HEKTA 5000 ZA ARDHI YA KIJIJI CHA LUHANGA WILAYANI MBARALI ZARUDISHWA KWA WANANCHI KUTOKA WAWEKEZAJI

Mkuu wa Mkoa wa Mbeya Amosi Makala akizungumza na wananchi wa kijiji cha Luhanga Wilayani Mbarali Mkoani Mbeya kwa lengo la kutoa tamko la serikali juu ya ulejeshwaji wa ardhi ya wananchi hao hekta 5000 ambazo zilichukuliwa na wawekezaji. 

Mkuu wa Mkoa wa Mbeya Amosi Makala akisisitiza jambo katika Mkutano wa hadhara ulioitishwa na Mkuu huyo wa Mkoa kwa lengo la kuzungumza na wananchi wa kijiji cha Luhanga (Hawapo Pichani)Wilayani Mbarali Mkoani Mbeya . 

Baadhi ya wananchi wa kijiji cha Luhanga Mbarali Mkoani Mbeya wakimsikiliza Mkuu wa Mkoa wa Mbeya katika mkutano wa hadhara ulioitishwa na Mkuu huyo wa mkoa kwa lengo la kulejeshewa ardhi yao iliyochukuliwa na wawekezaji . 

Mkutano ukiendelea katika kijiji cha Luhanga Mbarali katika ya Mkuu wa Mkoa wa Mbeya na Wananchi wa kijiji hicho ambao walikuwa katika mgogoro mkubwa wa ardhi na wawekezaji. 

Mkuu wa Wilaya ya Mbarali Mbeya Guram Shekifu akimshukuru Mkuu wa Mkoa wa Mbeya Amos Makala mara baada ya kumaliza mgogoro huo. 

Wananchi wakifuatilia Mkutano. 

Baadhi ya watendaji wa halmashauri ya wilaya ya Mbarali Mbeya wakichukua kumbukumbu za Mkutano huo.

SERIKALI Mkoni Mbeya, imezirejesha hekta 5000 za ardhi ya kijiji cha Luhanga Wilayani Mbarali, zilizokuwa zimetolewa kwa wakulima zaidi ya 200 wa chama cha Luhanga (Luhanga AMCOS), huku ikiuagiza uongozi wa halmashauri kuwachukulia hatua watendaji wote walihusika na mchakato wa ugawaji wa ardhi hiyo.

Akikabidhi ardhi hiyo leo, kwa wananchi wa Kata ya Luhanga, Wilayani humo, Mkuu wa Mkoa wa Mbeya, Amosi Makala, alisema serikali imefikia uamuzi huo baada ya kubaini kwamba zoezi hilo lilifanyika kinyume na sheria na kanuni za ardhi za vijiji zinavyoelekeza.

Amesema, sheria mama namba 5 ya ardhi ya mwaka 1999, imebainisha kwamba halmashauri ya kijiji haina mamlaka ya kugawa ardhi zaidi ya ekali 20 au 50 lakini wao wamegawa ardhi zaidi ya hekta 5000.

Mkuu huyo ameongeza kuwa mbali na zoezi hilo kughubikwa na ukiukwaji wa sheria lakini pia, wawekezaji hao wameonekana ni wababaishaji kutokana na kushindwa kutimiza ahadi za maendeleo walizokuwa wamezitoa kwa wananchi wa eneo hilo.

Aidha, Makala, aliwatahadharisha wananchi hao, kujiepusha na walaghai wa ardhi na kuacha kugawa ardhi ovyo kwani rasilimali hiyo haiongezeki ukilinganisha na mahitaji ya watu, ambao kila siku wanaongezeka idadi.Amesema serikali inaweza kufanya uparesheni ya kuwataka vijana wafanye kazi lakini kama wananchi au viongozi wanauza ardhi zoezi hilo haliwezi kufanikiwa . 

Amesema mkoa wa mbeya unajulikana kwa kuongoza kwa migogoro ya ardhi hususani wilaya ya mbarali hivyo yeye kama mkuu wa mkoa atahakikisha anashughulika vyema na suala hilo.Katika hatua nyingine Mkuu huyo wa Mkoa amezitaka jamii za wafugaji wa kimasai kuhakikisha wanaachana na tabia ya kuozesha watoto wa kike katika umri mdogo badala yake wawalitihishe katika elimu ambayo ndio mkombozi kwao.

