Mkutano Mkuu wa TASWA umepangwa kufanyika Julai 25 na 26 mwaka huu mkoani Morogoro

KAMATI YA Utendaji ya Chama cha Waandishi wa Habari za Michezo Tanzania (TASWA) ilikutana Dar es Salaam jana na kujadili masuala mbalimbali.     

A; MAFUNZO

Kikao kilikubaliana watafutwe wataalamu wa kuendesha mafunzo kwa kada mbalimbali za waandishi wa habari za michezo nchini ili kuongeza ufanisi katika namna ya kuripoti habari za michezo michezo mbalimbali.

Kundi la kwanza litakuwa la waandishi chipukizi ambao wapo chini ya miaka mitano katika taaluma, ambapo mafunzo yao yatafanyika Machi 25 mwaka huu Dar es Salaam yakishirikisha waandishi wa habari chipukizi 30 na wa kada ya kati 10.

Tayari TASWA imepata mdhamini wa mafunzo hayo na kinachofanyika hivi sasa ni uteuzi wa washiriki, ambapo wahariri wa habari za michezo watahusishwa kupendekeza washiriki kutoka katika vyombo vyao.

Wakufunzi wa semina hiyo watakuwa waandishi wa habari wakongwe, walimu wa uandishi wa habari na wataalamu wa michezo mbalimbali nchini. Jumatano Machi 18 TASWA itatangaza mdhamini wa mafunzo ya Dar es Salaam pamoja na majina ya washiriki.

 Awamu ya pili pia itafanyika Dar es Salaamwaandamizi ikihusisha waandishi wa habari za michezo wa kada ya kati 30 na waandishi wa habari waandamizi 10 na itafanyika mwanzoni mwa Mei mwaka huu.

Awamu ya tatu itahusisha waandishi wa habari za michezo waandamizi na wahariri wa habari za michezo na jumla yao itakuwa 40 na  itafanyika mkoani Mtwara Mei 29, 30 na 31 mwaka huu. TASWA ipo hatua za mwisho za mazungumzo na wadhamini wa mafunzo hayo ya Mtwara.

     B; MKUTANO MKUU

Mkutano Mkuu wa TASWA umepangwa kufanyika Julai 25 na 26 mwaka huu mkoani Morogoro, ambapo pamoja na mambo mengine utajadili Rasimu ya Katiba mpya ya chama hicho.

 

Kamati ya Utendaji ya TASWA imeteua kamati maalum ya kushughulikia katiba hiyo, ambapo hivi sasa Katibu Mkuu anawasiliana na wajumbe walioteuliwa katika kamati hiyo na baada ya wote kupewa barua na kukubali uteuzi atatangaza majina hayo.

 

C: Kamati ya Faraja

 

Kikao kilikubaliana kuwa iundwe Kamati ya Faraja kwa ajili ya kuwafariji wanachama wake kutokana na matukio mbalimbali yanayowakuta ikiwemo ugonjwa.

Uamuzi huo umechukuliwa kwa nia ya kuhakikisha waandishi wa habari za michezo wanakuwa wamoja kwa shida na raha kwa vile wamekuwa kama ndugu.

Kwa kuanzia TASWA inawaomba wadau wote kushirikiana na kamati hiyo ambayo jukumu lake la kwanza itakuwa kumsaidia mwandishi mkongwe nchini, Masoud Sanani, ambaye waandishi wengi kwa namna mbalimbali wamepita mikononi mwake.

Sanan hivi sasa ni mgonjwa kwa zaidi ya mwaka mmoja na yupo kwao Zanzibar, ambapo juzi niliwasiliana naye na amesema afya yake inazidi kuimarika siku hadi siku.

Kutokana na hali hiyo TASWA kwa kushirikiana na kamati hiyo imepanga kwenda kumjulia hali Jumapili Machi 22 mwaka huu.Tunaomba wadau waipe ushirikiano kamati yetu.

Walioteuliwa katika kamati hiyo na nafasi zao kwenye mabano ni Angela Msangi (Mwenyekiti), Majuto Omary (Katibu), Zena Chande (Mhazini),  Asha Kigundula, Isakwisa Mwaifuge  na Elias Kambili (Wajumbe).

 

D;MEDIA DAY

Maandalizi kuhusiana na bonanza kwa wanahabari yanaendelea na matumaini ni kuwa litafanyika Aprili 25 mwaka huu jijini Dar es Salaam kama ilivyopangwa.

 

E;MSIBA WA KOCHA MARSH

TASWA imepokea kwa masikitiko taarifa ya kifo cha aliyepata kuwa Kocha Msaidizi wa timu ya Taifa ‘Taifa Stars’, Sylivestre Marsh, hivyo inatoa pole kwa familia na wanamichezo wote hapa nchini katika kuomboleza kifo cha kocha huyo.

 Marsh atakumbukwa na waandishi wa habari za michezo kutokana na ukaribu wake na alikuwa na ushirikiano wa kutosha pale alipoombwa kufanya hivyo.

MASHINDANO YA NSSF MEDIA CUP 2015 YAFUNGULIWA

 Naibu Waziri wa Kazi na Ajira, Dk. Makongoro Mahanga akipiga mpira kuashiria ufunguzi wa mashindano ya NSSF Media Cup 2015, yaliyoanza kulindima katika viwanja vya Sigara, Chang’ombe Dar es Salaam leo asubuhi.

  Naibu Waziri wa Kazi na Ajira, Dk. Makongoro Mahanga akihutubia baada ya kufungua mashindano hayo.

