RAIS DKT MAGUFULI AKUTANA NA KUFANYA MAZUNGUMZO NA KIONGOZI WA CHAMA CHA KIKOMUNISTI CHA CHINA LUO ZHIJUN IKULU JIJINI DAR

Saturday, June 04, 2016 Maoni: 0

 Rais wa Jamhuri ya Muungano wa Tanzania Dkt. John Pombe Magufuli akizungumza na Kiongozi  wa Chama cha Kikomunisti cha China Luo Zhijun  kutoka jimbo la Jiangsu nchini China, ikulu jijini Dar es Salaam.

 Rais wa Jamhuri ya Muungano wa Tanzania Dkt. John Pombe Magufuli akisalimiana na Balozi wa China hapa nchini lu youqing aliyeambatana na Kiongozi huyo wa chama cha Kikomunisti cha China, Ikulu jijini Dar es Salaam.

 Rais wa Jamhuri ya Muungano wa Tanzania Dkt. John Pombe Magufuli akisalimiana Kiongozi  wa Chama cha Kikomunisti cha China Luo Zhijun  kutoka jimbo la Jiangsu nchini China.

 Rais wa Jamhuri ya Muungano wa Tanzania Dkt. John Pombe Magufuli akisalimiana na Mkuu wa Mkoa wa Dar es Salaam Paul Makonda Ikulu jijini Dar es Salaam.

 Rais wa Jamhuri ya Muungano wa Tanzania Dkt. John Pombe Magufuli akiagana na Kiongozi  wa Chama cha Kikomunisti cha China Luo Zhijun  kutoka jimbo la Jiangsu nchini China mara baada ya kumaliza mazungumzo yao Ikulu jijini Dar es Salaam.

 Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na ujumbe wa kiongozi huyo wa chama cha Kikomunisti cha China Luo Zhijun  pamoja na Balozi wa China hapa nchini lu youqing mara baada ya kumaliza Mazungumzo yao. Wengine katika picha ni Katibu Mkuu Kiongozi Balozi Mhandisi John Kijazi pamoja na Mkuu wa mkoa wa dar es Salaam Paul Makonda. PICHA NA IKULU
=============================================

WAZIRI MAKAMBA ASHIRIKI KUPANDA MITI YA MIKOKO NA WAKAZI WA KATA YA MBWENI JIJINI DAR LEO

Saturday, June 04, 2016 Maoni: 0

    Waziri wa Nchi Ofisi ya Makamu wa Rais Muungano na Mazingira Mh. January Makamba akipanda mti aina ya mkoko katika fukwe za bahari ya hindi katika eneo la Mbweni jijini Dar es Salaam. Upandaji huo wa mikoko ni katika kuadhimisha wiki ya mazingira duniani, ambayo kilele chake ni kesho

 Waziri wa Nchi Ofisi ya Makamu wa Rais Muungano na Mazingira Mh. January Makamba  akishirikiana kupanda miti ya mikoko na wakazi wa kata ya  Mbweni jijini Dar es Salaam ikiwa ni kuelekea kilele cha siku ya mazingira hapo tarehe 5 juni.

 . Waziri wa Nchi Ofisi ya Makamu wa Rais Muungano na Mazingira Mh. January Makamba akifurahia jambo na Wanafunzi wa Shule ya Msingi Mbweni ambao walijumuika pamoja naye kupanda mikoko katika fukwe za Mbweni jijini Dar es salaam.

Waziri wa Nchi Ofisi ya Makamu wa Rais Muungano na Mazingira Mh. January Makamba akiongea na Waandishi wa Habari (hawapo pichani) mara baada ya kumaliza kupanda mikoko katika fukwe za bahari ya Hindi katika kata ya Mbweni.

  Waziri wa Nchi Ofisi ya Makamu wa Rais Muungano na Mazingira Mh. January Makamba akitia saini kitabu cha Wageni alipotembelea Kata ya Mbweni iliyopo Manispaa ya Kinondoni kwa ajili ya shughuli za upandaji mikoko katika eneo hilo.

Waziri wa Nchi Ofisi ya Makamu wa Rais Muungano na Mazingira Mh. January Makamba Ametoa wito kwa Wananchi  wa Kata ya Mbweni kutunza mazingira na kutoa kipaumbele kwa mazingira. Aliyasema hayo wakati wa zoez la upandaji mikoko lilifanyika katika fukwe za bahari ya Hindi zilizoko Mbweni.

