SIKU YA WAUGUZI, MUHIMBILI WAADHIMISHA SIKU YAO LEO.

 

Baadhi ya wauguzi wa hospitali hiyo wakifuatilia risala iliyosomwa na Mwenyekiti wa Chama Cha Wauguzi Tawi la Hospitali ya Taifa Muhimbili (MNH), Sabastian Luziga. 

PICHA NA JOHN STEPHEN, HOSPITALI YA TAIFA YA MUHIMBILI (MNH)

  Mkurugenzi wa Uuguzi na Ukunga wa Hospitali ya Taifa ya Muhimbili (MNH), Agness Mtawa akisoma kiapo kwa wauguzi katika maadhimisho ya Siku ya Wauguzi Duniani. Maadhimisho hayo yamefanyika leo katika hospitali hiyo. 

 Wauguzi wa hospitali hiyo wakila kiapo katika maazimisho ya Siku ya Wauguzi Duniani.

 Mkurugenzi wa Hospitali ya Taifa ya Muhimbili (MNH), Profesa Laurence Museru akifuatilia maazimisho ya Siku ya Waaguzi Duniani yaliofanyika leo ukumbi wa CPL kwenye hospitali hiyo.

Read more » 

===================================================== 

SIKU YA VIPIMO DUNIANI: VIJANA WA KITANZANIA WATAKIWA KUCHANGAMKIA FURSA YA MAFUNZO KATIKA FANI YA VIPIMO ILI KUKIDHI MAHITAJI YA AJIRA KWENYE VIWANDA, GESI NA MAFUTA

 

 Mkuu wa Chuo cha Elimu ya Biashara kampasi ya Dar es salaam Prof. Emanuel Mjema (kulia) akiangalia moja ya mashine ya kisasa inayotumika kufundishia wanafunzi wa Fani ya Mizani na Vipimo ndani ya karakana ya chuo hicho leo jijini Dar es salaam wakati wa maadhimisho ya Siku ya Vipimo Duniani yaliyoongozwa na kauli mbiu isemayo Vipimo katika dunia inayobadilika.

Mkufunzi wa Mizani na Vipimo wa Chuo cha Elimu ya Biashara kampasi Dar es salaam Ishigita Shunashu akitoa ufafanuzi kwa wanafunzi wa mwaka wa kwanza wanaosomea fani hiyo leo jijini Dar es salaam wakati wa maadhimisho ya Siku ya Vipimo duniani.

 Baadhi ya wanafunzi wa kike wa mwaka wa kwanza katika Fani ya Mizani na Vipimo katika Chuo cha Elimu ya Biashara Dar es salaam (CBE). wakiangalia moja mashine ya kujifunzia masomo hayo iliyofungwa ndani ya Karakana ya Idara ya Vipimo na Mizani.

Mkufunzi katika Idara ya Mizani na Vipimo ya Chuo cha Elimu ya Biashara Dar es salaam (CBE) Bi. Rabia Katula akitoa ufafanuzi kuhusu namna wanavyowajengea wanafunzi wa kuhakiki ubora wa mizani  na kushughulikia matatizo mbalimbali ya mizani.

 Mkuu wa Chuo cha Elimu ya Biashara kampasi ya Dar es salaam Prof. Emanuel Mjema (wa tatu kutoka kushoto) akiwa katika picha ya pamoja na Wakufunzi wa chuo hicho, Idara ya Vipimo na Mizani.

Mkuu wa Chuo cha Elimu ya Biashara kampasi ya Dar es salaam Prof. Emanuel Mjema (wa tatu kutoka kushoto) akiwa katika picha ya pamoja na wanafunzi wa mwaka wa kwanza wanaosomea shahada ya mizani na Vipimo.

===============================

RC. MAKONDA ATOA MSAADA WA MAGODORO SHULE YA SEKONDARI YA TAQWA JIJINI DAR LEO

Mkuu wa Mkoa wa Dar es Salaam, Paul Makonda akizungumza na wananachi wa msikiti wa Taqwa alipotembelea kwa ajili ya kuangalia athari za moto katika shule ya sekondari ya Taqwa iliyoungua juzi leo jijini Dar es Salaam.

Mkuu wa Mkoa wa Dar es Salaam, Paul Makonda akikabidhi msaada wa magodoro kwa Imamu wa Msikiti wa Taqwa Abdul Wakil kwa ajili shule ya sekondari ya Taqwa iliyopo Ilala jiji Dar es Salaam iliyoungua na Moto juzi.

========================================================

MATUKIO YA BUNGENI LEO.

Waziri wa Habari, Utamaduni, Sanaa na Michezo Mhe. Nape Nnauye (kushoto) akibadilishana mawazo na na Mbunge wa Kigoma Mjini Zitto Kabwa(kulia) jana mjini Dodoma wakati wa mapumziko ya mchana ya kikao cha Bunge.

  Afisa Habari wa Bunge la Jamhuri ya Muungano wa Tanzania Patson Sobha(aliyenyosha mkono) akitoa maelezo kwa wanachuo wa Chuo Kikuu cha Dodoma walitembelea Bunge kama sehemu ya mafunzo jana mjini Dodoma.

 Mbunge wa Jimbo la Igunga Mhe. Dkt. Dalaly Kafumu(kushoto) akibadilishana mawazo na Mbunge wa Jimbo la Simanjirio Mhe. James Ole Milya(wa pili kushoto), Mbunge wa Tarime Vijijini Mhe.John Heche(wa pili kulia) na Mbunge wa Kigoma Mjini Zitto Kabwa(kulia) jana mjini Dodoma wakati wa mapumziko ya mchana ya kikao cha Bunge.

