MPALULEBLOG:: WABUNGE WA KAMBI YA UPINZANI WAIBUKA NA MPYA,WAINGIA NA KUTOKA BUNGENI WAKIWA WAMEZIBA MIDOMO YAO KWA PLASTA NA KARATASI

Pichani ni Mbunge wa Vunjo (NCCR-Mageuzi), James Mbatia akizungumza jambo mbele ya vyombo vya habari baada ya kutoka nje ya ukumbi wa Bunge Mapema leo asubuhi mjini Dodoma.

Wabunge wa Kambi ya Upinzani Bungeni leo Wakiongozwa na msemaji wa kambi hiyo Mh.James Mbatia wameingia ndani na kutoka nje ya ukumbi wa Bunge huku wakiwa wameziba midomo yao kwa karatasi na Plasta Wakidai Naibu Spika anakandamiza demokrasia ndani ya Bunge na kwamba wanaendeleza msimamo wao wa kutokuwa na imani na Naibu Spika Dkt . Tulia Ackson Mwansasu

Hii ni wiki ya pili mfululizo wabunge hao wamekuwa wakitoka bungeni baada ya kutangaza kutohudhuria kikao cha bunge kinachoongozwa na Naibu Spika wa Bunge, Dk Tulia Ackson kwa kile wanachodai kutokuwa na imani nane.

Wabunge wa Kambi ya Upinzani Bungeni wakiwa wameziba midomo yao kwa karatasi na plasta mara baada ya kutoka nje ya ukumbi wa Bunge na kuzungumza na vyombo vya habari mapema leo asubuhi.

==========================================

VIJUSO VYA BAADHI YA MAGAZETI YA LEO JUMATATU JUNI 20

============================================

MHASHAMU ASKOFU, JOSEPHAT LOUIS LEBULU ATOA SAKRAMENTI YA KIPAIMARA WA WATOTO 26 WA PAROKIA YA BIKIRA MARIA MAMA WA HURUMA BEACH BICHI JIMBO KUU LA DAR ES SALAAM.

Monday, June 20, 2016 Maoni: 0

ASKOFU wa Mkuu wa Jimbo katoliki la Arusha, Mhashamu Askofu, Josephat Louis Lebulu ametoa Sakramenti ya Kipaimara kwa watoto 26 wa Parokia ya Bikira Maria mama wa Huruma- Mbezi Beach jimbo kuu la Dar es Salaam jana Juni 19,2016.

Askofu wa Mkuu wa Jimbo katoliki la Arusha, Mhashamu Askofu, Josephat Louis Lebulu(Mwenye Kofia ya Kichungaji) akiwa katika picha ya pamoja na watoto 26 waliopata Kipaimara jana pamoja na viongozi mbalimbali wa Parokia ya Bikira maria Mama wa Huruma Mbezi Beach jimbo kuu la Dar es Salaam.

Baadhi ya watoto wakiandamana kuelekea ndani ya kanisa kwaajili ya Kupata Sakramenti ya Kipaimara.

Watoto wakiwa kanisani katika Parokia ya Bikira Maria mama wa Huruma- Mbezibichi jimbo kuu la Dar es Salaam jana Juni 19, 2016.

Watoto wakienda kumpongeza Askofu wa Mkuu wa Jimbo katoriki la Arusha, Mhashamu Askofu, Josephat Louis Lebulu(Mwenye Kofia ya Katikati kwa kufika katika Parokia ya Bikira Maria mama wa Huruma- Mbezi beach jimbo kuu la Dar es Salaam jana Juni 19, 2016.

===============================================

RASIMU YA MWISHO YA MICHORO YA MPANGO MJI KABAMBE WA ARUSHA 2035 KUIDHINISHWA NA WADAU

Monday, June 20, 2016 Maoni: 0

Wawakilishi toka Serikali za mitaa, Serikali ya mkoa na Serikali kuu, sekta binafsi na taasisi za kijamii za kiraia zinakutana leo tarehe 20 Juni mjini Arusha ikiwa ni mkutano wa tatu wa wadau wa mpango mji wa Arusha 2035.

Timu yenye wataalamu kutoka jiji la Arusha,Mkuu wa wilaya wa Arusha na Meru Arusha, tume ya undeshaji ya Mkoa na Wizara ya Ardhi, Nyumba na Maendeleo ya Makazi watazindua Rasimu ya Mwisho ya Mpango Mji Kabambe wa Arusha 2035 , wakisaidiwa na mshauri mtaalam aliyeteuliwa toka Singapore, Surbana International Consultants

Maeneo ndani ya mpango mji itachukua kilometa za mraba 278 za mji wa Arusha na kilometa za mraba 330 zilizochaguliwa za wilaya ya Arusha na Arumeru zikifanya jumla ya kilometa za mraba 608.