Akiongoza Wananchi wa Kata hiyo kupanda miche 5,000 ya mikoko , Waziri Mkamba alisititiza pia Wanafunzi wa shule waliopo katika eneo hilo kupenda mazingira yao na kuyatunza ili yawafae baadaye.

Wakisoma Risala yao , Wanawake wa Mbweni walimuomba Waziri awasaidie kuwapatia vitendea kazi  kwa ajili ya kuhudumia mikoko pamoja na kumuomba awasaide kuwatatulia changamoto wanazokutana nazo. Ikiwamo ya maafisa wa TRA kukata hovyo mikoko wanapokua wanafanya doria katika fukwe zaMbweni.

Mwisho Waziri aliwahukuru Wananchi wa Mbweni waliojitypkeza kujumuika naye katika zoezi hilo la upandaji mikoko. Shuhuli za upandaji mikoko ni kuelekea maadhimisho ya siku ya mazingira ambayo kilele chake ni tarehe 5 juni kila mwaka. 
==============================================

RAIS DKT. MAGUFULI AMUAPISHA NAIBU MWANASHERIA MKUU WA SERIKALI JIJINI DAR LEO

Saturday, June 04, 2016 Maoni: 0

 Rais wa Jamhuri ya Muungano wa Tanzania Dkt. John Pombe Magufuli akimuapisha Gerson John Mdemu kuwa Naibu Mwanasheria Mkuu wa Serikali Ikulu jijini Dar es Salaam. 

 Rais wa Jamhuri ya Muungano wa Tanzania Dkt. John Pombe Magufuli akimuapisha Gerson John Mdemu kuwa Naibu Mwanasheria Mkuu wa Serikali Ikulu jijini Dar es Salaam. 

Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Naibu Mwanasheria Mkuu wa Serikali Gerson John Mdemu wa pili kutoka kushoto. Wengine katika picha ni Katibu Mkuu Kiongozi Balozi Mhandisi John Kijazi, Mwanasheria Mkuu wa Serikali George Masaju na Mkurugenzi wa Mashtaka (DPP) Biswalo Mganga mara baada ya tukio la uapisho kukamilika.
==========================================

NAIBU KATIBU MKUU WA WIZARA YA NISHATI NA MADINI DK. JULIANA PALLANGYO AFANYA ZIARA KATIKA KAMPUNI YA PUMA ENERGY

Saturday, June 04, 2016 Maoni: 0

 Kaimu Kamishna wa Nishati na Maendeleo  ya Petroli Nchini  James Andelile,(kulia) akielezea  jambo katika kikao hicho. Kushoto ni Naibu Katibu Mkuu wa Wizara ya Nishati na Madini anayeshughulikia Nishati  Dk. Juliana Pallangyo

 Naibu Katibu Mkuu wa Wizara ya Nishati na Madini anayeshughulikia Nishati,  Dk. Juliana Pallangyo (kushoto) akiwa ameambatana na  Mkurugenzi Mkuu wa Wakala wa Serikali  wa Uagizaji wa Mafuta ya Pamoja (PBPA),Michael Mjinja (kulia) mara alipowasili katika ofisi za Puma  Energy jijini  Dar es Salaam kwa ajili ya kukagua shughuli zake.

 Meneja  Afya, Usalama na Mazingira  kutoka katika kampuni ya  Puma  Energy Blasio Menchi (kulia) akielezea shughuli za kampuni hiyo mbele ya Naibu Katibu Mkuu wa Wizara ya Nishati na Madini anayeshughulikia Nishati,  Dk. Juliana Pallangyo pamoja na ujumbe wake.

 Kutoka kushoto Naibu Katibu Mkuu wa Wizara ya Nishati na Madini anayeshughulikia Nishati  Dk. Juliana Pallangyo, Kaimu Kamishna wa Nishati na Maendeleo  ya Petroli Nchini  James Andelile, Mkurugenzi Mkuu wa Wakala wa Serikali  wa Uagizaji wa Mafuta ya Pamoja (PBPA),Michael Mjinja,na  Kaimu Kamishna wa Petroli ambaye pia ni Mjumbe wa Bodi ya   Wakurugenzi wa Shirika la Maendeleo ya Petroli Nchini (TPDC) Mwanamani Kidaya wakifuatilia kwa makini maelezo yaliyokuwa yanatolewa na Meneja  Afya, Usalama na Mazingira  kutoka katika kampuni ya  Puma  Energy Blasio Menchi (hayupo pichani) kwenye ofisi za Puma Energy jijini Dar es Salaam.