Read more » 

=================================================== 

MAAFISA WA JESHI LA MAGEREZA 327 WA CHUO CHA MAGEREZA KIWIRA, MKOANI MBEYA WATUNUKIWA VYEO.

 

Katibu Mkuu Wizara ya Mambo ya Ndani ya Nchi, Meja Jenerali Rwegasira akiwa katika Jukwaa akipokea Salaam ya heshima kutoka kwa Gwaride Maalum lililoandaliwa na Wahitimu wa Mafunzo ya Uongozi Daraja la Pili katika sherehe za kufunga Mafunzo hayo ya Maofisa wa Jeshi la Magereza, Chuo cha Magereza Kiwira kilichopo, Rungwe Mbeya(kushoto) ni Kamishna Jenerali wa Magereza, John Casmir Minja.

Katibu Mkuu Wizara ya Mambo ya Ndani, Meja Jenerali Rwegasira akikagua moja ya Gadi ya Wanaume inayoundwa Gwaride rasmi la sherehe hizo.

Katibu Mkuu Wizara ya Mambo ya Ndani ya Nchi, Meja Jenerali Rwegasira akimvisha cheo cha Mkaguzi Msaidizi wa Magereza mmoja wa Wanafunzi Wahitimu kwa niaba ya Wahitimu wote wa Mafunzo ya Uongozi Daraja la Pili. Mwanafunzi huyo amefanya vizuri katika Mafunzo hayo.

Onesho Maalum la kujihami kutoka kwa Askari wa Jeshi la Magereza katika namna ya kupambana na adui yeyote wanapokuwa wakitekeleza majukumu yao. 

Na Lucas Mboje, Rungwe.

JUMLA ya Askari 327 wa Jeshi la Magereza, kati yao wanaume 257 na wanawake 81 wametunukiwa cheo cha Mkaguzi Msaidizi wa Magereza baada ya kuhitimu mafunzo ya Uongozi daraja la Pili kozi namba 1 katika Chuo cha Magereza Kiwira, Wilayani Rungwe Mkoa wa Mbeya.

Cheo hicho wametunukiwa na Katibu Mkuu Wizara ya Mambo ya Ndani ya nchi, Meja Jenerali Projest Rwegasira katika Sherehe za ufungaji wa mafunzo hayo zilizofanyika katika Viwanja vya Chuo hicho leo Mei 20, 2016.

Akizungumza katika sherehe hizo Meja Jenerali Rwegasira amesema Askari na Maafisa wa Jeshi la Magereza nchini wanatakiwa kufanya kazi kwa kuzingatia Haki za Binadamu na Utawala Bora kila wakati wanapotekeleza majukumu yao ya kazi.

Jenerali Rwegasira amesema Maafisa hao wahitimu wakazingatie elimu waliyopewa wakati wa mafunzo ili wakawe mfano kipindi cha utendaji kazi wao ikiwa ni pamoja na kuhamasisha na kuwaongoza wenzao ambao hawakupatiwa elimu kama yao.

Aidha, amewaasa kutowatesa Wafungwa walioko magerezani bali kuwahudumia kwa kuzingatia kanuni na taratibu za uendeshaji wa magereza kwani Wafungwa ni Binadamu kama watu wengine ispokuwa tu wameikosea jamii.

"Tuzingatie falsafa ya kwamba mfungwa yupo gerezani kwa ajili ya kutumikia adhabu na si kwa kuongezewa adhani. Kwa kufanya hivyo, Serikali yetu itakuwa inazingatia Utawala wa Sheria na hivyo kuwa Taifa linalozingatia na kuheshimu Haki za Binadamu na Utawala Bora". Alisisitiza Jenerali Rwegasira.

Akizungumza kabla ya kumkaribisha mgeni rasmi Kamishna Jenerali wa Magereza nchini, John Casmir Minja amesema kuwa changamoto nyingi ambazo kwa kiasi fulani zimeathili utekelezaji wa majukumu ya Jeshi hilo ni pamoja na ufinyu wa bajeti, makazi duni ya maafisa na askari, uhaba wa vitendea kazi na uchakavu wa vyombo vya usafiri.

Kamishna Jenerali Minja ameongeza kuwa tayari Jeshi hilo limechukua hatua mbalimbali za kufanya maboresho kwa lengo la kufanya Jeshi la Magereza kuwa la kisasa katika kutekeleza majukumu yake kisayansi na kwa ufanisi unaotarajiwa.

Kamishna Jenerali wa Magereza Nchini, John Casmir Minja(kushoto) akifurahia jambo na Katibu Mkuu Wizara ya Mambo ya Ndani ya nchi(katikati). Kulia ni Mkuu wa Chuo cha Magereza Kiwira, SACP. Stanford Ntirundura.

Askari Wanafunzi ambao wanaendelea na Mafunzo yao ya Awali wakifuatilia sherehe hizo za kufunga Mafunzo ya Uongozi Daraja la Pili.

Maafisa Wandamizi wa Jeshi la Magereza kutoka Makao Makuu ya Jeshi la Magereza wakiteta jambo mara baada ya kufungwa rasmi kwa Mafunzo ya Uongozi Daraja la Pili(kulia) ni ACP. Solomon Urio(katikati) ni ACP. Lazaro nyanga(kushoto) ni ACP. Ismail Mlawa.

======================================================

YANGA YAWASILI NCHINI,YAPOKELEWA KWA KISHINDO NA MASHABIKI WAKE

Golikipa wa timu ya Yanga Deogratius Munish Dida akizungumza na waandishi wa habari baada y kuwasili kutoka Angola.

