WIZARA YA NISAHATI NA MADINI YATOA UFAFANUZI MRADI WA UMEME WA KINYEREZI II (CHANDIMU). UMENG'OA SANA KUCHA ZA MIGUU KWENYE MCHEZO HUU SISI WA USWAZI ALICHOSEMA LOWASSA KUHUSU VIONGOZI WA SERIKALI WALIOMTEMBELEA SUMAYE HOSPITALINI RAIS DKT. MAGUFULI AONGOZA KIKAO CHA BARAZA LA MAWAZIRI IKULU JIJINI DAR LEO Joto Kali Jijini Dar es Salaam Laibua Mambo Mazito.. MHE. KASSIM MAJALIWA AWATAKA WADAU WA SEKTA YA UJENZI, UCHUKUZI NA MAWASILIANO KUSHIRIKIANA NA WAKEZAJI KUTOKA NCHINI JAPAN MHE. KAIRUKI AAGIZA TATHMINI YA MAFUNZO YANAYOTOLEWA KWA WATUMISHI WA UMMA IFANYIKE NAIBU WAZIRI WA MAMBO YA NJE AKUTANA NA BALOZI WA SYRIA KATIBU MKUU WA WIZARA YA MAMBO YA NDANI YA NCHI AFUNGUA MKUTANO WA BARAZA LA WAFANYAKAZI WA JESHI LA ZIMAMOT WAZIRI MAHIGA APOKEA HATI ZA UTAMBULISHO ZA MWAKILISHI MPYA WA UNICEF NCHINI MKE WA MAKAMU WA RAIS MSTAAFU, MAMA ASHA BILAL AHITIMU STASHAHADA YA UZAMILI KATIKA MENEJIMENTI YA KIMATAIFA MISA YA KUMBUKUMBU YA MPENDWA MAMA YETU LETICIA NYERERE KUFANYIKA JUMAMOSI ST EDWARD, BALTIMORE Kichupa cha leo Victoria Kimani Ft Khuli Chana – All The Way Mzee Majuto akielezea kwanini ameamua kusupport vijana kwenye muziki. Maalimu Seif sasa amwangukia Papa Francis uchaguzi Z'bar. Magufuli ampa zawadi ya kiwanja Samatta. Karume pasua kichwa CCM. Lukuvi atoa siku 18 ghorofa livunjwe D’salaam MISA YA KUMUOMBEA MAREHEMU FELICIAN FERDNAND MINDE. Nape aitaka Chadema imtimue Lowassa ZOEZI LA KUWASAKA WAHAMIAJI HARAMU LAPAMBA MOTO MKOANI MBEYA MAOMBI YA KUMUOMBEA RAIS MAGUFULI, WASAIDIZI WAKE PAMOJA NA TAIFA YAFANA JIJINI MWANZA. KITWANGA APOKELEWA KWA SHANGWE USAGARA, AMALIZA ZIARA YAKE MISUNGWI, WAMSHUKURU RAIS MAGUFULI KWA KUMTEUA KUWA WAZIRI

WIZARA YA NISAHATI NA MADINI YATOA UFAFANUZI MRADI WA UMEME WA KINYEREZI II Posted: 14 Jan 2016 11:59 AM PST Mkuu wa Mawasiliano Serikalini, Wizara ya Nishati na Madini, Badra Masoud, akizungumza na waandishi wa habari, Dar es Salaam, wakati alipokuwa akitoa ufafanuzi kuhusu mradi wa umeme wa Kinyerezi Awamu ya Pili, akielezea kuhusu habari zilizoandikwa kimakosa katika moja ya magazeti ya kila siku nchini jijini leo. Kulia ni Ofisa Habari Mwandamizi wa Idara ya Habari-Maelezo, Magreth Kinabo. (Picha na Kassim Mbarouk-www.bayana.blogspot.com) Na Nyakongo Manyama- MAELEZO WIZARA ya Nishati na Madini  imekanusha habari iliyopotosha umma kuhusu   mradi wa umeme wa Kinyerezi II kuwa bado haujaanza na gharama zilizoandikwa si za kweli. Wizara hiyo imekanusha habari hiyo, iliyoandikwa katika gazeti la Mtanzania la leo Januari 14, mwaka huu toleo namba8063,  lenye kichwa cha habari “ Harufu ya Jibu Mradi wa Umeme.” Habari hiyo  ambayo ilieleza kwamba mradi huo ulizinduliwa na Rais Mstaafu wa  Serikali ya Awamu ya Nne, Mhe. Dkt.Jakaya Kikwete uligharimu Sh. trilioni 1.6 na kwamba fedha za ujenzi wa mradi huo zimetokana ubia kati ya Serikali ya Tanzania na Japan,ambapo Serikali ya Tanzania itakuwa na hisa ya asilimia 40 na kampuni ya SUMITOMO ya Japan asilimia 60.   Aidha habari hiyo ilidai kuwa Serikali inachangia fedha za ndani kwa asilimia 12 na zilizobaki zikiwa na mkopo kutoka benki ya Japan na kwamba gharama za mradi huo ziko juu ikilinganishwa miradi mingine akitolea mfano Kampuni ya TALLAWARA Power Station ya nchini Australia anayodai ilitaka kujenga mradi huo kwa dola za Marekani milioni 350. Hayo yamesemwa leo na  Mkuu wa Mawasiliano Serikali  wa wizara hiyo,  Badra  Masoud alipokuwa akizungumza  na waandishi wa habari kuhusu habari hiyo katika ukumbi wa Idara ya Habari (MAELEZO) jijini Dar es Salaam.  “Serikali  ya Tanzania  iliingia makubaliano na Serikali ya Japan  ya mkopo wa masharti nafuu  wa dola za Marekani  milioni 292  kwa ajili ya kutekeleza mradi wa  kuzalisha umeme wa Megawati 240 utakaojengwa na kampuni ya SUMITOMO kama mkandarasi wa “EPC contractor” na sio kama mbia wa Serikali yaTanzania kama ilivyodaiwa. “Mradi huo unamilikiwa na Serikali kwa asilimia 100 kupitia TANESCO  na hakuna mwekezaji mwingine katika mradi huo.Hivyo si kweli kwamba Serikali ya Tanzania na kampuni ya SUMITOMO zinawekeza kwa ubia wa asilimia 40 (kwa Serikali ya Tanzania) na asilimia 60 kwa SUMITOMO. Kwa maana hiyo, hatutauziwa umeme utakaozalishwa na mradi huu kwani ni mali yetu na hakuna gharama yoyote ya ziada kama alivyodai mwandishi wa habari hiyo,” alisema Badra. Aidha Badra alisema mwandishi huyo alidai kwamba mradi huo ulizinduliwa na Rais wa  Serikali ya Awamu ya Nne Mhe. Dkt. Jakaya Kikwete, wakati ni  kwamba mradi huo haujazinduliwa bado na sasa upo katika maandalizi ya kuwekwa katika jiwe la  msingi.  Akizungumzia kuhusu gharama za mradi huo, alieleza kuwa unatekelezwa kwa dola za Marekani milioni 344 sawa na Sh. bilioni 740 zikiwa ni mkopo wa masharti nafuu wa asilimia 85 sawa  na dola za Marekani 292 na mchango wa Serikali ya Tanzania kwa asilimia 15 sawa na dola za Marekani milioni 52 na sio asilimia 12 kama ilivyodaiwa na mwandishi huyo.  “Mwandishi wa habari hii amejaribu kufananisha uwekezaji huu na uwekezaji wa TALLAWARA Power Station ya Australia na kudai kwamba gharama yake ingekuwa ndogo kuliko gharama ya mradi huu.  Taarifa hii haina ukweli wowote kwa sababu gharama ya dola milioni 344 zinazotarajiwa kutumika mkatika mradi huu iko chini kuliko dola milioni 350anazodai mwandishi kwamba zingetumiwa na kampuni TALLAWARA. “Aidha, kampuni ya TALLAWARA haijawahi kuomba au kuonesha nia ya kuwekeza katika mradi wowote wa kufua mradi wa umeme nchini. Pia ni muhimu ifahamike kwamba makubaliano ya mkopo huu yalikuwa yanakwenda sambasamba na utekelezaji wa mradi wenyewe (EPC with Financing).   Badra aliongeza kwamba pamoja na kwamba gharama za uwekezaji wa mradi huo wa kwanza wa aina ya “Combined Cycle” nchini zinawiana na gharama za miradi mingine ya aina hiyo duniani, gharama za uwekezaji zinaweza kutofautiana kutegemeana na mazingira ya nchi na nchi, teknolojia iliyotumika na aina ya mitambo. Hivyo sio suala la kulinganisha gharama ya mradi mmoja na mwingine. Wizara hiyo imeshauri waandishi wa habari kufuata miiko na maadili ya uandishi wa habari kwa kuandika habari  zenye ukweli na sahihi na zilizozingatia pande zote mbili kwa kuwa ipo na tayari kujibu maswali ya waandishi wakati wowote.