 Meneja Uendeshaji  kutoka   Kampuni ya  Puma  Energy Lameck Hiliyai (katikati)  akielekeza  jambo kwa Naibu Katibu Mkuu wa Wizara ya Nishati na Madini anayeshughulikia Nishati  Dk. Juliana Pallangyo (kushoto) Kaimu Kamishna wa Nishati na Maendeleo  ya Petroli Nchini  James Andelile (aliyekaa katikati) na Mkurugenzi Mkuu wa Wakala wa Serikali  wa Uagizaji wa Mafuta ya Pamoja (PBPA),Michael Mjinja (kulia) katika kikao hicho kwenye ofisi za Puma Energy jijini Dar es Salaam.

Read more » 
=================================== 

KAMPUNI YA BIA YA SERENGETI YAENDESHA DROO YA PILI YA MILLIONI 100 NA TUSKER FANYA KWELI NA UWINI

Saturday, June 04, 2016 Maoni: 0

Meneja Masoko wa bia ya Tusker Nandi Mwiyombela (kushoto) akiokota vocha ya ushindi katika droo ya pili ya promosheni ya Milioni 100 na Tusker Fanya Kweli Uwini iliyofanyika jijini Dar es Salaam, kushoto kwake ni afisa kutoka Bodi ya kusimamia Michezo ya kubahatisha nchini Humud Semvua akitazama kwa makini mchakato mzima, anayefuata ni muongozaji wa shoo hiyo Abdallah Mwaipaya ambaye pia ni mtangazaji wa ITV

Meneja Masoko wa bia ya Tusker Nandi Mwiyombela (kulia) akimkabidhi vocha ya mshindi afisa kutoka Bodi ya kusimamia Michezo ya kubahatisha nchini Humud Semvua ili kuhakiki taarifa za mshindi wakati wa droo ya pili ya promosheni ya Millioni 100 na Tusker Fanya Kweli Uwini iliyofanyika mwishoni mwa wiki jijini Dar es Salaam.

Meneja Masoko wa bia ya Tusker Nandi Mwiyombela (kulia) akiongea kwa njia ya simu na mmoja wa washindi wa droo ya pili ya promosheni ya Milioni 100 na Tusker Fanya Kweli Uwini wakati wa droo hiyo, pembeni yake ni afisa kutoka Bodi ya kusimamia Michezo ya kubahatisha nchini Humud Semvua akifurahia jambo alilosikia kutoka kwa mmoja ya washindi kupitia njia ya simu.

Kundi la pili la washindi wa mamilioni ya Tusker watangazwa.

Wiki iliyopita ilishuhudiwa washindi kumi kutoka mikoa ya Morogoro, Dar es Salaam na Kilimanjaro wakiondoka na Million moja kila mmoja kupitia promosheni inayoendelea ya Millioni 100 na Tusker Fanya Kweli na Uwiniinayoendeshwa na Kampuni ya Bia ya Serengeti. 

Katika droo ya pili iliyochezeshwa leo, washindi wengine kumi walitangazwa. Katika droo hiyo iliyofanyika ITV na kushuhudiwa na maofisa kutoka Bodi ya kusimamia Michezo ya Kubahatisha walitangazwa washindi kumi ambao ni Rose Mkwizu, Sijali Ally, Anna Lazaro kutoka Dar es Salaam, Elizabert Wiliam kutoka Mlandizi –Pwani, Josephat Lukindo,George Mlay kutoka Kilimanjaro,Geofrey Manangwa kutoka Tanga, Wanzagi na Lucas Fransis kutoka Mwanza na Umoja Nyakwa kutoka Morogoro. 

Mbali na washindi hao ambao walijipatia zawadi ya pesa taslim, pia kuna washindi kibao waliojishindia bia za bure tangu promosheni ilipoanza. Bado kuna wiki nane ambapo zimebaki Millioni 80 kushindaniwa kwa kipindi hicho kilichobaki cha promosheni hiyo.

