JESHI LA POLISI MKOA WA MBEYA LINAWASHIKILIA WATU WAWILI KWA KOSA LA KUPATIKANA NA BHANGI.

Monday, May 02, 2016 Maoni: 0

 JESHI LA POLISI MKOA WA MBEYA LINAWASHIKILIA WATU WAWILI KWA KOSA LA KUPATIKANA NA BHANGI.

Katika Tukio la Kwanza:

Mtoto wa miaka mitatu aliyefahamika kwa jina la JANET PONSIAN mkazi wa Matemela Wilaya ya Mbarali Mkoani Mbeya alifariki dunia papo hapo baada ya kugongwa na Gari yenye namba za usajili T.957 CWJ aina ya Isuzu Journey ikiendeshwa na dereva aliyefahamika kwa jina la ELIABU MYEKO (33) mkazi wa Makambako Mkoa wa Njombe.

Tukio hilo limetokea mnamo tarehe 01.05.2016 majira ya saa 17:45 jioni huko katika Kijiji cha Matemela, Kata ya Ipwani, Tarafa ya Rujewa, Wilaya ya Mbarali, Mkoa wa Mbeya.

Aidha chanzo cha ajali hiyo ni mwendo kasi na uzembe wa Dereva wa Gari hilo. Dereva alikimbia mara baada ya tukio na jitihada za kumtafuta kwa kushirikiana na mmiliki wa Gari zinaendelea. Mwili wa marehemu umehifadhi Kituo cha Afya Ipwani Wilayani Mbarali kwa uchunguzi wa kitabibu.

Kaimu Kamanda wa Polisi Mkoa wa Mbeya Kamishna Msaidizi wa Polisi EMANUEL G. LUKULA anatoa wito kwa madereva kuwa makini wanapotumia vyombo vya moto ikiwa ni pamoja na kuzingatia sheria, alama na michoro ya usalama barabarani ili kuepuka ajali zinazoweza kuepukika. Aidha anatoa wito kwa yeyote mwenye taarifa zitakazofanikisha kukamatwa kwa dereva huyu azitoe kwa mamlaka husika ili akamatwe.

Katika Misako:

Jeshi la Polisi Mkoa wa Mbeya linamshikilia mtu mmoja mkazi wa Matemela aliyefahamika kwa jina la HUSSEIN BAKARI (59) baada ya kukutwa na miche 25 ya Bhangi akiwa amepanda kwenye bustani yake ya mbogamboga.

Mtuhumiwa alikamatwa katika msako uliofanyika mnamo tarehe 01.02.2016 majira ya saa 16:00 jioni katika Kijiji cha Mayota, Kata ya Lugelele, Tarafa ya Rujewa, Wilaya ya Mbarali, Mkoa wa Mbeya.

Aidha katika msako mwingine, Mtu mmoja aliyefahamika kwa jina la WILSON PHILIP (19) mwendesha Pikipiki @ bodaboda, mkazi wa Msasani anashikiliwa na Jeshi la Polisi Mkoa wa Mbeya akiwa na Bhangi yenye uzito wa Gram 10.

Mtuhumiwa alikamatwa na askari katika msako uliofanyika mnamo tarehe 01.05.2016 majira ya saa 17:05 jioni huko Mtaa wa msasani, Kata ya Bagamoyo, Tarafa ya Tukuyu Mjini, Wilaya ya Rungwe, Mkoa wa Mbeya.

Watuhumiwa watafikishwa mahakamani mara baada ya upelelezi kukamiliki.

Imesainiwa na:

(EMANUEL G. LUKULA – ACP)

KAIMU KAMANDA WA POLISI MKOA WA MBEYA.

LIFE FORMULA FAMILY MFUMO MPYA WA KUJIKWAMUA KIUCHUMI KATIKA TASNIA YA SANAA

Monday, May 02, 2016 Maoni: 0

Beatrice Lyimo-MAELEZO

KAMPUNI ya Dream Success Enterprises kwa kushirikiana na kampuni ya Bid Production wameanzisha mfumo mpya wa kiuchumi ujulikanao kama “Life Formula Family (LFF)” kwa ajili ya kubuni masoko na mtaji katika tasnia ya Sanaa nchini.

Mfumo huo unatarajia kuzalisha wawekezaji Wazawa na Wafanyabiashara wakubwa na hivyo kuipaisha sanaa ya Tanzania katika ngazi za kimataifa.

Akizungumza na waandishi wa habari leo jijini Dar es Salaam Mkurugenzi Mtendaji wa Bid Production, Bw. Fadhili alisema kuwa kampuni hiyo ina lengo la kuhamasisha wahitimu wa vyuo vikuu nchini kuanzisha makampuni na kujiajiri na hivyo kuondokana na tatizo la ajira kwa vijana.Matekela alisema kuwa mfumo huo wa Life Formula Family unatarajia kuanza na Watu Milioni 5, ambapo mwanachama atakejiunga atapatiwa namba maalum ya utambulisho.. 