(CHANDIMU). UMENG'OA SANA KUCHA ZA MIGUU KWENYE MCHEZO HUU SISI WA USWAZI Posted: 14 Jan 2016 09:24 AM PST Kama kweli wewe ni mjanja lazima enzi hizo utakuwa umepitia haka kamchezo! (CHANDIMU). Hebu tupia Coment yako na jina la shule yako! kuonyesha kweli ulikuwa mmoja wa washikaji waliokuwa wanatoroka darasani sababu ya kusakata cha ndimu.

ALICHOSEMA LOWASSA KUHUSU VIONGOZI WA SERIKALI WALIOMTEMBELEA SUMAYE HOSPITALINI Posted: 14 Jan 2016 09:20 AM PST Waziri Mkuu wa zamani, Edward Lowassa pamoja na mkewe, Mama Regina Lowassa jana alimtembelea waziri mkuu mstaafu, Frederick Sumaye anaendelea kupata matibabu katika hospitali ya Taifa ya Muhimbili akisumbuliwa tatizo la moyo. Sumaye alieleza kuwa hali yake inaendelea kuimarika, maelezo ambayo pia yalithibitishwa na Kaimu Mkurugenzi wa JKCI, Profesa Mohamed Johabi. Akizungumza baada ya kumjulia hali waziri mkuu mstaafu huyo, Lowassa alizungumzia kitendo cha viongozi wa ngazi za juu wa serikali akiwemo rais John Magufuli, Waziri Mkuu, Kassim Majaliwa na rais Mstaafu, Jakaya Kikwete kumtembelea Sumaye kuwa ni kitendo cha uungwana, kuheshimiana na kutendeana mema. Viongozi wengine waliofika kumjulia hali Sumaye kabla ya Lowassa na mkewe ni Waziri Mkuu Mstaafu, Dk. Salim Ahmed Salim na Mjumbe wa Kamati Kuu ya Chadema, Profesa Mwesiga Baregu.

RAIS DKT. MAGUFULI AONGOZA KIKAO CHA BARAZA LA MAWAZIRI IKULU JIJINI DAR LEO Posted: 14 Jan 2016 08:31 AM PST Rais wa Jamhuri ya Muungano wa Tanzania Mheshimiwa Dkt. John Pombe Joseph Magufuli akiongoza kikao cha Baraza la Mawaziri Ikulu jijini Dar es salaam leo Januari 14, 2016. Kulia kwake ni Makamu wa Rais Mhe Samia Suluhu Hassan na kushoto kwake ni Waziri Mkuu Mhe Kassim Majaliwa. Picha na IKULU.

Joto Kali Jijini Dar es Salaam Laibua Mambo Mazito.. Posted: 14 Jan 2016 08:56 AM PST Dar es Salaam. Magonjwa ya ngozi, kupungukiwa maji mwilini na maumivu ya kichwa ni kadhia zitakazowakumba baadhi ya wakazi wa Dar es Salaam kutokana na joto kali linalolikumba jiji hilo. Tayari Mamlaka ya Hali ya Hewa Tanzania (TMA), imetangaza kuwa hali ya hewa katika jiji hilo hadi jana lilikuwa limefikia nyuzi joto 35. Meneja wa Huduma za Utabiri wa TMA, Samwel Mbuya jana alisema joto la mwaka huu limevunja rekodi kwani kwa kawaida, kipindi cha Januari linatakiwa liwe nyuzi joto 32. Mbuya alisema joto hilo pia limeongezeka hata kwa upande wa Zanzibar ambako limefikia nyuzi joto 35 ikiwa ni ongezeko la asilimia mbili. Alisema sababu kubwa ni kuongezeka kwa joto katika ukanda wa Bahari ya Hindi ambalo pia linatishia kuwapo kwa mvua za El-nino. Alisema kadiri mvua zinavyochelewa, ndivyo joto la bahari linavyozidi kuongezeka na kusababisha hali iliyopo. Madhara ya joto kiafya Daktari Bingwa wa Magonjwa ya ndani ya mwili, Meshack Shimwela alisema kwa sasa wanapokea kesi nyingi za magonjwa ya ngozi kama upele, fangasi, kupungua maji mwilini na kuumwa kichwa. Alisema joto kali linamfanya mtu apoteze wastani wa lita tatu za maji kwa siku. “Kwa watu wasiokunywa maji katika kipindi hiki wanaweza kukaukiwa maji, kwa sababu hawanywi vimiminika vya kutosha kujazia kiwango kile kilichopotea,” alisema.

