamoto zinapoibuka.

=====================================

MKURUGENZI KISHAPU AKUTANA NA WATUMISHI WA HALMASHAURI,AWATAKA KUWA NA MATUMIZI SAHIHI YA FEDHA NA RASILIMALI ZA SERIKALI.

Monday, July 18, 2016 JAMII Maoni: 0

Mkurugenzi Mtendaji wa Halmashauri ya Wilaya ya Kishapu, Stephen Magoiga akizungumza na watumishi (hawapo pichani) wakati wa mkutano wa kujitambulisha leo ukumbi wa halmashauri. Kulia ni Mwanasheria wa halmashauri ya wilaya hiyo, Wilson Nyamunda.

Watumishi wa halmashauri ya wilaya hiyo wakimsikiliza Mkurugenzi Mtendaji, Stephen Magoiga wakati akizungumza kwenye mkutano wa kujitambulisha baada ya kuteuliwa na Rais Dk. John Magufuli uliofanyika katika ukunbi wa halmashauri.

Watumishi wafuatilia kwa makini hotuba ya Mkurugenzi Mtendaji, Stephen Magoiga wakati akizungumza nao kuzungumzia mikakati mbalimbali ya kujenga halmashauri.

Mkurugenzi Mtendaji wa Halmashauri ya Wilaya ya Kishapu, Stephen Magoiga akizungumza wakati wa kutambulishwa kwa Mkuu wa wilaya hiyo, Ngabaganga Taraba pamoja na Kamati ya Ulinzi na Usalama wilayani humo mwishoni mwa wiki.

Mkurugenzi Mtendaji wa Halmashauri ya Wilaya ya Kishapu, Stephen Magoiga (mbele kulia) akizungumza na wakuu wa idara ofisini kwake wakati wa makabidhiniano ya ofisi kutoka kwa aliyekuwa anakaimu nafasi hiyo, Wilson Nyamunda ambaye pia ni mwanasheria wa wilaya hiyo (mbele kushoto). Wengine anayefuatia ni Mwenyekiti wa halmashauri, Boniface Butondo, Mchumi wa wilaya, Joseph Katobezi, Mhandisi Samson Pamphil na Mweka Hazina wa wilaya, Masatu Mnyoro.

Read more » 

============================================= 

Dk shein azungumza na kamati ya uchangisgaji fedha za madawati

Monday, July 18, 2016 ZANZIBAR Maoni: 0

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) alipokuwa akiizindua rasmi kamati ya wajumbe wa kuchangisha fedha kwa ajili ya ununuzi wa madawati katika Skuli za Zanzibar katika ukumbi Ikulu ndogo Kibweni leo.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) alipokuwa akiizindua rasmi kamati ya wajumbe wa kuchangisha fedha kwa ajili ya ununuzi wa madawati katika Skuli za Zanzibar katika ukumbi Ikulu ndogo Kibweni leo,[Picha na Ikulu.]18/07/2016.

======================================

Rais Magufuli aagiza wafanyakazi wa Polisi ambao ni raia wapelekwe Utumishi

Monday, July 18, 2016 HABARI MBALIMBALI Maoni: 0

Hussein Makame-MAELEZO

Rais wa Jamhuri ya Muungano wa Tanzania Dkt. John Pombe Magufuli amemwelekeza Mkuu wa Jeshi la Polisi, IGP Ernest Mangu kuwahamishia Utumishi baadhi ya wafanyakazi wa jeshi hilo ambao si askari ili kujenga nidhamu ya kijeshi katika wizara hiyo.

Rais Magufuli alitoa agizo hilo Ikulu jijini Dar es Salaam, mara baada ya kushuhudia kiapo cha uadilifu kwa viongozi wa umma kwa askari 58 wa jeshi la Polisi waliopandishwa vyeo hivi karibuni.

Alilazimika kutoa agizo hilo kufuatia tukio la kusimamishwa kazi kwa Mhasibu Mkuu wa Jeshi la Polisi, Frank Charles Msaki kutokana na tuhuma za kufanya malipo hewa huku akidaiwa kutumia madaraka yake vibaya.

“Wahamishieni kule Utumishi wale wakorofi ili hawa raia wanaofanya kazi kwenye nafasi za jeshi waondoke, kwani hakuna askari wanaojua masuala ya fedha? Huwezi ukachanganya askari na wafanyakazi wasio askari.Naomba IGP uliangalie vizuri hili ili raia ambao wanasumbua jeshi uwapeleke Utumishi” alisema Rais Dkt. Magufuli.

Akifafanua kuhusu mhasibu aliyesimamishwa, Rais Magufuli alisema mhasibu huyo alikuwa na mamlaka hata ya kuwakemea askari, ndipo alipotoa agizo asimamishwe na kufikishwa kwenye vyombo vya sheria.