 Naibu Waziri wa Kazi na Ajira, Dk. Makongoro Mahanga (katikati), akiwa meza kuu na viongozi mbalimbali waliohudhuria ufunguzi wa mashindano hayo. Kutoka kulia ni Mkuu wa Idara ya Masoko na Uhusiano wa NSSF, Eunice Chiume, Kaimu Mkurugenzi Mkuu wa NSSF,Ludovick Mrosso, Mwenyekiti wa Bodi ya Wadhamini NSSF, Abubakar Rajab, Mkurugenzi Rasilimali Watu, Chiku Matessa na Mkurugenzi wa Uthamini na Usimamizi wa Hadhara, Sadi Shemliwa.

 Kikosi cha Timu ya Free Media kilichofungua mashindano hayo kwa kucheza na Shirika la Utangazaji Tanzania TBC.

 Kikosi cha Shirika la Utangazaji Tanzania TBC kilichomenyana na Free Media na kuibuka washindi wa bao 1-0 na kuendelea na mashindano hayo.

 wadau wa michezo wakifuatilia mashindano hayo.

 Naibu Waziri wa Kazi na Ajira, Dk. Makongoro Mahanga (katikati), akiwasalimia wachezaji wa timu ya Netball ya NSSF.

 Wachezaji wa timu ya Netball ya NSSF wakimsikiliza mgeni rasmi Naibu Waziri wa Kazi na Ajira, Makongoro Mahanga.

Mchezaji wa timu ya Free Media, Moses Magwai (kushoto), akimtoka Shaban Kassim wa TBC wakati wakimenyana leo viwanja vya Sigara jijini Dar es Salaam.

NHIF KUPIMA AFYA NA KUKUSANYA DAMU KWA USHIRIKIANO WA MPANGO WA TAIFA WA DAMU SALAMA KATIKA MIKOA SITA

Kaimu Mkurugenzi Mkuu wa Mfuko wa Taifa wa Bima ya Afya (NHIF), Michael Mhando akizungumza na Waandishi wa habari Dar es Salaam jana kuhusiana na zoezi la upimaji afya na kukusanya damu salama kwa ushirikiano na Mpango wa damu salama katika mikoa sita nchini.

Kaimu Mkurugenzi Mkuu wa Mfuko wa Taifa wa Bima ya Afya (NHIF), Michael Mhando akizungumza na Waandishi wa habari Dar es Salaam jana kuhusiana na zoezi la upimaji afya na kukusanya damu salama kwa ushirikiano na Mpango wa damu salama katika mikoa sita nchini. Kushoto ni Afisa Uhusiano wa Mpango wa taifa wa Damu Salama, Rajab Mwenda.

Kaimu Mkurugenzi Mkuu wa Mfuko wa Taifa wa Bima ya Afya (NHIF), Michael Mhando akizungumza na Waandishi wa habari Dar es Salaam jana kuhusiana na zoezi la upimaji afya na kukusanya damu salama kwa ushirikiano na Mpango wa damu salama katika mikoa sita nchini. Kushoto ni Afisa Uhusiano wa Mpango wa taifa wa Damu Salama, Rajab Mwenda na kulia ni Mkurugenzi wa Rasilami watu na Utawalawa wa NHIF, Beatus Chijumba.

Baadhi ya maofisa wa NHIF walioshiriki mkutano huo na waandishi wa habari wakifuatilia kwa makini.

MOTO WATEKETEZA HOSTELI ZA MABIBO

Taarifa zilizo tufikia muda huu kuwa moja ya bweni la hostel ya mabibo inateketea kwa moto, hadi sasa hakuna mtu aliye dhurika na moto huo na jitihada za kuuzima moto huo zinaendelea.

chanzo cha moto huo mpaka sasa haujafahamika.

baadhi ya wanafunzi wakiwa katika pirika za kuokoa baadhi ya vitu vilivyomo ndani ya jengo hilo.

Muonekano wa moto huo 

Je,wakati umefika kwa vyama vya upinzani kuchukua madaraka?.

ANGALIA MAISHA YA MTU MWENYE KUWA NA HURUMA: JE NA WEWE UNAWEZA KUWA NA MOYO KAMA HUO?

The creative nature of man to build something useful and harmless for us to use is simply awesome.

Mwarobaini wa utoroshwaji wa madini ya tanzanite nchini kupatikana

Kamishna wa Madini Nchini Mhandisi Paul Masanja (kushoto) akielezea mikakati iliyowekwa na Serikali katika kuimarisha ulinzi katika machimbo ya Mirerani mbele ya Kamati ya kudumu ya Bunge ya Nishati na Madini (hawapo pichani). Kamati hiyo ilikutana na watendaji kutoka Wizara ya Nishati na Madini, Shirika la Madini la Taifa (STAMICO), Wakala wa Ukaguzi wa Madini Nchini (TMAA) na Mamlaka ya Udhibiti wa Huduma za Nishati na Maji (EWURA) jijini Arusha, ili kupokea taarifa za utekelezaji wa miradi na kutoa maazimio.

Wajumbe wa Kamati ya Kudumu ya Bunge ya Nishati na Madini wakifuatilia kwa makini taarifa iliyokuwa inasomwa na Kamishna wa Madini Nchini Mhandisi Paul Masanja (hayupo pichani)

Mjumbe wa Kamati ya Kudumu ya Bunge ya Nishati na Madini ambaye ni Mbunge wa Singida (Viti Maalum) Martha Malata akisisitiza jambo katika kikao hicho.