“Filamu zitakazoingizwa katika mfumo huu zinatarajiwa kuuzwa Tsh. 3,000 kwa wakazi wa jijini dare s salaam na kwa upande wa wakazi wa mikoani itategemea na gharama za usafirishaji” alisema Mateleka.

Aliongeza kuwa kampuni yake pia inatarajia kuendesha kongamano maalum lijulikanalo kama la “Sitaki kuajiriwa” ambalo litawahusisha wahitimu wa vyuo vikuu nchini, ambapo watajadiliana kwa pamoja tatizo la ajira kwa vijana na hatua za kukabiliana na tatizo hilo.

Kwa upande wake Mkurugenzi Mtendaji wa Dream Success Enterprises, Charles Makoba alisema taasisi imeunga mkono kwa vitendo Hatua za Mhe. Rais wa Jamhuri ya Muungano wa Tanzania ya mkakati wa kutumbua majipu, hivyo taasisi yake imekusudia kutumbua jipu la ukosefu wa ajira kwa vijana.

“Tumeamua kuanzisha kampeni ya “Sitaki Kuajiriwa” kwa kuhimiza wahitimu na wanavyuo kuanzisha makampuni yao, na tayari kampuni ya kwanza ya Bid Production imeshajiliwa na tumeungana katika kuendesha kampeni ya Sitaki kuajiliwa” alisema Makoba.

SERIKALI KUTUMIA DOLA MILIONI 690 KUIMARISHA MIUNDOMBINU YA BANDARI YA DAR ES SALAAM

Monday, May 02, 2016 Maoni: 0

Kaimu Mkurugenzi Mkuu wa Mamlaka ya Bandari Tanzania (TPA) Injinia Alois Matei akiwaeleza waandishi habari kuhusu mradi wa maboresho ya Bandari ya Dar es Salaam utakaogharimu kiasi cha Dola za Marekani milioni 690 ambapo mradi huo unafadhiliwa na Serikali, Benki ya Dunia,Trade Mark East Afrika na DFID, kulia ni Afisa Mawasiliano Mwandamizi wa Mamlaka hiyo Bw. Focus Mauki na mwisho Kapteni Abdullah Mwingamno wa TPA Bandari ya Dar es Salaam.

Mhandisi Mkuu wa TPA Bi Mary Mhayaya akitoa ufafanuzi kuhusu mradi wa Flow meter mpya ya Kigamboni ambao umeshakamilika na hivyo kuwezesha mafuta yote yanayoingia nchini kupitia Bandari ya Dar es Salaam kupimwa na kujulikana kiasi halisi kilichoingizwa hapa nchini ili kuiwezesha Serikali kupata mapato stahiki ikiwemo kodi .

Baadhi ya waandishi wa habari wakifuatilia taarifa ya Mamlaka ya Bandari TPA iliyokuwa ikitolewa na Kaimu Mkurugenzi wa Mamlaka hiyo Injinia Alois Matei kwenye ukumbi wa Idara ya Habari Maelezi leo.

VYETI VYA KUZALIWA WILAYANI MICHEWENI PEMBA HAVITOLEWI KWA MISINGI YA KISIASA

Monday, May 02, 2016 Maoni: 0

Na Masanja Mabula –Pemba

SERIKALI ya Wilaya ya Micheweni Mkoa wa Kaskazini Pemba imekanusha taarifa zilizotolewa na wananchi ya kwamba vyeti vya kuzaliwa katika Wilaya hiyo hutolewa kwa misingi ya kisiasa .

Mkuu wa Wilaya ya Micheweni Abeid Juma Ali aliyaeleza hayo wakati akizungumza na wafanyabiashara ambao baadhi yao waliodai kwamba kuna ubaguzi juu ya utoaji wa vyeti vya kuzaliwa

Alisema kuwa kwa kipindi cha miezi mitano tangu ashike wadhifa huo tatizo la upatikanaji wa vyeti vya kuzaliwa kwa watoto katika wilaya hiyo limeanza kupatiwa ufumbuzi .

Alifahamisha kuwa kwa kushirikiana na watendaji wa Ofisi ya Vizazi na Vifo , ameanza kulipunguza tatizo hilo , ambapo watoto wengi wameweza kupatiwa vyeti kwa wakati na bila usumbufu .

“Mtoto hana chama iweje basi nimbague kwa misingi ya siasa , natambua wajibu na majukumu yangu kwani mimi ni mtumishi wa umma na ninawatumikia wananchi wote pasi na ubaguzi ”alifahamisha .

Awali mfanyabiashara Ali Salimu Ali (Baraka) wa Wingwi alisema kwamba kunahitaji kuangaliwa upya Ofisi inayohusika na utoaji wa vyeti vya kuzaliwa kwani imekuwa ikichelewesha kupatikana kwa vyeti kwa baadhi ya watoto .

Alieleza kwamba wapo watoto wamefikia umri wa kwenda skuli lakini hawana vyeti vya kuzaliwa , licha ya kwamba kumbukumbu zao zipo katika Ofisi ya vizazi na vifo lakini zimeshindwa kufanyiwa kazi .