 Kocha Mkuu wa Yanga Hans Van De Pluijm akiwasabahi mashabiki wa timu ya Yanga waliofika kuwalaki uwanja hapo mapema leo mchana

 Wachezaji wa Yanga wakitoka  nje ya uwanja wa kimataifa wa Mwalimu Julius Kambarage Nyerere wakitokea nchini Angola

 Wachezaji wa Yanga wakitoka  nje ya uwanja wa kimataifa wa Mwalimu Julius Kambarage Nyerere wakitokea nchini Angola

 Kocha Mkuu wa Yanga Hans Van De Pluijm akiwasabahi mashabiki wa timu ya Yanga

  Wachezaji wa Yanga wakitoka  nje ya uwanja wa kimataifa wa Mwalimu Julius Kambarage Nyerere wakitokea nchini Angola.

==============================================

TRA YAWAPA ELIMU YA MLIPAKODI WAFANYABIASHARA RAIA WA CHINA WAISHIO NCHINI TANZANIA.

   

 Baadhi ya wafanyabiashara raia wa China wanaoishi nchini Tanzania na kufanya biashara wakiwa katika semina ya mlipa kodi iliyofanyika leo kwenye mgahawa wa Tang Ren Chinese jijini Dar es salaam

Meneja wa Elimu kwa mlipa kodi kutoka TRA Bi. Diana Masalla akitoa elimu ya mlipa kodi na sheria za kodi kwa wafanyabiashara raia wa China wanaoishi hapa nchini na kufanya biashara katika semina ya mlipa kodi iliyofanyika leo kwenye mgahawa wa Tang Ren Chinese jijini Dar es salaam, ambapo kabla semina hiyo imefunguliwa na Bw. Sun Chengfeng Mwakilishi wa masuala ya Kiuchumi na Kibiashara kutoka serikali ya Watu wa China nchini Tanzania, Semina hiyo inalenga kuwapa wafanyabiashara hao elimu na uelewa wa masuala mbalimbali ya kisheria katika kodi na umuhimu wa kulipa kodi.

Bw. Sun Chengfeng Mwakilishi wa masuala ya Kiuchumi na Kibashara kutoka Serikali ya Watu wa China nchini Tanzania akifafanua jambo kwa waandishi wa habari mara baada ya kufungua semina hiyo iliyofanyika kwenye mgahawa wa Tang Ren Chinese jijini Dar es salaam.

======================================

MAKAMU WA RAIS SAMIA SULUHU HASSAN AZINDUA RIPOTI YATOLEO LA NANE LA UCHUMI TANZANIA

Makamu wa Rais wa Jamhuri ya Tanzania Samia Suluhu Hassan akizungumza kwenye uzinduzi wa ripoti ya Toleo la nane 8 kuhusu hali ya Uchumi Tanzania uliofanyika leo tarehe 20/5/2016 katika hotel ya Hyatt Regency, jijini Dar es salaam. 

Baadhi ya washiriki wakimsikiliza Makamu wa Rais picha hayupo wakati wa uznduzi wa ripoti ya toleo la nane 8 kuhusu hali ya uchumi wa Tanzania uliofanyika leo tarehe 20/05/2016 .kwenye hotel ya Hyatt Begency jijini Dar es salaam.[Picha na OMR]

Makamu wa Rais wa Jamhuri ya uungano wa Tanzania Samia Suluhu Hassan akizungumza na Mkurugenzi mkazi wa Benki ya Dunia Madame Bella Bird baada ya uzinduzi wa ripoti yatoleo la nane 8kuhusu hali ya uchumi Tanzania.

Serikali imesisitiza azma yake ya kuweka mazingira mazuri ya biashara ili kuiwezesha sekta binafsi kuchangia kikamilifu katila maendeleo ya Taifa.Makamu wa Rais Mheshimiwa Samia Suluhu Hassan ametoa kauli hiyo leo kwenye uzinduzi wa ripoti ya toleo la nane la hali ya uchumi Tanzania uliofanyika katika Hoteli ya Hyatt Regency, jijini Dar es salaam.

Hali ya uchumi Tanzania ni ripoti inayochapishwa na Benki ya Dunia mara mbili kwa mwaka kwa lengo la kukuza mjadala wa sera unaojengeka baina ya wadau na watunga sera na kuchochea mdahalo kwenye masuala muhimu ya uchumi nchini.Makamu wa Rais alisema Serikali imekuwa ikifanya jitihada kubwa za kuendeleza nchi lakini katika baadhi ya miradi na hasa ile mikubwa mambo hayakuwa yanaenda vizuri kutokana na ukosefu wa fedha.

"Dunia ilivyo sasa, tutapata fedha, tena nyingi kutoka sekta binafsi. Sasa kuna haja ya kurekebisha sheria zetu, sera na matamko mbalimbali ili kuiingiza sekta binafsi," alisema Mheshimiwa Samia.Alisema Serikali imeona kushirikiana na sekta binafsi kupitia mpango wa ubia baina ya sekta za umma na binafsi (PPPs) ndiyo njia pekee ya kuiwezesha Tanzania kupiga hatua ya maendeleo.

Alibainisha kwamba katika uzinduzi huo wajumbe wametafakari pia umuhimu wa kuwaingiza wazalishaji na hasa wakulima wadogo na wakubwa kama sehemu ya ubia wa maendeleo ya Tanzania.
Makamu wa Rais alitumia fursa hiyo kuelezea jitihada za serikali katika kukusanya kodi, kupunguza rushwa na kuimarisha nidhamu katika matumizi ya serikali na kusema hatua hizo zimezaa matunda huku makusanyo ya mapato ya kodi kwa kila mwezi yakivuka lengo tangu Disemba, mwaka jana.