Naye mmoja wa washindi Elizabert Wiliam alisema kuwa Shoo ya kwanza iliyorushwa kupitia runinga ya ITV ndiyo iliyomsukuma kushiriki promosheni hiyo. “Nilitazama droo ya kwanza wiki iliyopita na siku zote mimi ni mtumiaji mzuri wa bia ya Tusker, baada ya muda punde tu nilienda kunywa huku nikiwa na shauku ya kushinda tu na kuingia kwenye droo” alisema bi Elizabeth. Aliendelea kwa kuipongeza Kampuni ya Bia ya Serengeti kwa kuendesha promosheni kama hiyo inayogusa maisha ya wateja wao kwa kubadili sehemu au maisha yote kwa ujumla. Aliongeza kuwa pesa aliyoipata ataitumia katika kukuza biashara zake.

Naye Meneja Masoko wa Bia ya Tusker Nandi Mwiyombela alieleza kuwa, promosheni ya ‘Tusker Fanya Kweli Uwini’ inaendelea vyema kabisa na washindi wanaendelea kushinda kutoka kila pande za Tannzania ambako sasa mikoa ya kanda ya ziwa imeungana nasi katika promosheni hii wiki iliyopita. Tuna washindi kutoka nchi nzima, Mwanza, Morogoro, Arusha, Moshi na Dar es Salaam. 

Tunapenda kuwathibitishia wateja wetu kuwa promosheni hii si ya watumiaji wa bia ya Tusker waliopo Dar es Salaam tu bali kwa ushahidi huu wa washindi kutoka mikoa mingine unatosha kuthibitisha kuwa ni ya nchi nzima.

Washindi wetu wa wiki iliyopita watapokea zawadi zao za fedha taslim Million 1 katika hafla fupi ya makabidhiano itakayofanyika leo jijini Dar es Salaam na Moshi.
========================================

KUAHIRISHWA KWA USAILI WA NAFASI ZA KAZI KWA TANGAZO LILILOTOLEWA TAREHE 1 JUNI, 2016

Saturday, June 04, 2016 Maoni: 0

Katibu wa Sekretarieti ya Ajira katika Utumishi wa Umma kwa niaba ya Tanzania Metrological Agency (TMA), Tanzania Meat Board (TMB), The Local Government Training Institute (LGTI) na Registration, Insolvency And Trusteeship Agency (RITA) alitoa tangazo katika tovuti ya Sekretarieti ya Ajira la kuita kwenye usaili tarehe 1 Juni, 2016 waombaji wa kazi waliowasilisha maombi na kukidhi vigezo kwa taasisi zilizoanishwa hapo juu.

Kupitia tangazo hili Waombaji kazi wote waliotangaziwa kuitwa kwenye usaili kwa tangazo hilo wanafahamishwa kuwa usaili huo umeahirishwa mpaka watakapotangaziwa tena hapo baadaye.  

Kwa Matangazo ya nafasi za kazi yaliyotolewa mnamo tarehe 6 Mei, 2016, 11 Mei, 2016, 18 Mei, 2016 na tarehe 26 Mei, 2016 nayo waombaji kazi watakaokidhi vigezo watataarifiwa hapo baadae kuhusu mchakato wake unavyoendelea.

Aidha, Kupitia tangazo hili, Sekretarieti ya Ajira kwa niaba ya Serikali inaomba radhi waombaji kazi wote waliowasilisha maombi na wale waliokuwa wamejiandaa kuhudhuria usaili huo kwa usumbufu wowote utakaojitokeza.

Imetolewa na

X.M. DAUDI

KATIBU

Sekretarieti ya Ajira Katika Utumishi wa Umma.