“Vyeti vya kuzaliwa bado ni tatizo , kwani kuna baadhi ya watoto wamefikia umri wa kuanza skuli , lakini hawana vyeti , tunaomba hii Ofisi inayohusika na utoaji wa vyeti uiangalie upya nahisi kama kuna ubaguzi fulani hivi ”alisema .

Kikao hicho pia kilihudhuriwa na Madiwani wa Wilaya hiyo ambapo Mkuu wa Wilaya alitumia fursa hiyo kuwataka wafanyabiashara kuwapa ushirikiano wakati wanapokusanya mapato yatokanayo na biashara zao.

MAMIA KUTOKA KILA PANDE ZA MAREKANI WAMUAGA ANDREW SANGA HOUSTON - TEXAS

Monday, May 02, 2016 Maoni: 0

Hapa ni mzazi mwenzie Andrew na mtoto wao mpendwa Zoe wakiwa mbele ya mwili wa marehemu.Mwili wa marehemu utawasiri Dar Es Salaam siku ya jumanne  na jumatano ndugu na jamaa wa Dar_Es_Salaam  wata Ibada ya misa na kuaaga mwili ndani ya kanisa la Lutheran nyuma ya Ubungo Plaza siku ya jumatano asubuhi kisha safari ya Dodoma jioni na mazishi yatafanyika siku ya Alhamis May 05.

Mwakilishi wa ubalozi wa Tanzania hapa Marekani angeongea mbele ya watu waliojitokeza ndani ya kanisa kwa ajili ya Ibada ya misa na kuaga mwili wa Andrew.

Mzazi mwenza wa marehemu Andrew akitoa neno mbele  ya watu waliojitokeza kuja kuaga mwili wa marehemu. 

Wash kutoka Ohio akiwa  na majonzi mbele ya mwili wa marehemu 

Majonzi kwa kila mmoja aliepita mbele ya mwili marehemu.

Read more »

RAIS DKT JOHN POMBE JOSEPH MAGUFULI AENDESHA KIKAO CHA BARAZA LA MAWAZIRI MJINI DODOMA

Monday, May 02, 2016 Maoni: 0

 Rais wa Jamhuri ya Muungano wa Tanzania Dkt. John Pombe Joseph Magufuli akisalimiana na Rais wa Zanzibar Dkt Ali Mohamed Shein kabla ya kuanza kikao cha Baraza la Mawaziri katika ukumbi wa TAMISEMI mjini Dodoma leo Mei 2, 2016

 Rais wa Jamhuri ya Muungano wa Tanzania Dkt. John Pombe Joseph Magufuli akiendesha kikao cha Baraza la Mawaziri katika ukumbi wa TAMISEMI mjini Dodoma leo Mei 2, 2016.PICHA NA IKULU.

TADB YAASWA KUTOA ELIMU KUHUSU KILIMO BORA.

Monday, May 02, 2016 Maoni: 0

 Mkuu wa Wilaya ya Kilombero, Lephy Gembe (Kulia) akimsikiliza Mkurugenzi wa Mikopo na Biashara wa TADB, Robert Paschal (Kushoto) wakati akitoa maelezo kuhusu Wajibu wa TADB katika kuendeleza kilimo nchini.

 Mkuu wa Wilaya ya Kilombero,  Bw. Lephy Gembe (Katikati) akizungumza na maafisa wa kutoka TADB wakati walipomtembelea Ofisini kwake. Wanaomsikiliza ni Mkurugenzi wa Mikopo na Biashara wa TADB, Bw. Robert Paschal (Wapili kushoto) na Meneja wa Maendeleo ya Biashara wa TADB, Bw. Geofrey Mtawa (Kulia) na Afisa Maendeleo ya Biashara Mwandamizi wa TADB, Bw. George Nyamrunda (Kushoto).

 Mkurugenzi wa Mikopo na Biashara wa TADB, Robert Paschal (Kushoto) akimsikiliza i Mkuu wa Wilaya ya Kilombero, Lephy Gembe (Kulia) walipomtembela Ofisini kwake.

Na Mwandishi wetu.

Benki mpya ya Maendeleo ya Kilimo Tanzania (TADB) imeaswa kutoa elimu kuhusu kilimo bora ili kuchagiza na kusaidia Mapinduzi ya Kilimo kutoka   kilimo cha kujikimu kwenda cha kibiashara ili kuchangia kwenye ukuaji wa uchumi na kupunguza umaskini.

Wito huo umetolewa na Mkuu wa Wilaya ya Kilombero,  Bw. Lephy Gembe wakati akiongea na Mkurugenzi wa Mikopo na Biashara wa TADB, Bw. Robert Paschal alipomtembelea Ofisini kwake.

