USAID WAZINDUA MRADI WA UIMARISHAJI MIFUMO YA SEKTA ZA UMMA MKOANI MTWARA LEO

MKUU wa Mkoa wa Mtwara, Halima Dendegu akitoa hutuba yake wakati wa uzinduzi wa Uzinduzi wa kimkoa wa Mradi wa Uimarishaji Mifumo ya Sekta za Umma, unaofadhiliwa na Shirika la Maendeleo ya Kimataifa la Marekani (USAID).

 Mkuu wa Wilaya ya Mtwara, Fatma Ally akizungumza wakati wa Uzinduzi wa kimkoa wa Mradi wa Uimarishaji Mifumo ya Sekta za Umma, unaofadhiliwa na Shirika la Maendeleo ya Kimataifa la Marekani (USAID).

 Abdul Kitula ambaye ni mtaalam wa fedha wa mradi wa PS3 akizungumza kwa niaba ya Mkurugenzi wa Mradi huo wakati wa uzinduzi hii leo mjini Mtwara.

Mwakilishi wa USAID, Laura Kikuli alikuwepo na kutoa salamu zake katika uzinduzi huo a,mbao ulishirikisha watendaji wa Halamashauri zote za Mkoa wa Mtwara.

 Baadhi ya viongozi wa meza kuu wakifuatilia hotuba za ufunguzi

Read more »

JIJI LAUNDA KAMATI KUCHUNGUZA MALI ZAKE.

Mjumbe wa baraza la jiji la Dar es Salam, Halima Mdee akizungumza na waandishi wa habari jijini Dar es Salaam kuhusiana na mali zilizopo jiji la Dar es Salaam kuwa zipo chini ya jiji la Dar es Salaam. Kushoto ni  Mstahiki Meya wa Jiji la Dar es Salaam, Isaya Mwita. 

Mjumbe wa baraza la jiji la Dar es Salam, Saed Kubenea akionyesha baadhi ya nyaraka za siri za jiji la Dar es Salaam ambazo wameanza kuzichambua kwaajili za kutambua mali zilizo chini ya jiji la Dar es Salaam. katikati ni Mstahiki Meya wa Jiji la Dar es Salaam, Isaya Mwita na Afisa habari wa Ukawa, Gasto Makwembe.

 Kushoto ni Mstahiki Meya wa Jiji la Dar es Salaam, Isaya Mwita akizungumza na waandishi wa habari jijini Dar es Salaam leo kuhusiana na kuanza kuchunguza mali za jiji la Dar es Salaam, (Katikati) Mjumbe wa baraza la jiji la Dar es Salam, Halima Mdee na Kulia ni Mjumbe wa baraza la jiji la Dar es Salam, Saed Kubenea wakiwa katika mkutano wa Meya wa jiji la Dar es Salaam.

Na :Mwandishi Wetu

 

BARAZA la Madiwani la Jiji la Dar es Salaam limeunda kamati ya kuchunguza mali za jiji hilo kutokana na mali hizo  kugubikwa na mbinu chafu na jiji kushindwa kunufaika mali hizo.

Akizungumza leo na waandishi habari  jijini Dar es Salaam, Mstahiki Meya wa Jiji la Dar es Salaam, Isaya Mwita amesema kuwa kamati hiyo lazima ichambue mali hizo na kama ziko kwenye mikataba nazo ziangaliwe jinsi walivyoingia.

Amesema kuwa katika mali hizo ni pamoja na vibanda 130 vilivyo katika Benjamin Mkapa Kariakoo waliopanga vibanda hivyo wanalipa sh.30,000 ambapo kwa kiwango hicho ni kidogo sana kutokana eneo vilipo.

Mwita amesema kuwa mali za jiji zimekuwa hazinufaishi na kufanya mapato  kukusanywa  sh.bilioni 11.7  hivyo  mali zote zikichambuliwa jiji linaweza kukusanya zaidi ya sh.bilioni 20.

 Aidha amesema kuwa UDA ni mali ya jiji kutokana na Mkaguzi na Mdhibiti Mkuu wa  Hesabu za Serikali (CAG) kuzungumza kuwa shirika la Uda ni mali ya jiji.