Mapema, akizungumza katika uzinduzi huo Mkurugenzi Mkaazi wa Benki ya Dunia nchini Bella Bird alisifia ukuaji wa uchumi wa Tanzania kwa kiwango cha asilimia 7 kwa mwaka 2014 na 2015 ukilinganisha na wa Afrika kwa ujumla ambao umeshuka toka asilimia 4.8 mwaka 2014 hadi asilimia 3.2 mwaka 2015.

Aliipongeza Serikali ya Awamu ya Tano chini ya uongozi wa Rais John Magufuli kwa kupambana na rushwa, ufisadi na kuongeza ufanisi katika ukusanyaji wa kodi ambao umeiongezea heshima serikali ndani na nje ya nchi.Bella alisema wakati Tanzania inaelekea kwenye uchumi wa kati serikali inapaswa kufanya kazi kwa karibu na sekta binafsi (PPPs) kwa ajili ya uwekezaji.
 

Imetolewa na Ofisi ya Makamu wa Rais
Dar es salaam
20/5/2016.

=============================================================

TAPELI WA MADINI BANDIA JIJINI DAR ES SALAAM ASHIKILIWA NA JESHI LA POLISI.

 

 Kamanda wa Polisi wa Kanda Maalum ya Dar es Salaam,Kamishina (CP),Simon Sirro akizungumza na waandishi habari juu ya matukio ya kialifu katika jiji la Dar es Salaam ofisini kwake leo jijini Dar es Salaam.

 Kamanda wa Polisi wa Kanda Maalum ya Dar es Salaam,Kamishina (CP),Simon Sirro akionyesha baadhi ya vitu walivyokamata kwa Wenceslaus Mtui anayedaiwa kuwa ni tapeli ya madini bandia leo jijini Dar es Salaam.

Sehemu ya waandishi wakimsikiliza Kamanda wa Polisi wa Kanda Maalum ya Dar es Salaam,Kamishina (CP),Simon Sirro leo jijini Dar es Salaam picha na Emmanuel Massaka, Globu ya Jamii.

Na Chalila Kibuda,Globu ya Jamii.

JESHI la Polisi Kanda Maalum ya Dar es Salaam linashikilia mkazi wa Makongo, Wencelaus Mtui anayedaiwa kuhujihusisha na utapeli wa madini kwa kumtapeli mtu na kisha madini bandia yenye thamani ya Sh.Milioni 90,000.

Akizungumza na waandishi habari leo Ofisini Kwake, Kamanda wa Polisi wa Kanda Maalum ya Dar es Salaam,Kamishina (CP),Simon Sirro amesema kuwa mtu aliyetambeliwa kiasi cha fedha hizo alilipa kupitia benki ya CRDB kwa madini bandia ya dhahabu Kilogram 20 zenye thamani ya Dola za Kimarekani 40,000.

Amesema baada ya mtu huyo kulipa fedha hizo alikabidhiwa vipande vitatu vya madini venye uzito wa Kilogram 212 na kugundua kuwa ni madini bandia.

Jeshi la polisi lilipompekuwa ofisini kwake na nyumbani kwake walimkuta ,Chuma cha kuchomea madini,Mashine ya kupima madini ,vifaa vya kubania (Seal 53) pamoja na taarifa mbalimbali za malipo ambayo ameweka benki na kutoa.

Mtui ambaye anadaiwa kuwa ni tapeli wa madini pandia anamiliki kampuni ya Crown Logistics and Cargo Handling Limiited.

Wakati huo huo jeshi la polisi kanda maalum ya Dar es Salaam linamskilia Waziri Jamal (39) mkazi wa Mbezi Msakuzi ambaye wamemkamata na silaha moja aina ya Bastola Browning 6.35 Calbre yenye namba za usajili A.08416/ Car 90522 na baada ya kumhoji wameweza kubaini mtandao wao wa watu nane.

Aidha jeshi la polisi limesema kuwa askari aliyeuawa jana kwa kupigwa risasi ni wa mkoa wa pwani na kuahidi lazima watakamatwa wote waliohusika.

=============================================

MWANAFUNZI MBARONI KWA KUMTUKANA RAIS WA ZANZIBAR DKT.SHEIN PAMOJA NA MKUU WA MAJESHI MWAMUNYAGE

 
Kamanda wa Polisi Mkoa wa Arusha, Charles Mkumbo

Na Woinde Shizza,Arusha

Jeshi la polisi mkoani hapa linamshikilia mwanafunzi wa  Mwaka wa tatu  wa chuo cha maendeleo  ya jamii .Tengeru  aliyejulikana kwa jina la  Harold Mmbando (23)  mkazi wa Arusha kwa kosa la kutoa taarifa za uchochezi dhidi ya Rais wa Zanzibar Dkt. Ali Mohamed Shein na Mkuu wa majeshi Davis  Mwamunyange  pamoja na kusambaza ujumbe wa maneno makali juu ya viongozi hao.

Akiongelea  tukio kamanda wa polisi mkoa wa Arusha Charles Mkumbo  alisema kuwa tukio hilo lilitokea Mei 17 mwaka huu majira ya saa 09:00  asubuhi .

Alisema kuwa mwanafunzi huyo alitoa taarifa za uchochezi kuhusu mkuu wa majeshi  ambapo alimtaka mkuu huyo wa majeshi kupindua nchi na kusema kuwa haiwezekani viongozi wote wawe  nje ya nchi huku hakuna kiongozi aliyepewa mamlaka ya kukikaimu kiti.