===================================================

MAMA JANETH MAGUFULI AWATAKA WATANZANIA KUWAJALI WATU WENYE ULEMAVU WA NGOZI

Saturday, June 04, 2016 Maoni: 0

Mke wa Rais wa Jamhuri ya Muungano wa Tanzania Mama Janeth Magufuli akimkabidhi Mwenyekiti wa Chama cha watu wenye Ulemavu wa Ngozi Mkoa wa Lindi Bw. Hemed Said mafuta ya kuzuia mionzi ya jua kwa watu wenye ulemavu wa ngozi leo Ikulu ndogo ya Mkoa wa Lindi.Katikati ni Mke wa Waziri Mkuu wa Jamhuri ya Muungano wa Tanzania Mama Mary Majaliwa
Mke wa Rais wa Jamhuri ya Muungano wa Tanzania Mama Janeth Magufuli akikabidhi zawadi ya mbuzi na kuku kwa Mwenyekiti wa Chama cha watu wenye Ulemavu wa Ngozi Mkoa wa Lindi Bw. Hemed Said walipomtembelea leo asubuhi Ikulu ndogo Mkoani Lindi kwa ajili ya kupokea msaada wa mafuta ya ngozi kwa watu wenye ulemavu wa ngozi.Kulia ni Mke wa Waziri Mkuu wa Jamhuri ya Muungano wa Tanzania Mama Mary Majaliwa
Mke wa Rais wa Jamhuri ya Muungano wa Tanzania Mama Janeth Magufuli akikabidhi zawadi ya kuku kwa Mwenyekiti wa Chama cha watu wenye Ulemavu wa Ngozi Mkoa wa Lindi Bw. Hemed Said walipomtembelea leo asubuhi Ikulu ndogo Mkoani Lindi kwa ajili ya kupokea msaada wa mafuta ya ngozi kwa watu wenye ulemavu wa ngozi.Kulia ni Mke wa Waziri Mkuu wa Jamhuri ya Muungano wa Tanzania Mama Mary Majaliwa
Mke wa Rais wa Jamhuri ya Muungano wa Tanzania Mama Janeth Magufuli, Mke wa Waziri Mkuu wa Jamhuri ya Muungano wa Tanzania Mama Mary Majaliwa na Mkuu wa Mkoa wa Lindi Mh. Godfrey Zambi wakiwa katika picha ya Pamoja na jamii ya watu wenye ulemavu leo asubuhi Ikulu ndogo Mkoani Lindi.

Mke wa Rais wa Jamhuri ya Muungano wa Tanzania Mama Janeth Magufuli akisalimiana na baadhi ya viongozi wa Chama cha watu wenye Ulemavu wa Ngozi Mkoa wa Lindi walipomtembelea leo asubuhi kwa ajili ya kupokea msaada wa mafuta ya kujikinga na mionzi ya jua kwa watu wenye ulemavu wa ngozi.
Mke wa Rais wa Jamhuri ya Muungano wa Tanzania Mama Janeth Magufuli na Mke wa Waziri Mkuu wa Jamhuri ya Muungano wa Tanzania Mama Mary Majaliwa wakifurahia jambo na mtoto mwenye ulemavu wa ngozi walipomtembelea leo asubuhi Ikulu ndogo Mkoani Lindi kwa ajili ya kupokea msaada wa mafuta ya kujikinga na mionzi ya jua kwa watu wenye ulemavu wa ngozi..
Mke wa Rais wa Jamhuri ya Muungano wa Tanzania Mama Janeth Magufuli akiongea na jamii ya watu wenye ulemavu wa ngozi walipomtembelea leo asubuhi Ikulu ndogo Mkoani Lindi kwa ajili ya kupokea msaada wa mafuta ya kuzia mionzi ya jua kwa watu wenye ulemavu wa ngozi ambapo aliiasa jamii kujali kundi hili na kuacha imani potofu dhidi yao. Kulia ni Mke wa Waziri Mkuu wa Jamhuri ya Muungano wa Tanzania Mama Mary Majaliwa na kushoto ni Mkuu wa Mkoa wa Lindi Mh. Godfrey Zambi
Mke wa Rais wa Jamhuri ya Muungano wa Tanzania Mama Janeth Magufuli akiongea na jamii ya watu wenye ulemavu wa ngozi walipomtembelea leo asubuhi Ikulu ndogo Mkoani Lindi kwa ajili ya kupokea msaada wa mafuta ya kuzia mionzi ya jua kwa watu wenye ulemavu wa ngozi ambapo aliiasa jamii kujali kundi hili na kuacha imani potofu dhidi yao. Kulia ni Mke wa Waziri Mkuu wa Jamhuri ya Muungano wa Tanzania Mama Mary Majaliwa na kushoto ni Mkuu wa Mkoa wa Lindi Mh. Godfrey Zambi

PICHA NA HASSAN SILAYO-MAELEZO
=======================================

KILELE CHA MAADHIMISHO YA MIAKA 50 YA BENKI KUU YA TANZANIA (1966 – 2016) KUFANYIKA JUNI 22, 2016

Saturday, June 04, 2016 Maoni: 0

Rais wa Jamhuri ya Muungano wa Tanzania, Mhe. Dkt. John Pombe Joseph Magufuli, anatarajiwa kuwa mgeni rasmi katika kilele cha sherehe za kuadhimisha miaka 50 tangu Benki Kuu ya Tanzania ilipoanzishwa.