…………………………………………………………………………….

Na Greyson Mwase, Arusha

Kamishna wa Madini Nchini Mhandisi Paul Masanja amesema kuwa Serikali imejipanga kuimarisha ulinzi ndani ya machimbo ya tanzanite ya Mirerani yaliyopo katika wilaya ya Simanjiro, mkoani Manyara Mhandisi Masanja aliyasema hayo mbele ya Kamati ya Kudumu ya Bunge ya Nishati na Madini kwenye kikao chake na watendaji wa Wizara ya Nishati na Madini wanaosimamia sekta za madini kilichofanyika jijini Arusha jana. Kamati ya Kudumu ya Bunge ya Nishati na Madini ipo mkoani Arusha kwa ajili ya kutembelea miradi mbalimbali ya umeme pamoja na kuzungumza na watendaji. Aidha kamati hiyo, ilikutana na watendaji kutoka Shirika la Umeme Nchini (TANESCO), Shirika la Madini la Taifa (STAMICO) Wakala wa Ukaguzi wa Madini Nchini (TMAA) na Wakala wa Udhibiti wa Huduma za Nishati na Maji (EWURA) kwa ajili ya kupokea taarifa mbalimbali za utekelezaji wa miradi na kutoa maazimio na mapendekezo mbalimbambali. Mhandisi Masanja alisema kuwa Serikali ilijenga uzio wenye urefu wa kilomita 10 kwa gharama ya shilingi milioni 300 na kuongeza kuwa bado serikali ina mpango wa kujenga vibanda kwa ajili ya walinzi ili kupunguza wachimbaji haramu kuingia ndani ya maeneo ya uchimbaji wa madini hayo na kutoroka na tanzanite. Alisema pamoja na kuimarisha ulinzi kwenye maeneo ya mgodi, Serikali imepanga kujenga kituo kikubwa kwa ajili ya biashara ya madini aina ya vito kitakachojulikana kwa jina la “Madini House” ambapo kutafanyika biashara ya madini hali itakayopunguza utoroshwaji wa madini yanayopelekwa nje ya nchi. Aliongeza kuwa uanzishwaji wa kamati ya usalama kwa kushirikiana na mkuu wa wilaya, kituo cha polisi umechangia kuimarishwa kwa ulinzi katika eneo la mgodi na kusisitiza kuwa bado serikali inabuni njia nyinyine zaidi za kisasa kwa ajili ya kudhibiti utoroshwaji wa madini ya tanzanite nje ya nchi. Akielezea changamoto katika eneo ya Mirerani Mhandisi Masanja alisema kumekuwepo na migogoro ya wachimbaji wenyewe kwa wenyewe kugombea ardhi na kutokuzingatia sheria na kanuni za uchimbaji madini hali inayopelekea ajali za mara kwa mara mgodini. “ Kule kwenye eneo la mgodi kuna uchimbaji hatari unaofanyika chini kwa chini ambapo wamejiwekea utaratibu wa kuwa, mchimbaji anapokutana na mwenzake kwenye mkondo wa madini chini ya ardhi, anatakiwa kurudi nyuma hatua kumi lakini bado kumekuwepo na changamoto ya wachimbaji kuvamia maeneo wanayohisi madini yapo bila kuzingatia kanuni za uchimbaji madini,” alisisitiza Mhandisi Masanja Aliongeza kuwa changamoto nyingine ni pamoja na maeneo ya uchimbaji kuwa madogo na kuongeza kuwa ili kukabiliana na changamoto ya migogoro aliwashauri wachimbaji wadogo kuunda umoja kwa kuunganisha maeneo yao na kuomba leseni ya pamoja hali itakayowaongezea kipato huku ikipunguza migogoro isiyo ya lazima. “ Kwa mfano iwapo wachimbaji wataungana ya kuomba leseni ya pamoja na kuchimba madini, kila mchimbaji ana uhakika wa kupata faida ya shilingi milioni 500 kwa mwaka,” alisema Mahandisi Masanja Wakichangia kwa nyakati tofauti wajumbe kutoka Kamati ya Kudumu ya Bunge ya Nishati na Madini waliitaka Serikali kuongeza juhudi zaidi katika usimamizi wa sekta ya madini ikiwa ni pamoja na suala la ulinzi kwenye migodi hususan katika eneo la Mirerani Akichangia hoja katika kikao hicho mjumbe wa Kamati ya Kudumu ya Bunge ya Nishati na Madini ambaye ni Mbunge wa Singida (Viti Maalum) Martha Mlata alisema kuwa mbali na kuimarisha ulinzi katika eneo la Mirerani kwa kuweka uzio na vibanda kwa ajili ya walinzi, vitambulisho kwa ajili ya wachimbaji wa mgodini vinatakiwa kutengenezwa vikiwa na majina ya makampuni yanayochimba madini. Alisema kufanya hivyo, kutapunguza wimbi la wachimbaji haramu na wahamiaji wanaoingia katika maeneo hayo na kutoroka na madini hayo. Mlata alisisitiza kuwa makampuni yanayoshindwa kulipa kodi kwa kisingizio cha kupata hasara yasivumiliwe kamwe , ikiwezekana yanyang’anywe leseni za madini. Naye Mwenyekiti wa Kamati hiyo, Richard Ndassa alisema kuwa muarobaini wa utoroshwaji wa madini ya tanzanite unaweza kupatikana kwa kujenga ukuta mkubwa imara na kuitaka Serikali kuwa na mikakati zaidi kwa ajili ya kuimarisha ulinzi katika eneo la Mirerani. Ndassa alisema kuwa suala la usimamizi wa sekta ya madini halihitaji siasa, na kuwataka wajumbe wa kamati hiyo kuwa wazalendo badala ya kuweka siasa zaidi kwenye usimamizi wa sekta ya madini. “Madini ya tanzanite yanapatikana Tanzania pekee duniani, hivyo ni vyema kuhakikisha madini haya yanalindwa kwa nguvu zote pamoja na usimamizi wake bila kuongozwa na siasa,” alisema Ndassa

