LULU NAE AFUNGUKA BAADA YA JANA ALI KIBA KUACHIA NYIMBO MBILI KWA PAMOJA NA KUONYESHA AMERUDI TENA KATIKA GAME

MWIGIZAJI LULU TOKA BONGO MOVIES ALIKUWA NA HAYA YA KUSEMA:KUHUSU BIFU LA PLATINUMZ NA ALIKIBA

BAADA YA JANA ALI KIBA KUACHIA NYIMBO MBILI KWA PAMOJA NA KUONYESHA AMERUDI TENA KATIKA GAME , MWIGIZAJI LULU TOKA BONGO MOVIES ALIKUWA NA HAYA YA KUSEMA:

Bahati Bukuku apata ajali ya gari akielekea Kahama kwenye Huduma

Usiku wa kuamkia leo, muimbaji nyota wa nyimbo za injili, Bahati Bukuku pamoja na wasaidizi wake, walipata ajali akiwa njiani kuelea Kahama kwenye huduma.

Juhudi za kumhamishia Bahati Bukuku kuelekea Muhimbili kama ilivyopangwa awali zimeshindikana, kutokana na kushindwa kugeuka wala kuinuka - akiwa amelazwa. 

Frank amesafishwa kichwa na anaendelea vema. Muujiza wake ni kwamba nguo aliyokuwa amevaa ilichanwa na vioo, lakini yeye mwenyewe hajachubuka kutokana na vioo hivyo.

Tayari ndugu na marafiki walishafika kutoka Dar es Salaam, na watu kadhaa wa Dodoma na viunga vyake walipita kuwajulia hali na kuwafariji. 

Taarifa ya Jeshi la Polisi, Dodoma. 

Gari lenye namba IT 7945 Toyota Nadia likiendeshwa na EDSON MWAKABUNGU (31) mkazi wa Tabata Dar es Salaam liliacha njia na kugonga gema na kusababisha majeraha kwa watu watatu baada ya kugongwa na gari jingine linalosadikiwa kuwa Fuso. 

Kamanda wa Polisi Mkoa wa Dodoma Kamishna Msaidizi Mwandamizi wa Polisi David Misime SACP amesema ajali hiyo imetokea tarehe 26.07.2014 saa tisa alfajiri katika barabara kuu ya Morogoro – Dodoma eneo la Ranch ya NARCO Wilaya ya Kongwa. 

Waliojeruhiwa ni EDSON MWAKABUNGU ambae analalamika maumivu sehemu za vidole vya miguu yote, BAHATI BUKUKU (40) ambae ni mwimbaji wa nyimbo za injili na mkazi wa Tabata – Dar es Salaam ambaye analalamika maumivu sehemu mbalimbali za mwili wake. 

Mwingine ni FRANK CHRISTOPHER (20) mwimbaji pia wa nyimbo za injili mkazi wa Tabata Dar es Salaam ambapo kapata michubuko usoni na mkono wa kulia. 

Wote wamelazwa katika Hospitali ya Wilaya ya Kongwa kwa matibabu na hali zao zinaendelea vizuri ambapo Kamanda Misime amesema walikuwa wanatokea Dar es Salaam ambapo dereva alikuwa anelekea DRC – Kongo, BAHATI d/o BUKUKU na FRANK s/o CHRISTOPHER walikuwa wanakwenda Kahama kwenye tamasha la Injili. 

Uchunguzi wa ajali hii unaendelea ikiwa ni pamoja na kutafuta gari lililowagonga.

Jennifer Mgendi (kushoto) akimjulia hali rafiki yake, Bahati.

SIMANZI ZAENDELEA KUTAWALA NDANI YA NYUMBA YA TANZANIA MOVIE TALENTS (TMT)

Jaji Vyonne Cherry au Monalisa akitoa maoni kwa washiriki waliokuwa wameshiriki kwenye filamu fupi iliyochezwa na washiriki wa TMT

  Kundi la Kwanza la Washiriki wa TMT waliocheza filamu fupi iitwayo LUGHA GONGANA wakiwa mbele ya meza ya Pilato katika ukumbi wa makumbusho ya Taifa mwanzoni mwa wiki.