Kwa upande mwingine, Rais Magufuli amemuagiza IGP kufuatilia taarifa inayodai kuwa kuna mfanyabiashara aliyelipwa mabilioni na Jeshi hilo bila ya kutoa huduma ya kushona sare za askari.

Alisema taarifa za mfanyabiashara huyo zinadai kuwa alilipwa kati ya Shilingi bilioni 20 hadi 60 bila ya kutoa huduma hiyo, huku jeshi la Polisi likiwa halijatoa taarifa yoyote kuhusu madai hayo.

Alisema wakati fedha hizo zikidaiwa kulipwa bure, fedha hizo zingeweza kusaidia jeshi hilo kulipia kodi magari yake 77 yanayodaiwa na Mamlaka ya Mapato Tanzania (TRA). Pamoja na maagizo hayo, Rais Dkt. Magufuli alieleza kuridhishwa na utendaji kazi wa jeshi hilo na kueleza kuwa kutokana na hali hiyo aliona ni wajibu wake kuwapandisha vyeo askari ambao utendaji kazi wao ni wa kuridhisha.

Read more » 

================================================== 

Lukuvi amteua Jaji wa Mahakama Kuu kuchunguza mgogoro wa ardhi wa miaka 27

Monday, July 18, 2016 HABARI MBALIMBALI Maoni: 0 

 

WAZIRI wa Ardhi, Nyumba na Maendeleo ya Makazi, Mhe. William Lukuvi amemteua Jaji Jacob Mwambejele wa Mahakama Kuu-Kitengo cha Biashara kuchunguza mgogoro wa Kijiji cha Mabwegere na vijiji jirani vya Mfuru, Mbigiri, Mandengwa, Dumila, Matongolo na Maboiga vilivyopo Wilayani Kilosa, Mkoa wa Morogoro ili kupata suluhisho la kudumu la mgogoro ambao umedumu kwa miaka takribani 27.

 

Waziri Lukuvi amemteua Jaji huyo kwa mamlaka yake chini ya kifungu 18 (1) cha Sheria ya Ardhi sura 113.

Uteuzi huo umefanywa leo jijini Dar es Salaam ukiwa ni wa kwanza katika juhudi za utatuzi wa migogoro ya ardhi nchini.“Huu ni uteuzi wa kihistoria kwani migogoro ya ardhi hapa nchi huwa inatatuliwa kiutawala lakini kutokana na ugumu wa mgogoro huu imebidi nimteue jaji kufanya uchunguzi baada ya kijiji cha Mabwegere kukataa taarifa ya msuluhishi, Bwana Steven Mashishanga,”alisema Lukuvi.

Kwa mujibu wa Waziri Lukuvi, mgogoro huu ni wa muda mrefu tangu 1989 na umesababisha hasara kwa Taifa ikiwemo vifo vya watu, kuua wanyama na uharibifu wa mazao.Lukuvi amesema kutokana na mgogoro huo kuwa kati ya migogoro mikubwa hapa nchini imebidi jaji ateuliwe ili kufanya uchunguzi ambao utafanikisha kumalizika kwa tofauti hizo.Jaji Mwambejele ataongoza timu ya watu wanane (8) ambao watafanya kazi ya uchunguzi huko Kilosa Morogoro kwa siku 60, alisema Lukuvi.

Read more » 

================================================= 

Vijana 559 waishio katika mazingira magumu,wahitimu VETA

Monday, July 18, 2016 ELIMU Maoni: 0 

 

Na Jacquiline Mrisho - MAELEZO

Jumla ya vijana 559 waishio katika mazingira magumu wamehitimu elimu ya ufundi katika Chuo cha Elimu na Mafunzo ya Ufundi Stadi (VETA) chini ya mradi unaosimamiwa na Shirika lisilokuwa la kiserikali la Plan International.

Takwimu hizo zimetolewa leo na Mkurugenzi wa Shirika hilo, Jorgen Haldorsen wakati wa mahafali ya kwanza ya vijana hao yaliyofanyika katika Chuo cha VETA, jijini Dar es Salaam.

Mkurugenzi huyo amesema kuwa tatizo la ajira kwa vijana ni kubwa na linahitaji jitihada za pamoja katika kulikabili hivyo, kwa Mkoa wa Dar es Salaam, mradi huo unalenga kufikia vijana 2110 ndani ya miaka mitatu kutoka Wilaya za Ilala na Temeke.