Wizara ya vipatia vijiji 10 umeme jua katika Wilaya za Kongwa

Baadhi ya watalaam kutoka Kampuni ya Elektro Merl ya nchini Austria ambao walileta na kufunga makontena ya umeme wa jua pamoja na mfumo wa usambazaji umeme kwa vijiji 10 vilivyo mbali na gridi ya taifa, pamoja na baadhi ya wataalam kutoka Wizara ya Nishati na Madini, wakikagua moja ya makontena ya umeme wa jua katika Kijiji cha Lobilo, wilaya ya Kongwa, mkoani Dodoma hivi karibuni.

Makontena ya umeme wa jua yaliyopo katika Vijiji vya Lobilo na Silale, Wilaya ya Kongwa mkoani Dodoma. Makontena haya ni sehemu ya Mradi unaotekelezwa na Serikali kupitia Wizara ya Nishati na Madini, ambapo upo katika hatua ya majaribio na unalenga kuvipatia umeme vijiji vilivyo mbali na mfumo wa gridi ya Taifa.

Baadhi ya nyumba za wananchi katika Vijiji vya Lobilo na Silale, wilayani Kongwa, mkoa wa Dodoma, zilizounganishiwa huduma ya umeme wa jua kupitia makontena maalum.

…………………………………

 Na Veronica Simba – Dodoma

Jumla ya Vijiji 10 katika Wilaya za Kongwa, Mlele na Uyui vimeunganishiwa umeme kupitia Mradi wa makontena ya kuzalisha umeme kutokana na jua. Mradi huo unatekelezwa na Serikali kupitia Wizara ya Nishati na Madini, ambapo upo katika hatua ya majaribio na unalenga kuvipatia umeme vijiji vilivyo mbali na mfumo wa gridi ya Taifa. Wizara ya Nishati na Madini wiki hii, ilisaini makubaliano ya kukamilika kwa awamu ya kwanza ya Mradi na Kampuni ya Elektro-Merl ya nchini Austria ambayo ndiyo ilileta na kufunga makontena 14 ya umeme wa jua pamoja na mfumo wa usambazaji umeme kwa nyumba zilizoko katika vijiji husika. Akizungumza mara baada ya kusaini makubaliano hayo, Mwakilishi kutoka Wizara ya Nishati na Madini, Mhandisi Styden Rwebangira alisema wananchi waliounganishiwa umeme huo wa jua, watapata huduma hiyo bure kwa kipindi cha miaka miwili ya mwanzo ambayo ni ya matazamio. Alisema kuwa, baada ya miaka miwili, kuanzia tarehe waliyosaini makubaliano, wananchi wa vijiji husika wataanza kuchangia fedha kidogo kwa ajili ya ununuzi wa vifaa mbalimbali kama betri na paneli vinavyotumika katika mradi huo, ambavyo vina ukomo wa kutumika. “Vifaa hivi vina gharama kubwa sana, hivyo inabidi kuwa na utaratibu wa kukusanya fedha za kutosha ili kuweza kununua vifaa vingine pindi vilivyopo vinapofikia ukomo wake wa kutumika. Hivyo kila mwananchi anayetumia huduma hii inabidi achangie gharama,” alisema Mhandisi Rwebangira. Aidha, aliongeza kuwa, ili kuhakikisha mradi unatoa matokeo yaliyotarajiwa, inabidi uendeshwe na mtu au kampuni yenye utaalamu wa masuala ya umeme, mitambo ya umeme jua pamoja na uzoefu na ufahamu wa kutosha kuhusu mitambo ya aina hiyo. “Hivyo, kila baada ya miaka miwili, ukiacha kipindi cha majaribio ambapo mradi utakuwa chini ya Wizara, atachaguliwa mtaalamu au kampuni kupitia njia ya ushindani ambaye atalipwa kwa utaratibu utakaokubaliwa katika mkataba,” alisema Rwebangira. Kwa upande wake, Ofisa wa Wizara aliyefika kushuhudia utiaji saini makubaliano ya kukamilika kwa awamu ya kwanza ya mradi, Paul Kiwele alisema Wizara ilifanya tathmini ya kuchagua vijiji kwa ajili ya majaribio ya mradi huo ambapo vigezo mbalimbali vilitumika. Kiwele alivitaja vigezo hivyo kuwa ni pamoja na Kijiji husika kuwa mbali na gridi ya Taifa, kutokuwa katika mpango wa kufikiwa na miradi ya umeme ya Wakala wa Nishati Vijijini (REA) na Shirika la Umeme Tanzania (Tanesco) hivi karibuni. Alitaja vigezo vingine kuwa ni nyumba za Kijiji husika kuwa karibu pamoja na uwepo wa matumizi ya kiwango cha umeme utakaozalishwa. “Aidha, kwa kuwa mradi huu ni wa majaribio, ililengwa kupata mikoa mitatu tofauti ili uzoefu utakaopatikana utumike katika uendelezaji teknolojia hii katika maeneo mengine ya nchi,” alisema. Naye, Mtaalam kutoka Kampuni ya Elektro Merl, Mhandisi Hannes Merl akizungumzia mkataba uliosainiwa na Wizara pamoja na Kampuni yake, Januari mwaka jana kuhusu utekelezaji wa mradi husika, alisema mbali na kufunga makontena 14 ya umeme wa jua pamoja na mfumo wa usambazaji umeme, mkataba pia ulihusisha ufungaji wa waya, taa, swichi na soketi moja kwa kila nyumba iliyofikiwa. Mhandisi Merl alisema kila kontena lina uwezo wa kuzalisha kWp 13.75 ambapo kila nyumba ya makazi na huduma za biashara zimetengewa W 250 na taasisi za kijamii zimetengewa W 500. Aliongeza kuwa, wananchi wanaweza kuunganisha mashine ndogo ndogo za kusaga, kuchomelea, kuranda na kuchana mbao pamoja na nyinginezo kutoka katika makontena hayo hivyo kunufaika na shughuli za kiuchumi. Pia, Mhandisi Merl alisema mradi umetoa jokofu kwa kila zahanati na vituo vya afya vilivyopo katika vijiji vinavyonufaika na mradi huu. Aidha, alisema kuwa mradi umefunga taa za mitaani kwa kila kijiji kitakachonufaika na mradi husika. Kwa upande wao, baadhi ya wananchi katika vijiji vilivyonufaika na mradi huo wa makontena ya umeme wa jua, waliishukuru na kuipongeza Serikali kwa wazo zuri la kuwapelekea wananchi hao umeme wa jua ili nao waweze kunufaika kwa namna mbalimbali kutokana na uwepo wa nishati hiyo muhimu. “Ninaishukuru sana Wizara ya Nishati na Madini kuona matatizo yetu na kusikia kilio chetu. Imekuwa kama ndoto. Umeme huu umeniwezesha kuendesha biashara ya saluni kwa njia ya kisasa kabisa. Situmii tena Mkasi kunyoa wateja wangu kama hapo awali. Sasa ninatumia mashine za kunyolea na ninapata wateja wengi, hivyo kuboresha kipato changu na maisha yangu kwa ujumla,” alisema Lazaro Kutamika, mkazi wa Kijiji cha Lobilo, Wilaya ya Kongwa, mkoani Dodoma. Wizara ya Nishati na Madini imekuwa ikitumia mbinu mbalimbali katika jitihada za kuwafikishia wananchi huduma ya umeme. Kwa kupitia mradi huo wa makontena ya kuzalisha umeme kutokana na jua, Serikali inafanya majaribio ya kuvipatia umeme vijiji vilivyo mbali na mfumo wa gridi ya Taifa kwa kutumia teknolojia husika. Vijiji vilivyonufaika na mradi huo kwa awamu ya kwanza ni pamoja na Lobilo, Leganga, Ngutoto na Silale vya mkoa wa Dodoma. Vingine ni Tura, Loya na Lutende vilivyoko mkoa wa Tabora. Aidha, kwa mkoa wa Katavi, vijiji vilivyonufaika ni Nsenkwa, Mapili na Ilunde.