SMZ KUTILIANA SAINI NA NORWAY MAKUBALIANO YA KUIMARISHA SEKTA YA UMEME

Katibu Mkuu wa Wizara ya Maji, Nishati Ardhi na Makaazi Ali Khalil Mirza na Makamu wa Rais wa Kampuni ya Multiconsult ya Norway Oyvi’nd Holtedahl wakipongezana mara baada ya kusaini Mradi wa kuimarisha huduma za umeme Zanzibar.Picha na Makame Mshenga/Maelezo Zanzibar.

Katibu Mkuu wa Wizara ya Maji , Ardhi, Nishati na Makaazi Ali Khalil Mirza, akitoa maelezo juu ya mradi wa kuimarisha huduma za Umeme Zanzibar, kabla ya kutiliana saini makubaliano ya miaka mitatu na nusu na Serikali ya Norway katika hafla iliyofanyika Makao Makuu ya Wizara Forodhani Mjini Zanzibar.

Mshauri mwandamizi wa Kampuni ya Multiconsult ya Norway Andrew Yager akitoa shukurani kwa Serikali ya Zanzibar kwa kuichagua kampuni yao katika kazi za kuimarisha huduma ya umeme katika hafla ya kutilina saini makubaliano ya mradi huo.

Katibu Mkuu wa Wizara ya Maji, Nishati Ardhi na Makaazi Ali Khalil Mirza (wa kwanza kulia waliokaa) na Makamu wa Rais wa Kampuni ya Multiconsult ya Norway Oyvi’nd Holtedahl wakitia saini makubaliano ya kuimarisha huduma za umeme Zanzibar katika hafla iliyofanyika leo Makao Makuu ya Wizara, Forodhani Mjini Zanzibar.

Na Miza Othman-Melezo Zanzibar 

SERIKALI ya Mapinduzi Zanzibar, imetiliana saini na Serikali ya Sweden makubaliano ya kuimarisha huduma za nishati ya umeme hapa nchini.

Katika hafla ya utiaji saini wa mradi huo, Zanzibar iliwakikishwa na Katibu Mkuu wa Wizara ya Maji, Ardhi, Nishati na Makaazi Ali Khalil Mirza, wakati Makamu wa Rais Mtendaji wa Kampuni ya Multi Consult kutoka Norway Oyvind Holtedahl, alisaini kwa niaba ya Serikali ya Sweden.

Katika hafla hiyo iliyofanyika Makao makuu ya Wizara ya Maji, Ardhi, Nishati na Makaazi Katibu Mkuu Mirza, alisema kampuni ya Multi Cionsult ilishinda zabuni hiyo kati ya kampuni 12 zilizoomba kutekeleza mradi huo.

Alieleza kuwa mradi huo utakaochukua miaka mitatu na nusu hadi kukamilika kwake, utagharimu shilingi bilioni 12.7 za Kitanzania. Amefahamisha kuwa, miongoni mwa matumizi ya fedha hizo, ni kuwapatia mafunzo wafanyakazi wa wizara hiyo ili kuwajengea uwezo wa kufanya tafiti ili wafanye kazi zao kwa ufanisi. 

Mirza alieleza kuwa, lengo la Kampuni hiyo ni kusaidia katika kulijengea uwezo Shirika la Umeme Zanzibar (ZECO) pamoja na Idara zake kuhusu sera ya nishati ambayo ni muhimu kwa maenedeleo ya taifa. Naye Mshauri Mwandamizi wa Kampuni ya Multi Consult ameishukuru Serikali ya Mapinduzi ya Zanzibar kwa kuwaamini kufanya kazi hiyo na ameahidi kuwa wataitekeleza kwa ufanisi mkubwa.

MKUU WA MKOA WA MWANZA JOHN MONGELLA AAMURU KURUDIWA KWA UHAKIKI WA WATUMISHI HEWA MKOA WA MWANZA

Mkuu wa mkoa wa Mwanza John Mongella, ameagiza kurudiwa upya kwa zoezi la uhakiki la kubaini watumishi hewa katika mkoa wa Mwanza, ikiwa ni mpango wa kubaini wale wote wanao lipwa mishahara bila kufanya kazi, zoezi hilo litafatia zoezi lililo fanyika awali ambapo mkoa huo ulibainika kuwa na watumishi hewa wapatao 334.