“mtuhumiwa huyo aliandika maneno haya ,Mwamunyange pindua nchi haiwezekani wote wawe nje halafu hakuna aliyepewa mamlaka ya kukalia kile kiti,hayo ndio maneno aliyoyasema mtumiwa huyo “alisema Mkumbo.

Aidha aliongeza kuwa mbali na maneno hayo pia mtuhumiwa huyo  alisambaza ujumbe  mwingine wenye maneno yafuatayo,”Dr Shein akiuawa kama Karume sitashangaa wala kustuka naomba mungu mauaji ya kisiasa yaliyotokea Zanzibar yawe kwa viongozi wa kisasa hasa watawala na sio wananchi wa kawaida”hayo ndio maneno aliyoyaandika mtuhumiwa huyo kupitia  mitandao ya kijamii kama faccebook.

Mkumbo  alisema kuwa mtuhumiwa huyo atafikishwa mahakamani pindi tu upelelezi utakapo kamilika,huku akitoa  rai kwa watu wote wanaotumia mitandao ya kijamii kutumia mitandao hiyo  ya kijamii pasipo kukiuka sheria  na taratiu za kisheria .Alitumia muda huo pia kutoa onyo kali kwa yoyote atakaye bainika  anatumia mitandao vibaya na kusema kuwa  atachukuliwa hatuakali za kisheria  dhidi yake.

Wakati hayo yakiendelea mshtakiwa  wa kesi ya kumtukana Rais wa Jamuhuri ya muungano wa Tanzania  John Pombe Magufuli Isaac Emily (40),  mkazi wa Olasiti jiji  hapa  inatarajiwa kuanza kusikilizwa mfululizo kuanzia Juni 5 mwaka huu katika mahakama ya hakimu mkazi Arusha.

===================================================

Wanaobadilisha taka kuwa bidhaa watambuliwe

 

Na: Lilian Lundo – Maelezo

Balozi wa kujitolea wa mazingira, Omary Kombe ameiomba Serikali kuwatambua watu wanaobadilisha taka kuwa bidhaa kwa kuendeleza taaluma hiyo ili kuinua uchumi na kuondokana na tatizo la uchafu nchini.

 

Akiongea na waandishi wa habari  Mei 18, 2016 jijini Dar es Salaam, Kombe alisema kwamba kwa kuwatambua watu hao, tatizo la taka litakwisha kwa kiwango kikubwa nchini hasa katika jiji la Dar es Salaam.

“Wapo watu ambao mara nyingi tunawaona kwenye maonyesho mbalimbali kama vile sabasaba ambao wanauwezo wa kubadili taka kuwa bidhaa za majumbani kwa mfano, mkaa, mapambo na bidhaa nyingine, ni vizuri Serikali ikawatumia  watu hao kuondokana na tatizo la taka nchini,” alisema Kombe.

Aliongeza kwamba mazingira bado ni machafu licha ya serikali ya awamu ya tano kuweka  mkazo katika suala zima la usafi kuanzia ngazi ya familia mpaka Taifa ili kukabiliana na magonjwa ya mlipuko kama vile kipindupindu.

Kombe alisema kwamba, tatizo hilo la uchafu litatatuliwa kama watu wenye uwezo wa kubadilisha taka kuwa bidhaa watatambuliwa na kufanya kazi hiyo kuwa rasmi.

Aidha alisema kuwa, kwa kubadilisha taka kuwa bidhaa kutapunguza kiwango cha taka nchini, kuongeza ajira pamoja na  kuipunguzia Serikali mzigo wa kutenga maeneo kwa ajili ya kuhifadhia taka kila mara.

Usafi ni kauli mbiu ambayo imeshika kasi awamu hii ya tano ambapo katika sherehe za Uhuru (Tisa Desemba) Rais Dkt. John Pombe Magufuli aliwataka watanzania wote kushiriki usafi maeneo yanayowazunguka na vituo vya jamii kama hospitali, zahanati na vituo vya afya.

===========================================

MWANAFUNZI MBARONI KWA KUMTUKANA RAIS WA ZANZIBAR DKT.SHEIN PAMOJA NA MKUU WA MAJESHI.

Kamanda wa Polisi Mkoa wa Arusha, Charles Mkumbo.

Na Woinde Shizza,Arusha

Jeshi la polisi mkoani hapa linamshikilia mwanafunzi wa Mwaka wa tatu wa chuo cha maendeleo ya jamii Tengeru aliyejulikana kwa jina la Harold Mmbando (23) mkazi wa Arusha kwa kosa la kutoa taarifa za uchochezi dhidi ya Rais wa Zanzibar Dkt. Ali Mohamed Shein na Mkuu wa majeshi Davis Mwamunyange pamoja na kusambaza ujumbe wa maneno makali juu ya viongozi hao.

Akiongelea tukio kamanda wa polisi mkoa wa Arusha Charles Mkumbo alisema kuwa tukio hilo lilitokea May 17 mwaka huu majira ya saa 09:00 asubui .

Alisema kuwa mwanafunzi huyo alitoa taarifa za uchochezi kuhusu mkuu wa majeshi ambapo alimtaka mkuu huyo wa majeshi kupindua nchi na kusema kuwa haiwezekani viongozi wote wawe nje ya nchi huku akuna kiongozi aliyepewa mamlaka ya kukikaimu kiti.

“mtuhumiwa huyo aliandika maneno haya ,Mwamunyange pindua nchi haiwezekani wote wawe nje halafu hakuna aliyepewa mamlaka ya kukalia kile kiti,hayo ndio maneno aliyoyasema mtumiwa huyo “alisema Mkumbo.