ZIARA YA WAZIRI WA ARDHI MWANZA KUTATUA MIGOGORO YA ARDHI

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akisikiliza maelezo kutoka kwa Mh. Jaji Mfawidhi Makalamba alipokutana naye ofisini kwa Jaji huyo Jijini Mwanza ili kupata namna bora ambayo mhimili wa mahakama unaweza kusaidia kutatua migogoro ya ardhi nchini. Waziri Lukuvi yupo katika ziara ya kikazi Mkoani Mwanza yenye nia ya kusikiliza na kutatua migogoro ya ardhi.

Mh. Waziri William Lukuvi akizungumza na watendaji wa ardhi na Mipango Miji pamoja na Kamati ya Ulinzi na Usalama ya Mkoa wa Mwanza(hawapo pichani) akisisitiza kufuata maadili na kutenda haki katika kusimamia ardhi ambayo ni rasilimali kubwa kwa kila mwananchi.

 

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akisiliza maelezo ya Mwenyekiti wa Baraza la Ardhi kanda ya ziwa Bw.James Silas (hayupo pichani) alipotembelea Baraza hilo jana kuona namna wanavyoshughulikia mashauri ya ardhi na kutoa haki kwa wananchi.

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akimkabidhi Mwenyekiti wa Baraza la Ardhi kanda ya ziwa Bw.James Silasshilingi milioni moja(1000,000/=) ili kununua karatasi za kuwezesha utoaji wa hukumu za wananchi zinazohusu kesi za ardhi.

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akiwasalimia Viongozi wa Halmashauri ya Wilaya ya Ilemela alipowasili katika Halmashauri hiyo kukagua shughuli za ardhi na kusiliza moja kwa moja malalamiko ya wananchi na kutatua kero zao.

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akikagua utendaji wa watumishi wa Mipango Miji na Ardhi Wilayani Ilemela. Katika ukaguzi wa ghafla alioufanya katika masijala hiyo, Waziri Lukuvi aligundua mafaili kutofanyiwa kazi ipasavyo na watendaji hao hivyo kuwafanya baadhi ya wananchi kutopata haki zao kwa mika takribani 21.