 Mshiriki wa TMT, Mwanaafa Mwinzago akifunika uso wake kwa kutoamini kuwa ameponea kwenye tundu la sindano kutokana na kuondolewa katika maumivu ya Jua la Utosi na kuendelea na mashindano hayo

 Mshiriki Wa TMT, Moses Obunde (Mwenye Suti) akimpongeza Mshiriki Mwenzie Mzee Kapalata Mtawa kwa kuweza kuondolewa Kwenye Jua la Utosi na Kupelekwa Kivulini katika Shindano la TMT linaloendelea.

 Washiriki walioingia kwenye Jua la Utosi wakiwa mbele ya Meza ya Pilato huku mshiriki mmoja kutoka kwa washiriki hao aliyaaga mashindano ya TMT.

 Simanzi Zikianzia hapo sasa mara baada ya Washiriki kupunguzwa ili apatikane mmoja wa kuondoka.

Majaji wa shindano la TMT wakimsikiliza kwa makini Mshiriki wa TMT, Mwanaafa Mwinzago (anayeonekana kwenye runinga mbele) wakati akijielezea kabla ya filamu fupi aliyoshiriki kuonyeshwa ili majaji waweze kutoa hukumu kwa washiriki wa kundi hilo

 Majaji wa Shindano la Tanzania Movie Talents (TMT) katikati wakiwasikiliza washiriki wa kundi la kwanza wanavyojielezea kabla ya filamu fupi waliyochezwa kuonyeshwa katika ukumbi wa Makumbusho ya Taifa wiki iliyopita

 Majaji wa Shindano la Tanzania Movie Talents (TMT) wakiangalia filamu fupi iliyochezwa na washiriki wa shindano la Tanzania Movie Talents (TMT) katika ukumbi wa makumbusho kabla ya kuanza kutoa hukumu kwa washiriki ni nani anatoka na nani anabaki.

 Wakabaki wawili na hatimaye mmoja kati ya hao aliweza kuondolewa katika mashindano hayo

 Hatimaye Mshiriki Isalito Isaya Akaweza kurudi ndani ya Mjengo wa TMT kutokana na Kura zake kumzidi Mshiriki mwenzie Pendo ambaye aliweza kuaga mashindano hayo kutokana na kura kuwa chache

Baadhi ya Washiriki wa TMT wakimuaga Mshiriki mwenzao Pendo Edward (Katikati) ambaye aliweza kutolewa kwenye mashindano kutokana na kura kuwa chache.Picha Zote na Josephat Lukaza

Na Josephat Lukaza - Proin Promotions Limited - Dar Es Salaam.

Hatua ya mchujo katika Shindano la Tanzania Movie Talents (TMT) limeingia wiki ya tatu ya mchujo sasa mara baada ya mshiriki mmoja kuaga shindano hilo wiki hii. Shindano la Tanzania Movie Talents (TMT) limekuwa shindano bora ambalo kadri siku zinavyozidi kwenda linazidi kuteka nyoyo za watanzania wengi waliopo ndani na nje ya Nchi kutokana na utofauti wake na uzuri wake pia.

Mshiriki mmoja ambaye ni Pendo Edward aliweza  kuchomwa na jua la utosi lililompelekea kutoka kwenye shindano hilo kubwa la Tanzania Movie Talents (TMT) ambapo mpaka sasa washiriki kumi na tano (15) ndio wamebaki katika nyumba ya TMT na hali ya simanzi bado inaendelea katika nyumba ya TMT kwa wiki hii ambapo mshiriki mwingine atatakiwa kutoka.

Shindao la TMT limekuwa likivuta hisia za watanzania wengi waliopo ndani na Nje ya Tanzania kutokana na Utofauti wake na ubora wake na kupelekea watanzania wengi sana kufuatilia shindano hilo kwa ukaribu na umakini zaidi.

Hatimaye wiki hii Tanzania Movie Talents iliamua kuzindua Zoezi la kuwapigia kura washiriki wake kupitia ukurasa wetu wa facebook ambapo sasa watanzania na wapenzi wa TMT ambao wanauwezo wa kupata na kutumia internet sasa wanaweza kuwapigia kura washiriki waliowavutia kupitia ukurasa wetu wa facebook na vilevile kuendelea kuwapigia kura washiriki kwa kutumia simu zao za mkononi.