Aidha aliongeza kuwa mbali na maneno hayo piamtumiwa huyo alisambaza ujumbe mwingine wenye maneno yafuatayo,”Dr Shein akiuawa kama Karume sitashangaa wala kustuka naomba mungu mauaji ya kisiasa yaliyotokea Zanzibar yawe kwaviongozi wa kisasa hasa watawala na sio wananchi wa kawaida”hayo ndio maneno aliyoyaandika mtuhumiwa huyo kupitia mitandao ya kijamii kama faccebook.

Mkumbo alisema kuwa mtuhumiwa huyo atafikishwa mahakamani pindi tu upelelezi utakapo kamilika,huku akitoa rai kwa watu wote wanaotumia mitandao ya kijamii kutumia mitandao hiyo ya kijamii pasipo kukiuka sheria na taratiu za kisheria .

Alitumia muda huo pia kutoa onyo kali kwa yoyote atakaye bainika anatumia mitandao vibaya na kusema kuwa atachukuliwa hatuakali za kisheria dhidi yake.

Wakati hayo yakiendelea mshtakiwa wa kesi ya kumtukana Rais wa Jamuhuri ya muungano wa Tanzania John Pombe Magufuli Isaac Emily (40),  mkazi wa Olasiti jiji hapa inatarajiwa kuanza kusikilizwa mfululizo kuanzia Juni 5 mwaka huu katika mahakama ya hakiku mkazi Arusha.

 

============================================

Wadaiwa 21,721 wajitokeza HESLB kurejesha mikopo

Mkurugenzi wa Urejeshaji Mikopo kutoka Bodi ya Mikopo ya Elimu ya Wanafunzi wa Elimu ya Juu (HESLB) Bw. Robert Kibona akiongea na waandishi wa habari (hawapo pichani) kuhusu utekelezaji wa agizo la siku 60 kwa wadaiwa wa Bodi hiyo na waajiri, ambapo takribani asilimia 72 ya wadaiwa wote wameshawasilisha taarifa zao. Kulia ni Meneja Habari, Elimu na Mawasiliano wa Bodi hiyo
Mkurugenzi Msaidizi Habari, Elimu na Mawasiliano kutoka Bodi ya Mikopo ya Elimu ya Wanafunzi wa Elimu ya Juu (HESLB) Bw. Cosmas Mwaisobwa (kushoto) akieleza kwa waandishi wa habari (hawapo pichani) kuhusu utaratibu wa urejeshaji wa mikopo kwa wadaiwa ambao mikopo yao imeshaiva. Kulia ni Mkurugenzi wa Urejeshaji Mikopo kutoka Bodi ya Mikopo ya Elimu ya Wanafunzi wa Elimu ya Juu (HESLB) Bw. Robert Kibona.PICHA NA FATMA SALUM-MAELEZO

Na FATMA SALUM -MAELEZO

Jumla ya wadaiwa wapya 21,721 wa mikopo ya elimu ya juu wamejitokeza ili kuanza kulipa madeni yao kufuatia agizo la siku 60 lililotolewa na Bodi ya Mikopo ya Wanafunzi wa Elimu ya Juu (HESLB) mnamo Machi 14 mwaka huu.

Hayo yamesemwa na Mkurugenzi wa Urejeshaji Mikopo kutoka Bodi ya Mikopo ya Wanafunzi wa Elimu ya Juu (HESLB) Bw. Robert Kibona wakati akizungumza na waandishi wa habari leo jijini Dar es Salaam kuhusu tathmini ya agizo lililotolewa na bodi hiyo kwa wanufaika wa mikopo na waajiri ili kutimiza wajibu wao kisheria.

Bw. Kibona alifafanua kuwa jumla ya Shilingi bilioni 151.5 zinatarajiwa kurejeshwa na wadaiwa hao ambao walikopeshwa ili kuwawezesha kupata elimu yao ya juu katika vyuo mbalimbali ndani na nje ya nchi kuanzia mwaka 1994.“Lengo la agizo lilikuwa ni kuhahakisha madeni yote yaliyoiva yanakusanywa ili kuongeza uwezo wa kukopesha watanzania wengi zaidi na agizo hili limeisha Mei 13 mwaka huu.” alisema Bw. Kibona

Kwa mujibu wa Bw. Kibona, kati ya wadaiwa waliopatikana, wadaiwa 19,528 walipatikana baada ya Bodi kuchambua taarifa za waajiriwa zilizowasilishwa na waajiiri na wadaiwa wengine wapatao 2,007 walijitokeza kwa hiari.“Waajiri wana wajibu wa kisheria wa kuwasilisha taarifa za waajiriwa wao, baadhi yao walifanya hivyo katika siku hizo sitini na tukawabaini wadaiwa hao, tunawapongeza waajiri kwa ushirikiano walioutoa na wanufaika wote waliojitokeza kwa hiari” alisema Bw. Kibona.

Aidha Bw. Kibona aliongeza kuwa Bodi imeongeza siku 30 za ziada kuanzia Mei 20, 2016 kwa wadaiwa waliobaki kujitokeza na uamuzi huo umetokana na tathmini iliyoonyesha kuwa kuna idadi kubwa ya waajiri na wanufaika wanaoendelea kujitokeza. Kwa upande wake Mkurugenzi Msaidizi Habari, Elimu na Mawasiliano wa Bodi ya Mikopo Bw. Cosmas Mwaisobwa alisema kuwa kiwango cha ukusanyaji wa madeni kwa mwezi kinatarajiwa kuongezeka kutoka shilingi bilioni 2.7 zinazokusanywa hivi sasa na kufikia shilingi bilioni 8 ifikapo mwezi Juni 2016.