“Mahafali ya leo ni mahsusi kwa ajili ya vijana wanaoishi katika mazingira magumu, wamesoma fani mbalimbali za ufundi zikiwemo za umeme wa majumbani, ushonaji, udereva, ufundi magari, uchomaji vyuma, mapishi na mapambo ambapo zaidi ya ufundi stadi vijana wetu wamejengewa utamaduni wa kujiwekea akiba kupitia vikundi vya hisa”, alisema Haldorsen.

Haldorsen amefafanua kuwa uteuzi wa vijana wanaojiunga na mradi huu unafanywa na Viongozi wa Serikali za Mitaa kwa kushirikiana na vijana wanaoishi katika mazingira magumu kwa kufata vigezo ambavyo ni; vijana wenye ulemavu, wasichana waliopata watoto katika umri mdogo,vijana yatima au wanaolelewa na mzazi mmoja, vijana wanaofanya kazi na kuishi katika mazingira hatarishi pamoja na vijana ambao hawakumaliza shule kutokana na changamoto mbalimbali.

Naye Mkurugenzi Mkuu wa Chuo cha Elimu na Mafunzo ya Ufundi Stadi (VETA), Leah Lukindo ameushkuru Umoja wa Ulaya pamoja na waandaaji na watekelezaji wa mradi huu wakiwemo Wizara ya Vijana na Ajira, Mamlaka ya Elimu na Mafunzo ya Ufundi Stadi, Shirika la Plan International, Shirika la Volunteer Service Oversees (VSO),CCBRT, UHIKI, CODERT pamoja na uongozi wa Serikali za Mitaa kwa kuhakikisha mradi huu unaogusa hitaji kubwa la kitaifa la ajira kwa vijana unafanikiwa.

Wakiwasilisha ujumbe kwa njia ya risala,vijana waliohitimu mafunzo hayo wamesema kuwa wamepata msaada na ushauri ambao umewajengea ujasiri wa kuweza kujiajiri wenyewe na hata kuajiriwa kutokana na fursa zilizopo na zitakazojitokeza.

Mradi huu unatekelezwa katika Mikoa ya Dar es Salaam, Morogoro, Pwani, Lindi na Mtwara kwa kipindi cha miaka mitatu, mradi huo unagharimu kiasi cha Euro 3,874,984.53 na unafadhiliwa na Umoja wa Jumuiya ya Nchi za Ulaya.

=============================================

RAIA WA AFRIKA KUSINI AFARIKI DUNIA MLIMA KILIMANJARO

Monday, July 18, 2016 UTALII Maoni: 0

=====================================================

RAIS DKT. MAGUFULI AZUNGUMZA NA MAAFISA WA JESHI LA POLISI WALIOPANDISHWA VYEO IKULU JIJINI DAR ES SALAAM,AWATAKA KUCHUKUA HATUA DHIDI YA WANAOLETA MATATIZO

Monday, July 18, 2016 IKULU Maoni: 0

Naibu Kamishna wa Polisi (DCP) Ahmada Abdalla Khamis akisalimiana na Rais wa Jamhuri ya Muungano wa Tanzania Dkt. John Pombe Magufuli mara baada ya kula kiapo cha ahadi ya uadilifu Ikulu jijini Dar es Salaam.
Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Maafisa wa Jeshi la Polisi waliopandishwa vyeo vya Kamishna Msaidizi Mwandamizi wa Polisi (SACP) na Naibu Kamishna wa Polisi DCP mara baada ya kula kiapo cha ahadi ya uadilifu Ikulu jijini Dar es Salaam.
Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Maafisa wa Jeshi la Polisi waliopandishwa cheo cha Kamishna Msaidizi Mwandamizi wa Polisi (SACP) mara baada ya kula kiapo cha Maadili ya Watumishi wa umma Ikulu jijini Dar es Salaam
Rais wa Jamhuri ya Muungano wa Tanzania Dkt. John Pombe Magufuli akiwagaia vitafunwa wageni mbalimbali waliofika Ikulu kwa ajili ya kushuhudia Maafisa wa Polisi walipondishwa vyeo wakati wakila kiapo.
Rais wa Jamhuri ya Muungano wa Tanzania Dkt. John Pombe Magufuli akiwagaia vitafunwa baadhi ya waandishi wa habari waliohudhuria tukio hilo Ikulu jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli amewaagiza viongozi wa Jeshi la Polisi Tanzania kuwaondoa watumishi wote wasiokuwa askari polisi na ambao wamekuwa wakijihusisha na vitendo vya ukiukwaji wa taratibu na ufujaji wa fedha za umma ili kulinda heshima, nidhamu na uadilifu ndani ya jeshi hilo.

Rais Magufuli ametoa maelekezo hayo leo tarehe 18 Julai, 2016 muda mfupi baada ya Naibu Makamishna wa Polisi 25 na Makamishna Wasaidizi Waandamizi wa Polisi 35 kula kiapo cha uadilifu kwa viongozi wa umma, Ikulu Jijini Dar es salaam.