Jinsi ya Kumpigia kura Mshiriki umpendae kwa Kutumia Simu ya Mkononi Andika Neno "TMT" ikifuatiwa na namba ya ushiriki halafu tuma kwenda 15678. Mfano TMT 00 tuma kwenda 15678.

Na Jinsi ya Kumpigia kura mshiriki kupitia ukurasa wetu wa facebook BOFYA HAPA  kwa kupata maelezo.

WAZIRI MKUU AONYA MATUMIZI YA RUSHWA UCHAGUZI MKUU

*Awaasa wananchi wasikubali kugeuzwa mtaji na wagombea

WAZIRI MKUU Mizengo Pinda amewaonya Watanzania kuwa makini na watu wanaotumia rushwa ili kupata nafasi za uongozi na hasa kwenye uchaguzi mkuu unaotarajiwa kufanyika Oktoba, 2015.

Ametoa onyo hilo leo mchana (Jumapili, Julai 27, 2014) wakati akizungumza na mamia ya waumini na viongozi mbalimbali waliohudhuria ibada ya uzinduzi wa dayosisi mpya ya Ruvuma ya Kanisa la Kiinjili la Kilutheri Tanzania (KKKT) na kuwekwa wakfu Askofu Amon Mwenda aliyeteuliwa kuongoza dayosisi hiyo.

“Ninawasihi wananchi wawe makini na viongozi wanaopenda kutoa rushwa hasa katika kipindi hiki cha kuelekea kwenye uchaguzi mkuu. Kama mtu ana nia ya kweli ya kuongoza ni kwa nini atumie fedha ili kupata nafasi ya uongozi?,” alihoji.

“Tatizo ni kwamba hata wananchi hivi sasa wanakubali kupokea kile kinachotolewa na wagombea. Atakuja huyu atakupa hiki na mwingine naye atakupa kile, lakini ujue akiingia madarakani anaanza kurudisha haraka vile alivyowagawia,” alisema.

Aliwaonya wananchi kuwa makini ili wasije wakageuzwa mtaji wa kuwanufaisha watu binafsi. “Tukikubali kutumika ni sawa tutapata viongozi wakati wa uchaguzi, lakini watakuwa ni wale wasio na hofu ya Mungu, wenye kujali maslahi yao kuliko ya wananchi waliowachagua,” aliongeza.

Aliwaomba viongozi wote wa dini waliohudhuria sherehe hizo pamoja na waumini wote waendelee kuliombea Taifa ili Mungu aliepushe na janga hilo la watu kupenda rushwa. Alitumia fursa hiyo pia kuwaomba wazidi kuuombea mchakato wa kupata Katiba mpya ili wabunge wote warejee ndani ya Bunge na kuikamilisha kazi waliyoianza.

Alimuomba Askofu huyo mpya apokee jukumu hilo kwa mikono miwili na kumuahidi kuwa kama Serikali watakuwa naye bega kwa bega kuwaongoza Watanzania walioko kwenye dayosisi yake. Dayosisi hiyo mpya inahusisha mkoa wote wa Ruvuma na wilaya ya Ludewa eneo ambalo lina ukubwa wa kilometa za mraba 72,630. Kati ya hizo km. za mraba 64,233 ni za mkoa wa Ruvuma na km. za mraba 8,397 ni za wilaya ya Ludewa.

Mapema, akitoa hotuba yake ya kwanza mara baada ya kusimikwa rasmi, Askofu Mwenda alisema dayosisi mpya ya Ruvuma imezaliwa katika kipindi chenye changamoto nyingi za kidunia na utandawazi ukiwemo mmomonyoko mkubwa wa maadili.

Hata hivyo, akiainisha malengo ya dayosisi hiyo ambayo anakuwa Askofu wake wa kwanza, Askofu Mwenda alisema mbali ya kufundisha neno la Mungu, dayosisi hiyo itahimiza ufanyaji kazi ili wakazi wake wawe na akiba ya chakula cha kutosha.