Katika kipindi cha mwaka 1994/1995 hadi sasa, kiasi cha shilingi trilioni 2.44 kimetolewa kwa wanufaika 378,504 wakiwemo wanafunzi wanaoendelea na masomo yao hivi sasa ambao kwa sasa hawana wajibu wa kulipa hadi pale watakapomaliza au kusitisha masomo yao. 

 

==================================================

TCRA YAWANOA WADAU WA MAWASILIANO KANDA YA ZIWA KABLA YA KUZIMA SIMU BANDIA

 

Wadau wa Mawasiliano Kanda ya Ziwa, wakiwa katika picha ya pamoja katika Semina juu ya utoaji wa elimu juu ya simu bandia (fake) na halali (orginal) ulioandaliwa na TCRA, kabla ya kusitisha matumizi ya simu bandia mwezi ujao.

Mamlaka ya Mawasiliano nchini (TCRA), imeendelea kuwakumbusha watumiaji wa simu za mkononi kuhakiki simu zao kabla mamlaka hiyo haijazima simu bandia ifikapo Juni 16 mwaka huu.

Soma Zaidi HAPA

===========================================

SERIKALI KUMLINDA MKULIMA KWA KUANZISHA VITUO VYA UNUNUZI WA MAZAO

Na Tiganya Vincent, Dodoma.

Wakala wa Vipimo kwa kushirikiana na Mamlaka ya Serikali za Mitaa inakusudia kuanzisha  vituo maalum vya ununuzi wa mazao ya wakulima (buying centres) katika vitongoji nchi nzima ili kuondoa unyonyaji na ukandamizaji unaofanwa na wachuuzi wa mazao ya wakulima.

Kauli hiyo imetolewa leo mjini Dodoma na Waziri wa Viwanda,Biashara na Uwekezaji Mhe. Charles Mwijage wakati akijibu swali la Mbunge wa Mlalo Mhe. Rashid Shangazi aliyetaka kujua ni lini Serikali itasimamia sheria kuondoa unyonyaji unaofanywa na wachuuzi wakati wa kununua mazao ya wakulima.

Alisema kuwa katika kutekeza hayo hakuna mfanyabiashara atakayeruhusiwa kusafirisha mazao ambayo yamefungashwa kinyume kinyume cha Sheria ya vipimo na kuongeza kuwa katika kusimamia jambo hilo vitaanzishwa vituo maalum vya ukaguzi bila kusabaisha usumbufu katika ufanyaji biashara.

Mhe. Mwijage amewaagiza Maafisa Ugani walioko vijijini watumike kusimamia matumizi ya vipimo rasmi katika vituo hivyo na kutoa taarifa zote muhimu kwa Wakala wa Vipimo.

Aidha ,alisema kuwa Serikali imeamua kufanyia mapitio Sheria ya Vipimo sura 340 ili kuondokana na unyonyaji na ukandamizaji unaofanywa na wachuuzi wa mazao ya wakulima.

Alisema kuwa Serikali imeamua kufanyia mapitio ya Sheria hiyo ili kuweka mazingira mazuri kwa lengo la kumlinda muuzaji kwa kuwadhibiti manunuzi wanaotumia njia za udandanyifu wakati wanaponunua mazao ya wakulima.Mhe. Mwijage alisema kuwa katika kipindi kifupi kijacho Serikali itawalisha mabadiliko hayo bungeni ili ifanyiwe marekebisho yanayostahili.

Aidha , Waziri huyo alisema kuwa pamoja na marekebisho ya Sheria ya Vipimo yanatarajia kufanywa , Wakala wa Vipimo imewasilisha Ofisi ya Rais Tawala za Mikoa na Serikali za Mitaa (TAMISEMI) mapendekezo ya kutungwa kwa sheria ndogo(by laws)  ili ziweze kuwaongoza wakulima na wafanyabiashara kufungasha mazao. 

 

===========================================

Mtanzania achaguliwa kuwa Katibu Mkuu wa Jumuiya ya Mashauriano ya masuala ya Kisheria katika Nchi za Asia na Afrika (AALCO)

Profesa Kennedy Gastorn, Katibu Mkuu mpya AALCO 

Mkurugenzi wa masuala ya Kimataifa katika Chuo Kikuu cha Dar es Salaam, Profesa Kennedy Gastorn amechaguliwa kuwa Katibu Mkuu mpya wa Jumuiya ya Mashauriano ya Masuala ya Kisheria katika nchi za Asia na Afrika-‘Asian-African Legal Consultative Organisation-AALCO’.

Profesa Gastorn alichaguliwa kwa kauli moja wakati wa Mkutano wa 55 wa Jumuiya hiyo yenye jumla ya nchi wanachama 47 uliofanyika Mjini New Delhi, India tarehe 17 Mei, 2016 na kuhudhuriwa pia na Mkurugenzi wa Sheria katika Wizara ya Mambo ya Nje na Ushirikiano wa Afrika Mashariki, Balozi Baraka Luvanda. 

Aidha, Profesa Gastorn ambaye alikuwa ni mgombea pekee wa nafasi hiyo baada ya kupendekezwa na Tanzania na kupitishwa na Umoja wa Afrika, anachukua nafasi ya Katibu Mkuu anayemaliza muda wake Profesa Rahmat Mohamad wa Malaysia ambaye muda wake unamalizika rasmi ifikapo mwezi Agosti, 2016 na Profesa Gastorn anatarajia kukabidhiwa madaraka hayo mwanzoni mwa mwezi Agosti, 2016.

Mkutano wa Jumuiya ya AALCO ulifanyika kuanzia tarehe 16 Mei na kumalizika tarehe 20 Mei, 2016.