Rasimu hii ya Mwisho ya mchoro pendekezi itaonyesha matumizi ya siku zijazo ya ardhi ndani ya eneo linalopangwa . Pamoja na haya utaonyesha mpango mzima wa usafirishaji na barabara, mpango wa aina mbali mbali za barabara, miundombinu na usafirishaji wa mizigo utaelezwa kwa kina.

Hali kadhalika mchoro pendekezi unaoonyesha mpango mzima wa miundombinu utaelezewa kwa kina, hii ni pamoja na mpango kazi na mtandao wa maji safi na maji taka, maji ya mvua, taka ngumu, mfumo wa umeme na mtandao wa mawasiliano ya teknolojia. Maendeleo ya uchumi wa pamoja na ulinzi wa mazingira itakuwa ni sehemu kubwa ya mada. Michoro ya usanifu wa kina utawasilishwa kuonyesha uwezo wa kijamii na kiuchumi wa siku zijazo “Mji Mkuu Kijani wa Afrika Mashariki”.

Uwasilishwaji wa Rasimu na wataalamu utakamilishwa na maelezo ya kina ya “Mpango wa Utekelezaji”. Mpango pendekezi unalenga kuwa wa maono lakini pia uoneshe uhalisia kwa hivyo umuhimu wa uundaji wa hati maalum yakusaidia utelekelezaji wa mpango huu.

“Rasimu ya mwisho ya michoro ni hatua muhimu kwa mkoa wetu. Mahitaji ya baadaye kwa ajili ya mji wetu unaokua, unatuhitaji kuwa na mipango ya nyumba zaidi, miundombinu bora, mipango ya maendeleo bora kwa ajili ya viwanda, makazi na maeneo ya kijani kwa njia inayojali mazingira. Hii rasimu ya mwisho inatupa fursa ya kuweza kutengeneza mji wa kijani, kitovu cha kanda, na kuonyesha mfano wa ufanisi katika upangaji wa mji” alisema Juma Idd Mkurugenzi wa Jiji la Arusha.

Mkutano wa kwanza wa wadau ulifanyika Mei mwaka 2015, ulizungumzia mchanganuo wa muktadha wa kanda kwa wadau na pia kupendekeza mtazamo na mpangilio wa siku zijazo wa mamlaka ya jiji la Arusha. Mtazamo wa jumla wa matokeo ya waatalaam ya mkutano wa wadau uliopita utajadiliwa mbele ya wadau watakaokuwepo.

Huu ilifuatiwa na mkutano wa pili wa wadau Novemba 2015, na mkutano wa wataalam Dar es Salaam , Disemba 2015.

Lengo la mkutano huu wa mwisho wa wadau kama ilivyoagizwa na Sheria ya Mipango ya mwaka 2007 ni kuidhinisha hii Rasimu ya mwisho. Hatimaye Rasimu ya Mwisho ya Michoro itatumwa kwa madiwani, kwa Katibu Tawala wa Mkoa na kwa Mkurugenzi wa Mipango Miji kwenye Wizara ya Ardhi, Nyumba na Maendeleo ya Makazi. Baada ya kuipitia, jamii itapata fursa ya kushiriki kikamilifu, kukusanya maoni na mapendekezo, kabla ya idhini ya mwisho kutoka kwa Wizara ya Ardhi, Nyumba na Maendeleo ya Makazi.

Hatua hii shirikishi inalenga kupokea mchango muhimu wa kuboresha mpango mji wa Arusha kutoka kwa wadau wote.

Wananchi wote watajulishwa mara kwa mara kuhusu hatua za maendeleo za mpango mji kupitia vyombo mbalimbali vya habari ikiwa ni machapisho, na mitandao ya kijamii. Watu wote wanakaribishwa kutoa maoni yao juu ya mpango mji.

Kupitia Facebook: Arusha 2035, Instagram: Arusha2035 na Twitter: Arusha_2035, kwa kutoa maoni yao kwenye sanduku la maoni katika wilaya na ofisi za kata au baruapepe: arusha2035@gmail.com.

===================================================

Monday, June 20, 2016 Maoni: 0

===================================================

MTUMISHI WA MUNGU MASANJA MKANDAMIZAJI ARINDIMA KATIKA MKUTANO WA OYES 2016 JIJINI MWANZA.