Alisema watashirikiana na Serikali na wadau wa ndani najje katika kutoa huduma za kijamii hasa elimu na afya. Aidha alisema atakabiliana na changamoto za sasa ambazo alizitaja kuwa ni mmomonyoko wa maadili, rushwa, mauaji ya albino, unajisi wa watoto na ubakaji wa wanawake.

Akitoa shukrani kwa niaba ya waumini wa kanisa hilo, Askofu Mkuu wa KKKT, Dk. Alex Malasusa alisema Kanisa lingependa kupata viongozi ambao ni wacha Mungu. Akirejea mahubiri yake, Askofu Malasusa alisema inashangaza kuona kuna baadhi ya watu wanagombea nafasi za uongozi lakini hawana mapenzi na Mungu aliyewaumba watu anaotaka kuwaongoza.

“Bila kujali imani ya mtu, tunatamani tungepata kiongozi ambaye anamcha Mungu. Awe anapenda kuhudhuria ibada. Awe anampenda Mungu ndipo atawapenda watu anaowaongoza,” alisisitiza.

IMETOLEWA NA:

OFISI YA WAZIRI MKUU,

JUMAPILI, JULAI 27, 2014

MADAKTARI WAONYESHA MFANO KWA KUCHANGIA DAMU KATIKA HOSPITALI KUU YA MKOA WA RUKWA.

Mganga Mkuu wa Mkoa wa Rukwa Dkt. John Gurisha akipimwa kabla ya kuchangia damu katika zoezi lilioendeshwa na Shrika la Red Cross katika kuchangia damu Mkoani Rukwa. Kumekuwepo na uhaba mkubwa wa damu katika Hospitali Kuu ya Mkoa wa Rukwa na vituo vingine uhaba ambao unafikia nusu kwa nusu ukilinganisha kiasi kinachopatikana na mahitaji yaliyopo. 

Uhaba huo umesababishwa na muamko hafifu wa wananchi kuchangia damu kutokana na hofu inayosababishwa na dhana potofu kuwa uchangiaji damu una madhara kwa mchangiaji. Madaktari hao wa Hosptali Kuu ya Mkoa pamoja na watumishi wengine wa Serikali waliamua kujitolea ili kuonyesha mfano kwa wananchi waweze kuondokana na hofu hiyo waweze kujitokeza kuchangia damu kuokoa maisha ya watanzania wanaohitaji huduma hiyo muhimu.

Baadhi ya madaktari wa Hospitali Kuu ya Mkoa wa Rukwa wkichangia damu.

Muuguzi Mkuu wa Mkoa wa Rukwa Esther Kasegezya akichangia damu katika zoezi hilo.

Mganga Mfawidhi wa Hospitali ya Mkoa wa Rukwa Dkt. Samwel Marwa akipatiwa vipimo muda mfupi kabla ya kuchangia damu.

Dkt. Marwa akichangia damu.

Mchangiaji baada kutoa damu hupata viburudisho ikiwemo vinywaji baridi na biskuti maalum.

Sehemu ya damu iliyokuwa imechangiwa katika zoezi hilo.

(Na Hamza Temba - Ofisi ya Mkuu wa Mkoa wa Rukwa)

TUHUMA NZITO KWA IDARA YA UHAMIAJI TANZANIA, WATOTO NA NDUGU WA VIGOGO WAJAZA MAJINA NAFASI ZA KAZI UHAMIAJI TANZANIA.

Saimon Frank.

Matokeo ya Usaili wa nafasi za kazi Uhamiaji yaliyotolewa katika magazeti Julai, 2014 yameonesha kuwa katika Idara hiyo watanzania wengine mbali ya watoto au ndugu wa wafanyakazi wa Idara hiyo hawawezi kupata ajiya ndani ya Idara hiyo ya Serikali kirahisi. Majina ya wengi walioitwa kazini ni watoto au ndugu wa wafanyakazi wa idara hiyo.