Pamoja na kutoa agizo la kutaka wasio askari polisi kuondolewa katika utumishi wa jeshi la polisi, Rais Magufuli pia ameagiza jeshi hilo lichukue hatua dhidi ya wote wanaokabiliwa na tuhuma za wizi wa fedha wakiwemo wanaodaiwa kuiba mabilioni ya shilingi zilizotolewa kwa ajili ya ununuzi wa sare za askari mwaka jana 2015.

"Mnajua kupeleleza, mna vyombo vyote, ofisi ya IGP (Inspekta Jenerali wa Polisi) ipo palepale, ofisi ya DCI (Mkurugenzi wa Upelelezi wa Makosa ya Jinai) ipo palepale, Makamishna wote mnazunguka mnakwenda palepale, mwizi mnae palepale, mnashindwa kumshika.

"Kama mnafikiri kuwa na raia katika jeshi la polisi wanawaharibia kazi zenu hamisheni raia wote na wapelekeni utumishi, kwani hakuna mhasibu ambaye ni askari polisi? hakuna mhandisi ambaye ni askari polisi? hakuna afisa tawala ambaye ni askari polisi? Mimi nafikiri kama matatizo ya wizi na wafanyakazi hewa yanaletwa na raia waliomo ndani ya jeshi la polisi na majeshi yetu mengine, IGP kaorodheshe raia wote wanafanya kazi Jeshi la Polisi ili waondolewe na tuwapangie kazi nyingine uraiani" Amesema Rais Magufuli.

Hata hivyo Rais Magufuli amelipongeza Jeshi la Polisi kwa kazi nzuri linayofanya iliyoliwezesha kujenga imani kubwa kwa watanzania na ametaka viongozi wa Jeshi hilo wawaongoze askari walio chini yao vizuri, wawatie moyo na waache vitendo vya kuwakatisha tamaa kwa kuwaadhibu ama kuwatisha pale wanapochukua hatua stahiki dhidi watu wanaovunja sheria.

"Sasa mimi niwaombe nyinyi, wale wadogo mnaowaongoza mkawape mamlaka ya kutimiza wajibu wao, hata kama ameshika gari la IGP liache lishikwe IGP atakwenda kujieleza mwenyewe, hata akishika gari la RPC afanye hivyohivyo, hata akishika gari la Waziri au gari la Rais mwacheni atekeleze wajibu wake, sheria ni msumeno, tunawanyima nguvu hawa wa chini wanapotimiza wajibu wao kwa mujibu wa sheria halafu unamwambia liachie, ukifanya hivyo aliyeshikwa anatoka pale akiwa anatamba kwelikweli na yule askari unamvunja nguvu ya kufanya kazi" Amesisitiza Rais Magufuli. 

Rais Magufuli pia amelitaka jeshi hilo kuungana na vyombo vingine vya serikali katika kutekeleza shughuli zake zikiwemo kusimamia ukusanyaji wa mapato ya serikali bandarini, katika sekta ya utalii na maeneo mengine, kukabiliana na vitendo vya rushwa na kuondoa watumishi hewa.

Tukio hili la Naibu Makamishna wa Polisi na Makamishna Wasaidizi Waandamizi wa Polisi kula kiapo cha uadilifu kwa viongozi wa umma limeongozwa na Kamishna wa Maadili Jaji Mstaafu Salome Kaganda na limehudhuriwa na viongozi mbalimbali wakiwemo Waziri wa Mambo ya Ndani ya Nchi Mhe. Mwigulu Lameck Nchemba, Waziri wa Nchi Ofisi ya Rais Utumishi na Utawala Bora Mhe. Anjellah Kairuki, Naibu Waziri wa Mambo ya Ndani ya Nchi Mhe. Hamad Yusuf Masauni, Mwanasheria Mkuu wa Serikali Mhe. George Mcheche Masaju, Makatibu Wakuu na Viongozi wa vyombo vya Ulinzi na Usalama.

Gerson Msigwa

Kaimu Mkurugenzi wa Mawasiliano, IKULU

Dar es salaam

18 Julai, 2016

Read more » 

===================================================== 

BLESSING KUFAYA UCHANGIAJI WA VIFAA VYA SHULE KWA WANAFUNZI WASIO NA UWEZO.

Monday, July 18, 2016 ELIMU , HABARI MBALIMBALI Maoni: 0

Baadhi ya wafanyakazi wa Tasisi ya Blessing.