Monday, June 20, 2016 Maoni: 0

Mhubiri na Mwimbaji wa Muziki wa Injili nchini Tanzania, Masanja Mkandamizaji, akihudumu katika Mkutano Mkubwa wa Injili wa Open Your Eyes and See OYES 2016 wenye lengo la kuwafungua watu wote kiroho na hivyo kuondokana na vifungo mbalimbali vinavyowakabiri, uliofanyika katika Kanisa la EAGT Lumala Mpya lililopo Sabasaba Manispaa ya Ilemela Jijini Mwanza.

Mkutano huo ulianza June 12,2016 na kufikia tamati jana June 19,2016 katika viwanja vya Kanisa hilo. Wahubiri na waimbaji mbalimbali walihudumu katika mkutano huo akiwemo Mchungaji wa Kimataifa kutoka nchini Canada Mama Domitila Nabibone ambae amewahi kufariki na kufufuka siku ya nne, Mwimbaji na Mhubiri Joseph Rwiza pamoja na Mwimbaji Chamwenyewe Jembe ambapo watu wengi walifunguliwa kiroho na kuokoka katika mkutano huo. Na George Binagi-GB Pazzo
Mhubiri na Mwimbaji wa Muziki wa Injili nchini Tanzania, Masanja Mkandamizaji, akihudumu katika Mkutano Mkubwa wa Injili wa Open Your Eyes and See OYES 2016, uliofanyika katika Kanisa la EAGT Lumala Mpya lililopo Sabasaba Manispaa ya Ilemela Jijini Mwanza.

Mhubiri na Mwimbaji wa Muziki wa Injili nchini Tanzania, Masanja Mkandamizaji, akiimba katika Mkutano wa OYES 2016

Mhubiri na Mwimbaji wa Muziki wa Injili nchini Tanzania, Masanja Mkandamizaji, akiimba katika Mkutano wa OYES 2016

Mchungaji wa Kanisa la EAGT Lumala Mpya, Dkt.Daniel Moses Kulola (Kushoto), akiwa na Mama Mchungaji, Mercy Kulola (Kulia) katika Mkutano wa OYES 2016

Mama Mchungaji, Mercy Kulola (kushoto) akiwa katika Mkutano wa OYES 2016

====================================================

Ziara ya Katibu Mkuu Wizara ya Habari Prof Elisante Ole Grabriel katika Mikoa ya Lindi na Mtwara.

Monday, June 20, 2016 Maoni: 0

Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel akizungumza na wananchi wa Halmashauri ya Wilaya ya Lindi, kijiji cha Mtama (hawapo pichani) wakati wa ziara yake katika Halmashauri Mkoa wa Lindi na Mtwara kuangalia usikivu wa vituo vya Redio na Televisheni vya Shirika la Utangazaji Tanzania (TBC).

Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel( wa pili kulia) akizungumza na wawakilishi Kutoka Star Times wakati wa ziara yake katika Halmashauri Mkoa wa Lindi na Mtwara kuangalia usikivu wa Shirika la Utangazaji Tanzania (TBC) kulia ni Mkurugenzi wa Shirika hilo Dkt Ayoub Riyoba.

Katibu Mkuu Wizara ya Habari, Utamaduni, Sanaa na Michezo Prof. Elisante Ole Gabriel (wa tatu kulia) akiwa katika picha ya pamoja wawakilishi kutoka kampuni ya Star Times na wanakijijji wa kijiji cha Mtama wakati wa ziara yake katika Halmashauri Mkoa wa Lindi na Mtwara kuangalia usikivu wa Shirika la Utangazaji Tanzania (TBC) kushoto ni Mwenyekiti wa Halmashuri ya Lindi Bw. Matei Makwinya.
PICHA NA WHUSM

========================================

MAOFISA 27 WA NGAZI ZA JUU KATIKA SHIRIKA LA HIFADHI ZA TAIFA (TANAPA) WAMALIZA MAFUNZO YA KIJESHI KATIKA KAMBI YA MLELE MKOANI KATAVI.

Monday, June 20, 2016 Maoni: 0

Waziri wa Maliasili na Utalii,Prof Jumanne Maghembe akipokea salamu wakati wa ufungaji wa mafunzo kwa maofisa 27 wa ngazi za juu wa Shirika la Hifadhi za Taifa (TANAPA) ,mafunzo yaliyofanyika katika kambi ya Mlele mkoani Katavi.

Waziri wa Maliasili na Utalii,Prof Jumanne Maghembe akikagua gwaride la maofisa wa ngazi za juu wa Shirika la Hifadhi za Taifa (TANAPA) wakati wa kufunga mafunzo yao katika kambi ya Mlele mkoani Katavi.

Maofisa wa ngazi za juu wa Shirika la Hifadhi za Taifa,(TANAPA) wakila kiapo cha utii wakati wa kumaliza mafunzo ya kijeshi yaliyofanyika kambi ya Mlele mkoani Katavi.