1. Abdulhaq Amin Mandemla – Mtoto wa afisa Uhamiaji Amin Mandemla

2. Alphonce Kishe – Mtoto wa Afisa Uhamiaji Aleluya Kishe

3. Asha Burhani Idd – Ndugu ya Afisa Uhamiaji Tatu Burhani Idd

4. Beatrice Temba – Ndugu wa Afisa Uhamiaji Joseph Kasike

5. Geofrey Justine Mhagama – Ndugu ya Afisa Uhamiaji Rose Mhagama

6. Iginga Daniel Mgendi – Mtoto wa Afisa Uhamiaji Daniel Mgendi

7. Issack Michael Makwinya – mtoto wa aliyekuwa Afisa Uhamiaji Makwinya

8. John Alfred Mungulu – mtoto wa Afisa Uhamiaji Alfred Mungulu

9. Joseph A. Milambo - mtoto wa Karani wa Uhamiaji Milambo

10. Michael J. Choma – mtoto wa Afisa Uhamiaji John Choma

11. Shimba H Zakayo – mtoto wa Afisa Uhamiaji Zakayo Mchele

12. Upendo E. Mgonja - mtoto wa Afisa Uhamiaji Mgonja

13. Vaileth A. Kidesu – mtoto wa Afisa Uhamiaji Adam Kidesu

14. Elizabeth Edward – Ndugu wa Afisa Uhamiaji Edward Martin

15. Ester Mahirane – Ndugu wa Afisa Uhamiaji Mahirane

16. Basil Lucian John – Ndugu wa Afisa Uhamiaji Dismas Lucian

17. Frank E Kajura- Ndugu wa Afisa Uhamiaji Kajura

18. Jacob P. Ulungi – Ndugu wa Afisa Uhamiaji Magnus Ulungi

19. Janeth John Milinga – Ndugu wa aliyekuwa Afisa Uhamiaji Milinga

20. Janeth R Lukuwi – Ndugu wa Afisa Uhamiaji Eliza Lukuwi

21. Joseph N. Yondani – Mtoto wa Afisa Uhamiaji Mary Yondani

22. Leila khatib Irovya - Mtoto wa Afisa Uhamiaji Abbas Irovya

23. Lucian F. Mlula – ndugu wa Afisa Uhamiaji Dismas Mlula

24. Neema Kasian Lukosi- Ndugu wa Afisa Uhamiaji Zubeda Abbas

25. Pendo D. Gambadu – ndugu wa Afisa Uhamiaji Gambadu

26. Paschalia E. Mwenda – ndugu wa Martin Edward mwenda

27. Theresia Ernest Kalunde – Mtoto wa Ernest Kalunde

28. Veronica G Vitalis – Mtoto wa aliyekuwa Afisa Uhamiaji Vitalis Mlay

29. Victor G. Mlay- Mtoto wa aliyekuwa Afisa Uhamiaji Vitalis Mlay

30. Catherine J. Mapunda- mtoto wa Afisa Lucy Mapunda

Hii ni sampuli tu ila zaidi ya asilimia tisini ni watoto na ndugu wa Maafisa Uhamiaji.

Nadhani ingekuwa vyema wasingekuwa wanatangaza nafasi hizi bali wawe wanagawiana ndani kwa ndani.

Alamsiki.

Loga amvizia Hamis Kiiza

By  MWANDISHI WETU

 

Kocha wa Simba,Zdravko Logarusic ‘Loga’ alisema; “Nawajua hao wachezaji Okwi na Kiiza ni wachezaji wazuri niliwaona msimu uliopita, sina pingamizi kama nitaletewa hapa, ninachotaka ni mchezaji mzuri mwenye uwezo wa kunifanyia kazi ninayotaka.”

UONGOZI wa Simba umegawanyika wapo ambao hawataki kusikia usajili wa mchezaji yoyote kutoka Yanga lakini wapo mabosi watatu huwaambii kitu kuhusu Emmanuel Okwi.

Kocha wa Simba,Zdravko Logarusic ‘Loga’ alisema; “Nawajua hao wachezaji Okwi na Kiiza ni wachezaji wazuri niliwaona msimu uliopita, sina pingamizi kama nitaletewa hapa, ninachotaka ni mchezaji mzuri mwenye uwezo wa kunifanyia kazi ninayotaka.”

