TIGO YAFUNGUA DUKA LA KISASA SAME 'Mgonjwa wa Magufuli' afungwa Muhimbili KIKWETE NA MWAKILISHI MAALUM WA MAREKANI Barakah Da Prince - SIWEZI [Official Music Video] Tuhuma mpya Bandari DONDOO ZA MAGAZET SHEREHE MURWA YA JAMBO LEO YA KUUKARIBISHA MWAKA MPYA 2016 IYK - Columbus, Ohio | Karibuni Ibada ya Kiswahili | Jumapili hii 17 Januari 2016 | Kuanzia saa Kumi kamili jioni Kichupa cha leo Single sally Ft mesen selekta - Cossovo BREAKING NEWS: CHADEMA YANYAKUWA KITI CHA MEYA WA KINONDONI, NI BONIFACE JACOB MGODI WA BUZWAGI WAPONGEZWA KWA KUZINGATIA SHERIA ZA MAZINGIRA JE WEWE NI MSANII NA UNAKAZI YAKO UNAHITAJI KUUZA??? SERIKALI YAWATAKA WANANCHI WALIOVAMIA ENEO LA KAMBI WA WAZEE NUNGE KUSITISHA UJENZI RAIS DK. JOHN POMBE MAGUFULI AMPIGA CHINI KATIBU TAWALA MWANZA DK. SHEIN AWAAPISHA MAKATIBU, MANAIBU NA MSHAURI WA RAIS IKULU LEO UZINDUZI WA ‘STIKA’ MAALUM YENYE UJUMBE WA KUTOKOMEZA MAUAJI YA WATU WENYE ALBINISM SERIKALI YAWATAKA WATOA HUDUMA TIBA ASILI NA TIBA MBADALA WASAJILIWE NA BARAZA LA TIBA ASILI NA TIBA MBADALA HALI HALISI YA BARABARA YA "MARKET STREET" JIJINI MWANZA. WHAT'S GOING ON WITH DICOTA? ISUZU JOURNEY BUSES FOR SALE MAKAMU MWENYEKITI WA CCM (BARA) AKUTANA NA UJUMBE KUTOKA CHINA LUMUMBA LEO

• TIGO YAFUNGUA DUKA LA KISASA SAME Posted: 16 Jan 2016 12:20 PM PST Katibu wa wilaya ya Same Mhe. Evagry Keiya (katikati)akikata utepe kufungua duka la Tigo Same, wanaoshuhudia ni Meneja wa huduma kwa wateja Tigo, Mwangaza Matotola(kushoto) na Mkurugenzi wa Tigo kanda ya Kaskazini George Lugata(kulia) mapema mwishoni wa wiki iliyopita Baadhi ya wafanyakazi wa Tigo  wakiwa katika tafrija ya ufunguzi wa duka la Tigo Same mapema wa mwishoni  wa wiki iliyopita  Mkurungezi wa Tigo kanda ya kaskazini Bw.George Lugata akitoa hotuba wakati wa ufunguzi wa duka la Tigo Same mapema mwishoni wa wiki iliyopita  Baadhi ya wageni waalikwa wakiwa kwenye tafrija ya kufungua duka la Tigo same wakisikiliza kwa makini hotuba ya mgeni rasmi Mh Evagry Keiya  mapema mwishoni wa wiki iliyopita  Kampuni ya simu ya Tigo imefungua duka jipya la  same ambalo limepunguza adha kwa wateja wa kampuni hii ambao walikuwa wanatafuta huduma kwa wateja umbali mrefu toka kwa makazi yao   Akizungumza wakati wa uzinduzi wa duka hilo Mkurungezi wa Tigo Kanda ya kaskazini Bw.George Lugata alisema uzinduzi wa duka hili ni moja ya mipango ya kampuni ya Tigo kusogeza huduma karibu na wateja wake. "Kampuni ya tigo imeangalia fursa zilizopo katika eneo la Same ambapo kwa pamoja tumeiona ni jinsi gani tunaweza kusaidiana na wakulima na wafanya biashara kuweza kufanya huduma mabalimbali za kibenki kwa kutumia simu za mkononi"Alisema Lugata Aliongeza kuwa ufunguzi huo unaendana na kuboresha muonekano wa duka hili kuwa wa kisasa  Lugata alisema kuwa duka hilo linalopatikana katika mtaa wa shule linategemea kuhudumia wateja wapatao mia tatu kwa siku wakipata huduma mbalimbali ikiwemo huduma za kuunganishwa kwenye intaneti, usajili wa laini za simu na kurudisha laini zilizopotea pia kununua simu za kisasa. Kwa upande wa katibu wa mkuu wa wilaya ya same  Mhe. Evagry Keiya alipongeza hatua za Tigo za ufunguzi wa duka hili kwa kuwa utarahisisha upatikanaji wa huduma kwa wateja wa wilaya ya same . =================================================================