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akitoa maelezo ya awali kwa wananchi wa Wilaya ya Ilemela (hawapo pichani) waliofika kueleza kero zao. Katika mkutano huo Waziri alisisitiza Maafisa Ardhi na Mipango Miji kufanya kazi kwa kufuata maadili na haki ili kuwaondolea wananchi wanyonge kero za ardhi.

Mmoja wa wananchi takribani 60 waliofika na kuwasilisha malalamiko ya kunyimwa haki ya ardhi na watendaji wa ardhi na mipango miji Wilayani Ilemela kwa Waziri wa Ardhi, Nyumba na Maendeleo ya Makazi Mh. Willian Vangimembe Lukuvi jana.

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akipokea rundo la malalamiko ya wananchikutoka kwa Wenyeviti wa Mitaa yahusuyo ardhi alipotembelea Halmashauri ya Wilaya ya Ilemela Mwanza jana. Waziri Lukuvi kesho atakutana na wananchi wengine katika Halmashauri ya Jiji la Mwanza ili kusikiliza kero zao.

Mkuu wa Mkoa wa Mwanza Mh. Magesa Mulongo akitoa maelezo ya hali ya migogoro ya Ardhi iliyopo Mkoani Mwanza kwa Waziri wa Ardhi, Nyumba na Maendeleo ya Makazi Mh. Willian Vangimembe Lukuvi alipokutana na Kamati ya Ulinzi na Usalama ya Mkoa katika ziara yake Mkoani Mwanza.

Waziri wa Ardhi, Nyumba na Maendeleo ya Makazi Mh. Willian Vangimembe Lukuvi akiwa katika picha ya pamoja na Jaji Mfawidhi wa Mahakama Jijini Mwanza Mh. Makaramba na watendaji wa sekta ya ardhi na mahakama alipomaliza mazungumzo na Jaji huyo jana.

Picha na Muungano Saguya- Mwanza

WATU WATATU WAFARIKI DUNIA BAADA YA KUANGUKIWA NA KIFUSI WAKIWA KATIKA SHUGHULI ZA UCHIMBAJI MADINI.

MTU MMOJA AFARIKI DUNIA KATIKA AJALI YA BARABARANI JIJINI MBEYA. WATU WAWILI WANASHIKILIWA NA JESHI LA POLISI MKOA WA MBEYA WAKIWA NA KETE ZA BHANGI.

KATIKA TUKIO LA KWANZA:

WATU WATATU WALIOFAHAMIKA KWA MAJINA YA 1. VICTOR SANGA (26) MKAZI WA MBEYA 2. AMEFAHAMIKA KWA JINA MOJA LA SHETA UMRI KATI YA MIAKA 30-35 NA 3. HAJAFAHAMIKA JINA WALA MAKAZI, JINSI YA KIUME, UMRI KATI YA MIAKA 30-35, WOTE WACHIMBAJI WADOGOWADOGO WA MADINI/DHAHABU WALIKUTWA WAMEKUFA KWENYE SHIMO LENYE UREFU WA FUTI 50 WALIMOKUWA WAKICHIMBA DHAHABU BAAD YA KUANGUKIWA NA KIFUSI.

TUKIO HILO LIMETOKEA MNAMO TAREHE 11.03.2015 MAJIRA YA SAA 19:15 JIONI HUKO KATIKA KITONGOJI CHA MAWOWO, KIJIJI CHA PATAMELA, KATA YA SAZA, TARAFA YA KWIMBA, WILAYA YA CHUNYA, MKOA WA MBEYA. INADAIWA KUWA CHANZO TUKIO HILO NI BAADA YA KUTA ZA SHIMO KULOA MAJI NA KUKOSA UIMARA NA KISHA KUPOROMOKA.

MIILI YA MAREHEMU IMEHIFADHIWA HOSPITALI YA MWAMBANI CHUNYA. UPELELEZI ZAIDI WA TUKIO HILI UNAENDELEA.

KATIKA TUKIO LA PILI:

MTU MMOJA ALIYEFAHAMIKA KWA JINA LA STEWARD MANDRAS (55) MKAZI WA UYOLE ALIFARIKI DUNIA PAPO HAPO BAADA YA KUGONGWA NA GARI LISILOFAHAMIKA LILILOKUWA LIKIENDESHWA NA DEREVA ASIYEFAHAMIKA.

TUKIO HILO LIMETOKEA MNAMO TAREHE 11.03.2015 MAJIRA YA SAA 19:10 JIONI HUKO ENEO LA SIJABAJE-UYOLE, KATA YA IGAWILO, TARAFA YA IYUNGA, JIJI NA MKOA WA MBEYA. CHANZO CHA AJALI KINACHUNGUZWA. MWILI WA MAREHEMU UMEHIFADHIWA HOSPITALI YA RUFAA MBEYA. DEREVA ALIKIMBIA NA GARI MARA BAADA YA TUKIO, JITIHADA ZA KUMTAFUTA ZINAENDELEA.

TAARIFA ZA MISAKO:

WATU WAWILI WALIOFAHAMIKA KWA MAJINA YA 1. DIAMUND MANYERERE (24) MKAZI WA MOPOROMOKO NA 2. REMSI BUNGE (20) MKAZI WA MAKAMBINI WILAYANI MOMBA WANASHIKILIWA NA JESHI LA POLISI MKOA WA MBEYA WAKIWA NA BHANGI KETE 03 SAWA NA UZITO WA GRAM 15.