Bw. Gembe alisema kuwa ili kuinua uzalishaji wenye tija katika Sekta ya Kilimo kwa kuendeleza TADB ina wajibu wa kutoa elimu ya kina kuhusu kilimo cha kisasa kwa kutilia mkazo kuhusu miundombinu muhimu ya kilimo mathalani skimu za umwagiliaji za kilimo ili kuongezea tija shughuli hizo za kilimo.

“TADB muna wajibu wa kuhamasisha kilimo cha kisasa na cha kibiashara kwa wakulima wadogo wadogo ili waweze kubadilisha fikra zao kutoka kilimo cha mazoea na kufikiria kilimo cha kisasa chenye tija kitakachoongeza kipato cha wakulima hao,” alisema Bw. Gembe.

Mkuu huyo wa Wilaya ya Kilombero aliongeza kuwa TADB inapaswa kutekeleza kwa vitendo juhudi za Serikali za kuinua ukuaji wa uchumi na kupunguza umaskini nchini Tanzania kupitia kilimo ambacho kwa mujibu wa takwimu kinaajiri zaidi ya asilimia 75 ya watu wenye uwezo wa kufanya kazi nchini na pia kutoa kiasi cha zaidi ya  asilimia 65 cha mali ghafi kwa ajili ya viwanda vya nchi.

Bw. Gembe alisema kuwa ili kufikia malengo yake TADB inapaswa kuwa na wataalamu wa utafiti na maendeleo ili waweze kuratibu taarifa za utafiti na maendeleo ya Kilimo, hali ya hewa, udongo unaofaa kwa Kilimo, pamoja na hatua nyingine za kuhuisha maendeleo kwenye Kilimo.

Akizungumza katika ziara hiyo Mkurugenzi wa Mikopo na Biashara wa TADB, Bw. Robert Paschal alisema kuwa TADB imejipanga kutoa mikopo ya kilimo katika makundi matatu ambayo ni Mikopo ya Muda Mfupi, Mikopo ya Muda wa Kati na Mikopo ya Muda Mrefu kwa kutumia njia mbalimbali.

Akizitaja njia ambazo TADB inatumia kutoa mikopo hiyo, zinajumuisha pamoja na mambo mengine, mikopo ya moja kwa moja kwa vikundi vya wakulima wadogo wadogo;  kutoa mikopo kwa njia ya marejesho taasisi zinazokopesha; utoaji wa mikopo kwa pamoja na kushirikiana na taasisi/benki zingine; pamoja na mikopo ya miundombinu inayolenga kupunguza mapengo ya upatikanaji wa fedha katika minyororo ya ongezeko la thamani ya kipaumbele.

Bw. Paschal aliongeza kuwa kwa kuanzia, TADB imelenga uwekezaji katika maeneo nane (8) ya minyororo ya uongezaji wa thamani ambayo ni: nafaka, kilimo cha mbogamboga, kilimo cha bidhaa za  viwanda, mbegu za mafuta, ufugaji wa ng’ombe, ufugaji kuku, ufugaji wa samaki na bidhaa za misitu.

Aliongeza kuwa Benki pia inajitahidi kusimamia fedha kutoka kwa wafadhili wengine ambazo zimeelekzwa kwenye kuendeleza kilimo.

Mkurugenzi huyo wa Mikopo alitumia fursa hiyo kumuomba ushirikiano Mhe. Gembe ili kuhakikisha mikopo hiyo inarudishwa kwa wakati.

“Ili kutekeleza majukumu yake kwa ufanisi, TADB inafanya kazi kwa karibu na washirika mbalimbali wa kimkakati pamoja wadau wengine muhimu kutoka ndani na nje ya nchi, hivyo ukiwa ni mdau muhimu, tunakuomba ushirikiano katika kutimiza malengo ya kuanzishwa kwa TADB,” aliomba Bw. Paschal.

Kwa mujibu wa Bw. Paschal wadau wengine wa TADB ni pamoja na Serikali, Wizara na Wakala mbalimbali wa Serikali; Mashirika; Serikali za Mitaa, Sekta Binafsi, benki na taasisi za fedha, Mashirika yasiyo ya Kiserikali, Wafadhili wa ndani na wa Kimataifa, Taasisi za Utafiti na Umma kwa ujumla.

MAKONDA AJA NA MBINU MPYA KUTAFUTA WATUMISHI HEWA.

Monday, May 02, 2016 Maoni: 0

 Wakuu wa Idara mbalimbali  wa Manispaa za jiji la Dar es Salaam wakiapa kiapo cha mkataba wa kutafuta watumishi hewa katika manispaa za jijini la Dar es Salaam leo walipo apishwa na mkuu wa Mkoa wa Dar es Salaam, Paul Makonda.

  Mkuu wa Mkoa wa Dar es Salaam, Paul Makonda akizungumza na wakuu wa wilaya, wakurugeni pamoja na wakuu wa idara mabalimbali za manispaa na jiji la Dar es Salaam leo.Mkuu wa Wilaya ya Ilala, Raymond Mushi(katikati) na Mkuu wa wilaya ya Temeke, Sophia Mjema.