MHE. KASSIM MAJALIWA AWATAKA WADAU WA SEKTA YA UJENZI, UCHUKUZI NA MAWASILIANO KUSHIRIKIANA NA WAKEZAJI KUTOKA NCHINI JAPAN Posted: 14 Jan 2016 08:29 AM PST Waziri Mkuu wa Jamhuri ya Muungano wa Tanzania Mhe.Kassim Majaliwa, akizungumza na Wadau wa Sekta ya Ujenzi kuhusu Kuungana na Kushirikiana katika kuboresha Miundombinu hapa nchini katika Hoteli ya Kilimanjaro jijini Dar es Salaam. Katibu Mkuu Wizara ya Ujenzi,Uchukuzi na Mawasiliano Eng.Joseph Nyamhanga akizungumza kuhusu fursa za Uwekezaji katika Sekta ya Miundombinu hapa nchini katika Mkutano huo uliyohusisha sekta binafsi na Serikali kuhusu namna ya kuboresha sekta ya Miundombinu. Naibu Waziri wa Miundombinu wa Japan Koji Yonetani akizungumza katika Warsha hiyo na kusema nchi yake iko tayari kushirikiana na Tanzania katika kuboresha Miundombinu hapa nchini. Watendaji na Wadau wa Sekta ya Ujenzi wakifuatilia mada zilizowasilishwa katika Mkutano wa Wadau wa Sekta ya Serikali na Binafsi kuhusu Ubora wa Miundombinu nchini. Waziri Mkuu wa Jamhuri ya Muungano wa Tanzania Mhe.Kassim Majaliwa (Wa kwanza kulia) akiwa kwenye picha ya pamoja na Naibu Waziri wa Miundombinu wa Japan Koji Yonetani(Wa pili kulia) pamoja na Naibu Waziri Wizara ya Ujenzi, Uchukuzi na Mawasiliano Eng.Edwin Ngonyani (Wa Pili kushoto). Waziri Mkuu wa Jamhuri ya Muungano wa Tanzania Mhe. Kassim Majaliwa amewataka wadau wa Sekta ya Ujenzi, Uchukuzi na Mawasiliano kushirikiana na wakezaji kutoka nchini Japan katika kuendeleza miradi mbalimbali ya ujenzi, usafirishaji na mawasiliano nchini. Akizungumza jijini Dar es salaam katika mkutano uliowakutanisha wadau wa sekta hiyo kutoka nchini Japan na Tanzania, Waziri Mkuu Majaliwa amesema ushirikiano huo utaleta tija kwa taifa kwani wadau wa Sekta hiyo wataweza kujifunza masuala mengi kutoka kwa wataalam hao. “China na Japan ni moja ya nchi zenye Wakandarasi wengi na wazoefu katika sekta ya ujenzi, kushirikiana nao kutaongeza ushindani na kupelekea kupata fursa ya uwekezaji ndani na nje ya nchi, amesema Waziri Mkuu. Waziri Mkuu Majaliwa ameyataka Makampuni yote yenye miradi ya ujenzi nchini kufanya kazi vizuri na kumaliza kwa wakati katika kipindi hiki ili kuendana na kasi ya Serikali ya Awamu ya Tano. Amesema fursa ipo kwa Kampuni kutoka Nje ya nchi kufanya kazi na Kampuni za ndani kwa lengo la kupata Zabuni ndani na nje ya nchi, mara zinapotangazwa. “Kutokana na uchumi wa Tanzania kukua kwa kasi, hatuna budi Makandarasi wetu kuungana na kufanya kazi kwa ushirikiano na wenzenu kutoka nje ili kupata maendeleo katika Sekta hii”, alisisitiza Waziri Mkuu. Naye, Naibu Waziri wa Ujenzi, Uchukuzi na Mawasiliano Eng. Edwin Ngonyani kwa niaba ya Waziri, Prof. Makame Mbarawa amewaomba Wawekezaji, Wakandarasi na wadau wa Sekta ya Ujenzi, Uchukuzi na Mawasiliano kutumia fursa hiyo, kuungana na kutengeneza kampuni za ubia baina ya nchi hizo mbili ili kuweza kujenga miradi mbalimbali ya maendeleo nchini. “Tumieni fursa hii kupata elimu na uzoefu na hata kuunganisha Makampuni kwani wenzetu wa Japan wana uzoefu mkubwa na maendeleo katika Sekta hii, ukilinganisha na sisi”, alisema Naibu Waziri. Naibu Waziri huyo ameongeza kuwa kupitia mkutano huo Wakandarasi nchini wataweza kujifunza njia za kisasa ambazo zitasaidia katika kuboresha Sekta ya Miundombinu na Mawasiliano. Kwa upande wake Naibu Waziri wa Miundombinu kutoka Wizara ya Ardhi, Miundombinu, Usafirishaji na Utalii wa Japan, Bwana Takatoshi Nishiwaki, ameipongeza Serikali ya Tanzania kwa kukubali kushirikiana katika kuendesha mkutano huo na wadau wa sekta ya ujenzi wenye lengo la kubadilishana ujuzi na teknolojia kuhusu Miundombinu bora. Mkutano huo wa siku moja umewashirikisha Wawekezaji, Wakandarasi na na Wafanyabiashara kutoka nchini Japan na Tanzania walio katika Sekta ya Miundombinu na Mawasiliano. IMETOLEWA NA KITENGO CHA MAWASILIANO SERIKALINI, WIZARA YA UJENZI, UCHUKUZI NA MAWASILIANO.

MHE. KAIRUKI AAGIZA TATHMINI YA MAFUNZO YANAYOTOLEWA KWA WATUMISHI WA UMMA IFANYIKE Posted: 14 Jan 2016 08:26 AM PST Waziri wa Nchi, Ofisi ya Rais – Utumishi na Utawala Bora, Mhe. Angellah Kairuki (Mb) (kushoto) akimsikiliza Mtendaji Mkuu wa Taasisi ya Uongozi Prof. Joseph Semboje alipoitembelea taasisi hiyo mapema leo. Waziri wa Nchi, Ofisi ya Rais – Utumishi na Utawala Bora, Mhe. Angellah Kairuki (Mb) akizungumza na watumishi wa Taasisi ya Uongozi alipoitembelea taasisi hiyo mapema leo. Waziri wa Nchi, Ofisi ya Rais – Utumishi na Utawala Bora, Mhe. Angellah Kairuki (Mb) (kushoto) akiwa katika kikao kazi na watumishi wa Taasisi ya Uongozi mapema leo.   Waziri wa Nchi, Ofisi ya Rais – Utumishi na Utawala Bora, Mhe. Angellah Kairuki (Mb) (mstari wa mbele katikati) akiwa katika picha ya pamoja na watumishi wa Taasisi ya Uongozi alipoitembelea taasisi hiyo mapema leo. Waziri wa Nchi Ofisi ya Rais – Utumishi na Utawala Bora Mhe. Angellah Kairuki (Mb) ameielekeza Taasisi ya Uongozi kufanya tathmini ya fursa za mafunzo zinazotolewa kwa Watumishi wa Umma kama zinakidhi mahitaji ya nchi. Waziri Kairuki alisema hayo leo alipokutana na Watumishi wa taasisi hiyo jijini Dar es salaam. “Mafunzo yanayohudhuriwa na Watumishi wa Umm kwa mahitaji yetu”elekezaWazirinakuongeza niKairukijambolamsingi alikuainisha maeneo yanayohitaji kuboreshwa katika eneo la kujenga uwezo ili kufikia malengo. Waziri Kairuki alisisitiza kuwa tafiti katika maeneo ya utoaji huduma kwa upande wa sekta ya umma zipewe msukumo na mapungufu yatakayobainika baada ya tafiti kukamilika yaelezwe bayana ili kupata kupata mrejesho. Kwa upande wa viongozi wa umma Mhe. Kairuki alisema ni vema wapate mafunzo katika masuala mtambuka ili wafanye kazi kwa taratibu zilizowekwa. Taasisi ya Uongozi, pamoja na masuala mengine huendesha Programu za mafunzo kutokana na mapungufu yanayoonekena kupitia tafiti mbalimbali zinazofanyika. Taasisi ya Uongozi ilianzishwa kwa ushirikiano baina ya Serikali za Tanzania na Finland na kutangazwa katika gazeti la serikali la Tarehe 30 Juni, 2010. Imetolewa na Kitengo cha Mawasiliano Serikalini Kny:KATIBU MKUU (UTUMISHI)