Mwita amesema vyanzo vingine ambavyo jiji haipati fedha ni Soko la Kariakoo, DDC  hivyo vikiamgaliwa na kamati iliyoundwa itaonyesha hali  halisi na jinsi jiji watavyonufaika.

Wasanii waaswa kutoingia mikataba kiholela

Katibu Mtendaji Bodi ya Filamu Tanzania Bi. Joyce Fisso akizungumza na wadau wa filamu katika kikao cha usuluhishi wa madai ya kupewa nakala halisi ya filamu kati ya mtengenezaji filamu nchini Bw. Carlos Johns Johns kutoka Happy Time Production na mtunzi wa filamu ya Nyota ya Jaha Bw. Emmanuel Mayunga.

Mtunzi wa filamu ya Nyota ya Jaha Bw. Emmanuel Mayunga (wa pili kulia) akizungumza katika kikao cha usuluhishi wa madai ya kupewa nakala halisi ya filamu kati yake na mtengenezaji filamu nchini Bw. Carlos Johns kutoka Happy Time Production kilichofanyika chini ya Katibu Mtendaji Bodi ya Filamu Tanzania Bi. Joyce Fisso.

Mtengenezaji filamu kutoka Happy Time Production Bw. Carlos Johns Johns akizungumza katika kikao cha usuluhishi wa madai ya kupewa nakala halisi ya filamu kati yake na mtunzi wa filamu ya Nyota ya Jaha Bw. Emmanuel Mayunga kilichofanyika chini ya Katibu Mtendaji Bodi ya Filamu Tanzania Bi. Joyce Fisso, kulia ni Afisa Utamaduni Bodi ya Filamu Tanzania Bw. Simon Peter.

Maafisa Utamaduni Bodi ya Filamu Tanzania pamoja na wadau wa filamu wakimsikiliza mtunzi wa filamu ya Nyota ya Jaha Bw. Emmanuel Mayunga akijieleza wakati wa kikao cha usuluhishi wa madai ya kupewa nakala halisi ya filamu kati yake na mtengenezaji filamu Bw. Carlos Johns kutoka Happy Time Production kilichofanyika chini ya Katibu Mtendaji Bodi ya Filamu Tanzania Bi. Joyce Fisso.

WANAMTANDAO WAITAKA DAWASCO KUTUPIA JICHO TABAKA LA WASIOJIWEZA

Mtendaji Mkuu wa Shirika la Maji safi na Usafi wa Mazingira jijini Dar es Salaam (DAWASCO) Mhandisi Cyprian Luhemeja akifurahia jambo na ujumbe kutoka Mtandao Kijinsia Tanzania (TGNP) walipofika ofsini hapo kwa ajili ya kutoa shukrani zao.

Mwanaharakati kutoka mtandao wa kijinsia Tanzania (TGNP), Bi Gema Akilimali akizungumza na waandishi wa habari wakati akitoa shukrani fupi kwa uongozi wa DAWASCO kutokana na jitihada zilizofanyika katika kuboresha huduma ya Majisafi na Majitaka Jijini Dar es salaam hususani maeneo ya wananchi wenye kipato cha chini. Kushoto kwake ni Afisa Mtendaji Mkuu wa Dawasco Mhandisi Cyprian Luhemeja.

WANAHARAKATI WA Mtandao wa kijinsia “TGNP” wamepongeza juhudi zinazofanywa na Shirika la Majisafi na Majitaka Dar es salaam (Dawasco), kutokana na Mabadiliko na jitihada zinazofanywa na Dawasco za kuboresha huduma ya Maji pamoja na kufanya kazi za kusaidia jamii inayoizunguka. 

Akizungumza katika kikao cha pamoja na Dawasco, Mratibu wa kampeni ya Maji ya “MAMA TUA NDOO KICHWANI” kutoka Mtandao wa Kijinsia Bi. Martha Samwel. Ameitaka Dawasco kuhakikisha inapeleka huduma ya Majisafi na salama katika sehemu zote muhimu ikiwamo mashuleni na hospitalini ili kumpunguzia mwanamke adha ya kutafuta Maji kutoka umbali mrefu pamoja na kumuondolea mwanamke adha ya kubakwa na hata kupigwa kutokana na kuhangaika kutafuta Maji. 