Mongella amesema pamoja na kumalizika kwa zoezi la awamu ya kwanza la kuhakikiwa kwa watumishi hewa na kubainika watumishi wapatao 334 tumeamua kufanya upya zoezi hilo ili kuwa na idadi kamili ya watumishi wanaolipwa fedha za serikali bila kuzifanyia kazi, Mongella, amesema tayari taratibu zinachukuliwa ikiwa ni pamoja kuunda jopo la kuhakiki kutoka ngazi ya mkoa kwenda kwenye halmashauri zote za mkoa huo kwa ajili ya kufanya uhakiki upya wakiwa na Payroll.

“Nimesha muagiza Katibu Tawala wa Mkoa, kuwa, Wakurugenzi wote kufika kesho saa 6.00 kamili mchana yaani leo tarehe 05.04.2016 (Pay roll) zote ziwe zimewasilishwa mezani kwake, ili wataalam kutoka ngazi ya mkoa waweze kwenda nazo wilayani kwa ajili ya kufanya uhakiki upya” amesema Mongella na kuongeza ”Tunataka kwenda kufanya uhakiki wa mtu kwa mtu (physical), popote pale walipo warudi wahakikiwe labda kama yupo masomoni nje ya nchi.

Ameagiza wale wote walioko masomoni, likizo au safari warudi mara moja kwenye vituo vyao vya kazi kwa ajili ya zoezi la uhakiki, huku akiwataka wote watakao kwenda kwa ajili ya kuhakikiwa waende wakiwa na picha tatu za passport size, ambapo taratibu zakuweka kumbukumbu sahihi zitafanyika “Tunataka zoezi hili lichukue muda wa siku saba tu na baada ya hapo tutatoa ripoti kamili, tusishangae kuona idadi hiyo ikiongezeka au kupungua kwani katika uhakiki huu naamini tutapata majibu sahihi alisema Mongella.

Aidha amesema hata kuwa na mzaha na yeyote atakayebainika kulea matatizo ya watumishi hewa katika mkoa huo, hivyo lazima kila mmoja awajibike kwa nafasi yake aliyo ajiriwa nayo. Katika hatua nyingine Mongella, amevitaka vyombo vya habari katika mkoa huo kumpatia ushirikiano wa kutosha katika kutekeleza majukumu yake ya ulinzi na usalama, kusimamia maendeleo na kujua ustawi wa watu wa Mwanza .

“Mwandishi wa habari hatofautiani na kachero wa Polisi, sasa tusaidiane kuongoza huu mkoa kwa kupeana taarifa, maana mkoa huu ni mkubwa, sio rahisi kwa Mkuu wa mkoa kujua yote yanayoendelea hadi ngazi ya kijiji lakini kwakuwa ninyi wenzangu mnao wigo huo basi tusaidiane ili watu katika mkoa huu waweze kufanya kazi zao kwa amani na salama" alisema.

Imetolewa Na: Atley J. Kuni 

 

AFISA HABARI NA UHUSIANO OFISI YA MKUU WA MKOA WA MWANZA 04.April,2016

RAIS DK. SHEIN AKUTANA NA BALOZI MASILINGI

Monday, April 04, 2016 Maoni: 0

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akisalimiana na Balozi wa Jamhuri ya Muungano wa Tanzania Nchini Marekani Mhe,Wilson M.Masilingi alipofika Ikulu Mjini Zanzibar asubuhi ya leo.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akizungumza na Balozi wa Jamhuri ya Muungano wa Tanzania Nchini Marekani Mhe,Wilson M.Masilingi alipofika Ikulu Mjini Zanzibar asubuhi ya leo,[Picha na Ikulu.]

WAZIRI KITWANGA APIGA MARUFUKU KUCHEZA “POOL TABLE” WAKATI WA KAZI JIMBONI KWAKE

Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga (kulia) akizungumza na wananchi wa mji wa Misungwi kuhusu masuala mbalimbali ya maendeleo ya jimbo hilo. Katika hotuba yake, Kitwanga aliwaka wananchi hao kufanyakazi ili jimbo hilo lizidi kusonga mbele. Pia Mbunge huyo alipiga marufuku uchezaji wa pool table wakati wa kazi. 

Mkazi wa Misungwi mjini, Songoro Msafiri (kushoto) akimuuliza swali Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga (kulia aliyekaa), mara baada ya Mbunge huyo kumaliza kuzungumza na wananchi hao na kuruhusu kuuliuzwa maswali mbalimbali yanayowakera jimboni humo. Kitwanga aliwataka wananchi wa jimbo lake washirikiane ili waliletee maendeleo jimbo lao.