 Mwanzilishi wa Taasisi ya Blessing, Blessing Mlanga akizungumza na waandishi wa habari jijini Dar es Salaam leo. Kulia ni Meneja wa Taasisi ya Blessing, Zawadi Mlanga.

 Mwanzilishi wa Taasisi ya Blessing, Blessing Mlanga akionesha Tsheti amazo zitavaliwa siku ya 23 ambazo zitauzwa kwaajili ya kuchangi pamoja na kuongeza nguvu za kuwasaidia wanafunzi wa shule ambao hawana nguo nzuri pamoja na wasio na viatu vya shule na mabegi ya shule. Kulia ni Meneja wa Taasisi ya Blessing, Zawadi Mlanga.

Na Chalila Kibuda, Globu ya Jamii

Mkakati wa  Rais Dk. John Pombe Magufuli  wa elimu bure unatekelezwa kwa vitendo katika kuhakikisha watoto wa kitanzania wanapata elimu ,huku Taasisi ya Blessing  imekuja na mkakati wa kusaidia wanafunzi wasio na vifaa pamoja sare za shule.

Taasisi hiyo inatarajia kufanya uchangishaji kwa ajili ya kupata vifaa pamoja na sare za shule kwa wanafunzi ili waweze kusoma bila changamoto vitu hivyo.

Uchangiaji huo unatarajiwa kufanyika Julai 23 mwaka huu katika ukumbi wa Nkurumah katika chuo kikuu cha Dar es Salaam.

Meneja wa Taasisi hiyo, Blessing  Mlanga amesema kuwa baadhi ya wanafunzi wanachangamoto ya vifaa na sare hivyo ikiwa watanzania tunaweza kuchangia sehemu hiyo na kuwa tumeunga mkono jitihada za Rais John Pombe Magufuli.

Zawadi amesema kuwa yeye ni kijana wa kitanzania anayesoma Malaysia ameona kuna sehemu ambayo anaweza kuboresha katika upande wa vifaa pamoja na sare.

Amesema kuwa mradi huo wa sare na vifaa utaanza kwa Mkoa wa Dar es Salaam pamoja na Arusha na baada hapo wataendelea na mikoa mingine.

=======================================

MAKAMU WA RAIS SAMIA SULUHU AMUWAKILISHA RAIS DKT MAGUFULI MKUTANO WA 27 WA AU NCHINI RWANDA

Monday, July 18, 2016 IKULU Maoni: 0

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akifuatilia mambo mbalimbali yaliyokuwa yakijadiliwa wakati wa ufunguzi wa mkutano wa 27 kwa Wakuu wa Nchi na Serikali wa Nchi wanachama wa Umoja wa Afrika AU ulioanza jana katika ukumbi wa KCC mjini Kigali Rwanda. Makamu wa Rais amemuwakilisha Rais John Magufuli kwenye mkutano huo.Picha na OMR.
KIGALI, RWANDA.
Tanzania imeuhakikishia Umoja wa Afrika (AU) kwamba itaendelea kufanya kazi kwa karibu na nchi wanachama wa AU katika kujadili changamoto za kiusalama zinazolikabili Bara la Afrika kwa njia ya mazungumzo na upatanishi kama inavyoelekeza Katiba ya umoja huo.

Makamu wa Rais wa Jamhuri ya Muungano wa Tanzania Mheshimiwa Samia Suluhu Hassan ametoa kauli hiyo wakati akichangia mada kuhusu Hali ya amani na usalama katika Bara la Afrika katika Mkutano wa Wakuu wa Nchi na Serikali wa Umoja wa Afrika (AU) uliofanyika hapa Kigali, Rwanda.Mheshimiwa Samia alisema Tanzania inasikitishwa na inalaani vikali matukio ya uvunjifu wa amani yanayoendelea kujitokeza katika baadhi ya nchi za Kiafrika kiasi cha kutishia usalama wa raia.

Alielezea mauaji ya Hafsa Mossi, aliyekuwa Mbunge wa Bunge la Afrika Mashariki na waziri wa zamani wa Burundi na mapigano ya hivi karibuni Sudan ya Kusini ambapo mamia ya raia wasiokuwa na hatia waliuwawa na wengine maelfu wameachwa bila makazi kwamba ni muendelezo wa uvunjifu wa amani katika nchi hizo.

Aliwataka wadau husika katika nchi za Burundi na Sudan ya Kusini kushiriki kikamilifu katika mazungumzo yanayoendelea kwa kuwa hiyo ndiyo njia muafaka ya kuleta amani, usalama na utulivu wa kudumu  katika nchi zao.Aidha, Makamu wa Rais ambaye alimwakilisha Rais John Magufuli katika mkutano huo aliiomba Jumuiya ya Kimataifa kuendelea kuisadia Sudan ya Kusini katika kutafuta ufumbuzi wa kudumu katika mgogoro ulioikumba nchi hiyo.