“Tunataka kutoa salamu za pongezi kwa DAWASCO kwa mabadiliko na jitihada tunazoziona za kuboresha huduma ya Maji na kufanya kazi ya kusaidia jamii, tumefurahishwa na jitihada zenu, tutafanya kazi pamoja ili kuhakikisha tunamuondolea mwanamke shida ya kupoteza muda mwingi kuhangaika kutafuta Maji kwani kampeni yenu ya “MAMA TUA NDOO YA MAJI KICHWANI” ndio kampeni yetu” alisema Bi. Martha. 

Aidha, Mwanaharakati wa mtandao wa kijinsia Bi. Gema Akilimali, amefurahishwa ya kampeni ya Mama tua ndoo kichwani kwani itamsaidia mwanamke kwa kiasi kikubwa kushiriki kikamilifu katika kujenga uchumi wa nchi, kitendo ambacho kwa sasa hatimizi ipasavyo kutokana na kutumia muda mwingi kutafuta maji, pia anaamini utaongeza ufaulu mashuleni kwani badala ya watoto wa kike kutumia muda mwingi kutafuta Maji sasa wataweza kuokoa muda na kuwa kushiriki masomo ipasavyo. 

“Wanawake wanatumia muda mwingi kutafuta Maji, hivi ni saa ngapi ataleta maendeleo ya nchi? Lazima tumkwamue mama katika janga hili ili na yeye aweze kujenga nchi yake” alisema Bi. Akilimali. Kwa upande wake Afisa Mtendaji mkuu wa Dawasco, Mhandisi Cyprian Luhemeja, amehaidi hadi kufikia Disemba 31 watahakikisha kampeni ya mama tua ndoo ya Maji kichwani itawafikia wakazi wengi wa Dar hususani wale walio katika tabaka la chini. 

Aidha amehaidi kutoa huduma ya Majisafi na salama bure kwa wazee, walemavu na yatima wote ambao hawana uwezo wa kumudu gharama za kuunganisha huduma ya Maji, pamoja na kujenga pointi za ya kunywea Maji katika sehemu mbalimbali za Jiji ikiwa ni pamoja na maeneo ya stendi ya Mabasi ya Ubungo, Buguruni chama, Magomeni Mapipa na Kisutu stendi ya zamani. 

“Mimi pamoja na menejimenti yangu tunaenda kumtua mama ndoo ya Maji kichwani mpaka kufikia mwishoni wa mwaka huu, kwani Maji yatakuwa mengi katika maeneo mbalimbali ya jiji la Dar es salaam pamoja na Pwani” alimalizia Mhandisi Luhemeja

NEWS ALERT: Harry Kitilya na wenzake wafutiwa shtaka moja, dhamana yagonga mwamba

Kamishna Mkuu Mstaafu wa Mamlaka ya Mapato Tanzania (TRA), Harry Kitilya (kushoto) akiwa na waliokuwa Wafanyakazi wa Benki ya StanBic Tanzania,  Sioi Sumari (katikati) na Shose Sinare, wakiwa Mahakam ya Hakimu Mkazi Kisutu, Jijini Dar es salaam.

Washitakiwa hao wanaokabiriwa na mastaka nane likiwemo la utakatishaji Fedha kiasi cha Dola za Marekani milioni 6, ili kufanikisha mkopo kutoka Benki ya Stanbic kwenda Serikalini, walifikishwa Mahakamani hapo leo kusikiliza keshi yao, na walifanikiwa kufutiwa Shitaka moja la kutakatisha Fedha kati ya nane yaliyokuwa yakiwakabili, ambapo Washitakiwa hao walisomewa kufutwa kwa shitaka hilo kwa madai ya kukosa Vidhibitisho.