Wananchi wa mjini Misungwi wakimsikiliza Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga katika mkutano wa hadhara uliofanyika mjini huo leo.

Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga akizungumza na mabalozi wa mashina wa CCM katika Ukumbi wa Mikutano wa CCM Wilaya ya Misungwi. Kitwanga aliwashukuru mabalozi hao kwa kumchagua na kuwaomba washirikiane zaidi ili kuliletea maendeleo jimbo hilo. Picha zote na Felix Mwagara.

Na Felix Mwagara, Misungwi

WAZIRI wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga ameliagiza Jeshi la Polisi wilayani Misungwi kuwakamata vijana watakaocheza mchezo wa pool wakati wa kazi jimboni humo.

Akizungumza katika mkutano wa hadhara uliofanyika mjini Misungwi na kuhudhuria na mamia ya wananchi wa mji huo, Kitwanga alisema wilaya hiyo inahitaji maendeleo na mabadiliko makubwa zaidi na mabadiliko hayo yanakuja kutokana na ufanyaji kazi. Aliserma kazi ndio msingi wa maendeleo hivyo ili maendeleo yapatikane lazima watu wafanyekazi katika maeneo yao.

“OCD (Mkuu wa Jeshi la Polisi Wilaya) nisione na sitaki kusikia vijana wa Misungwi wanacheza pool asubuhi, nashangaa sana kwanini mnapenda pool, pool sio kazi, na maendeleo hayawezi yakaja kwa kucheza pool, chezeni jioni baada ya muda wa kazi,” alisema Kitwanga

Kitwanga aliwataka wananchi jimboni kwake kuanzisha vikundi ili waweze kupewa mikopo kupitia fedha alizoziahidi Rais John Magufuli kuwa atatoa kwa kila kijiji shilingi milioni hamsini.

“Fedha zipo jirani kuja, hivyo anzisheni vikundi ili muweze kukopeshwa fedha hizo na muweze kufanya mambo ya maendeleo, fedha hizo ni kwa ajili ya mikopo hivyo tumieni fursa hiyo kwa kuanzisha vikundi vyenu ili muweze kuzipata fedha hizo kwa uharaka zaidi,” alisema Kitwanga.

Wakati huo huo, Mbunge huyo alimtaka Mkurugenzi wa Halmashauri ya Wilaya hiyo, kuhakikisha anawachukulia hatua kali wauguzi na madaktari wa Hospitali ya Wilaya ya Misungwi watakaoomba rushwa kwa wagonjwa au ndugu wa wagonjwa. Kitwanga alisema hayo baada ya kulalamikiwa kwa muda mrefu kukithiri kwa rushwa katika hospitali hiyo ya wilaya.

Hata hivyo, Waziri Kitwanga aliwahakikishia wananchi wa jimbo hilo wawe watulivu na wasubiri maendeleo, na pia waendelea kuchangia maendeleo ya jimbo lao ikiwemo uchangiaji wa madawati katika shule zao. Kuhusu barabara Kitwanga alisema barabara zote ambazo hazipitiki zitatengenezwa hivi karibuni na tatizo la maji litakuwa historia kwani mipango ya upatikanaji wa maji hayo ilishakamilika.

SHIRIKA LA EFG LAFANYA TAMASHA LA KUPINGA UKATILI WA JINSIA AWAMU YA PILI KATIKA SOKO LA MCHIKICHINI ILALA JIJINI DAR ES SALAAM

Ofisa Ufutiliaji na Tathmini wa Shirika la Eguality for Growth (EfG), Shabani Lulimbeye, akizungumza na wadau mbalimbali kuhusu vitendendo vya ukatili wa kijinsia katika Tamasha lililofanyika leo asubuhi viwanja vya Soko la Mchikichini Ilala jijini Dar es Salaam.

Mfanyabiashara katika soko hilo, Suleiman Azizi akichangia jambo kuhusu ukatili wa kijinsia katika soko hilo.

Kikundi cha Sanaa cha Machozi cha Temeke jijini Dar es Salaam kikihamasisha wananchi kuacha vitendo vya ukatili wa kijinsia masokoni katika Tamasha hilo.

Wafanyabiashara ndogo ndogo katika soko hilo wakifuatilia tamasha hilo.