 Wakuu wa Idara mbalimbali  wa Manispaa za jiji la Dar es Salaam wakisaini mkataba wa kutafuta watumishi hewa katika manispaa zao jijini Dar es Salaam, na atakaye shindwa kuwajibika  katika kufanya kazi  na baadae wakija kujulikana atawajibishwa yeye.

Na Chalila Kibuda, Globu ya Jamii.

MKUU wa Mkoa wa Dar es Salaam, Paul Makonda amewapa mkataba wa wiki moja wakuu wa Idara za Manispaa za jiji la Dar es Salaam kutafuta watumishi hewa.

Wakuu wa Idara za Manispaa watakaoshindwa kufanya hivyo wataundiwa tume ambayo itapita katika manispaa hizo kuhakiki watumishi hewa na endapo watumishi hewa wakibainika kuwepo mzigo utabebwa na wakuu wa Idara kulipa mishahara hewa hiyo.

Makonda ameyasema hayo leo wakati alipokutana na Wakuu wa Wilaya, Wakurugenzi Pamoja na Wakuu Idara mbalimba za manispaa za jiji la Dar es Salaam, amesema kuwa mkataba huo kila mtu lazima afanye kazi  na sio  na  kukimbizana au kuamrishishana.

 Amesema kuwa mara ya kwanza walipatikana watumishi 71 lakini baada ya kuweka mkazo wamefikia 209 ambao wanalipwa zaidi ya sh.bilioni 2.9 ambapo fedha hiyo zingefanya kazi nyingine ya kutoa huduma kwa wananchi.

Aidha amesema kuwa watumishi wamekuwa wakifanya kazi kwa kusukumana wakati kazi hiyo waliomba wenyewe na kuahidi kutekeleza majukumu yao.

Amesema kuwa kwenda kuangalia vitu vya kihuduma kwa wananchi sio yake, lakini inatokana na wale wenye wajibu wa  kutekeleza majukumu yao kufanya uzembe tu.

 Makonda amesema kuwa zoezi la kutafuata watumishi hewa lazima lifike kikomo na kuweza kufanya mambo mengine ya kutatua changamoto za wananchi ambazo zimetokana na watu kujisahau kutimiza wajibu wao.

MAKAMU MWENYEKITI WA CCM (BARA) MANGULA AKUTANA NA WAZIRI MAMBO YA NJE KUTOKA CHINA MJINI DODOMA

Monday, May 02, 2016 Maoni: 0

Makamu Mwenyekiti wa CCM (Bara ) Mhe. Philip Mangula akizungumza na Naibu Waziri wa Mambo wa CPC Mhe. Guo Yezhou mjini Dodoma ambapo walizungumzia mahusiano imara kati ya Tanzania na China pamoja na mipango mbali mbali ya kimaendeleo.

Mwenyekiti wa CCM wa mkoa wa Dodoma Mhe. Adam Kimbisa akifafanua jambo wakati wa kikao cha Naibu Waziri wa Mbao ya Nje wa Chama Cha Kikomunisti cha Watu wa China Mhe. Guo Yezhou mjini Dodoma.BOFYA HAPA KWA PICHA ZAIDI

UKURASA MPYA WA KIPINDI CHA JOTO LA ASUBUHI CHA EFM 93.7

Monday, May 02, 2016 Maoni: 0

Watangazaji mahiri Gerald Hando na Paul James (PJ) wameanza rasmi kutangaza 93.7 Efm redio siku ya leo ya tarehe 02/05/2016 katika kipindi cha Joto la asubuhi kilichoboreshwa wakiwa pamoja na Adela Tilya live nje ya jengo la K- net house zilipo ofisi za E fm. Kipindi hiki kinarushwa kuanzia Jumatatu hadi Ijumaa saa 12:00 hadi saa 3:00 Asubuhi. Usipitwe.

 Kutoka kushoto ni Gerald Hando, Adella Tillya, pamoja na Paul James wakitangaza kipindi cha JOTO LA ASUBUHI live chini ya jendo la K-net house Kawe Beach Dar es salaam leo asubuhi.

  Rdj Spar akisababisha muziki live katika kipindi hicho asubuhi ya leo

  Timu nzima ya Joto la Asubuhi katika picha ya pamoja na baadhi ya mashabiki wa Efm Redio walioshiriki katika kipindi hicho

 Timu nzima ya joto la asubuhi pamoja na Rdj spar,

Gerald Hando akiwa katika picha ya pamoja na Baba yake mzazi  pamoja na dada yake walipofika katika ofisi za EFM  redio kumpongeza.

MAADHIMISHO YA SIKU YA UHURU WA VYOMBO VYA HABARI DUNIANI 2016 YAFANYIKA KITAIFA JIJINI MWANZA.

Monday, May 02, 2016 Maoni: 0

Bi.Valerie Msoka kutoka Chama cha Waandishi wa Habari Wanawake Tanzania (TAMWA), akiongoza kongamano la Maadhimisho ya Siku ya Uhuru wa Vyombo vya Habari kwa mwaka 2016 yanayofanyika kitaifa katika hoteli ya ufukweni ya Malaika Jijini Mwanza.