Aidha mpaka mtandao huu unatoka Mahakamani hapo Mawakili walikuwa bado wakihangaikia kupata dhamana kufutiwa shitaka hilo lililokuwa na kikwazo kikubwa cha dhamana
Baada ya kufutiwa shitaka hilo, DPP aliwasilisha hati ya mapendekezo ya kukata rufaa ya kupinga uamuzi wa kufuta shitaka namba nane la utakatishaji Fedha linalowakabili watuhumiwa hao, ambapo zoezi la dhamana liligonga mwamba na Washitakiwa hao wamerudishwa rumande.

Sherehe za miaka 5 ya kitchen party gala zafana!

Jumapili ya tarehe 24 April wanawake mbali mbali wa jiji la Dar es salaam walikutana pamoja kuadhimisha miaka mitano toka kuanzishwa kwa kitchen party gala."Kitchen party gala event imetokana na zile shughuli za kitchen party anazofanyiwa bi harusi mtarajiwa kufunzwa maisha ya ndoa.Lakini sisi tukasema kila mtu anahitaji mafunzo hayo kila inapobidi ikiwemo  Mahusiano,ndoa,ujanajike/uanamke,kujitambua,kujisimamia,kazi,familia,

afya,ujasiriamali n.k.

Tamasha hilo lilifanyika katika ukumbi wa Chuo cha Sheria,kilichopo karibu na kituo cha mawasiliano ,Ubungo nyuma ya jengo la Mawasiliano Tower,tamasha hilo lililokuwa limebeba ujumbe   "MWANAMKE......CHUKUA HATUA acha kulala na kuzubaa.Saa mbaya hizi kamata usukani wa maisha yako,lilionekana kuwavutia sana akina dada na akina mama kutokana na namna lilivyokuwa limeandaliwa. 

Mwanamke amezungukwa na mambo mengi sana ambayo kila wakati anahitaji kukumbushwa na kufundishwa ikibidi ndio tukaanza KITCHEN PARTY GALA 2011 mpaka Leo 2016 " Alisema Dina Marios moja ya waandaaji wa tukio hilo akishirikiana na Vida Mndolwa. "Tumelidesign Tamasha letu liwe la kuelimisha na kuburudisha pia ili kukufanya urelax na ufurahi na kila utakachosikia usikisahau." Aliongeza Dina Marios.

Mratibu wa Sherehe za miaka 5 ya kitchen party gala Dina Marios akitoa mwongozo mfupi wa shughuli nzima ukumbini.

Baadhi ya Washiriki wa kitchen party gala wakifurahia jambo huku wakibadilishana mawazo.

Mmoja wa wasemaji wa Hafla hiyo Dkt.Peter Mitimingi ambaye ni mtaalamu katika nyanja mbalimbali ikiwemo mambo ya uongozi,ushauri,biblia,saikolojia na pia ameandika vitabu vingi tu vya mafunzo na ushauri.

Pastor Debora Kaisi akitoa neno katika hafla hiyo ya Sherehe za miaka 5 ya kitchen party gala.

Baadhi ya Washiriki wa kitchen party gala wakiserebuka kwa pamoja huku wakibadilishana mawazo.

Akina mama waserebuka kwa raha zao.

Walipoguswa na mada yoyote hawakusita kuonesha hisia zao.

Akina Mama wakiserebuka kwa raha zao

mkuu wa wilaya ya kinondoni akagua miradi mbalimbali ya maendeleo manispaa ya Kinondoni

Mkuu wa Wilaya ya Kinondoni jijini Dar es salaam Mh. Ally Salum Hapi jana tarehe 26/4/2015 alifanya ziara ya kukagua miradi mbalimbali ya maendeleo iliyoko manispaa ya Kinondoni. Katika ziara hiyo ambayo aliambatana na watendaji mbalimbali wa Halmashauri ya manispaa ya Kinondoni, Mh. Hapi alikagua na kupokea taarifa ya miradi mbalimbali iliyokamilika na inayoendelea kukamilika. Miradi iliyotembelewa ni kama vile