“Sina uhakika kama viongozi wangu wanataka kuwasajili, lakini mimi isingekuwa hii kanuni ya shirikisho hata ukiniletea wote hakuna shida, siwezi kumkataa mchezaji mzuri sababu ikiwa ni klabu anayotoka, nitamchukua mchezaji yeyote kutoka Yanga na hata Azam.” Mwanaspoti linajua kwamba Yanga wanafikiria kuachana na Hamis Kiiza ingawa na Okwi na mwenyewe yuko kwenye wakati mgumu.

Kocha wa Yanga, Marcio Maximo amesema hataki wachezaji wabinafsi kwenye kikosi chake na hababaishwi na majina makubwa hivyo atahitaji muda wa kuwatazama Okwi na Kiiza ili kuona uwezo wao uwanjani kabla ya kumtema mmoja.

“Nasubiri waje kwanza, wacheze ili niwaone wanavyocheza na uwezo wao kwa ujumla na baada ya hapo nitafanya maamuzi sahihi yatakayokuwa na mafanikio.

“Kwa kifupi sitaki mchezaji mbinafsi, mchezaji anayewaza nafsi yake pekee bali nataka mchezaji anayewaza mafanikio ya Yanga na anayejituma kuhakikisha timu inanyakua kombe kwani mchezaji anashinda mechi lakini timu ndiyo inayoshinda makombe,” alisema Maximo.

RAZA ATOA YA MOYONI KUHUSU MCHAKATO WA KATIKA MPYA

 Mwakilishi wa Jimbo la Uzini(CCM) Mohamedraza Hassanal akizungumza na Waandishi wa habari katika ukumbi wa Hoteli ya Grand Palace mjini Zanzibar.Katika mazungumzo yake alisema ni Vyema Bunge la Katiba likaghairishwa ili kutoa fursa zaidi Watu wajihusishe na harakati za Uchaguzi Mkuu wa 2015 na Kupatikane Wasaa mpana wa kujadiliana kwa dhamira ya dhati ya kupata Katiba Bora inayoridhiwa na upande wa Bara na Visiwani.

MWENGE WA UHURU WAWASILI MKOA WA DAR ES SALAAM

 Mkuu wa Mkoa wa Pwani Bi. Mwantumu Mahiza akimkabidhi Mwenge wa Uhuru Mkuu wa Mkoa wa Dar es Salaam Said Meck Sadiki leo Jijini Dar es Salaam.

 Katibu Mkuu Wizara ya Habari, Vijana, Utamaduni na Michezo Bi. Sihaba Nkinga akitoa neno la shukrani kwa Mkuu wa Pwani Bi. Mwantumu Mahiza kwa Kuukabidhi mwenge wa Uhuru Salama Mkoani Dar es Salaam.

 Katibu Mkuu Wizara ya Habari, Vijana, Utamaduni na Michezo Bi. Sihaba Nkinga akitoa neno la shukrani kwa Mkuu wa Pwani Bi. Mwantumu Mahiza kwa Kuukabidhi mwenge wa Uhuru Salama Mkoani Dar es Salaam.

Naibu Katibu Mkuu Wizara ya Habari, Vijana, Utamaduni na Michezo Prof. Elisante Ole Gabriel akishika mwenge wa Uhuru ulipowasili mkoani Dar es Salaam.(Picha na Hassan silayo na Benjamin sawe).

 

 Kikundi cha vijana toka Halmashauri ya Manispaa ya Temeke wakisherehesha wakati wa kuwasili kwa mwenge wa Uhuru uliokabidhiwa kwa Mkuu wa Mkoa wa Dar es Salaam Said Meck Sadik kutoka kwa mkuu wa Mkoa wa Pwani Bi. Mwantumu Mahiza Leo Jijini Dar es Salaam

 Kikundi cha vijana toka Halmashauri ya Manispaa ya Ilala wakisherehesha wakati wa kuwasili kwa mwenge wa Uhuru uliokabidhiwa kwa Mkuu wa Mkoa wa Dar es Salaam Said Meck Sadik kutoka kwa mkuu wa Mkoa wa Pwani Bi. Mwantumu Mahiza Leo Jijini Dar es Salaam

 Meya wa Manispaa ya Ilala Jerry Slaa(mwenye miwani) akishiriki kucheza pamoja na Kikundi cha vijana toka Manispaa hiyo wakati wa kuwasili kwa mwenge wa Uhuru leo Jijini Dar es Salaam.