Na George Binagi

Kauli mbiu ya Maadhimisho haya mwaka huu ni "Kupata Taarifa ni Haki yako ya Msingi:Idai'". Maadhimisho haya yanafanyika kitaifa kwa mara ya nne na yanalenga kukumbusha Umma na dunia kwa ujumla umuhimu wa vyombo vya habari kufanya kazi yake bila kuingiliwa na mtu ama chombo chochote. 

Zaidi ya wadau 250 wakihusisha waandishi wa habari wakongwe na wapya, wahariri, viongozi wa mashirika wahisani (ya kimataifa na ya hapa nchini) wawakilishi wa mihili ya nchi, wasomi wa vyuo vikuu na balozi mbalimbali wamekusanyika jijini hapa kwa maadhimisho hayo ambayo kilele chake ni kesho.

Watoa Mada katika Kongamano la Maadhimisho ya Siku ya Uhuru wa Vyombo vya Habari 2016 yanayofanyika Jijini Mwanza. Kilele cha Maadhimisho hayo kinafanyika kesho Mei 3,2016 ambapo Mgeni rasmi anatarajiwa kuwa Jaji Mkuu wa Tanzania Mhe. Mohamed Chande Othman. Pia Waziri wa Habari, Sanaa, Utamaduni na Michezo Mhe. Nape Nhaute pamoja na wageni wengine waalikwa wanatarajia kuhudhuria maadhimisho hayo.

Watoa Mada katika Kongamano la Maadhimisho ya Siku ya Uhuru wa Vyombo vya Habari 2016 yanayofanyika Jijini Mwanza. Kilele cha Maadhimisho hayo kinafanyika kesho Mei 3,2016 ambapo Mgeni rasmi anatarajiwa kuwa Jaji Mkuu wa Tanzania Mhe. Mohamed Chande Othman. Pia Waziri wa Habari, Sanaa, Utamaduni na Michezo Mhe. Nape Nhaute pamoja na wageni wengine waalikwa wanatarajia kuhudhuria maadhimisho hayo.

Usia Nkhoma Ledama ambae ni Afisa Habari kutoka UN Information Centre (Tanzania) akiwasilisha Mada katika Kongamano la Maadhimisho ya Siku ya Uhuru wa Vyombo vya Habari yanayofanyika Kitaifa Jijini Mwanza.

Wanahabari na Wadau wa Habari wakiwa katika Kongamano la Maadhimisho ya Siku ya Uhuru wa Vyombo vya Habari yanayofanyika Kitaifa Jijini Mwanza.

Wanahabari na Wadau wa Habari wakiwa katika Kongamano la Maadhimisho ya Siku ya Uhuru wa Vyombo vya Habari yanayofanyika Kitaifa Jijini Mwanza.

Wanahabari na Wadau wa Habari wakiwa katika Kongamano la Maadhimisho ya Siku ya Uhuru wa Vyombo vya Habari yanayofanyika Kitaifa Jijini Mwanza.

Wanahabari na Wadau wa Habari wakiwa katika Kongamano la Maadhimisho ya Siku ya Uhuru wa Vyombo vya Habari yanayofanyika Kitaifa Jijini Mwanza.

Wanahabari na Wadau wa Habari wakiwa katika Kongamano la Maadhimisho ya Siku ya Uhuru wa Vyombo vya Habari yanayofanyika Kitaifa Jijini Mwanza.

Airtel Fursa yasaidia kikundi cha Vijana Wajasiriamali katika mradi wa kutunza mazingira

Monday, May 02, 2016 Maoni: 0

 Afisa uhusiano na matukio wa Airtel, Dangio Kaniki (Kushoto), akikabidhi vifaa vya usafi kwa mmoja wa wakilishi wa kikundi cha Pambana Amasha Zuberi (kulia), ikiwa ni sehemu ya msaada wa vifaa vya kufanyia usafi katika jiji la Dodoma, walivyowakabidhiwa kupitia mpango wa Airtel ‘Fursa Tunakuwezesha’, hapo jana. Wanaoshuhudia (kutoka kulia) ni Diwani wa kata ya Majengo, Msinta Mayaoyao akifuatiwa na  meneja masoko wa Airtel Dodoma Hendrick Bruno na  wanakikundi wa Pambana wapatao vijana 30 na walezi wa kikundi hicho.

 Mwakilishi wa kikundi cha Pambana Amasha Zuberi (kulia), akiwa mwenye furaha baada ya kukabidhiwa na Airtel Tanzania, msaada wa pikipiki 2 za  magurudumu matatu aina ya Toyo, malighafi na vifaa mbali mbali vya shughuli za usafi, kupitia mpango wa Airtel ‘Fursa Tunakuwezesha’, katika hafla fupi iliyofanyika katika eneo lao la biashara Majengo jijini Dodoma hapo jana.Akishuhudiwa na Afisa uhusiano na matukio wa Airtel Dangio Kaniki (kushoto),akifuatiwa na meneja masoko wa Airtel Dodoma Hendrick Bruno na Diwani wa kata ya Majengo, Msinta Mayaoyao.