-Mradi wa ujenzi wa soko la kisasa Mburahati utakaogharimu Bilioni 1.8,
-Mradi wa ujenzi wa barabara ya Arsenal Magoti uliogharimu zaidi ya Shilingi Bilioni 1,
-Mradi wa ujenzi wa wodi ya wazazi Ubungo uliogharimu shilingi milioni 50,
-Ujenzi wa hostel ya wasichana katika shule ya sekondari Mabwepande utakaogharimu shilingi 283,988,270,

-Ujenzi wa Kalavati Mabwepande utakaogharimu shilingi 320,880,400,-Ujenzi wa Kituo cha Kilimo Malolo Mabwepande utakaogharimu shilingi 96,412,200 na-Ujenzi wa kisima cha maji Makongo utakaogharimu shilingi 240,000,000.
 

Akiwa katika mradi wa Kilimo Mabwepande, Mh. Mkuu wa Wilaya alivutiwa na mradi huo ambao unalenga kuweka programu ya kuwafundisha wananchi kulima mbogamboga, kufuga kuku, samaki na ng'ombe. Mh. Hapi alitoa agizo kwa Mkurugenzi kuhakikisha fedha zilizosalia kulipwa mkandarasi kiasi cha shilingi milioni 30 zilipwe haraka ili kituo kikamilike, jambo ambalo lilikubaliwa palepale.

Miradi ya maendeleo iliyokaguliwa inatarajiwa kuzinduliwa na mwenge wa uhuru ambao unatarajiwa kuwa Kinondoni katikati ya mwezi ujao.

Mkuu wa Wilaya ya Kinondoni jijini Dar es salaam Mh . Ally Salum Hapi akielekezwa jambo alipokuwa akikagua moja ya mradi ndani ya wilaya hiyo.

 Mh. Hapi akikagua na kupokea taarifa ya miradi mbalimbali iliyokamilika na inayoendelea kukamilika.

Mh. Hapi akipata maeelezo mara baada ya kagua na kupokea taarifa ya miradi mbalimbali iliyokamilika na inayoendelea kukamilika.

RAIS DKT. MAGUFULI AWAAPISHA MAKATIBU TAWALA WAPYA WA MIKOA 10 IKULU JIJINI DAR ES SALAAM

Rais wa Jamhuri ya Muungano wa Tanzania Dkt. John Pombe Magufuli akimuapisha Ndugu Amantius Casmiri Msole kuwa Katibu Tawala wa Mkoa wa Kagera, Ikulu jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli akimuapisha Ndugu Jumanne Abdallah Sagini kuwa Katibu Tawala wa Mkoa wa Simiyu, Ikulu jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli akimuapisha Ndugu Selestine Muhochi Gesimba kuwa Katibu Tawala wa Mkoa wa Geita, Ikulu jijini Dar es Salaam.

BOFYA HAPA KWA PICHA ZAIDI

Rais wa Jamhuri ya Muungano wa Tanzania Dkt. John Pombe Magufuli amewaapisha Makatibu Tawala wapya kumi aliowateua tarehe 25 Aprili, 2016 na kuwapangia vituo vyao vya kazi.
Makatibu Tawala hao wameapishwa leo tarehe 27 Aprili, 2016 Ikulu Jijini Dar es salaam na kisha wametia saini hati ya ahadi ya uadilifu kwa viongozi wa umma, zoezi lililoendeshwa na Kamishna wa maadili Sekreatieti ya Maadili ya Viongozi wa Umma, Mheshimiwa Jaji Salome Kaganda na kushuhudiwa na Katibu Mkuu Kiongozi Balozi John Kijazi.
Makatibu Tawala walioapishwa ni;
1. Arusha - Richard Kwitega
2. Geita - Selestine Muhochi Gesimba
3. Kagera - Armatus C. Msole
4. Kilimanjaro - Eng. Aisha Amour
5. Pwani - Zuberi Mhina Samataba
6. Shinyanga - Albert Gabriel Msovela
7. Singida - Dr. Angelina Mageni Lutambi
8. Simiyu - Jumanne Abdallah Sagini
9. Tabora - Dkt. Thea Medard Ntara
10. Tanga - Eng. Zena Said
Makatibu Tawala wengine wa Mikoa ambao hawakuapishwa leo, ni wale waliohamishwa vituo vya kazi na wale waliobaki katika vituo vya kazi walivyokuwep,o ambao tayari walishakula kiapo cha kuwa Katibu Tawala wa Mkoa.
Gerson Msigwa
Kaimu Mkurugenzi wa Mawasiliano, IKULU
Dar es salaam
27 Aprili, 2016