NAIBU WAZIRI WA MAMBO YA NJE AKUTANA NA BALOZI WA SYRIA Posted: 14 Jan 2016 08:17 AM PST Naibu Waziri wa Mambo ya Nje, Ushirikiano wa Afrika Mashariki, Kikanda na Kimataifa, Dkt. Susan Kolimba akizungumza na Balozi wa Syria hapa nchini Mhe.Abdulmonem Annan, baada ya Balozi huyo kumtembelea Naibu Waziri kwa ajili ya kumpongeza na kuzungumzia namna ya kuimarisha mahusiano ya nchi hizi mbili. Balozi wa Syria hapa nchini Mhe.Abdulmonem Annan, akizungumza jambo na Mhe. Naibu Waziri wakati wa mazungumzo hayo. Msaidizi wa Naibu Waziri, Bw. Adam Isara (kulia), akifuatilia kwa makini mazungumzo hayo. Picha na Reuben Mchome.

KATIBU MKUU WA WIZARA YA MAMBO YA NDANI YA NCHI AFUNGUA MKUTANO WA BARAZA LA WAFANYAKAZI WA JESHI LA ZIMAMOT Posted: 14 Jan 2016 08:16 AM PST Katibu Mkuu wa Wizara ya Mambo ya Ndani ya Nchi, Meja Jenerali Projest Rwegasira akifungua Mkutano wa Baraza la Wafanyakazi wa Jeshi la Zimamoto na Uokoaji (hawapo pichani), katika ukumbi wa Chuo cha Magereza, Ukonga jijini Dar es Salaam. Kamishna wa Operesheni wa Jeshi la Zimamoto na Uokoaji,Rogatius Kipali, akitoa shukrani kwa mgeni rasmi, Katibu Mkuu wa Wizara ya Mambo ya Ndani ya Nchi, Meja Jenerali Projest Rwegasira (hayupo pichani), baada ya kufungua Mkutano wa Baraza la Wafanyakazi wa Jeshi hilo uliofanyika katika ukumbi wa Chuo cha Magereza, Ukonga jijini Dar es Salaam. Katibu Mkuu wa Wizara ya Mambo ya Ndani ya Nchi, Meja Jenerali Projest Rwegasira (wa tatu kutoka kulia), akiwa katika picha ya pamoja na viongozi pamoja na washiriki wa mkutano wa Baraza la wafanyakazi wa Jeshi la Zimamoto na Uokoaji, ulifanyika katika ukumbi wa Chuo cha Magereza, Ukonga jijini Dar es Salaam. Wa tatu kutoka kushoto ni Kamishna Jenerali wa Jeshi la Zimamoto na Uokoaji,Injinia Pius Nyambacha na wa poli kutoka kushoto ni Mkurugenzi wa Utalawa na Usimamizi wa Rasilimaliwatu, Lilian Mapfa. (Picha zote na Kitengo cha Mawasiliano ya Serikali, Wizara ya Mambo ya Ndani ya Nchi).

WAZIRI MAHIGA APOKEA HATI ZA UTAMBULISHO ZA MWAKILISHI MPYA WA UNICEF NCHINI Posted: 14 Jan 2016 08:14 AM PST Mhe. Waziri Mahiga (kulia), akipokea Hati za Utambulisho kutoka kwa Bi. Maniza Zaman. Waziri wa Mambo ya Nje, Ushirikiano wa Afrika Mashiriki, Kikanda na Kimataifa, Mhe. Dkt. Augustine Mahiga (Mb.) akizungumza na Mwakilishi Mkazi wa Shirika la Kimataifa ya Kuhudumia Watoto (UNICEF), Bi. Maniza Zaman alipokuja Wizarani kwa ajili ya kuwasilisha Hati za Utambulisho wake kwa Mhe. Waziri Mahiga. Bi. Maniza Zaman naye akizungumza na Waziri Mahiga kabla ya kukabidhi Hati zake. Watumishi wa Wizara ya Mambo ya Nje, Ushirikiano wa Afrika Mashariki, Kikanda na Kimataifa wakifuatilia kwa makini mazungumzo kati ya Waziri Mahiga na Bi. Zaman (hawapo pichani). Kutoka kushoto ni Mkuu wa Kitengo cha Mawasiliano ya Serikali Bi. Mindi Kasiga, Bi. Eva Ng'itu, Afisa Mambo ya Nje na Katibu wa Waziri, Bw. Thobias Makoba Dkt. Mahiga akiwa katika picha ya pamoja na Bi. Maniza Zaman. Picha na Reginald Philip

MKE WA MAKAMU WA RAIS MSTAAFU, MAMA ASHA BILAL AHITIMU STASHAHADA YA UZAMILI KATIKA MENEJIMENTI YA KIMATAIFA Posted: 14 Jan 2016 08:07 AM PST   Mke wa Makamu wa Rais mstaafu Mama Asha Bilal, (katikati) akiwa na wahitimu wenzake walipokuwa wakitunukiwa Stashahada ya Uzamili katika Menejimenti ya Kimataifa wakati wa Mahafali yao yaliyofanyika Chuo cha Diplomasia Kurasini jijini Dar es Salaam, jana Januari 13, 2016. Picha na Mafoto Media/Muhidin Sufiani  Mke wa Makamu wa Rais mstaafu Mama Asha Bilal, (katikati) akiwa na wahitimu wenzake Janeth Nyoni (kushoto) na Hadija Hashim, baada ya kutunukiwa Stashahada ya Uzamili katika Menejimenti ya Kimataifa wakati wa Mahafali yao yaliyofanyika Chuo cha Diplomasia Kurasini jijini Dar es Salaam, jana.  Mke wa Makamu wa Rais mstaafu Mama Asha Bilal, (wa pili kulia) akiwa na baadhi ya wageni waalikwa wakati wa sherehe ya maafali yake yaliyofanyika  Chuo cha Diplomasia Kurasini jijini Dar es Salaam, jana Januari 13, 2016. Mama Asha na wenzake walitunukiwa Stashahada ya Uzamili katika Menejimenti ya Kimataifa.  Mke wa Makamu wa Rais mstaafu Mama Asha Bilal, (wa kwanza kushoto) akiwa katika picha ya pamoja na baadhi ya wageni waalikwa baada ya kutunukiwa Stashahada ya Uzamili katika Menejimenti ya Kimataifa wakati wa Mahafali yao yaliyofanyika Chuo cha Diplomasia Kurasini jijini Dar es Salaam, jana  Mke wa Makamu wa Rais mstaafu Mama Asha Bilal, (kushoto) akiwa na Meneja Mfuko wa Pensheni wa PPF, Lulu Mengele, baada ya kutunukiwa Stashahada ya Uzamili katika Menejimenti ya Kimataifa wakati wa Mahafali yao yaliyofanyika Chuo cha Diplomasia Kurasini jijini Dar es Salaam, jana Januari 13, 2016. Kulia ni mke wa Balozi wa Tanzania nchini Geneva, Rose Mero.  Mke wa Makamu wa Rais mstaafu Mama Asha Bilal, (katikati) akiwa na baadhi ya wahitimu wenzake wa Chuo cha Diplomasia Kurasini jijini Dar es Salaam, jana Januari 13, 2016, baada ya kutunukiwa Stashahada ya Uzamili katika Menejimenti ya Kimataifa kwenye Mahafali yaliyofanyika Chuoni hapo.  Baadhi ya Wahitimu wa Chuo hicho wakiwa katika mahafali hayo wakisubiri kutunukiwa Stashahada ya Uzamili katika Menejimenti ya Kimataifa, jana  Baadhi ya Wahitimu wa Chuo hicho wakiwa katika mahafali hayo wakisubiri kutunukiwa Stashahada ya Uzamili katika Menejimenti ya Kimataifa, jana  Baadhi ya Wahitimu wa Chuo hicho wakiwa katika mahafali hayo wakisubiri kutunukiwa Stashahada ya Uzamili katika Menejimenti ya Kimataifa, jana  Baadhi ya Wahitimu wa Chuo hicho wakiwa katika mahafali hayo wakisubiri kutunukiwa Stashahada ya Uzamili katika Menejimenti ya Kimataifa, jana Meneja Mfuko wa Pensheni wa PSPF, Lulu Mengele (kulia) akipozi kwa picha na mke wa Balozi wa Tanzania Nchini Geneva, Rose Mero, baada ya kutunukiwa Stashahada yake.