  'Mgonjwa wa Magufuli' afungwa Muhimbili Posted: 16 Jan 2016 12:19 PM PST Chacha Makenge (39), ambaye ni maarufu kwa jina la ‘mgonjwa wa Magufuli’ ameondolewa wodini kwenye Taasisi ya Tiba ya Mifupa Muhimbili (MOI), jijini Dar es Salaam, na kupelekwa wodi ya magonjwa ya akili kwa nguvu, kwa kutumia amri ya mahakama. Kuwekwa wodi ya magonjwa kwa amri ya mahakama ni moja ya aina ya hukumu za mhimili huo wa dola. Zoezi hilo la kumhamisha lilifanyika juzi saa 6.30 mchana ambapo uongozi huo ulimpeleka katika kitengo cha magonjwa ya akili kwa ajili ya kufanyiwa uchunguzi kutokana na vitendo vyake kutokuwa vya kawaida. Akizungumza na Nipashe jana, Ofisa Ustawi wa Jamii wa MOI. Frank Matua, alisema walichukua hatua hiyo baada ya Makenge kugoma kuondoka wodini mara kadhaa licha ya kuruhusiwa na madaktari baada ya afya yake kuwa nzuri . Makenge alilazwa wodi ya Sewahaji namba 18 na kitanda chake kilikuwa cha tatu mstari wa kwanza, upande wa kushoto unapoingia wodini. Alisema baada ya kuona mgonjwa huyo anaendelea kung’ang’ania wodi na kukaidi maelekezo ya madaktari, waliamua kwenda mahakamani kuomba kibali cha kumuondoa kwa nguvu kwenda kumpima akili. “Tumemuondoa kwa kutumia amri ya mahakama na kumpeleka kitengo cha magonjwa ya akili, kule ana faili lake la siku nyingi," alisema Mutua na kueleza, "sasa MOI haitawajibika na Makenge kama ilivyokuwa huko nyuma. "Ametusumbua hapa kwa muda mrefu sana ingawa tumepata shida kumuondoa, lakini tumefanikiwa.” Alisema Makenge aliwapa changamoto nyingi kwani awali alipopelekwa katika kitengo cha magonjwa ya akili, siku ya pili alitoroka na kurudi Moi. “Tunaamini mgonjwa wetu alikuwa na matatizo ya akili na ndiyo maana tukachukua hatua ya kushirikiana na Hospitali ya Taifa ya Muhimbili kumchunguza,” aliongeza kusema. Novemba 9 mwaka huu wakati Rais Dk. John Magufuli, alipofanya ziara ya ghafla katika Hospitali ya Muhimbili, alikutana na Makenge ambaye alimwelezea matatizo mbalimbali wanayokabiliana nayo wagonjwa na hasa kuharibika kwa mashine za CT-Scan na MRI. Rais Magufuli baada ya kupewa taarifa hizo na Mekenge, aliamuru mgonjwa huyo atibiwe kwa gharama zake hali ambayo ilisababisha watu wamwite mgonjwa wa Magufuli. Mgonjwa huyo amekuwa na vituko vingi tangu awasili hospitalini hapo mwaka jana ambapo Kaimu Mkurugenzi wa Tiba kwenye taasisi hiyo, Samuel Swai, alisema Makenge amekuwa msumbufu kiasi ambacho madaktari wameshauri kufanya utafiti zaidi kuhusu matatizo mengine. "Sisi madaktari baada ya kumfanyia vipimo vyote na kumtibu ugonjwa uliokuwa ukimsumbua, tumejiridhisha hana tena matatizo yaliyomsumbua nyuma ya mgongo lakini cha ajabu hataki kuondoka," alisema Swai. Mkurugenzi huyo alieleza kuwa kwa muda mrefu Chacha amekuwa na vituko vingi kwenye wodi aliyolazwa, ikiwa pamoja na kukataa kulala kitandani na badala yake amekuwa akilala chini hali ambayo iliwalazimu kuanza mchakato wa kupima akili yake. CHANZO: THE GUARDIAN ====================================================

  KIKWETE NA MWAKILISHI MAALUM WA MAREKANI Posted: 16 Jan 2016 12:17 PM PST MWENYEKITI wa CCM, Rais Mstaafu, Jakaya Kikwete akiwa na Mjumbe Maalum wa Marekani katika Ukanda wa Maziwa Makuu, Thomas Perriello, baada ya mazungumzo yao kuhusu hali ya Burundi, yaliyofanyika jana, Ofisi Ndogo ya Makao Makuu ya CCM, Lumumba Dar es Salaam.  (Picha na Bashir Nkoromo).

  Barakah Da Prince - SIWEZI [Official Music Video] Posted: 16 Jan 2016 12:04 PM PST ========================================================================