Wasaidizi wa kisheria katika soko hilo wakiwa kwenye tamasha hilo. Kulia ni Zainab Namajojo na Mechi Mtindi.

Wasanii wa kundi la Machozi wakila wakati wakiigiza igizo la kupinga ukatili wa kijinsia.

Raia wa kigeni ambao wanafanyakazi ya kujitolea katika Shirika la EfG wakiwa kwenye tamasha hilo.

Taswira katika tamasha hilo.

Wasanii wa Kundi la Machozi wakionesha igizo la ukatili wa jinsia masokoni.

BENKI YA TADB YAINGIA MAKUBALIANO NA PASS KATIKA UCHOCHEAJI WA KILIMO CHENYE TIJA KWA WAKULIMA.

 Mkurugenzi wa Mipango, Sera na Utafiti Benki ya Maendeleo ya Kilimo (TADB), Francis Assenga (Kushoto) akizungumza wakati wa hafla ya kuwekeana saini makubaliano kudhamini mikopo kwa wakulima wanaokopa TADB. Kulia ni viongozi waandamizi wa TADB na PASS.

 Mkurugenzi wa Biashara na Mikopo wa Benki ya Maendeleo ya Kilimo Tanzania (TADB), Bw. Robert Pascal (Katikati) akizungumza wakati wa hafla ya kuwekeana saini makubaliano kudhamini mikopo kwa wakulima wanaokopa TADB. Kulia ni viongozi waandamizi wa TADB na PASS. Kushoto ni Mkurugenzi wa Mipango, Sera na Utafiti wa TADB, Bw. Francis Assenga (Kushoto) na Mkuu wa Sheria na Huduma wa Benki hiyo, Bibi Neema Christina John (Kulia).

 Mkurugenzi Mwendeshaji wa Benki ya Maendeleo ya Kilimo Tanzania (TADB), Bw. Thomas Samkyi (Kushoto) akizungumza kabla ya kutiliana saini makubaliano yatakayowezesha wakulima wanaokopa TADB kupata dhamana kutoka PASS. Kulia ni Mkurugenzi Mkuu wa PASS, Bw. Nicomed Bohay.

 Mkurugenzi Mkuu wa PASS, Bw. Nicomed Bohay (Katikati) akizungumza kabla ya kutiliana saini makubaliano yatakayowezesha wakulima wanaokopa TADB kupata dhamana kutoka PASS. Kushoto ni Mkurugenzi Mwendeshaji wa Benki ya Maendeleo ya Kilimo Tanzania (TADB), Bw. Thomas Samkyi na Mkurugenzi wa Maendeleo ya Biashara wa PASS, Bw. Killo Lussewa (Kulia). 

 Wanahabari wakiwajibika wakati wa hafla ya kuwekeana saini makubaliano kudhamini mikopo kwa wakulima wanaokopa TADB.

 Mkurugenzi Mwendeshaji wa Benki ya Maendeleo ya Kilimo Tanzania (TADB), Bw. Thomas Samkyi (Kushoto) akitia saini makubaliano yatakayowezesha wakulima wanaokopa TADB kupata dhamana kutoka PASS. Katkati ni Mkurugenzi Mkuu wa PASS, Bw. Nicomed Bohay na na Mkurugenzi wa Maendeleo ya Biashara wa PASS, Bw. Killo Lussewa (Kulia).

 Mkuu wa Sheria na Huduma wa Benki ya Maendeleo ya Kilimo Tanzania (TADB),, Bibi Neema Christina John (Kushoto) akigonga muhuri makubaliano yatakayowezesha wakulima wanaokopa TADB kupata dhamana kutoka PASS. Wanaoshuhudia ni Mkurugenzi Mwendeshaji wa Benki ya Maendeleo ya Kilimo Tanzania (TADB), Bw. Thomas Samkyi (Katikati) na Mkurugenzi Mkuu wa PASS, Bw. Nicomed Bohay (Kulia).

 Mkurugenzi Mwendeshaji wa Benki ya Maendeleo ya Kilimo Tanzania (TADB), Bw. Thomas Samkyi (Kushoto) akibadilishana hati za makubaliano yatakayowezesha wakulima wanaokopa TADB kupata dhamana kutoka PASS na Mkurugenzi Mkuu wa PASS, Bw. Nicomed Bohay (Kulia).