MISA YA KUMBUKUMBU YA MPENDWA MAMA YETU LETICIA NYERERE KUFANYIKA JUMAMOSI ST EDWARD, BALTIMORE Posted: 14 Jan 2016 07:35 AM PST Leticia Nyerere enzi ya uhai wake Familia ya Nyerere inependa kuwataarifu, kuwakaribisha na hatimae kujumuika nao katika misa ya kumbukumbu ya mpendwa mama yao Leticia Nyerere itakayofanyika siku ya Jumamosi Januari 16, 2016 saa 6 kamili mchana (12 pm sharp) katika kanisa la Mtakatifu Edward lililopo Baltimore, Maryland kwenye anuani ifuatayo hapo chini.  901 Poplar Grove Street, Baltimore, MD 21216 Ukipata taarifa hii mtaarifu na mwenzio.  Kwa maelezo na maelekezo zaidi tafadhali wasiliana na  Margareth Mageni 240 462 9138 Emmanuel Muganda 240 447 2801 Ramadhani Kamguna 202 459 3839 Bwana ametoa, Bwana ametwaa na jina lake lihimidiwe.

Kichupa cha leo Victoria Kimani Ft Khuli Chana – All The Way Posted: 14 Jan 2016 06:00 AM PST

Mzee Majuto akielezea kwanini ameamua kusupport vijana kwenye muziki. Posted: 14 Jan 2016 05:53 AM PST

Maalimu Seif sasa amwangukia Papa Francis uchaguzi Z'bar. Posted: 14 Jan 2016 02:33 AM PST Makamu wa Kwanza wa Rais wa Zanzibar, Seif Sharif Hamad, amemwangukia Papa Francis kwa kumwandikia barua, akimuomba kutumia ushawishi wake na Tanzania kumaliza mzozo wa kisiasa kisiwani humo kabla hali haijawa mbaya. Kwa mujibu wa barua yake ya Novemba 25, mwaka jana ambayo gazeti hili imefanikiwa kuona nakala yake, Maalim Seif alimwomba Papa kutumia ushawishi alionao kwa serikali ya Tanzania ili kuhakikisha haki inatendeka na kuepusha vurugu zinazoweza kutokea. “Ni wiki tatu sasa tangu kufanyika kwa uchaguzi mkuu na hali hii imesababisha kusimama kwa baadhi ya shughuli za kuichumi kutokana na wananchi wengi kuwa na hofu kuhusu mustakabali wa hali hii….watu wanashindwa kujua nini kitatokea maana wana hofu kwamba hali hii inaweza kuharibu umoja wa kitaifa kwa watu kuishi kwa upendo bila kujali dini wala kabila,” ilisema barua hiyo. Barua hiyo ya Maalim Seif ilisema, Zanzibar ina mchanganyiko wa Waislamu na Wakristo, hivyo hakuna mgawanyiko kwa misingi ya udini lakini hatua ya wananchi kukosa haki yao ya kidemokrasia kupitia sanduku la kura baada ya miaka 20 ya chaguzi visiwani humo kunaweza kusababisha vijana ambao hawafurahishwi na mwenendo huo kutumia njia mbaya kutafuta haki yao. “Badala ya kuchukua hatua za pamoja kuzuia uovu huu, Serikali ya Jamhuri ya Muungano wa Tanzania ambayo chama chake kilishinda kwenye uchaguzi mkuu uliopita, imekuwa ikisaidia serikali ya Zanzibar kwa kutumia askari na majeshi yake kutishia watu wa upinzani,” ilisema. “Wakati mmishenari wa kikristu alipomuomba Sultan wa Zanzibar mwaka 1840 kibali cha kujenga asasi ya kusaidia jamii kwenye eneo lake, Sultani yule ambaye alikuwa Muislamu alimtambua kama mtumishi wa Mungu aliyekuwa na lengo la kuendeleza neno la Mungu” ilisema sehemu ya barua hiyo kwenda kwa Papa. Iliongeza kuwa, Zanzibar ilipopata Uhuru wake mwaka 1963, kwa kiwango kikubwa watu wake waliishi kwa amani na ushirikiano baina ya watu wa madhehebu yote ya Katoliki, Anglikana, Sunni, Shia na Hindu na hakukuwahi kuwa na mgogoro wala hofu ya watu hao kuhitilafiana kwa misingi ya tofauti ya dini. Ilisema Chama cha Wananchi CUF kimekuwa kikishinda chaguzi zote tangu kuanzishwa kwa mfumo wa vyama vingi mwaka 1995, lakini haijawahi kupewa ushindi wake hata muhula mmoja. CHANZO: NIPASHE

Magufuli ampa zawadi ya kiwanja Samatta. Posted: 14 Jan 2016 02:18 AM PST Serikali ya Awamu ya Tano chini ya Rais John Magufuli, imetoa zawadi ya kiwanja kwa Mbwana Samatta kutokana na mshambuliaji huyo wa TP Mazembe na Taifa Stars kutwaa tuzo ya Mchezaji Bora wa Afrika. Waziri wa Ardhi, Nyumba na Maendeleo ya Makazi, William Lukuvi, jana alimkabidhi Samatta hati ya kiwanja hicho kilicho Kigamboni jijini Dar es Salaam. “Hii ndiyo hati yenyewe. Ila ukiwa tayari karibu ofisini kwangu ili nikukabidhi hati na vijana wakakuonyeshe kiwanja. Kitakuwa ni kiwanja katika sehemu nzuri kabisa, si zile sehemu watu wamefanya eneo liwe skwata,” alisema Lukuvi. Mbali na kiwanja, Lukuvi ambaye alikuwa mgeni rasmi katika hafla ya kumuaga Samatta kwa niaba ya Waziri Mkuu, Kassim Majaliwa, alitoa zawadi ya fedha taslimu kwa straika huyo matata ambazo hata hivyo, hazikuelezwa ni kiasi gani. “Nimekupa hizi, huu mzigo ni wako kwa niaba ya serikali. Wewe mwenyewe ukiamua kuzionyesha, basi fanya hivyo,” alisema. Baadaye Samatta alimkabidhi jezi yake TP Mazembe Lukuvi ambaye alisema ataiwasilisha kwa Waziri Mkuu ambaye alimuwakilisha katika hafla hiyo. Baadaye Samatta pia alitoa jezi kwa Waziri wa Habari, Utamaduni, Sanaa na Michezo, Nape Nnauye, ambaye amekuwa karibu yake kwa kipindi kirefu kabla hajaenda Nigeria alikoshinda tuzo ya Mwanasoka Bora na baada ya kurejea. Nyota huyo wa zamani wa African Lyon na Simba, ametwaa tuzo ya Mwasoka Bora wa Afrika Anayecheza barani baada ya kuiwezesha TP Mazembe kutwaa taji la tano la Klabu Bingwa Afrika mwaka jana huku akiibuka Mfungaji Bora wa michuano hiyo. CHANZO: NIPASHE