 Kaimu Mkurugenzi wa Idara ya Maendeleo ya Vijana James Kajugusi(katikati) akiwaeleza jambo Katibu Mkuu Wizara ya Habari, Vijana, Utamaduni na Michezo Bi. Sihaba Nkinga(Kulia) na Naibu Katibu Mkuu wa Wizara Hiyo Prof. Elisante Ole Gabriel wakati wa kuwasili kwa mwenge wa Uhuru leo Jijini Dar es Salaam.

 Mkuu wa Wilaya ya Mafia Sauda Salum Mtondoo akisalimiana na Katibu Mkuu Wizara ya Habari, Vijana, Utamaduni na Michezo Bi. Sihaba Nkinga. Kushoto ni Naibu Katibu Mkuu wa Wizara Hiyo Prof. Elisante Ole Gabriel na kulia ni Kaimu Mkurugenzi wa Idara ya Maendeleo ya Vijana James Kajugusi alipowasili wakati wa kuukabidhi mwenye wa uhuru kutoka wilaya yake.

 Katibu Mkuu Wizara ya Habari, Vijana, Utamaduni na Michezo Bi. Sihaba Nkinga akisalimiana na Vijana wakimbiza Mwenge wa Uhuru kitaifa walipowasili kutoka Wilaya ya Mafia

 Mkuu wa Wilaya ya Mafia Sauda Salum Mtondoo akikimbiza Mwenge wa Uhuru kwa ajili ya kuukabidhi tayari kuanza ziara yake Mkoani Dar es Salaam.

 Mkuu wa Wilaya ya Mafia Sauda Salum Mtondoo (Mwenye T-shirt nyeupe) akimkabidhi Mwenge wa Uhuru Mkuu wa Mkoa wa Pwani Bi. Mwantumu Mahiza Leo Jijini Dar es Salaam

 Mkuu wa Mkoa wa Pwani Bi. Mwantumu Mahiza akikimbiza mwenge wa Uhuru Tayari kwa kuukabidhi kwa Mkuu wa Mkoa wa Dar es Salaam,Said Meck Sadiki.

 Katibu Mkuu Wizara ya Habari, Vijana, Utamaduni na Michezo Bi. Sihaba Nkinga akisalimiana na Kiongozi wa mbio za Mwenge Taifa, Rachel Kasanda wakati wa kuwasili kwa mwenge wa uhuru leo Jijini Dar es Salaam.

CAG AHUDHURIA KIKAO CHA 68 CHA BODI YA WAKAGUZI WA UMOJA WA MATAIFA NEW YORK, MAREKANI.

CAG wa Tanzania Ludovick S. L Utouh pamoja na wajumbe wenziwe wa Bodi ya Ukaguzi ya Umoja wa Mataifa wakisaini ripoti 29 za taasisi za umoja huo zilizokaguliwa. Wajumbe hao ni Liu Jiayi kutoka China, Amyas Morse kutoka Uingereza ambae ni Mwenyekiti wa Bodi na Shashi Sharma kutoka India. Ripoti hizo zilisainiwa tarehe 24/7/2014.

Picha ya makabidhiano ya mikoba ya ujumbe wa Umoja wa Mataifa iliofanyika kati ya mjumbe kutoka China anayemaliza muda wake wa miaka sita aliyesimama wa pili kutoka kulia na mjumbe mpya kutoka India wa pili kutoka kushoto.

Picha ya pamoja ya wajumbe wa Bodi ya Umoja wa Mataifa na wawakilishi wao wa Umoja wa Mataifa.

Picha ya pamoja kati ya CAG, watumishi wake pamoja na Mwenyekiti wa Kamati ya Ushauri wa Ukaguzi wa Umoja wa Mataifa Kamlesh Vikamsey.

CAG akifanya mahojiano na mwahandishi wa Habari wa redio ya umoja wa mataifa Bi Priscila Lecomte.