Mkurugenzi Mwendeshaji wa Benki ya Maendeleo ya Kilimo Tanzania (TADB), Bw. Thomas Samkyi (Kushoto) na Mkurugenzi Mkuu wa PASS, Bw. Nicomed Bohay (Kulia) wakionesha hati za makubaliano yatakayowezesha wakulima wanaokopa TADB kupata dhamana kutoka PASS katika hafla iliyofanyika Makao Makuu ya TADB. 

Na: Shaaban  Mpalule

BANKI ya Maendeleo Kilimo nchini (TADB) imesema kuwa wakulima imewataka wakulima wadogo wajiunge katika vikundi ili waweze kupata mikopo  yenye masharti nafuu ya kuendeleza kilimo ambacho kitawabadilisha kiuchumi.

Akizungumza na waandishi wa habari jijini Dar es Salaam leo wakati makubaliano ya kati ya Benki ya Maendeleo ya Kilimo (TADB) na Taasisi  ya Sekta Binafsi ya Kusaidia Wakulima (PASS), Mkurugenzi Mtendaji wa Benki hiyo, Thomas Samkyi amesema kuwa wakulima wakitumia benki hiyo watakwamka na umasikini kutokana na kulima kilimo chenye tija.

Amesema kuwa kwa wakulima wakiwa na vigezo watapata mkopo kutokana na benki hiyo iko kwa ajili yao katika kuendesha kilimo chenye tija katika kuondokana na kilimo cha kujikimu.

Samkyi amesema kuwa PASS kutoa udhamini kwa wakulima watasidia benki kutoa mikopo kwa kutokana  dhamana hiyo.

Mazao ambayo yanapata mkopo katika benki hiyo ni Mpunga,Mahindi,Mazo ya Misitu, Ufugaji, Usindikaji Alizeti,Uwere isipo kuwa tumbaku.

Nae Mkurugenzi Mtendaji wa PASS, Nicomed Bohay amesema kuwa kuanza na udhamini kwa wakulima wametenga bilioni tatu kadri wanavyokwenda na benki hiyo wataongeza udhamini huo.

Amesema kuwa udhamini waliofanya katika kipindi kilichopita wakulima wameweza kukua kiuchumi kwa kubadilisha maisha kutokana na kilimo.

Aidha amesema kuwa katika makubaliano hayo ni kwa miaka mitano na baada ya kuisha wanaweza kuendelea ikiwa ni lengo la kusaidia wakulima kukua kiuchumi.

FEDHA ZA MAADHIMISHO YA MUUNGANO MWAKA HUU KUPANUA BARABARA YA MWANZA-AIRPORT.

JESHI LA POLISI KANDA MAALUM YA DAR ES SALAAM WAKAMATA VITENGE NA PAMPERS ZISIZOLIPIWA USHURU

Na Avila Kakingo, Globu ya Jamii. JESHI la Polisi kanda Maalumu ya Dar es Salaam limekamata Marobota 10 ya vitenge na Katoni 17 za Pampers  pamoja na Gari lililotumika kubebea hitu hivyo katika eneo ya Gezaulole lililopo pembezoni mwa ufukwe wa bahari ya Hindi.
Hayo yamesemwa na Kamanda wa Kanda Maalumu ya Dar es Salaam, Kamishna Simon Sirro wakati akizungumza na waandishi wa habari jijini Dar es Salaam leo, amesema kuwa kukamatwa kwa gari lenye vitu hivyo ni mara baada ya kupewa taarifa na Raia wema kwa kuwa katika eneo hilo kunapitishiwa mali zisizotolewa ushuru.
Siro amesema kuwa Gari lililo kamatwa na Vitenge na Pampers ni aina ya Suzuki Carry lenye namba za usajili T490 CQB ambalo nalo linashikiliwa na Jeshi la Polisi Kanda maalumu ya Dar es Salaam.
Pia Sirro amesema kuwa mwananchi anaeona kuwa alitelekeza gari hilo lililo na vitu hivyo ajisalimishe Polisi ili apelekwe Mamlaka ya Mapato Tanzania(TRA) akalipie ushuru wa vitu hivyo.
Katika Operesheni nyingine Jeshi la Polisi Kanda Maalumu ya Dar es Salaam lilifanikiwa kukamata gari moja la wizi aina ya Toyota Noah lenye namba za usajili T 314 DFH  ambapo kabla ya kuibwa lilikuwa na namba za usajili T 622 DDR  ikiwa gari hilo ni Mali ya Hellen Michael liliibwa maeneo ya Kitunda Kivule ambapo lililuwa limeegeshwa nyumbani kwake. Pia Jeshi la Polisi Kanda maalumu ya Dar es Salaam limkamata watu wawili wakiwa na Pikipiki mbili zenye namba za usajili MC343 ASL aina ya Boxer na MC 606 ex aina ya Fercon ambazo ni za wizi na watuhumiwa hao kukuli kuwa wameziiba Pikipiki hizo.