WATUHUMIWA WALIKAMATWA KATIKA MSAKO ULIOFANYIKA MNAMO TAREHE 11.03.2015 MAJIRA YA SAA 08:00 ASUBUHI HUKO KATIKA MSITU WA IDARA YA MAJI, KATA NA TARAFA YA TUNDUMA, WILAYA YA MOMBA, MKOA WA MBEYA. TARATIBU ZA KUWAFIKISHA MAHAKAMANI ZINAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WACHIMBAJI MADINI KUWA MAKINI HASA KATIKA KIPINDI HIKI CHA MVUA ZINAZOENDELEA KUNYESHA KWA KUCHUKUA TAHADHARI ILI KUEPUKA MADHARA YANAYOWEZA KUEPUKIKA. AIDHA ANATOA WITO KWA YEYOTE MWENYE TAARIFA ZA MAHALI ALIPO DEREVA ALIYESABABISHA KIFO NA KISHA KUKIMBIA AZITOE ILI AKAMATWE NA HATUA ZA KISHERIA ZICHUKULIWE DHIDI YAKE.

Imesainiwa na: [AHMED Z. MSANGI – SACP] KAMANDA WA POLISI MKOA WA MBEYA.

UWT MERU WACHANGA MILIONI 17 KWA AJILI YA UNUNUZI GARI

Na Gladness Mushi, Arusha

…………………………………………

UMOJA wa wanawake wa chama cha mapinduzi Meru(UWT) umefanikiwa kuchanga kiasi cha Milioni kumi na saba  kwa ajili ya kuweza kuendesha miradi mbalimbali ambayo itaweza kuwanufaisha wanananchi zaidi na hivyo kuinua uchumi wa Meru

Hataivyo fedha hizo zitatumikia kununulia gari aina ya Noah ambalo litatumika kama mradi wa  wananwake hao hasa pale ambapo wanahitaji usafiri kwa ajili ya kuendeleza shuguli zao za uchumi

 =Akiongea katika harambee hiyo mgeni rasmi ambaye ni mjumbe wa kamati ya siasa ya mkoa wa Arusha John Palangyo alisema kuwa ili umaskini uweze kutoweka ni lazima miradi iwepo tena ya kila siku

Palangyo alisema kuwa kwa sasa msaada wa fedha wa  mara kwa mara unawweza usikidhi haja za muombaji ila kama muombaji akiwa na mradi ni raisi sana kwake kuweza kupambana na hali duni ya maisha

Kutokama na hilo john aliwataka kina mama hao kuweza kuwa wabunifu na kisha kubuni miradi ambayo itaweza kuwasaidia hata kina mama wengine kwani uwezo huo upo kabisa kwani Meru ina fursa nyingi sana.

“mlichokifanya leo ni kumeza kidonge kichungu sana cha kujifunga na kisha kuchanga mpaka hapa mlipofika ila bado mnachangamoto ya kuendelea kuwa wabunifu hata zaidi ya hapa na kisha mtushirikishe ili tuweze kupambana na umaskini wote kwa pamoja”aliongeza John

Katika hatua nyingine John aliwataka wanawake hao kuhakikisha kuwa wanakuwa kitu kimoja na kulijenga taifa la Tanzania kwani nafasi ambayo wanayo kwenye jamii ni kubwa sana hasa kama watashirikiana na kuwa kitu kimoja.

“nipende kuwaaambia UWT Meru kuwa ninyi ni jeshi kubwa na mna uwezo mkubwa sana wa kufanya hii jamii yetu ikawa kitu kimoja na tunatakiwa turuke kama ndege wanaofanana kwa kila kitu embu sasa kila mama asimame kwenye nafasi yake kaunzia sasa tuweze kujikomboa “aliongeza John

Awali mwenyekiti wa Umoja huo Bibi Anna nanyaro alitumia nafasi hiyo kuwaambia wanawake kuwa wana haki ya kujiandikisha kwenye daftari la wapiga kura na kamwe wasipotoshwe na baadhi ya watu ambao hawana mapenzi mema na nchi

Anna alisema kuwa tayari wana mikakati mbalimbali ya kuweza kutoa elimu kwa wananachi juu ya umuhimu wa kujiandikisha, na hata kupiga kura kwani kwa sasa wapo baadhi ya wanasiasa ambao wanatumia nafasi zao kupotosha maana halisi ya katiba lakini hata zoezi la upigaji wa kura.

Mgodi wa Dhahabu Chunya wahesabiwa siku

Na Victor Mariki – Ofisi ya Makamu wa Rais.