Akichangia kuhusu mageuzi ya Baraza la Usalama la Umoja wa Mataifa Makamu wa Rais alisema Tanzania kwa ujumla inaunga mkono msimamo wa Afrika wa kuwa na viti viwili katika baraza hilo na kura ya turufu bila ya masharti yoyote.Wakati wa ufunguzi wa mkutano huo viongozi walisisitiza suala la kuimarisha umoja baina ya nchi wanachama na kusema hiyo ndiyo nguzo muhimu katika kukuza uchumi na ustawi wa wananchi wa Bara la Afrika.

Katika mkutano huo kulikuwa na uzinduzi wa pasi ya kusafiria ya Afrika ambayo ilitolewa kwa Mwenyekiti wa AU, Rais Idris Deby wa Chad na nchi mwenyeji wa mkutano, Rais Paul Kagame wa Rwanda.Mkutano huo ambao ulizungumzia pia gharama za kuendesha umoja huo na masuala ya haki za wanawake ulihudhuriwa na Wakuu wa Nchi zaidi ya 35, Marais wastaafu, wake wa Marais pamoja na viongozi wa serikali.

Imetolewa na
Ofisi ya Makamu wa Rais 

==================================================

WAZIRI MKUU KASSIM MAJALIWA AFUNGUA MKUTANO WA 10 WA KIMATAIFA WA MAJI

Monday, July 18, 2016 HABARI MBALIMBALI Maoni: 0

Waziri Mkuu, Kassim Majaliwa akifungua Mkutano Mkuu wa 10 wa African Ministers Council on Water (AMCOW) knew Kituo cha Mimataifa cha Mikutano cha Julius Nyerere jijini Dar es salaam Julai 18, 2016.
Waziri Mkuu, Kassim Majaliwa akiongozana na Rais Mstaafu wa Kenya, Mwai Kibaki kuingia kwenye ukumbi wa Kituo cha Mikutano cha Kimataifa cha Julius Nyerere jijini Dar es salaam kufungua Mkutano Mkuu wa 10 wa African Ministers Council on Water (AMCOW) Julai 18, 2016. (Picha na Ofisi ya Waziri Mkuu) .
Waziri Mkuu, Kassim Majaliwa akiongozana na Rais Mstaafu wa Kenya, Mwai Kibaki kuingia kwenye ukumbi wa Kituo cha Mikutano cha Kimataifa cha Julius Nyerere jijini Dar es salaam kufungua Mkutano Mkuu wa 10 wa African Ministers Council on Water (AMCOW) Julai 18, 2016.
Waziri Mkuu, Kassim Majaliwa akizungumza na Rais Mstaafu wa Kenya Mwai Kibaki kabla ya kufungua Mkutano Mkuu wa 10 wa African Ministers Council on Water (AMCOW) kwenye Kituo cha Kimataifa cha Mikutano cha Julius Nyerere jijini Dar es salaam Julai 18, 2016.
Waziri Mkuu, Kassim Majaliwa akisalimiana na Rais Mstaafu wa Kenya Mwai Kibaki katika Mkutano Mkuu wa 10 wa African Ministers Council on Water (AMCOW) kwenye Kituo cha Kimataifa cha Mikutano cha Julius Nyerere jijini Dar es salaam Julai 18, 2016. (Picha na Ofisi ya Waziri Mkuu).

======================================================

RC MAKONDA AWATOLEA UVIVU WANAOMBEZA MITANDAONI

Monday, July 18, 2016 HABARI MBALIMBALI Maoni: 0 

 

MKUU wa mkoa wa Dar es Salaam Paul Makonda ameamua kuwavulia uvivu wale wote wanaosambaza ujumbe wa tofauti juu ya maagizo yake katika mitandao ya kijamii.

Makonda ambaye aliamua kutenga muda na kueleza maswala kadhaa yausuyo jiji la Dar es Salaam kupitia kipindi cha Power Breakfast ya Clouds Fm na 360 ya Clouds Tv juu ya watu ambao wanaotengeneza account feki za mitandao mbalimbali kupitia jina lake.

“Kwanza wanapaswa kujua kuwa sina account ambayo inaanza na cheo changu hivyo account zote zangu zimeandikwa kwa jina langu Paul Makonda na si vinginevyo, hivyo kila mtu anapaswa kuwa makini na hilo” anasema Makonda.

Anasema kuwa juu ya agizo batili lililosambazwa katika mitandao ya kijamii kuwa wasiokuwa na kazi watakwenda jela,sio tamko la account yake bali yeye ameagiza Wenyeviti wa serikali za mtaa kuhakikisha kuwa wanafanya uhakiki wa wakazi wao nyumba kwa nyumba kwa ajili ya usalama wa Maeneo wanayokaa.