Jeshi la Polisi kanda maalumu ya Dar es Salaam kwa kipindi cha wiki moja limefanikiwa kukamata Pikipiki 519 katika Operesheni ya ukamataji wa Pikipiki kwa makosa mbalimbali operesheni hiyo ilifanywa katika mikoa ya Ilala piki[iki 183,Kinondoni pikipiki 139 na Temeke pikipiki 197.

Kamanda wa Kanda Maalum ya Dar es Salaam, Kamishna Simon Sirro  akizungumza na waandishi wa habari (hawapo pichani) jijini Dar es Salaam leo kuhusina na Operesheni ya kukamata Pikipiki519 pamoja na gari lililokuwa na Vitenge marobota 10 na Pampers katoni17 katika eneo la Gezaulole pemeni mwa ufukwe wa bahari ya hindi ambapo eneo hilo linatumika kupitisha mali zisizolipiwa ushuru.

Kamanda wa Kanda Maalum ya Dar es Salaam, Kamishna Simon Sirro akionyesha gari lilokamatwa na vitenge na Pampers.

Kamanda wa Kanda Maalumu ya Dar es Salaam, Kamishna Simon Sirro akionesha pikipiki 519 ambazo zimekamatwa ja jeshi la Polisi kanda Maalum ya Dar es Salaam.

Mhe. Mhagama aagiza wamiliki wa vyombo vya usafiri kuzingatia mikataba ya kazi na ajira kwa madereva

 Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (Mb) akitoa ufafanuzi wa masuala ya mikataba ya ajira wakati wa mkutano na Kamati ya Kudumu ya Waziri Mkuu ya Kutatua kero na changamoto katika sekta ya usafiri wa barabara katika Ukumbi wa mikutano wa Ofisi ya Waziri Mkuu Aprili 1, 2016.

 Wajumbe wa Kamati ya Kudumu ya Waziri Mkuu ya Kutatua kero na changamoto katika sekta ya usafiri wa barabara wakifuatilia hoja za Naibu Waziri Uchukuzi Mhe. Edwin Ngonyani (hayupo pichani) wakati wa mkutano wa kamati hiyo tarehe 1.4.2016 katika Ukumbi wa Ofisi ya Waziri Mkuu.

 Mwenyekiti wa Umoja wa Wamiliki wa Daladala Dar es Salaam (DARCOBOA),Sabri Mabrouk akitoa hoja ya uboreshwaji wa mikataba ya madereva wakati wa mkutano wa Kamati ya Kudumu ya Waziri Mkuu ya Kutatua kero na changamoto katika sekta ya usafiri wa barabara uliofanyika tarehe 1.4.2016 katika Ukumbi wa Mikutano wa Ofisi ya Waziri Mkuu.

\Waziri wa Katiba na Sheria Mhe.Dkt.Harrison Mwakyembe akititoa ufafanuzu wa kisheria wakati wa mkutano wa Kamati ya Kudumu ya Waziri Mkuu ya Kutatua kero na changamoto katika sekta ya usafiri wa barabara uliofanyika 1.4.2016 katika Ukumbi wa Mikutano wa Ofisi ya Waziri Mkuu.(Picha Zote na Ofisi ya Waziri Mkuu)

Waziri wa Nchi Ofisi ya Waziri Mkuu (Sera, Bunge, Ajira na Watu wenye Ulemavu) Mhe. Jenista Mhagama (Mb) ameiagiza kamati ya Kudumu ya Waziri Mkuu ya Kutatua kero na changamoto katika sekta ya usafiri wa barabara kuangalia upya mikataba ya madereva ili kuhakikisha haki za madereva zinalindwa. 