Benki ya Exim yazindua mashine yake ya kwanza ya kuweka pesa kwenye akaunti.

Mkuu wa Huduma za matawi Benki ya Exim Tanzania, Bw Eugine Massawe (kulia) pamoja na Meneja Mkuu wa kampuni ya Pacific International Lines, PIL Bw. Kevin Stone wakikata utepe kuashiria uzinduzi wa mashine ya kuweka pesa (CDM) ya benki hiyo itakayowawezesha wateja wa kampuni ya PIL kuweka pesa kwenye akaunti zao moja kwa moja bila kulazimika kufika kwenye ofisi au kuhudumiwa na wafanyakazi wa benki hiyo.

BENKI ya Exim Tanzania imezindua mashine yake ya kwanza ya kuweka pesa (CDM) itakayowawezesha wateja wa kampuni ya Pacific International Lines, PIL kuweka pesa kwenye akaunti zao moja kwa moja bila kulazimika kufika kwenye ofisi au kuhudumiwa na wafanyakazi wa benki hiyo.

Ufunguzi wa mashine hiyo ulifanyika jijini Dar es Salaam hivi karibuni ukihusisha mwakilishi wa benki hiyo ambaye ni Mkuu wa Huduma za matawi Bw Eugine Massawe pamoja na Meneja Mkuu wa kampuni ya PIL Bw. Kevin Stone.

Akizungumzia mashine hiyo iliyopo kwenye jengo la Maktaba (Makataba Square)lililopo katikati ya jiji, Bw Massawe alisema ni mwendelezo wa mkakati wa benki hiyo katika kurahisisha huduma zaidi za kifedha kwa wateja wa benki hiyo.

“Mashine hii itawawezesha wateja wetu kuweka pesa moja kwa moja kwenye akaunti zao wao wenyewe. Huduma hii itapatikana kuanzia saa 2 asubuhi hadi saa 10 na nusu jioni kila siku na itatoa fursa kwa wateja wa PIL kupata msaada kutoka kwa wahudumu wetu waliopo jirani na mashine pale watakapohitaji,’’ alisema.

Kwa mujibu wa Bw Massawe, kwa kuanzia mashine hiyo itaanza kupokea noti za Dola ya Kimarekani kwa kiasi chochote huku akitahadharisha; “Ifahamike kwamba mashine hii ina uwezo mkubwa wa kutambua pesa bandia au zile zisizofaa kwa kuwa imewekewa mfumo bora kabisa wa kiusalama,”Aliongeza kuwa mashine hiyo inamuwezesha mtumiaji kupata risiti ya muhamala atakaoufanya sambamba na kumuhakikishia mafanikio ya muhamala husika.

“Mteja atapokea ujumbe mfupi wa maneno kuhusiana na mwenendo ya muhamala alioufanya,’’ alisema Bw Massawe huku akisisitiza: “Benki ya Exim itabaki kuwa benki pekee yenye kubuni huduma zinazokidhi matakwa ya wateja kulingana na mabadiliko ya kimahitaji katika huduma za kibenki,’’

Alisema huduma hiyo imewekwa jirani na makao makuu ya benki hiyo ili kuwawezesha watumiaji wa huduma hiyo kupata msaada kwa urahisi kutoka kwa wafanyakazi wa benki pale wanapohitaji.“Itakapofikia kipindi ambacho wateja wetu watakuwa tayari wamejenga uelewa wa kutosha kuhusiana na matumizi sahihi ya mashine hii tutakuwa tayari kuongeza mashine nyingine katika maeneo mbalimbali ili waweze kufurahia huduma hii zaidi,’’ aliahidi.