Imetolewa na:

Kitengo cha Mawasiliano ya Serikali,

Wizara ya Mambo ya Nje na Ushirikiano wa Afrika Mashariki,

Dar es Salaam, 20 Mei, 2016.

===========================================

KONGAMANO MAALUM LA WADAU KUJADILI SUALA LA VITAMBULISHO VYA TAIFA (NIDA) LAFANYIKA LEO JIJINI DAR

 Naibu Gavana wa BOT Dkt Natu Mwamba akifungua kongamano la wadau kuhusu vitambulisho vya Taifa lililofanyika leo katika ukumbi wa Benki Kuu na kuhudhuriwa na wadau toka sekta mbalimbali nchini

 Mkurugenzi  mtendaji wa Financial Sector Deepening Trust Sosthenes Kewe akichangia mada wakati wa kongamano wa wadau lililohusu mpango wa Usajili vitambulisho vya Taifa

 Kaimu Mkurugenzi Mkuu wa Mamlaka ya Vitambulisho vya Taifa Dkt. Modestus Kipilimba akionyesha wadau sampuli ya vitambulisho vyenye saini vitakavyoanza kutolewa hivi karibuni, wakati wa kongamano la wadau kuhusu mpango wa vitambulisho vya Taifa

 Mr. Sanjay C. Rughani Makamu Mwenyekiti wa Umoja wa Mabenki Tanzania (TBA) na Mtendaji Mkuu wa Benki ya Standard Chartered nchini akiwasilisha mada wakati wa kongamano la wadau katika mpango wa usajili vitambulisho vya Taifa

 Mkurugenzi wa Fedha toka TASAF Bw. Joshua Nyamko akiwasilisha mada katika kongamano la wadau kujadili Vitambulisho vya Taifa

Baadhi wa washiriki wa Kongamano la wadau kuhusu mpango wa Usajili vitambulisho vya Taifa wakisikiliza kwa makini mada ya mkakati wa Usajili kufikia Disemba 31,2016 iliyowasilishwa na NIDA.

Rose Mdami

Wadau kutoka Sekta mbalimbali nchini leo wamekutana katika kongamano maalumu kujadili suala la Vitambulisho vya Taifa na uwezekano wa kukamilika kwa mradi huo ili kuwezesha taifa kuwa na Kanzidata(database) yenye taarifa sahihi zenye kujibu maswali makuu nini ni nani, yuko wapi na anafanya nini. Lengo ni kurahisha utoaji huduma na kuwezesha wananchi kujishughulisha na masuala ya biashara kwa kuwa na mfumo rasmi unaowatambua

Akifungua kongamano hilo, Kaimu Gavana wa Benki Kuu ya Tanzania, Dkt. Nato Mwamba amesema mfumo wa Usajili na Utambuzi wa Watu ni mfumo ambao umesubiriwa kwa siku nyingi kwani manufaa yake ni makubwa katika mifumo mbalimbali nchini hususani mfumo wa biashara na taasisi za fedha nchini

Amesema kutokana na kupanuka kwa matumizi ya teknolojia nchini, huduma nyingi zikiwemo huduma za kifedha zinategemea sana kuwepo kwa mfumo wa Vitambulisho vya Taifa ili kuwezesha watu wengi zaidi kunufaika na huduma zitolewazo kwa sasa kwani wengi wanakwama kwa kuwa hakuna mfumo rasmi unaowatambua. 

Mafanikio ya mfumo huu ni kufungua milango kwa wananchi wengi zaidi kunufaika na huduma mbalimbali zinazoendelea kutolewa nchini zikiwemo huduma za kifedha na hivyo kuwataka wadau hao kuwezesha NIDA kufikia malengo ya usajili nchi nzima kufikia Disemba 31, 2016 ili mfumo wa Utambuzi wa Taifa uweze kuunganishwa na mifumo mingine

Akieleza mkakati wa usajili kufikia Disemba 31, 2016, Kaimu Mkurugenzi Mkuu wa NIDA Dkt. Medestus Kipilimba amesema NIDA imejizatiti kutumia taarifa za zilizokusanywa na Tume ya Taifa ya Uchaguzi (NEC) kuanza usajili utakaowezesha wananchi waliosajiliwa katika daftari la wapiga kura kuhakikiwa na kupata usajili awamu ya kwanza ambao utahusisha namba ya utambulisho kabla ya kupata kitambulisho cha Taifa. 

Amesema hatua ya kufanya usajili wa awali na kutoa namba ya utambulisho itawezesha wananchi kuanza kufaidi utambulisho wao kwa kuwawezesha kupata huduma mbalimbali. Hata hivyo ili mwananchi kupata utambulisho kamili lazima kukamilisha hatua za usajili kwa kuhakikisha anawasilisha nyaraka muhimu za utambuzi ili kuendelea kupata huduma nyingine

Kwa mara ya kwanza NIDA itaanza kuzalisha vitambulisho vyenye saini ya mwombaji ambayo itawekwa kwenye uso wa mbele wa kitambulisho na nyumba ya kitambulisho kutakuwa na saini ya mtoaji. Amesema hatua zote katika kukamilisha mpango huo zimekamilika

Kongamano hilo limehudhuriwa na wadau toka Taasisi za fedha nchini, TASAF, Wamiliki wa makampuni ya simu nchini, Mamlaka ya Mawasiliano Tanzania, Benki ya Dunia (World Bank), SSRA, BIMA, Melinda and Bill Gates Foundation, Tanzania Bankers Association( TBA) na wawakilishi wa Taasisi mbalimbali za Serikali.