Karume pasua kichwa CCM. Posted: 14 Jan 2016 02:15 AM PST Sakata la kutaka Rais mstaafu wa Zanzibar, Dk. Amani Abeid Karume, avuliwe uanachama wa Chama Cha Mapinduzi (CCM) kwa madai amekuwa akishirikiana na wapinzani, sasa linaelekea kukipasua kichwa chama hicho kikongwe nchini. Hoja ya kumvua uanachama wa CCM Dk. Karume ilitolewa na Mwenyekiti wa Umoja wa Vijana wa chama hicho (UVCCM), Sadif Khamis Juma, alipokuwa akihutubia mkutano wa hadhara wa kuadhimisha miaka 52 ya Mapinduzi ya Zanzibar katika uwanja wa Maisara mwishoni mwa wiki. Akizungumza na Nipashe jana visiwani humu, Naibu Katibu Mkuu wa CCM Zanzibar, Vuai Ali Vuai, alisema hoja ya kutaka kumjadili na kumfukuza uanachama Dk. Karume, bado haijawiva. Vuai alisema kuwa CCM ina taratibu zake katika kuwajadili wanachama wake wanaokwenda kinyume na miiko na maadili ya chama hicho kabla ya kufikia hatua ya kutoa maamuzi. Alisema Chama hakiwezi kujadili mwanachama wake kabla ya kupokea malalamiko kutoka katika tawi la mwanachama ama jumuiya na mhusika kupewa nafasi ya kujitetea. Aliongeza kuwa CCM inafanya kazi kwa kufuata Katiba na taratibu za Chama na haiwezi kumjadili mtu kwa pupa au jazba. “Kama wahusika wataleta malalamiko yao, lazima wathibitishe tuhuma zao na mhusika apewe nafasi ya kujitetea kupitia vikao vya Chama,” alisisitiza Vuai. Aidha, alisema kuwa malalamiko ya mwanachama kuvunja miiko na maadili, yanatakiwa kujadiliwa katika vikao vya Chama na si mkutano wa hadhara. “Suala hilo bado halijaiva na huwezi kumjadili mwanachama kabla ya kupokea malalamiko rasmi na mhusika kupewa nafasi ya kujitetea,” aliongeza Vuai. Hata hivyo, akihojiwa na Nipashe mjini hapa jana kuhusu shutuma zilizotolewa na UVCCM dhidi yake, Rais mstaafu Dk. Karume alikataa kuzungumza chochote. “Sadallah (jina la mwandishi wetu), unataka nini kuhusu jambo hilo? Waulizeni wenyewe waliosema,” alijibu kwa kifupi Dk. Karume. Wakati hayo yakitokea, Chama cha Wananchi (CUF) Zanzibar, kimekanusha kuwa hakina ushirikiano na Dk. Karume wa kuihujumu CCM Zanzibar. Mkurugenzi wa Mipango na Uchaguzi wa CUF, Omar Ali Shehe, alisema chama chake kimekuwa kikimpa heshima kubwa Dk. Karume kama kiongozi mstaafu na mtu aliyefanya kazi kubwa ya kuwaunganisha Wazanzibari kupitia maridhiano yaliyozaa Serikali ya Umoja wa Kitaifa mwaka 2009. “Tunamheshimu Karume kama kiongozi aliyeongoza nchi na mtu aliyefanya kazi kubwa ya kuwaunganisha Wazanzibari yeye na Maalim Seif Sharif Hamad,” alisema Shehe. Alisema CUF haihitaji msaada wa kisiasa kutoka chama chochote kutokana na nguvu zake za kisiasa kujitosheleza kufikia malengo ya kuleta mabadiliko ya utawala visiwani Zanzibar. Alisema bahati mbaya baadhi ya watu hawapendi kuona Wazanzibari wakiwa kitu kimoja baada ya maridhiano kufanikiwa kuimarisha hali ya amani na mshikamano kwa wananchi wake. Alisema kimsingi CCM imeshindwa kusimamia misingi na malengo ya Mapinduzi na kupoteza nguvu za kisiasa na kuanza kufikiria kufukuza wanachama wake kama ilivyotokea kwa Waziri wa zamani, Mansoor Yussuf Himid na mwanasiasa mkongwe visiwani humu, Hassan Nassor Moyo. Hata hivyo, alitahadharisha kuwa kama CCM watamfukuza Dk. Karume, basi huo ndiyo utakuwa mwisho wao wa kisiasa duniani kwa sababu kitendo hicho ni sawa na binadamu kumkata miguu. Wakati akihutubia katika mkutano wa hadhara wa kuadhimisha miaka 52 ya Mapinduzi ya Zanzibar katika uwanja wa Maisara, Mwenyekiti wa UVCCM, Sadif Khamis Juma, alisema wakati umefika kwa Dk. Karume kufukuzwa katika Chama kwa madai kwamba anashirikiana na wapinzani kuizorotesha CCM. Alidai kuwa kwa muda mrefu Dk. Karume amekuwa na ajenda za kuwasadia wapinzani kisiasa badala ya chama chake, kitendo alichokieleza kuwa ni kwenda kinyume na miiko na maadili ya chama hicho. CHANZO: NIPASHE