Anataja kuwa kutokana matatizo yaliyopo kamwe hatoacha  kupambana na mafisadi katika Halmashauri zote tatu,wauza unga , wafanya biashara wa Shisha na Mashoga.Hivyo aliwataka wananchi wa mkoa huu kuwa makini na kufuata maelekezo ya wenyeviti mitaa amabayo nimewapa hili tuweze kuimarisha ulinzi kuanzi ngazi ya chini kabisa.

Mkuu wa Mkoa wa Dar es Salaam ,Paul Makonda akizungumza ndani ya kipindi cha Power Breakfast ya Clouds Fm

=========================================

MAJALIWA AZUNGUMZA NA WATUMISHI WA WIZARA YA MALIASILI NA UTALII.

Monday, July 18, 2016 UTALII Maoni: 0

Waziri Mkuu, Kassim Majaliwa akizungumza na Watumishi wa Wazara ya Maliasili na Utalii kwenye Kituo cha Kimataifa cha Mikutano cha LAPF, Kijitonyama jijini Dar es salaam Julai 18, 2016 .

Waziri Mkuu, Kassim Majaliwa akizungumza na Watumishi wa Wazara ya Maliasili na Utalii kwenye Kituo cha Kimataifa cha Mikutano cha LAPF, Kijitonyama jijini Dar es salaam Julai 18, 2016 .
Baadhi ya Watumishi wa Wizar ya Maliasili na Utalii wakimsikiliza Waziri Mkuu, Kassim Majaliwa wakati alipozungumza nao kwenye Kituo cha Kimataifa cha Mikutano cha LAPF, Kijitonyama jijini Dar es salaam Julai 18, 2016 .
Baadhi ya Watumishi wa Wizar ya Maliasili na Utalii wakimsikiliza Waziri Mkuu, Kassim Majaliwa wakati alipozungumza nao kwenye Kituo cha Kimataifa cha Mikutano cha LAPF, Kijitonyama jijini Dar es salaam Julai 18, 2016 (Picha na Ofisi ya Waziri Mkuu) 

====================================================

VODACOM YAFANIKISHA MAWASILIANO KATIKA SAFARI YA KUPANDA MLIMA KILIMANJARO KWA TIMU YA "TRECK4MANDELA " MANDELA KUTOKA AFRIKA KUSINI

Monday, July 18, 2016 UTALII Maoni: 0

 Mkuu wa Vodacom Kanda ya Kaskazini,Henry Tsamburakis akizungumza na wageni raia wa Afrika Kusini wanaopanada Mlima Kilimanjaro kwa lengo la kuchangisha fedha za kununua taulo za watoto wa kike wawapo katika siku zao za Hedhi.

 Mkuu wa Vodacom Kanda ya Kaskazini,Henry Tsamburakis akimsaidia mmoja wa wageni hao kubadili lugha ya kiswahili katika simu yake kwenda ya Kiingereza.

 Raia wa Afrika Kusini wanaopanda Mlima Kilimanjaro kwa ajili ya kuchangisha fedha za kunua taulo za watoto wa kike pamoja na kusherehekea kumbukumbu ya kuzaliwa kwa baba wa taifa la Afrika Kusini ,Nelson Mandela.

 Baadhi ya wapagazi katika Mlima Kilimanjaro wakishusha mabegi ya wageni hao kabla ya kuanza safari ya kupanda mlima Kilimanjaro. 

Read more » 

================================================ 

MADIWANI WA HALMASHAURI ZA KYERWA NA BIHARAMULO WAANZA MAFUNZO YA YA UTEKELEZAJI WA MRADI WA PS3 MKOANI KAGERA

Monday, July 18, 2016 MRADI Maoni: 0

Mkuu wa Wilaya ya Bukoba mkoani Kagera, Deusdedith Kinawiro akifuyngua mafunzo ya siku nne ya Madiwani kutoka Hlamashauri mbii za Kyerwa na Biharamuo juu ya namna ya utekelezaji wa Mradi wa Uimarishaji wa Mifumo ya Sekta za umma (PS3) chini ya ufadhili wa Serikali ya Marekali kupitia shirika ake la misaada la Kimataifa (USAID) ikishirikiana na serikali kuu.