  Tuhuma mpya Bandari Posted: 16 Jan 2016 12:03 PM PST By Zulfa Musa, Mwananchi Arusha. Bandari ya Dar es Salaam imetupiwa tuhuma nzito kuwa inatumika kupitisha makontena yenye silaha kwenda Bujumbura, Burundi kwa ajili ya kuendeleza mauaji nchini humo. Hayo yalielezwa jana na upande wa walalamikaji kutoka kwenye asasi zisizo za kiraia za Burundi, walipokutana Arusha kuanza mazungumzo ya amani ya nchi hiyo. Makamu Rais wa shirika la FORSC, Vital Nshiriminirimana alisema licha ya Bandari hiyo kutumiwa kusafirisha bidhaa mbalimbali zikiwamo silaha za kivita za nchi hiyo, pia silaha za magendo zimekuwa zikiingizwa nchini humo bila kuwapo jina la mmiliki wa makontena hayo. Nshiriminirimana alikuwa anaieleza kamati inayohusika na masuala ya kikanda na usuluhishi wa migogoro ya Jumuiya ya Afrika Mashariki (EAC). Hata hivyo, Kaimu Meneja Mawasiliano wa Mamlaka ya Bandari Tanzania (TPA), Janeth Ruzangi ambaye kabla ya kuzungumzia suala hilo aliomba muda kuuliza katika idara mbalimbali za mamlaka hiyo, alisema kwa muda mrefu Burundi haijatumia bandari hiyo kupitisha silaha zake, licha ya kwamba silaha za nchi mbalimbali hupitishwa katika bandari hiyo. Alisema silaha zinazopita bandarini ni zile zenye vibali pekee. “Upitishaji wa silaha una taratibu zake na utaratibu huo upo chini ya JWTZ (Jeshi la Wananchi Tanzania). Jeshi hilo huzisindikiza silaha hizo mpaka katika mpaka wa nchi zinakokwenda. “Kinyume na hapo hakuna silaha zinazopita bila kibali na kama kuna ushahidi wa silaha kupita bila utaratibu, wanaodai hivyo wanatakiwa kuutoa,” alisema Ruzangi. Kaimu Mkurugenzi wa Idara ya Habari (Maelezo), Zamaradi Kawawa alisema majibu yaliyotolewa na TPA ni sahihi na kusisitiza kuwa idara hiyo mpaka sasa haijapokea wala kusikia malalamiko ya aina hiyo. Waziri wa Mambo ya Nje, Ushirikiano wa Afrika Mashariki, Kikanda na Kimataifa, Balozi Augustine Mahiga alisema: “Burundi wanapitisha mizigo yao Bandari ya Dar es Salaam, zikiwamo silaha na hilo si jambo la ajabu kwa sababu zinapita kihalali na siamini kama zinapitishwa kinyume na taratibu.” Katika ufafanuzi wake, Nshiriminirimana alisema yuko tayari yeye pamoja na asasi nyingine kutoa ushahidi wa jinsi Serikali ya nchi hiyo inavyoshiriki kufanya mauaji ya wananchi wake, huku akimtaka Rais John Magufuli kufanya upelelezi kubaini jinsi Bandari ya Dar es Salaam inavyotumika. "Sisi asasi zisizo za kiraia, tuna ushahidi juu wa jinsi Serikali ya Nkurunziza, wakiwamo mawaziri na maofisa wa Serikali na kijeshi wanavyoshiriki mauaji ya kikatili nchini, tumesimama kutaka Umoja wa Mataifa, Umoja na Afrika na EAC kuingilia kati hili suala hili mara moja na kulipatia ufumbuzi," alisema. "Haitakuwa na maana kuwapo katika ya jumuiya, huku Afrika na wanajumuiya wake na umoja wakinyamaza, sisi ni miongoni mwa jumuiya, tunaomba tuungane kuikomboa nchi yetu." Mwenyekiti wa harakati za kutetea wanawake na wasichana katika machafuko Burundi, Marie Baricako alitaka jumuiya hiyo irejee makubaliano ya Arusha ya mwaka 2000 ya kuwapo na mgawanyo wa asilimia 50 kwa 50 ya maofisa wa jeshi kutoka makabila yote. Alisema kwa sasa upande mmoja wa Wahutu umeonekana kuwa na maofisa wengi kuliko Watutsi, jambo ambalo linaaminisha kuwa machafuko yanayoendelea huenda yakawa ya kikabila. Pamoja na hayo, waliitaka EAC iingilie kati kuwapo kwa wanamgambo wa chama tawala 'Imbonerakure' na kumtuhumu Rais Nkuruzinza kuwatumia kuua, kuteka, kubaka na kutesa wananchi, hasa wale wanaoonekana kuwa kinyume na Serikali yake. Alidai kuwa licha ya kuwatumia wanamgambo hao, pia amekuwa akiwavalisha mavazi ya maofisa wa jeshi na polisi na kuwapa nafasi ya kuwa walinda usalama, huku wakienda kinyume na matakwa ya kijeshi nchini humo. Mwenyekiti wa kamati ya masuala ya kikanda na usuluhishi wa migogoro EAC, Abdullah Musinyi alisema kwa sasa wameruhusiwa kikatiba kusikiliza pande zote mbili, walalamikaji na walalamikiwa ili kupata ufumbuzi wa machafuko hayo. "Kipindi hiki ni cha kusikiliza maoni, hatuwezi kutoa kauli yoyote bila kusikiliza pande zote na kisha tutachambua na kutoa maazimio ya jumuiya," alisema Musinyi. Alisema wameanza kusikiliza upande wa walalamikaji zikiwamo asasi zisizo za kiraia na vyama vya upinzani na baadaye watawasikiliza walalamikiwa ambao ni Serikali ya Nkurunzinza ili kupata suluhu ambayo itapelekwa bungeni kujadiliwa na kupelekwa kwa Rais wa wadau wa jumuiya hiyo. Pia, alisema mchakato huo unategemea kukamilika kabla ya Bunge kuanza Januari 25 na kuwa iwapo upande zote zitakubali wito huo hadi mwanzoni mwa Februari, watakuwa wameshachanganua na kufikia ufumbuzi wa tatizo hilo. Wakati huohuo, Balozi Mahiga amesema mpango wa kupeleka majeshi ya Umoja wa Afrika kulinda amani nchini Burundi umesitishwa, badala yake yanafanyika mazungumzo na Serikali ya Burundi ili kuona kama ipo haja ya kufanya hivyo. “Tumeona Serikali ya Burundi ina nia ya kuendelea na mazungumzo ya amani na tumeona tusubiri hili kwanza.”