 Afisa uhusiano na matukio wa Airtel, Dangio Kaniki (kati), akikabidhi vifaa vya usafi kwa mmoja wa wakilishi wa kikundi cha Pambana Amasha Zuberi (wanne kulia), ikiwa ni sehemu ya msaada wa vifaa vya kufanyia usafi katika jiji la Dodoma, walivyowakabidhiwa kupitia mpango wa Airtel ‘Fursa Tunakuwezesha’, waliopo Majengo  jijini Dodoma hapo jana. Wanaoshuhudia (wane kulia) ni Diwani wa kata ya Majengo, Msinta Mayaoyao na wanakikundi wa Pambana wapatao vijana 30 na walezi wa kikundi hicho.

Read more »

TAARIFA KUTOKA MAKAO MAKUU YA JKT.

Monday, May 02, 2016 Maoni: 0

BODI YA CHAKULA, DAWA NA VIPODOZI ZANZIBAR (ZFDB) YAHARIBU TANI 42.2 ZA BIDHAA ZISIZOFAA KWA MATUMIZI YA BINADAMU

Monday, May 02, 2016 Maoni: 0

Wafanyakazi wa ZFDB wakipakia shehena ya bidhaa zilizoharibika tayari kwenda kuangamizwa katika Dampo la Kibele Mkoa Kusini Unguja.

Bidhaa mbali mbali zilizoharibika zikiteremshwa kutoka kwenye gari na wafanyakazi wa Bodi ya chakula na Vipodozi katika Dampo la Kibele kwa ajili ya kuangamizwa.Bidhaa mbali mbali zilizoharibika zikiteremshwa kutoka kwenye gari na wafanyakazi wa Bodi ya chakula na Vipodozi katika Dampo la Kibele kwa ajili ya kuangamizwa.

Mkuu wa Idara ya Usalama na Ubora wa chakula wa ZFDB Aisha Suleiman Mubandakazi akizungumza na waandishi wa habari juu ya zoezi la kuangamiza bidhaa mbali mbali zilizoharibika na zilizokatazwa kwa matumizi ya binadamu.Mkuu wa Idara ya Usalama na Ubora wa chakula wa ZFDB Aisha Suleiman Mubandakazi akizungumza na waandishi wa habari juu ya zoezi la kuangamiza bidhaa mbali mbali zilizoharibika na zilizokatazwa kwa matumizi ya binadamu.

Bordoza la Manispaa ya Zanzibar likiwa kazini kuangamiza bidhaa hizo katika eneo la Kibele Mkoa Kusini Unguja.

Wafanyakazi wa ZFDB wakiongozwa na Mkuu wa operesheni ya uangamizaji bidhaa zilizoharibika Abdulaziz Shaib Mohamed (katikati) mwenye shati wakifuatilia uangamizaji wa bidhaa hizo. Picha na Makame Mshenga-Maelezo Zanzibar.

SIKU YA MADANSA DUNIANI KUDHAMINIWA NA NSSF

Monday, May 02, 2016 Maoni: 0

 Wafanyakazi wa NSSF wakimkabidhi fulana mteja wao, Antela Salumu (katikati).

Ofisa Mkuu Mwandamizi Idara ya Masoko na Uhusiano wa Shirika la Taifa la Hifadhi ya Jamii (NSSF), Salim Kimaro, akizungumza na waandishi wa habari wakati wa uzinduzi wa maadhimisho ya siku ya madansa duniani yaliyofanyika kwenye viwanja vya TCC Club jijini Dar es Salaam, mwishoni mwa wiki na kudhaminiwa na NSSF.  (Na Mpiga Picha Wetu)

 Ofisa Mwandamizi  Masoko na Uhusiano NSSF, Amina Mbaga, (kushoto) akimkabidhi fulana,  Jumanne Mnola alipotembelea banda la NSSF wakati wa uzinduzi wa siku ya madansa duniani iliyofanyika viwanja vya TCC Club jijini Dar es Salaam na kudhaminiwa na NSSF.

 Ofisa Mwandamizi  Masoko na Uhusiano NSSF, Amina Mbaga, (kushoto), akimkabidhi fulana mmoja wa wateja wao, Said Ally, alipotembelea banda lao wakati wa uzinduzi wa siku ya madansa duniani iliyofanyika kwenye viwanja vya TCC Club jijini Dar es Salaam, mwishoni mwa wiki na kudhaminiwa na NSSF.

 Ofisa Mwandamizi  Masoko na Uhusiano (Nssf), Amina Mbaga akigawa vipeperushi kwa baadhi ya wananchi waliotembelea banda lao.

Read more »

SHULE YA MSINGI GONGOLAMBOTO JESHINI YAIBUKA MSHINDI SHINDANO LA PUMA ENERGY TANZANIA.