Mbio za Heart Marathon zafana jijini Dar es Salaam

Washiriki wa mbio za Heart Marathon kwa waendesha Baiskeli wakiwa katika mashindano hayo jana jijini Dar es Salaam.

Wanariadha washiriki wa Heart Marathon wakichuana katika mbio za urefu wa kilomita 21 jana jijini Dar es Salaam.

Kaimu Mkurugenzi wa Maendeleo ya Michezo kutoka Wizara ya Habari, Utamaduni, Sanaa na Michezo Alex Nkenyenge akizungumza na wadau wa riadha wakati wa ufungaji wa mbio za Heart Half Marathon zilizofanyika jana katika viwanja vya Chuo Kikuu cha Dar es Salaam. Kulia ni Rais wa Kongamano la Afya Tanzania na Mratibu wa mbio hizo Dkt. Omary Chillo.

Mwenyekiti wa Kamati ya maandalizi ya Heart Marathon Dkt. Chakao Khalfan akizungumza na waandishi wa Habarai mara baada ya kumalizika kwa mbio hizo jana jijini Dar es Salaam. Heart Marathon hii imejumuisha mbio za urefu wa 21Km, 10Km, 5Km, mita 700 kwa ajili ya watoto, Baiskeli Kilomita 21 na Baiskeli walemavu.

MKUU WA MKOA WA KILIMANJARO ,SAID MECKY SADICK AFANYA ZIARA YA UTAMBURISHO WILAYA YA HAI.

Mkuu wa Mkoa wa Kilimanjaro ,Said Mecky Sadick akizungumza na watendaji wa Halmashauri ya wilaya ya Hai.

Mkuu wa Mkoa wa Kilimanjaro ,Said Mecky Sadickyakitia saini katika kitabu cha wageni alipotembelea ofisi ya Mkuu wa wilaya ya Hai hii leo.

Mkuu mpya wa wilaya Hai , Gelasius Byakanwa (kushoto) akimuelekeza jambo Mkuu wa mkoa wa Kilimanjaro Said Mecky Sadick alipotembelea ofisini kwake mapema hii leo.

Mkuu mpya wa wilaya ya Hai,Gelasius Byakanwa akitoa taarifa ya wilaya hiyo kwa Mkuu wa Mkoa wa Kilimanjaro ,Said Mecky Sadick alipotembelea ofisini kwake mapema hii leo.

Mkurugenzi wa Halmashauri ya wilaya ya Hai ,Said Mderu akiandaa taarifa kwa ajili ya kukabidhi kwa mkuu wa Mkoa wa Kilimanjaro ,Said Mecky Sadick.

Mkuu wa Polisi wilaya ya Hai ,OCD Pancras Mdimi akifuatilia taarifa ya wilaya iliyokuwa ikitolewa kwa mkuu wa mkoa wa Kilimanjaro.

Mkuu wa Mkoa wa Kilimanjaro,Said Mecky Sadick akisoma ubao wenye majina ya wakuu wa wilaya waliowahi kufanya kazi katika wilaya hiyo .

Mkuu wa Mkoa wa Kilimanjaro ,Said Mecky Sadick akiongozana na Mkuu mpya wa wilaya ya Hai,Gelasius Byakanwa wakati wakitoka katika ofisi ya mkuu huyo wa wilaya.

Na Dixon Busagaga wa Globua ya Jamii Kanda ya Kaskazini.

Rais Magufuli awaapisha Makatibu Tawala wapya wa Mikoa

MDAU ALFRED LUCAS ATEULIWA KUWA AFISA HABARI MPYA TFF

Shirikisho la Mpira wa Miguu Tanzania (TFF) limemteua Alfred Lucas kuwa Afisa Habari na Mawasiliano mpya wa shirikisho kuanzaia leo Aprili 27, 2016.

Alfred anachukua nafasi ya Baraka Kizuguto aliyehamishiwa katika Kurugenzi ya Mashindano kuwa Afisa Mashindano na Meneja wa Mifumo pepe ya Usajili (TMS).