  DONDOO ZA MAGAZET Posted: 16 Jan 2016 11:56 AM PST ============================================================================

  SHEREHE MURWA YA JAMBO LEO YA KUUKARIBISHA MWAKA MPYA 2016 Posted: 16 Jan 2016 11:01 AM PST  Baadhi ya wafanyakazi wa  Gazeti la Jambo Leo na familia zao, wakigongeana glasi zenye vinywaji ikiwa ni ishara ya kutakiana heri wakati wa hafla ya kuuaga mwaka 2015 na kuukaribisha ya Mwaka Mpya 2016, katika Mgahawa wa City Sports Lounge, Dar es Salaam  Wafanyakazi wa Jambo Leo na familia zao pamoja na wageni waalikwa wakiburudika kwa muziki uliokuwa ukiporomoshwa wakati wa hafla hiyo iliyofanyika kwenye Mgahawa wa kisasa wa City Sports Lounge, katikati ya Jiji la Dar es Salaam.PICHA ZOTE NA KHAMISI MUSSA  Mhariri wa Michezo na Burudani wa Gazeti la Staa Spoti ambalo ni gazeti dada la  Jambo Leo, Zahoro Mlanzi akigawa 'champagne' kwa wafanyakazi wenzake wakati wa hafla hiyo.  Mpiga Picha Mkuu wa Gazeti la Jambo Leo, Richard Mwaikenda (wa pili kulia), akijadiliana jambo na wakurugenzi wa Kampuni za Jambo Concerpts Tanzania Limited na Jambo Communication, Theophil Makunga (kushoto), Benny Kisaka (wa pili kushoto) na Juma Pinto wakati wa hafla hiyo.  Baadhi ya wafanyakazi wa gazeti la Jambo Leo, wakiwa na furaha wakati wa hafla hiyo ya kuuaga mwaka 2015 na kuukaribisha Mwaka Mpya 2016, Dar es Salaam juzi. Kutoka Kushoto ni Stellah Kessy,  Magendela Hamis, Salha Mohamed, Celina Mathew, Suleiman Msuya na Edith Msuya.  Wakipata mlo wa usiku  Mkurugenzi Mtendaji wa Kampuni ya Jambo Concepts, Juma Pinto  (kushoto), akimuelezea Mpiga Picha Mkuu wa Gazeti la Jambo Leo, Richard Mwaikenda kuwa wakati gazeti la Jambo Leo lilipoanzishwa 2009, alikuwa mfanyakazi wa kwanza kujiunga na gazeti hilo akitokea Kampuni ya Business Times.  Mkurugenzi Mtendaji wa Kampuni ya Jambo Concepts, Juma Pinto  (kushoto), akimuelezea Mhariri wa Habari wa Gazeti la Jambo Leo, Said Mwishehe kuwa wakati gazeti la Jambo Leo lilipoanzishwa 2009, alikuwa miongoni mwa wafanyakazi wa kwanza kujiunga na gazeti hilo akitokea Kampuni ya Business Times.  Mkurugenzi Mtendaji wa Kampuni ya Jambo Concepts, Juma Pinto  (kushoto), akimuelezea Mwandishi Mwandamizi wa Michezo na Burudani, Asha Kigundula  kuwa wakati gazeti la Jambo Leo lilipoanzishwa 2009, alikuwa miongoni mwa wafanyakazi wa mwanzo  kujiunga na gazeti hilo akitokea Kampuni ya Business Times.  Mpigapicha Mkuu wa Jambo Leo na magazeti mengine ya Staa Spoti na Jambo Brand Tanzania, Richard Mwaikenda, akitoa shukrani wakati wa hafla hiyo/  Mfanyakazi Moi Dodo akiwa na wife wake  Champagne zikifunguliwa  Asha Kigundula akiwamiminia champagne wanahafla  Mwishehe na Kigundula wakikumbatiana kwa furaha  Sasa ni wakati wa kusakata muziki  Ni furaha tele ===================================================================

  IYK - Columbus, Ohio | Karibuni Ibada ya Kiswahili | Jumapili hii 17 Januari 2016 | Kuanzia saa Kumi kamili jioni Posted: 16 Jan 2016 06:00 AM PST ***   www.iykcolumbus.org   *** Baada ya Ibada tutakuwa na Mkutano Mkuu wa Washarika wote Karibuni!