Lukuvi atoa siku 18 ghorofa livunjwe D’salaam Posted: 14 Jan 2016 02:01 AM PST By Raymond Kaminyoge, Mwananchi Dar es Salaam. Waziri wa Ardhi, Nyumba na Maendeleo ya Makazi, William Lukuvi ametoa siku 18 kwa uongozi wa Manispaa ya Ilala kuvunja jengo la ghorofa 16 lililopo katika Mtaa wa Indira Gandhi kabla halijaleta maafa. Akizungumza jana katika jengo hilo, Lukuvi alisema anashangaa hadi sasa kazi ya kuvunja jengo hilo haijaanza licha ya manispaa kuelekezwa kulivunja. Uamuzi wa Serikali kulivunja ulikuja baada kuporomoka kwa jengo katika mtaa huo lililosababisha vifo vya watu 37 na wengine 18 kujeruhiwa mwaka 2013. “Ni aibu, manispaa mnataka jengo hilo liporomoke na kuua watu tena! Tutachekwa kwa uzembe kama ikitokea tena ajali,” alisema. Lukuvi alisema kuanzia Februari Mosi uvunjaji wa jengo hilo unatakiwa kuanza vinginevyo wahusika wajiandae kuchukuliwa hatua. “Nataka nikipita hapa siku yoyote kuanzia mwezi ujao nikute mkandarasi anabomoa jengo hili vinginevyo hatutaelewana,” alisema. “Hili ni eneo hatarishi hata tuliosimama hapa hatari yoyote inaweza kutukuta lakini Manispaa ya Ilala haioni kwamba hapa kuna tatizo,” alisema. Waziri alisema uvunjaji wa jengo hilo utakapoanza, wananchi wanaoishi jirani watatakiwa kuhama kwa muda kwa tahadhari. “Mkuu wa Wilaya ya Ilala, wakianza kuvunja jengo hilo tafadhali waondoeni wakazi wote kwa sababu eneo hili litakuwa hatarishi,” alisema. Jengo hilo linamilikiwa kwa pamoja kati ya Shirika la Nyumba la Taifa (NHC) na Ali Raza Investment. Mkurugenzi wa Manispaa ya Ilala, Isaya Mngulumi alisema kilichochelewesha ni makandarasi walioshinda zabuni hiyo kujitoa katika hatua za mwisho wakitoa sababu mbalimbali. Alisema hivi sasa amepatikana mkandarasi Patty Interplan ambaye yuko katika hatua za mwisho za kupewa kazi hiyo. “Tutaanza kazi kama ulivyoelekeza,” alisema Mngulumi. Mkuu wa Wilaya ya Ilala, Raymond Mushi, alisema atatoa ushirikiano kwa manispaa hiyo ili kuhakikisha jengo hilo linabomolewa.

MISA YA KUMUOMBEA MAREHEMU FELICIAN FERDNAND MINDE. Posted: 14 Jan 2016 10:17 AM PST Felician Ferdinand Minde enzi yz uhai wake. Watoto wa marehemu Felician Ferdnand Minde wa Capripoint,Mwanza( Frida Minde,Felina Minde na Felister Felix Felician) Waishio Maryland wanapenda kuwakaribisha ndugu, jamaa na marafiki katika misa maalum ya kumuombea mpendwa  baba yao  ambaye aliitwa na Bwana tarehe 12/20/2015. Misa itafanyika January 17, 2016 kuanzia saa nane mchana katika kanisa katoliki la St. Edwards, 901 poplar Grove st  Baltimore,MD 21216. Baada ya misa tutaomba tujumuike pamoja katika chakula cha mchana hapo hapo kanisani. Asanteni na Karibuni sana.

Nape aitaka Chadema imtimue Lowassa Posted: 14 Jan 2016 01:58 AM PST Mwananchi Dar es Salaam. CCM imemjibu mwanasheria Mkuu wa Chadema ikisema ili chama hicho kikuu cha upinzani kionekane kinapambana na ufisadi kwa vitendo, kinatakiwa kumuunga mkono Rais John Magufuli na kumvua uanachama Waziri Mkuu wa zamani, Edward Lowassa. Akizungumza na waandishi wa habari jana jijini Dar es Salaam, katibu wa itikadi na uenezi wa chama hicho tawala, Nape Nnauye alisema Chadema iliachana na ajenda ya kupambana na ufisadi baada ya kumpokea Lowassa Julai mwaka jana baada ya jina lake kukatwa katika mchakato wa CCM kusaka mgombea wake wa urais. “Sisi hatukumpitisha (Lowassa) awe mgombea wetu wa urais kwa sababu hiyo (ya ufisadi) na ndiyo maana yeye mwenyewe aliamua kuondoka na kwenda Chadema,” alisema Nape. “Hata katika kampeni za uchaguzi mkuu, Chadema hawakuzungumzia ajenda ya ufisadi, ni kama Lowassa aliifunika tu.” Alikuwa akimjibu Mwanasheria Mkuu wa Chadema, Tundu Lissu ambaye katika mahojiano maalum na Mwananchi juzi, alisema ufisadi ni ajenda ya kudumu ya chama hicho kwa kuwa Rais Magufuli hataweza kuufumua wote katika kipindi cha miaka mitano. Huku akichelea kueleza kiundani sababu za CCM kutomfukuza Lowassa kwa tuhuma za ufisadi mpaka alipoamua kujiondoa na kujiunga na Chadema, alisema kauli ya Lissu inalenga kuwahadaa Watanzania. “Kauli ya Lissu ni ya kushangaza sana. Sisi tunajua jinsi ambavyo Chadema na washirika wake walivyojitenga na ajenda ya ufisadi. Kama kweli wanaupinga, basi wamuunge mkono Rais Magufuli ambaye kwa sasa anapambana na ufisadi kwa kasi,” alisema mbunge huyo wa Mchinga. “Wakati mwingine kila jambo hufanyika kwa wakati wake. Suala la kupinga ufisadi CCM lilianza siku nyingi tangu enzi za kujivua gamba. Tumeendelea nalo mpaka watu wakajiondoa wenyewe,” alisema Nape. Alisema hoja ya kupinga ufisadi ndani ya CCM ilikibeba chama hicho katika Uchaguzi Mkuu wa mwaka jana na kikapata ushindi mnono, huku Chadema iliyokuwa ikilia na ufisadi ikishindwa. “CCM tulieleza sababu za kutompitisha Lowassa kugombea urais na hilo lilikuwa wazi,” alisema. Katika ufafanuzi wake wa juzi, Lissu alisema ili apambane na ufisadi, Rais Magufuli anapaswa kuacha tabia za CCM na kumtaka mwenyekiti wa Tume ya Uchaguzi Zanzibar (ZEC) amtangaze mshindi halali wa Uchaguzi Mkuu ambao Chadema wanaamini Maalim Seif Sharif Hamad alishinda. Pia Lissu alimtaka Rais ataje majina ya waliokwepa kodi ili kama watajitokeza kuwania uongozi, wadhibitiwe kwa kuwa Katiba imezungumza kwa maneno makali dhidi ya vitendo hivyo viovu. Aidha, aliponda uteuzi wa Waziri wa Nishati na Madini, Profesa Sospeter Muhongo anayetajwa kuhusiska katika sakata la uchotwaji wa Sh3060 bilioni kutoka akaunti ya Tetega Escrow. Miaka 39 ya CCM Akizungumzia maadhimisho ya kumbukumbu ya miaka 39 ya kuzaliwa kwa CCM, Nnauye alisema uzinduzi utafanyika Januari 31, visiwani Zanzibar na mgeni rasmi atakuwa makamu mwenyekiti wa chama hicho na Rais wa Zanzibar, Dk Ali Mohammed Shein. Alisema kilele cha maadhimisho hayo kitakuwa Februari 6, mjini Singida na yataongozwa na mwenyekiti wa CCM, Jakaya Kikwete ambaye aliiongoza Serikali ya Awamu ya Nne. “Viongozi wa kitaifa na baadhi ya wajumbe wa Kamati Kuu watakaohudhuria maadhimisho haya watapangiwa shughuli za ujenzi wa chama na taifa katika wilaya zote za mkoa wa Singida, siku tatu kabla ya kilele cha maadhimisho,” alisema. Alisema mikoa yote nchini inapaswa kuandaa shughuli hiyo wiki moja kabla ya maadhimisho, na kwamba lengo ni kufanya shughuli za ujenzi wa chama hicho katika maeneo yao. “Tutakachokifanya wiki hiyo ni kupokea wanachama wapya, kufanya mikutano ya kuwashukuru wananchi kwa kuiamini CCM na kuichagua iendelee kuongoza, kuhamasisha wananchi kufanya kazi ili kujiletea maendeleo,” alisema.