Monday, May 02, 2016 Maoni: 0

KAMPUNI ya Puma Energy Tanzania yawakabidhi zawadi washindi wa shindano la kampeni ya Usalama barabarani lililoshindanisha shule sita za jijini Dar es Salaam ambazo ni Maweni, Kimara Baruti, Oysterbay, Gongolamboto Jeshini na Mji Mwema.

Ndoto kubwa ya kampuni ya Puma Energy Tanzania  katika kuhakikisha usalama wa wanafunzi wakati wa kuvuka barabara ni kushirikisha shule zote za msingi Tanzania ili kuhakikisha watoto wako salama na ajali za barabarani.

 hayo yamesemwa na Meneja Mkuu wa Kampuni ya Mafuta ya Puma Energy Tanzania, Philippe Corsalrtti  wakati akizungumza na wanafunzi wa shule za Msingi sita za jijini Dar es Salaam katika wa hafla fupi ya kutafuta mshindi na kumtangaza kutokana na mchoro alioutoa kama unahamasisha uasalama barabarani, katika shindano hilo shule ya Gongolamboto Jeshini iliibuka mshindi baada ya kushinda wanafunzi wawili wa mchoro bora zaidi ya wengine na shule ya msingi Oysterbay kuwa na mshindi mmoja.

Nae Kamishina Msaidizi wa Polisi(ACP), Fortunatus Musilimu 

 amewaasa madereva watakiwa kufuata sheria za usalama barabarani ili kuepusha ajali na madhara yanayojitokeza barabarani hasa wakiona wanafunzi wanavuka barabara, ikiwa takwimu za mwaka 2015 zinaonyesha kuwa wanafunzi  78 walipoteza  na majeruhi  191 katika matukio tofauti hapa nchini 

 Maeneo hatari sana kwa wanafunzi kwa jijini la Dar es Salaam  amesema kuwa ni Lumumba, Mikumi, Mtambani, Boko-Basihaya Bunju na Kongowe.

.

 Kamishina Msaidizi wa Polisi(ACP), Fortunatus Musilimu  akionyesha mchoro wa Mwanafunzi Christina Christopher wa Darasa la saba shule ya Msingi Gongolamboto Jeshini (aliyeshika kikombe) mara baada ya kuibuka mshindi katika shindano lililoandaliwa na kampuni ya mafuta ya Puma Energy Tanzania lililofanyika jijini Dar es Salaam mwishoni mwa wiki.

Meneja Mkuu wa Kampuni ya Mafuta ya Puma Energy Tanzania, Philippe Corsalrtti akizungumza katika hafla ya kuwatangaza washindi wa kampeni ya Uasalama barabarani kwa wanafunzi wa shule za msingi zilizopo jijini Dar es Salaam. Shindano hilo lililoshirikisha shule sita za jijini Dar es Salaam kama, Shule ya Msingi Maweni, Kimara Baruti, Oysterbay, Gongolamboto Jeshini na Mji Mwema. Katika shindano hilo shule ya Msingi Gongolamboto Jeshini iliyopo manispaa ya Ilala iliibuka mshindi kwa kuwa na wanafunzi wawili kwa kufanikiwa kuchora mchoro unaoweza kutoa tahadhari katika usalama barabarani.

 Mkurugenzi wa Afrika wa kampuni ya AMENDI, Tom Bishop akizungumza katika hafla ya kuwakabidhi washindi wa shindano la kampeni ya usalama barabarani lililoandaliwa na kampuni ya Puma Enegy Tanzania jijini Dar es Salaam mwishoni mwa wiki.

Kamishina Msaidizi wa Polisi(ACP), Fortunatus Musilimu akizungumza na wanafunzi wa shule sita za jijini Dar es Salaam katika kutangaza mshindi wa shindano la Kapeni ya Usalama barabaranu kwa shule za msingi na kutangaza mshindi wa shindano hilo lililofanyika jijini Dar es Salaam mwishoni mwa wiki.

 Kauli mbiu ya kuwalinda watoto na ajali za barabarani ambayo ni "Kwa pamoja hatutaki ajali tunataka kuishi na maendeleo" alisema Kamishina Msaidizi wa Polisi(ACP) huyo.

Baadhi ya wanafunzi wa shule za msingi za jijini Dar es Salaam wakiwa katika hafla ya kuwatafuta washindi wa shindano la kampeni ya usalama barabarani kwa shule za msingi iliyofanyika jijini Dar es Salaam mwishoni mwa wiki.

Meza kuu wakiwa katika hafla ya kuwatafuta na kuwakabidhi washindi wa shindano la kampeni ya Usalama barabarani kwa shule za msingi sita za jijini Dra es Salaam.

 Mwalimu akiwaelezea wanafunzi wake igizo la jinsi ya kuepukana na ajali za barabarani.

 Mshehereshaji akiwasaidia wanafunzi kuimba wimbo wa kuhamasisha usalama barabarani wakati wanafunzi wanavuka barabara.

Read more »