  Kichupa cha leo Single sally Ft mesen selekta - Cossovo Posted: 16 Jan 2016 06:00 AM PST ========================================================================

  BREAKING NEWS: CHADEMA YANYAKUWA KITI CHA MEYA WA KINONDONI, NI BONIFACE JACOB Posted: 16 Jan 2016 05:45 AM PST Diwani wa Kata ya Ubungo, Boniface Jacob akishangilia mara baada ya kushinda kwa nafasi ya Umeya wa Kinondoni kwa kupata kura 38, mapema leo Januari 16.2016, dhidi ya mpinzani wake, Benjamini Sitta aliyepata kura 20, dhidi ya kura zote zilizopigwa 58 katika Manispaa hiyo ya Kinondoni. (Picha na Andrew Chale). Na Andrew Chale Tayari kitandawili cha Umeya wa Manispaa wa Kinondoni kimesha teguliwa ambapo Meya mpya kwa sasa ni Boniface Jacob ambaye anachukua nafasi hiyo muda mfuoi kutoka sasa baada ya kushinda kwa kura 38 dhidi ya mpinzani wake aliyepata kura 20, ambaye ni Benjamini Sitta kutoka CCM. Wajumbe halali waliopiga kura katika baraza hilo la kumchagua Meya walikuwa 58, ambapo 38 ni kutoka Umoja wa vyama vya UKAWA huku upande wa Chama cha Mapinduzi (CCM) wao wakiwa 20. Hata hivyo uchaguzi huo uliokuwa wa huru na haki kwa pande zote, kura zilizipigwa kwa uwazi kwa pande zote. Aidha baada ya ushindi huo, upande wa kura za Unaibu Meya nafasi hiyo ilienda kwa mgombea wa CUF ambaye ni Jumanne Amiri Bunju ambaye yeye alipata kura 38 huku mpinzani wake kutoka CCM Diwani Manyama akiambulia kura 27 huku kura moja ikiharibika. CHANZO: MODEWJI BLOG ==========================================

  MGODI WA BUZWAGI WAPONGEZWA KWA KUZINGATIA SHERIA ZA MAZINGIRA Posted: 16 Jan 2016 05:31 AM PST Meneja wa kinu cha kuchenjua dhahabu wa Mgodi wa Buzwagi Festo Shayo (wa kwanza kulia) akitoa maelezo kwa Naibu waziri ofisi ya makamu wa rais anaeshughulikia mazingira na Muungano, Luhaga Mpina namna mgodi wake unavyohifadhi maji yaliyotumika kusafishia dhahabu. Naibu Waziri Ofisi ya Makamu wa Rais-Mazingira na Muungano Luaga Mpina (wa kwanza kushoto), akisikiliza maelezo ya Afisa Mazingira wa Mgodi wa Buzwagi bwana Frank Ngoroma (wa kwanza mkono wa kulia), aliyesimama katikati ni meneja mkuu wa mgodi wa Buzwagi Mhandisi Asa Mwaipopo. Mh Luhaga Mpina akisisitiza jambo wakati wa ziara hiyo katika eneo la kituo cha Uthibiti wa taka mbalimbali mgodini hapo. Naibu Waziri pamoja na wataalamu wake wakikagua moja ya maeneo ambayo NEMC yalitoa ushauri kuwa yafanyiwe kazi katika ziara zao, ambapo wakati wa ziara hii utekelezwaji wake ulikutwa umeisha kamilika kama walivyokuwa wameelekezwa. Mmoja wa maafisa wa mazingira aliyekuwa ameandamana na naibu Waziri akiuliza jambo wakati wa ziara hiyo. Meneja Mkuu wa Mgodi wa Buzwagi Mhandisi Asa Mwaipopo akifafanua jambo wakati wa ugeni wa naibu Waziri wa mazingira. Baadhi ya maofisa wa Mgodi wa Buzwagi wakitoa maelezo mbele ya Naibu Waziri Ofisi ya Makamu wa Rais-Mazingira na Muungano Luaga Mpina Baadhi ya Wajumbe wa Kamati ya Ulinzi na Usalama ya mkoa wa Shinyanga. Na Dixon Busagaga wa Globu ya Jamii Kanda ya Kaskazini. Naibu Waziri wa Nchi, Ofisi ya Makamu wa Rais (Muungano na Mazingira), Luhaga Mpina, ameupongeza Uongozi na wafanyakazi wa Mgodi wa Buzwagi kwa kuzingatia sheria za mazingira Mgodini hapo. Pongezi hizo alizitoa wakati alipofanya ziara ya kushitukiza katika Mgodi huo kwa lengo la kujionea namna mwekezaji huyo anavyozingatia maelekezo ya wataalamu wa wizara yake juu