ZOEZI LA KUWASAKA WAHAMIAJI HARAMU LAPAMBA MOTO MKOANI MBEYA Posted: 14 Jan 2016 01:50 AM PST Afisa Uhamiaji Mkoa wa Mbeya Ndugu Asumsyo Achacha akizungumza ofisni kwekwe juu ya zoezi linaloendelea la kuwasaka wahamiaji haramu mkoani humo.  Na jamiimojablogu,Mbeya Zoezi la kuwasaka wahamiaji haramu na wageni wanaofanya kazi bila kibali limeendelea kufanikiwa mkoani Mbeya ambapo jumla ya wageni 20 wamekamatwa mkoani humo kutokana na makosa mbalimbali likiwemo la kuingia nchini kinyume cha sheria. Akizungumza na waandishi wa habari Ofisini kwakwe Afisa uhamiaji Mkoa wa mbeya Ndugu Asumsyo Achacha amesema hatua hiyo imefanyika ikiwa ni kutekeleza majukumu yao ya kila siku sanjali na kutekeleza agizo la Waziri wa Mambo ya Ndani Dkt Charles Kitwanga alilotoa hivi karibuni. Aidha amesema hatua hiyo ni utekelezaji wa sheria mpya ya kuratibu ajira za wageni ,Sherii Na.1 ya mwaka 2015 ambayo inawataka wageni wote walioajiliwa hapa nchini kuwa na vibali vya kazi na hati za ukaazi nchini. Afisa uhamiaji huyo amewataja raia hao waliokamatwa katika msako huo ni pamoja wakenya watatu (3)wamalawi 14 pamoja na wakongo watatu (3). Aidha amesema kuwa mwaka 2015 jumla ya wahamiaji haramu 478 kutoka mataifa mbalimbali walikamatwa na kuchukuliwa hatua mbalimbali ikiwemo kufikishwa mahakamani pamoja na kufukuzwa nchini. Amesema mbali na changamoto zilizojitokeza ikiwemo upungufu wa vitendea kazi ,fedha pamoja na rasilimali bado shughuli za uhamiaji mkoani humo ziliendelea kufanyika kama kawaida na kwa ufanisi mkubwa. Pia Afisa Uhamiaji huyo amebainisha kuwa zoezi hilo ni endelevu hivyo ofisi yake itahakikisha kila mtu aliyevunja sheria anakamatwa hivyo ametoa wito kwa waajiri kuacha tabia ya kuwapa ajira wafanyakazi wa kigeni wasio na vibali vya kazi na ukaazi kwani msako huo utaendelea katika viwanda ,migodi mashuleni na mahotelini. Mwisho.

MAOMBI YA KUMUOMBEA RAIS MAGUFULI, WASAIDIZI WAKE PAMOJA NA TAIFA YAFANA JIJINI MWANZA. Posted: 14 Jan 2016 01:49 AM PST Viongozi mbalimbali wa dini wakiwa katika picha ya pamoja na Mgeni Rasmi Mkuu wa Mkoa wa Mwanza Magesa Mulongo (wa pili kushoto walioshikilia bendera), katika Maombi ya Kumuombea Rais Magufuli na Taifa yaliyofanyika jana Jijini Mwanza. Viongozi mbalimbali wa dini wakiwa katika picha ya pamoja na Mgeni Rasmi Mkuu wa Mkoa wa Mwanza Magesa Mulongo (Wa tatu kushoto) katika Maombi ya Kumuombea Rais Magufuli na Taifa yaliyofanyika jana Jijini Mwanza. Na:George Binagi-GB Pazzo @Binagi Media Group (BMG) Umoja wa Makanisa Jijini Mwanza kwa kushirikiana na Umoja wa Maaskofu kutoka Jijini Dar es salaam jana January 13,2015 ulifanya Mamombu Maalumu ya Kumuombea Rais wa wa awamu ya tano ya Jamhuri ya Muungani wa Tanzania Mhe.Dkt.John Pombe Magufuli pamoja na Wasaidizi wake. Maombi hayo yalifanyika katika Uwanja wa Furahisha Manispaa ya Ilemela Mkoani Mwanza na kuhudhuriwa na viongozi mbalimbali wakiwemo viongozi wa Serikali na Dini huku pia wananchi wakijumuika pamoja na waumini wa dini mbalimbali katika maombi hayo. Mgeni Rasmi katika maombi hayo alikuwa Mkuu wa Mkoa wa Mwanza Magesa Mulongo ambae katika hotuba yake, aliwasihi Watanzania wote kuendelea kuliombea Taifa ili kuondokana na vikwazo mbalimbali ambapo alidokeza kuwa kupitia maombi kama yaliyofanyika jana, migogoro mbalimbali ikiwemo ya kisiasa kama iliyopo Zanzibar itamalizika. Viongozi mbalimbali wakiwemo Mwenyekiti wa Umoja wa Makanisa Jijini Mwanza Askofu Charles Sekelwa, Makamu wake Zenobius Issaya pamoja na Kiongozi wa Kundi la Maaskofu kutoka Jijini Dar es salaam la Good News For all Ministry Askofu Dr.Charles Gadi pamoja na viongozi wengine wa dini kutoka mikoa mbalimbali nchini waliliombea Taifa na kuhimiza utuliza nchini. Wasaidizi wa wa Rais Maguguli ambao ni pamoja na Makamu wa Rais Mhe.Samia Suluhu, Waziri Mkuu Mhe.Kassim Majaliwa, Jaji Mkuu Mhe.Othman Chande, Spika wa Bunge Mhe.Job Ndugai, Mawaziri pamoja na viongozi wengine wa Serikali wa awamu ya tano waliombewa ili kuliongoza vema taifa kwa kuendana na kasi ya Rais Magufuli. Pamoja na mambo mengine, ia maombi hayo yalijumuisha toba kwa taifa, kumuomba Mungu kukomesha mauaji ya Vikongwe na watu wenye ulemavu wa ngozi pamoja na kuombea taifa mvua zisizo na madhara.  Viongozi mbalimbali wa dini Maombi ya kuliombea Taifa yaliyofanyika Jijini Mwanza jana Viongozi mbalimbali wa dini wakiwa na Mkuu wa Mkoa wa Mwanza Kulia ni Mwenyekiti Msaidizi wa Umoja wa Makanisa Jijini Mwanza Zenobius Isaya akiwa katika Maombi ya kumuombea Rais Magufuli, wasaidizi wake pamoja na Taifa yaliyofanyika jana Jijini Mwanza. Mwenyekiti Msaidizi wa Umoja wa Makanisa Jijini Mwanza Zenobius Isaya akiwa katika Maombi ya kumuombea Rais Magufuli, wasaidizi wake pamoja na Taifa yaliyofanyika jana Jijini Mwanza. www.shaabanmpalule.blogspot.com