Alfred ana uzoefu kutoka vyombo mbalimbali alivyovitumikia kama mwandishi wa habari na mhariri.

Kadhalika Alfred kitaaluma amesomea uandishi wa habari, uhusiano wa kimataifa na diplomasia pamoja na lugha.

Mawasiliano ya Afisa Habari,

Alfred Lucas:

Namba ya simu: 0769 088111

Naibu Katibu Mkuu ampongeza Getrude Clement

 Naibu Katibu Mkuu Ofisi ya Makamu wa Rais Eng. Ngosi Mwihava (Kushoto) na akiwa na Mjumbe Maalumu wa Amani na Mwanaharakati wa Mazingira Bi. Getrude Clement na Bw. Brightiles Titus wanaharakati wa Masuala ya Mazingira. Bi. Getrude aliwasilisha ujumbe wa vijana katika utiaji saini Mkataba wa Paris jijini Newyork kwa kushirikiana na Unicef.

Naibu Katibu Mkuu Ofisi ya Makamu wa Rais Eng. Ngosi Mwihava (Kushoto) akiwa na akiwa na Mjumbe Maalumu wa Amani na Mwanaharakati wa Mazingira Bi. Getrude Clement (katikati) alipotembelea Ofisi ya Makamu wa Rais.  Naibu Katibu Mkuu amempongeza kwa kuiwakilisha vema Tanzania Bw. Richard Muyungi. 

MADEREVA BODABODA WATAKIWA KUINGIA DARASANI KUELIMISHWA ELIMU YA USALAMA BARABARANI

Baadhi ya Madereva wa Boda boda wakiwa kazini kusubiri wateja

Na Woinde Shizza,Arusha.

Waendesha bodaboda wametakiwa kwenda darasana kupata elimu ya usalama barabarani ili kuweza kuepusha ajali za maramara kwa mara zisizo tarajiwa .Hayo yalibainishwa na diwani wa viti maalumu kupitia chama cha demokrasia na maendeleo (CHADEMA) kata ya Usariver Mary Antony wakati akiongea na madereva wa bodaboda hao mara baada ya kuwalipia ada ya mafunzo ya usalama barabarani, madereva 45 wa kata ya usa river.Alisema kuwa ni wajibu wa kila dereva bodaboda kwenda kupata elimu ya usalama barabarani ili kupunguza ajali za barabarani zinazotokea mara kwa mara, kwa kusababishwa na uzembe wa madereva hao.“mimi kama diwani wa viti maalumu niliamua kwenda kuwalipia ada ya mafunzo madereva hawa wa bodaboda ili angalau waweze kujua sheria za barabarani na pia waweze kupata leseni, maana hawa wote hawana leseni na si hivyo tu nadhani iwapo madereva hawa watazijua hizi sheria za bara barani, itasaidia kupunguza ajali za mara kwa mara ambazo zinatokea”alisema MaryAlibainisha kuwa ni wajibu wa kila dereva kujua sheria na iwapo atajua sheria watajiamini na pia awatasumbuliwa ata na polisi wa usalama barabarani njiani kwani watakuwa wanajua sheria hivyo ata akiambiwa amefanya kosa ataweza kujua ni kosa kweli au amedanganywa kwakuwa tayari anajua sheria hizi za usalama wa barabarani.Kwa upande wake mmoja wa vijana wa bodaboda wa kata hiyo ya Usariver alisema kuwa anamshukuru diwani huyo kwa kuwasaidia kwani wamejitambua na wanajua sheria na aliwasihi madereva wenzake kwenda mashuleni kujua sheria hizo.Alisema kuwa mafunzo hayo ambayo wameyapata yatawasaida kujiamini na pia yamewasaidia pia kutowaogopa askari wa barabarani kama zamani ,kwani kwa sasa wanajua sheria ya usalama barabarani na sio hivyo tu katika mafunzo hayo pia wamefundishwa mafunzo ya ulinzi shirikishi ili kuweza kuwatambua wezi na jinsi ya kujiepusha na wateja ambao hawaeleweki