ya utunzaji wa mazingira. Akiwa katika ziara hiyo Naibu Waziri huyo alitembelea bwawa maalumu kwa ajili ya kuhifadhia maji yalitumika kuchenjulia dhahabu na kujionea namna ambavyo mgodi huo unavyochukua tahadhari ya hali ya juu katika kuhakikisha maji yanayohifadhiwa ndani ya bwawa hilo hayawezi kuwa na madhara kwa Jamii, pia naibu Waziri huyo alitembelea  kituo cha udhibiti taka, Uwanda wa kuvuna maji ya mvua mgodini hapo pamoja na karakana ya mgodi huo. “Bwawa hili kama unavyoliona usanifu wake, umezingatia tahadhari zote kuhakikisha hakuna maji yoyote yanatoka nje na hasa ukizingatia maji yanayopatikana hapa ni yenye mchanganyiko wa madawa yanayotumika kuchenjua dhahabu” Alisema Meneja wa Kituo cha Uchenjuaji dhahabu bwana Festo Shayo, wakati alipokuwa akitoa maelezo juu bwawa hilo. Kwa upande wake naibu Waziri Mpina amesema licha ya kufanya ziara katika Migodi mingi bwawa la kuhifadhia maji yanayotoka katika kinu cha kuchenjulia dhahabu la Buzwagi ni la kiwango cha juu na ameitaka Migodi mingine pia kutembelea kwa lengo la kujifunza usanifu wake. “Ni seme tumepita maeneo mengi ila hapa mmejitahidi kuhakikisha wananchi wanaowazunguka wako salama, nafikiri kuna haja ya migodi mingine kuja kujifunza hapa, karakana yenu pia ni nzuri na inazingatia utunzaji wa mazingira. Alisema mh Mpina. Aidha akiwa katika kituo maalumu cha udhibiti taka Mgodini hapo Naibu Waziri huyo ameutaka uongozi kujenga paa kwenye eneo la udhibiti wa taka za vyuma ili kuzuia maji ya mvua kugusa taka hizo. “Mmejitahidi kuhakikisha taka zinawekwa katika utaratibu mzuri, ila kukosekana kwa paa hapa ni tatizo, hivyo nawaagiza ndani ya siku therathini eneo hili liwe na paa” alisema Naibu Waziri Mpina. Awali akiukaribisha ugeni wa naibu Waziri huyo Meneja Mkuu wa Mgodi wa Buzwagi Mhandisi Asa Mwaipopo alimueleza naibu Waziri huyo kuwa sekta ya madini kwa sasa duniani imekumbwa na changamoto ya kuporomoka kwa bei ya dhahabu, hali ambayo imepelekea wawekezaji wengi kujikuta wakijiendesha kwa hasara. “Mheshimiwa naibu Waziri, Mgodi wa Buzwagi toka uanze shughuli zake umekuwa ukishirikiana na Jamii katika kutekeleza miradi mbalimbali ya Maendeleo na tunaendelea kufanya hivyo, Hata hivyo changamoto ni kubwa kwani kila siku bei ya dhahabu inashuka na hii inatufanya tushindwe kujiendesha kwa faida”alisema Mwaipopo. “Tumeanza mchakato wa maandalizi ya kusitisha shughuli za uchimbali maana gharama zinazidi kuwa kubwa hata hivyo kama bei ya soko itabadilika tutafikiria vinginevyo” aliongeza Mwaipopo. Akizungumzia hatua ya mgodi huo kutaka kusitisha shughuli za uchimbaji naibu Waziri Waziri ofisi ya makamu wa rais anaeshughulikia mazingira na muungano Luaga Mpina, amewaomba wawekezaji hao kuangalia namna ingine itakayowawezesha kuchimba kwa gharama ndogo inayoendana na bei ya dhahabu. “kwa kweli serikali inawahitaji sana wawekezaji na tunaposikia mnaondoka kwetu sisi ni hasara kwa sababu kodi mbalimbali ambazo mmekuwa mkilipa kwa halmashauri ya mji wa Kahama hazitakuwepo tena na hii itafanya miradi mingi ya Maendeleo isitekelezeke baada ya ninyi kuondoka, tunawaombea bei ya dhahabu ipande ili muendelee kuwepo” Alisema Mpina. Ziara hiyo ya kushitukiza ili lenga kujionea namna ambavyo mgodi wa Buzwagi unazingatia maelekezo mbalimbali ya wataalamu wa wizara yake. ===================================================