Mhe mhagama alitoa agizo hilo wakati wa mkutano wake na Kamati hiyo uliofanyika Aprili 1, 2016 katika Ukumbi wa mikutano wa Ofisi ya Waziri Mkuu jijini Dar es Salaam kwa lengo la kuangalia namna bora ya kukabiliana na changamoto zinazoikabili sekta ya usafirishaji. 

Katika kikao cha Kamati hiyo inayoundwa na Wamiliki wa malori, daladala, mabasi, vyama vya abiria, Idara ya Usafirishaji, Shirika la viwango, Wakala wa Vipimo, Jeshi la polisi, watu wa usalama barabarani, TANROADS  na Umoja wa Wasafirishaji Abiria Dar es Salaam (UWADAR) mhe. Mhagama alisisitiza kuwa Serikali haitawafumbia macho wamiliki wa vyombo vya usafiri ambao hawazingatii mikataba ya kazi kwa madereva. 

“Ninaagiza mikataba ya maderva iangaliwe upya na ikiwezekana yaainishwe majina ya wamiliki wa magari wanaokiuka haki na sheria zilizopo za kuwapa madereva mikataba na stahiki zao ili sheria iweze kuchukua mkondo wake,”alisema Mhagama 

Kutokana na changamoto mbalimbali za madereva zilizobainishwa wakati wa mkutano huo  Mhe.Waziri aliwataka wajumbe wote kuangalia namna nzuri ya kukabili changamoto hizo ili kuhakikisha malalamiko ya madeva yanaisha na kufanya sekta hiyo kuwa na  amani na utulivu. 

“Lengo kuu ni kuona sekta ya usafirishaji inakuwa salama na yenye amani kwani ikumbukwe sekta hii ni nyeti, inabeba roho za watu wengi kila iitwapo leo kwa kuwasafirisha mikoani na nje ya mikoa.” Alisisitiza Mhagama. 

Nae mwenyekiti wa Kamati hiyo Dkt. Leonard Chamuliho aliomba kamati kuyafikia maazimio ya muhimu yaliyojadiliwa na huku akisisitiza agizo la mhe. Mhagama la kuwataka wamiliki na waajiri wote kuzifuata na kuzitekeleza sheria za mikataba kwa waajiriwa wote. 

Rais Magufuli , Raila Odinga Kila Mtu Kivyake

 Rais wa Jamhuri ya Muungano wa Tanzania Dkt. John Pombe Magufuli akipunga mkono kuashiria kuagana na wageni wake, Raila Odinga pamoja na Mkewe Ida Odinga waliofika Chato juzi kwa ajili ya mapumziko na kumpongeza Mhe. Rais.

 Waziri Mkuu mstaafu wa Kenya Raila Odinga akiagana na Rais wa Jamhuri ya Muungano wa Tanzania Dkt. John Pombe Magufuli katika uwanja wa Shule ya Sekondari ya Chato mkoani Geita. Odinga alifika Chato juzi akiwa na familia yake kwa ajili ya kumpongeza Mhe. Rais pamoja na kushiriki pamoja Ibada ya jumapili ya pili ya Pasaka katika Kanisa la Bikira Maria Parokia ya Chato mkoani Geita. Wengine katika picha ni Mke wa Rais Mama Janeth Magufuli pamoja na Mke wa Raila Bi. Ida Odinga.

 Waziri Mkuu mstaafu wa Kenya Raila Odinga akiagana na Rais wa Jamhuri ya Muungano wa Tanzania Dkt. John Pombe Magufuli katika katika uwanja wa Shule ya Sekondari ya Chato mkoani Geita. 

 Mke wa Rais Mama Janeth Magufuli akiagana na Mke wa Waziri Mkuu mstaafu wa Kenya Raila Odinga, Bi Ida Odinga katika katika uwanja wa Shule ya Sekondari ya Chato mkoani Geita. 

 Rais wa Jamhuri ya Muungano wa Tanzania Dkt. John Pombe Magufuli akiagana na Bi Ida Odinga, huku Raila Odinga akiagana na Mama Janeth Magufuli katika katika uwanja wa Shule ya Sekondari ya Chato mkoani Geita.

 Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Raila Odiga, Ida Odinga pamoja na Mkewe mama Janeth Magufuli katika uwanja wa Shule ya Sekondari ya Chato mkoani Geita.

Rais wa Jamhuri ya Muungano wa Tanzania Dkt. John Pombe Magufuli akiwasalimia watoto aliwakuta kwenye uwanja wa Mazaina Chato mkoani Geita. PICHA NA IKULU