……………………………………………

Baraza la Taifa la Hifadhi naUsimamizi wa Mazingira na Wataalam wa Mazingira wameagizwa kutoa elimu ya mazingira kwa wawekezaji wa Mgodi wa Dhahabu wa Sunshine uliyopo Wilaya ya Chunya mkoani Mbeya . Agizo hilo limetolewa na Waziri wa Nchi Ofisi ya Makamu wa Rais Mazingira, Injinia Binilith Mahenge jana alipotembelea machimbo ya Mgodi huo nakubaini kuwa unaendeshwa bila kuzingatia Kanuni za Mazingira. Katika ziara hiyo Mh. Mahenge alibaini kuwa mgodi huo hauna mtambo wa kutibu maji-taka yake kabla ya kuyatiririsha katika mazingira pia bwawa linalotumika kuhifadhi maji-taka hayo halikidhi viwango vya Kanuni za Mazingira pamoja na kuzibwa kwa mfereji wa asili hivyo kuzuia mkondo wa mvua. Kutokana na hali hiyo, Waziri Mahenge alitoa siku 30 kwa wataalam wake kuwapatia elimu ya Kanuni za Mazingira wawekezaji wa Mgodi wa Sunshine ikiwa ni pamoja na kuwataka wawekezaji hao kutekeleza kanuni hizo ndani ya siku 30 kuanzia jana. Wakati huo huo Mh. Mahenge alitembelea Machimbo ya Dhaabu ya Mek na Mgodi wa Shanta Wilayani Chunya ambapo Wataalam wake Mazingira walibainisha kuwa wawekezaji wa migodi hiyo wametiza kanuni za mazingira. Sanjari na hayo Injiania Mahenge alikutana na Watendaji wa Halmashauri ya Chunya na kukabidhiwa Mapendekezo ya Mradi Maalumu wa kulinusuru Ziwa Rukwa ili lisitoweke kutokana na kilimo holela, uchimbaji wa madini na utirirshwaji wa maji-taka kwenye vyanzo vya Ziwa hilo. Katika makabidhiano ya Mapendekezo hayo Mh. Mahenge aliwaahidi Watendaji wa Halmashauri ya Chunya kuwa atayafanyia kazi Mapendekezo yao lakini pia aliwaomba na wao kuishauri Wilaya waingize Mazingira katika bajeti zao .

Kikao cha Kamati cha wasilisha hesabu za Shirika la Umeme la Tanzania (Tanesco)

 

Mwenyekiti wa kamati ya kudumu ya Bunge ya Hesabu za Serikali (PAC),Mhe. Zitto Kabwe akiongoza kikao cha kamati hiyo jijini Dar es Salaam wakati wa uwasilishi wa hesabu za Shirika la Umeme la Tanzania (Tanesco) lilipowasilisha ,kulia ni Mbunge wa Tabora Mjini Ismail Aden Rage.

Mwenyekiti wa Bodi ya Tanesco, Dk. Mighanda Manyihi akijitambulisha kwa wajumbe kamati ya kudumu ya Bunge ya Hesabu za Serikali (PAC) katika kikao cha kuwasilisha hesabu za shirika hilo kilichofanyika jijini Dar es Salaam,kulia kwake ni Mkurugenzi Mtendaji wa Tanesco Mhandisi. Felchesmi Mramba.

Mkurugenzi Mtendaji wa Tanesco Mhandisi. Felchesmi Mramba, akijitambulisha kwa wajumbe kamati ya kudumu ya Bunge ya Hesabu za Serikali (PAC) katika kikao cha kuwasilisha hesabu za shirika hilo kilichofanyika jijini Dar es Salaam, kushoto ni Mwenyekiti wa Bodi ya Tanesco, Dk. Mighanda Manyihi.

Wajumbe wa kamati ya kudumu ya Bunge ya Hesabu za Serikali (PAC) kutoka Sudani Kusini wakifuatilia utendaji kazi wa kamati ya kudumu ya Bunge ya Hesabu za Serikali (PAC) kwa upande wa Tanzania, katika kikao kilichofanyika jijini Dar es Salaam, ambapo Shirika la Umeme Tanzania (Tanesco)liliwasilisha ripoti ya hesabu zake. ( Picha na Lorietha Laurence-Maelezo)

Mkurugenzi Mtendaji wa Tanesco Mhandisi. Felchesmi Mramba, akiwasilisha ripoti ya hesabu za shirika hilo kwa wajumbe kamati ya kudumu ya Bunge ya Hesabu za Serikali (PAC) katika kikao cha kilichofanyika jijini Dar es Salaam, kushoto ni Mwenyekiti wa Bodi ya Tanesco, Dk. Mighanda Manyihi.

LEADING TEA PACKING COMPANY PROMISES GREAT TEA

…………………………………………………………………………….

CHAI BORA the leading Tea packing company in Tanzania, with over 300 employee operating countrywide distribution from head office based in Dar-es-Salaam, Companies factory is based in Mafinga Irringa region the main Tea growing area, CHAI BORA is happy to pack the Tea growing region to keep the freshness of Taste and aroma. Company Brands are known to public, accepted with ISO quality certification and TBS standards. Company is managed by multi talent team of managers who are well experience in the region and in the Tea business. Company has also been nominated as one of the Super brands in East Africa region.

In addition to the known Tea brands such Luxury and Supreme blends, company also introduced masala Tea, Tangawizi Tea and AMOR (creamer based instant tea) Last year.

CHAI BORA is proud to introduce its instant coffee brand with the name of CAFÉ BORA into the market. Company offers café bora in sachets format and Tins of 50gram and 100gram, now available in all the supermarkets in Tanzania. Café Bora come with 100% pure instant coffee produced from the best of Robusta and Arabica coffee.

In late 2014, company acquired the DABAGA tomato sauce business based in Irringa, company is in the process of revamping and upgrading the infrastructure and arranging the business funding. Dabaga is known to Tanzanian consumers as one of the pioneering Tomato sauce business in Tanzania known for its sweet taste, use of fresh Local tomatoes helping thousands of local farmers in southern regions since early 1994. CHAI BORA is pleased to associate with Dabaga and unleash its full potential and brings products that will exceed the expectations of Tanzanian and international consumers.

Management Team of Chai Bora is energized, more than excited to service market. We are a Team with Integrity, have passion in what we do and most of all driven by the consumer expectations. We are thankful to the consumer support and trade support. Our promise is to offer consumers with Great Tea and food products in East Africa.