  JE WEWE NI MSANII NA UNAKAZI YAKO UNAHITAJI KUUZA??? Posted: 16 Jan 2016 05:01 AM PST Je wewe ni msanii na unakazi yako unahitaji kuuza??? ClickPay Africa tunahusika na uuzaji wa vitu mbalimbali ikiwemo Audio, Video, Movies, Photos, Live concerts, PDF, E-books, Documentaries, articles, etc. Kwa msanii yoyote mwenye kazi yake na anahitaji kuuza kwa njia ya mtandao anakaribishwa. ==========================================

  SERIKALI YAWATAKA WANANCHI WALIOVAMIA ENEO LA KAMBI WA WAZEE NUNGE KUSITISHA UJENZI Posted: 16 Jan 2016 03:02 AM PST Naibu Waziri wa Afya,Maendeleo ya Jamii, Jinsia ,Wazee na Watoto Dkt.Hamisi Kigwangalla (kulia)akitembelea jana  Makazi ya Wazee  walioathirika na ugonjwa wa ukoma yaliyopo kijiji cha Nunge  eneo la Kigamboni  jijini Dar es  Salaam.mwenye shati la batiki Mkuu wa Makazi hayo Moses Gunza. Naibu Waziri wa Afya,Maendeleo ya Jamii, Jinsia , Wazee na Watoto Dkt.Hamisi Kigwangalla akimsikiliza mmoja wa wazee aliyejulikana kwa jina la  Salum Ubwabwa wakati alipotembelea jana  Makazi ya Wazee  walioathirika na ugonjwa wa ukoma yaliyopo kijiji cha Nunge  eneo la Kigamboni  jijini Dar es  Salaam.Mzee huyo ambaye alimpatia historia ya eneo hilo, ambalo sasa limevamiwa na baadhi ya watu.  Naibu Waziri wa Afya,Maendeleo ya Jamii, Jinsia , Wazee na Watoto Dkt.Hamisi Kigwangalla akiangalia mazingira ya makazi hayo.  Naibu Waziri wa Afya,Maendeleo ya Jamii, Jinsia , Wazee na Watoto Dkt.Hamisi Kigwangalla akielekea  moja ya maliwatoni  katika Makazi ya Wazee  walioathirika na ugonjwa wa ukoma yaliyopo kijiji cha Nunge  eneo la Kigamboni  jijini Dar es  Salaam, wakati alipofanya ziara ya kutembelea  makazi hayo jana ili kuangalia mazingirahalisi. (Picha na Catherine Sungura-WAMJW) Na. Magreth Kinabo-Maelezo Serikali imewataka wananchi waliovamia eneo la kambi ya kuwalea wazee walioathirika na  ugonjwa wa ukoma yaliyopo Nunge Kigamboni, kusitisha mara moja ujenzi wa nyumba zao ama kubomoa wenyewe ndani ya siku 21 kabla hatua ya kubolewa haijachukuliwa. Agizo hilo limetolewa na Naibu Waziri wa Afya Maendeleo ya Jamii wazee na watoto Dkt. Hamisi Kigwangalla, wakati alipowatembelea jana na kukuta idadi kubwa ya nyumba za wananchi mbalimbali zilizojengwa ndani ya ardhi ya makazi hayo ya wazee. Kufuatia hali hiyo ,Dkt. Kigangwalla amemuagiza Mkuu wa kambi hiyo ya wazee Moses Gunza kutoa notisi ya kusitisha ujenzi na ikiwezekana wananchi hao wabomoe wenyewe nyumba zao kabla Serikali haijafika kuwabomolea. “Hivi kweli watu wanaona kabisa makaburi haya watu wamezikwa hapa tangu enzi za mjerumani halafu wananunua na kujenga haiwezekani kuchezewa kiasi hiki watu wafike sehemu waiheshimu Serikali na kufuata sheria za nchi,”alisema Dkt. Kigwangalla. Dkt. Kigwangalla eneo hilo la Nunge limewekwa kwa ajili ya kulea na kuhudumia watu waliokuwa wakiuugua ugonjwa wa ukoma sasa iweje ajitokeze mjukuu wa kati ya wazee hao awauzie watu na ardhi hiyo huku akidai kuwa eneo hilo ni mali yake iliyotokana na urithi wa babu yake jambo ambalo sio kweli. “Ninatoa siku 21 watu hawa wote waliojenga katika makazi haya ya wazee kusitisha mara moja ujenzi wa nyumba zao au kubomoa na hiyo mtu anayedai eneo hili ni lake akija hapa akatoa maagizo yake mnipe taarifa nitamuweka ndani.,”alisema Dkt. Kigwangalla. Akipokea akigizo hilo mkuu wa kambi hiyo Moses Gunze alisema wananchi hao walikwisha pewa notisi tangu mwaka jana 2015 na Mwanasheria Mkuu wa Serikali ya kuwataka wananchi waliopo eneo lote la Nunge kusitisha zoezi la kuendelea kujenga nyumba zao agizo ambalo halikutekelezwa kutokana na muingiliano wa kisiasa. “Hawa watu Mwanasheria Mkuu wa Serikali alishatoa stop order ya kuwataka wasiindelee na ujenzi wowote hapa lakini baadaye wananchi hawa wakajipanga wakaenda Bungeni Dodoma na baadaye aliyekuwa Waziri wa afya Dkt. Seif Rashid akatoa barua akasimamisha zuio matokeo yake watu wakaendelea kujenga tena, ’’alisema Moses. Kwa upande wake mzee Salumu Ubwabwa ambayea ameathirika na ukoma anayelelewa katika kituo hicho amebainisha kuwa kuna anayejulikana kwa jina la Bahari Seifu anayewauzia watu viwanja akidai kuwa eneo hilo la Nunge ni lake amerithi kutoka kwa babu yake Mohamedi Sheweji. Mzee Ubwabwa amebainisha kuwa yeye amefika katika makambi hayo tangu mwaka 1984 baada ya kuugua ukoma kutokana na miaka hiyo watu wa ukoma kutengwa mjerumani akawajengea jumba la mabati na kuwahifadhi huko Kigamboni ili wasiweze kuvuka kwenda ng’ambo kwani wangeweza kusababisha maambukizi. Alisema mwaka 1974 Rais wa kwanza Hayati Julius Nyerere aliwajengea nyumba hizo na Serikali ya Tanzania ikaendelea kuwatunza hadi sasa. Mzee Ubwabwa alisema katika makambi hayo alikuwepo na mzee Mohamedi Sheweji ambaye naye alikuwa mgonjwa wa ukoma alihifadhiwa kwenye makambi hayo hivyo anashangaa kuona Bahari Seif akijitokeza hivi sasa na kuanza kuuzia watu viwanja kwa madi kuwa ardhi ya Nunge ni uridhi wa babu yake wakati si kweli. =============================================

  RAIS DK. JOHN POMBE MAGUFULI AMPIGA CHINI KATIBU TAWALA MWANZA Posted: 16 Jan 2016 01:59 AM PST ===============================================================================