Mradi huo ulizinduliwa Julai 12 mwaka huu ambapo Halmashauri hizo mbii ndio zitatekeeza mradi huo mkoani Kagera kwa awamu ya kwanza.Kinawiro alisema anatarajio kuona mafunzo haya elekezi yanatumika kama ilivyokusudiwa, na waheshimiwa madiwani wanapata uelewa na maarifa kuhusu uendeshaji wa Serikali za Mitaa, pamoja na wajibu na majukumu yao katika kusimamia uendeshaji wa Mamlaka hizi. 
Mkuu wa Wilaya ya Kyerwa, Kanali (Mstaafu), Shabaan Lissu akiwa na Mkuu wa Wiaya ya Biharamulo, Saada Malunde wakati wa ufunguzi wa mafunzo hayo ya madiwani yaliyofanyika mjini Bukoba leo. 
Mwenyekiti wa Hlamashauri ya Kyerwa, Kashunju Runyogote (kushoto) akiwa na madiwani wenzake wa Kyerwa wakifuatilia hotuba ya ufunguzi.

Baadhi ya Madiwani na Watendaji wa Hamashauri za Kyerwa na Biharamuo mkoani Kagera wakifuatilia ufunguzi huo.

=============================================

Waziri Mkuu Mgeni Rasmi Kongamano la ushiriki wa watanzania katika uwekezaji.

Monday, July 18, 2016 HABARI MBALIMBALI Maoni: 0

 Katibu Mkuu Ofisi ya Waziri Mkuu (Sera na Uratibu), Dk.Hamis Mwinyimvua (kulia) akizungumza na wandishi wa habari (hawapo pichani) kuhusu kongamano la siku mbili la ushiriki wa watanzania katika uwekezaji ili kuiwezesha serikali kuweka mipango madhubuti ya kuhakikisha waanchi wake wanashiriki kikamilifu katika uchumi wa nchi yao.Kulia kwake ni Katibu Mtendaji Baraza la Taifa la uwezeshaji wananchi kiuchumi Bi.Bengi Issa.

Katibu Mtendaji Baraza la Taifa la Uwezeshaji wananchi kiuchumi Bi.Bengi Issa akifafanua jambo kwa waandishi wa habari na kuwahimiza watanzania kushiriki kikamilifu katika kongamano la siku mbili la ushiriki wa watanzania katika uwekezaji ili kuiwezesha serikali kuweka mipango madhubuti ya kuhakikisha waanchi wake wanashiriki kikamilifu katika uchumi wa nchi yao.Picha na Daudi Manongi,MAELEZO.

Na Daudi Manongi-MAELEZO

SERIKALI kupitia Ofisi ya Waziri Mkuu imeandaa kongamano kongamano la siku mbili la uwekezaji litakalojadili mipango madhubuti ya kuhakikisha Watanzania wanashiriki kikamilifu katika ujenzi wa uchumi wa nchi yao.

Kongamano hilo linatarajia kufanyika katika ukumbi wa Benki Kuu Jijini Dar es Salaam kuanzia tarehe 21 -22 Julai mwaka huu. Hayo yamesemwa leo Jijiji Dar es Salaam na Katibu Mkuu Ofisi ya Waziri Mkuu (Sera na Uratibu) Dkt.Hamis Issa wakati wa mkutano wake na waandishi wa habari kuhusu kongamano hilo.

Dkt. Issa alisema Serikali imepitisha Sera ya ushiriki wa watanzania katika sekta ya Mafuta na Gesi asilia, hatua ambayo itasadia wananchi wazawa kushiriki kikamilifu katika ujenzi wa uchumi wa nchi yao.

“Msukumo mkubwa wa serikali kwa sasa ni kuongeza ushiriki katika uwekezaji unaochochewa na ugunduzi mkubwa wa gesi asilia katika kina kirefu cha bahari ambao utaweza kuwanufasha Watanzania” alisema Dkt. Issa.

Aidha alisema kuwa kutokana ushiriki huo wa Watanzania kuwa suala mtambuka na agenda endelevu, Serikali iliiagiza Baraza la Taifa la Uwezeshaji kuanzisha Idara ya ushiriki wa watanzania katika uwekezaji ambayo imeanza kutekeleza majukumu yake mwezi Novemba mwaka 2015.

Kwa upande wake Katibu Mtendaji Baraza la Taifa la Uwezeshaji, Beng’i Issa alisema kuwa katika kongamano hilo linatarajia kushirikisha jumla ya wajumbe 350 wakiwemo wafanyabiashara wa ndani na nje ya nchi, Watendaji wa Serikali Kuu na halmashauri za Miji na Majiji.

Akizungumzia kuhusu manufaa ya kongamano hilo, Beng’i alisema Watanzania watanufaika zaidi kwa kuwa wataongeza ujuzi na uzoefu katika kushirikiana na wafanyabiashara wakubwa waliopo nje ya nchi wanaojihusisha na sekta za mafuta, gesi, kilimo, fedha, bima, ujenzi na manunuzi ya umma.