  DK. SHEIN AWAAPISHA MAKATIBU, MANAIBU NA MSHAURI WA RAIS IKULU LEO Posted: 16 Jan 2016 01:54 AM PST Jaji Mkuu wa Zanzibar Sheikh Omar Othman Makungu(kulia) Mwanasheria Mkuu wa Serikali ya Mapinduzi Zanzibar Said Hassan Said (kushoto) na Mshauri wa Rais Uwezeshaji Wananchi Kiuchumi Bw.Abrahman Mwinyijumbeni miongoni mwa viongozi waliohudhuria katika hafla ya kuapishwa Mshauri wa Rais Utamaduni,Katibu Tume ya Mipango,naibu katibu Wizara ya katiba na Sheria na Katibu Kamisheni ya Utumishi wa Umma leo katika ukumbi wa Ikulu Mjini Unguja. Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimuapisha Bw. Juma Hassan Reli kuwa Katibu Mtendaji wa Tume ya Mipango, katika hafla iliyofanyika katika ukumbi wa Ikulu Mjini Unguja leo,kabla alikuwa Naibu Gavana wa Benki ya Tanzania. Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimuapisha Bw. Mdungi Makame Mdungi kuwa Katibu Kamisheni ya Utumishi wa Umma katika hafya iliyofanyika leo katika ukumbi wa Ikulu Mjini Unguja. Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimuapisha Bw. Kai Bashir Mbarouk kuwa Naibu Katibu Wizara ya Katiba na Sheiria katika hafla iliyofanyika katika ukumbi wa Ikulu Mjini Unguja leo. Makamo wa Pili wa Rais wa Zanzibar Balozi Seif Ali Iddi na Waziri wa Nchi Ofisi ya Rais Ikulu na Utawala Bora Dkt.Mwinyihaji Makame Mwadini pia walihudhuria katika hafla ya kuapishwa Mshauri wa Rais Utamaduni,Katibu Tume ya Mipango,naibu katibu Wizara ya katiba na Sheria na Katibu Kamisheni ya Utumishi wa Umma leo katika ukumbi wa Ikulu Mjini Unguja  Mwanasheria Mkuu wa Serikali ya Mapinduzi Zanzibar Said Hassan Said (kushoto) na Mshauri wa Rais Uwezeshaji Wananchi Kiuchumi Bw.Abrahman Mwinyijumbeni miongoni mwa viongozi waliohudhuria katika hafla ya kuapishwa Mshauri wa Rais Utamaduni,Katibu Tume ya Mipango,naibu katibu Wizara ya katiba na Sheria na Katibu Kamisheni ya Utumishi wa Umma leo katika ukumbi wa Ikulu Mjini Unguja. Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akimuapisha Bw. Chimbeni Kheir Chimbeni kuwa Mshauri wa Rais Masuala ya Utamaduni hafla iliyofanyika katika ukumbi wa Ikulu Mjini Unguja leo. Baadhi ya Makatibu katika taasisi za Serikali ya Mapinduzi Zanzibar waliohudhuria katika hafla ya Kiapo kwa wateuliwa na Rais wa Zanzibar walioapishwa leo ukumbi wa Ikulu Mjini Unguja (Picha na Ikulu) ======================================

  UZINDUZI WA ‘STIKA’ MAALUM YENYE UJUMBE WA KUTOKOMEZA MAUAJI YA WATU WENYE ALBINISM Posted: 16 Jan 2016 01:49 AM PST  Na Nyakongo Manyama-MAELEZO TAASISI ya  watu wenye ulemavu wa ngozi mkoa wa Dar es salaam inatarajia kufanya uzinduzi wa  ‘stika’ maalum yenye ujumbe wa kutokomeza mauaji ya watu wenye albinism utakaofanyika januari 26 mwaka huu. Akizungumza na waandishi wa habari  jijini Dar es Salaam, Mkurugenzi wa taasisi hiyo Bw. Michael Lugendo (anayeongea pichani juu) amesema kuwa uzinduzi huo utafanyika katika kituo cha polisi kati jijini Dar es Salaam kuanzia saa tano asubuhi. Bw. Michael Lugendo amesema kuwa stika hiyo ina lengo la kuhamasisha jamii kuungana na Rais Mhe.Dkt. John Pombe Magufuli na Jeshi la Polisi Kanda maalum ya Dar es salaam ili kuyafanya mauaji ya watu wenye ulemavu wa ngozi yatokomezwe na yabaki kuwa historia. Kwa upande mwingine Bw. Lugendo ameongeza kuwa kulingana na kasi ya mabadiliko tabia nchi, jamii isipochukua hatua za makusudi kuna uwezekano wa watu wenye ulemavu wa ngozi kuangamizwa na saratani ya ngozi. Alisema watu wenye ulemavu wa ngozi wanaishi katika mazingira ya umaskini kiasi kwamba waliowengi hawana uwezo wa kupata fedha ya kununua mafuta ya kuzuia mionzi ya jua  ambayo husababisha saratani ya ngozi. “Sisi watu wenye ulemavu wa ngozi ni wahanga wakubwa sana na jamii isipochukua hatua za makusudi upo uwezekano wa kuangamizwa na saratani ya ngozi ukizingatia kwamba tunaishi katika mazingira ya umaskini na walio wengi hatuna uwezo wa kupata fedha ya kununua mafuta” alisema Bw. Lugendo. Aidha Bw. Lugendo amesema kuwa  taasisi hiyo imemteua Bw. Mbwana Ally Samata kuwa balozi wa kudumu wa kusemea watu wenye ulemavu wa ngozi. www.shaabanmpalule.blogspot.com