Sherehe hizi zitafanyika katika Ukumbi wa Mikutano wa Benki Kuu ya Tanzania jijini Dar es Salaam tarehe 22/06/2016 ambapo mgeni rasmi atazindua vitabu viwili na kufuatiwa na kongamano litakaloshirikisha wataalam mbalimbali wa uchumi wakiwemo magavana 20 wa benki kuu kutoka nchi za Mashariki na Kusini mwa Afrika.

Mada kuu katika Kongamano hilo itakuwa: “Beyond Aid and Concessional Borrowing: New Ways of Financing Development in Africa and its Implications”, (yaani namna ya kupata fedha za miradi ya maendeleo zaidi ya misaada na mikopo nafuu na athari zake) itakayowasilishwa na Prof. Justin Lin wa Chuo Kikuu cha Peiking, China. Mada hii imechaguliwa kwa kuzingatia changamoto ambazo serikali za Afrika zinakumbana nazo katika kugharamia miradi ya maendeleo wakati ambapo misaada na mikopo nafuu imekuwa ikipungua kwa kiasi kikubwa.

Wachumi waliobobea wa ndani na nje ya nchi, wakiwemo magavana 20 kutoka nchi za Jumuiya ya Afrika mashariki (EAC) na wa Jumuiya ya Maendeleo ya Nchi za Kusini mwa Afrika (SADC) watashiriki katika kongamano hilo.

Vitabu vitakavyozinduliwa siku hiyo ni (i) “Tanzania: The Path to Prosperity” kinachoelezea masuala yanayohusu sera za uchumi nchini Tanzania ambacho kimeandikwa na wachumi waliobobea wa ndani na nje ya nchi, na kimechapishwa na Oxford University Press. (ii) Kitabu cha pili ni cha miaka 50 ya Benki Kuu ya Tanzania kiitwacho “50^th Anniversary of the Bank of Tanzania: Evolution of the Bank of Tanzania’s Role and Functions”, ambacho kinaelezea historia, majukumu, mafanikio na changamoto za Benki Kuu katika kipindi cha miaka 50 na matarajio ya Taasisi hii ya Umma katika maendeleo ya taifa katika kipindi cha miaka 50 ijayo.

Aidha, Tarehe 11/6/16 Mheshimiwa Waziri Mkuu Majaliwa Kassim Majaliwa atakuwa Mgeni Rasmi kwenye matembezi ya hisani ya wafanyakazi wa Benki Kuu kutoka makao makuu ya Benki hadi viwanja vya Mnazi Mmoja kuchangia ununuzi wa madawati ya shule za msingi kama sehemu ya maadhimisho ya miaka 50 ya Benki. Wafanyakazi wa Benki Kuu walioko matawini Mtwara, Mwanza, Dodoma, Arusha, Mbeya, Zanzibar na Chuo cha Benki Mwanza nao pia watafanya matembezi ya hisani kwenye mikoa yao.

Pamoja na matembezi kutakuwa na maonesho yaliyoandaliwa na Benki Kuu katika viwanja vya Mnazi Mmoja yenye lengo la kuwapa wananchi historia ya taasisi hii, ilikotoka, ilipo na inakoelekea katika kutekeleza majukumu yake.

Benki Kuu ingependa kuwakaribisha wananchi kufika kwa wingi kwenye viwanja vya Mnazi Mmoja siku hiyo ya tarehe 11/6/16 kujifunza mengi kuhusu taasisi hii ya umma.

Aidha, tunawaomba wananchi kufuatilia vipindi mbalimbali vya redio na makala kwenye magazeti ambapo mengi kuhusu historia, changamoto, mafanikio na matarajio ya Benki yataelezwa na viongozi mbalimbali wa Benki wa sasa na waliopita.

Benki Kuu ilianzishwa kwa mujibu wa Sheria ya Benki Kuu ya mwaka 1965 na kuanza kutoa huduma rasmi tarehe 14 mwezi Juni mwaka 1966. Katika kipindi cha uhai wake, Benki Kuu ya Tanzania imetimiza majukumu yake kwa mujibu wa sheria na kulingana na mahitaji ya taifa yalivyojitokeza mwaka hadi mwaka.

Imetolewa na:

Idara ya Uhusiano wa Umma na Itifaki

03/06/2016

================================================

PROF.MBARAWA:BARABARA YA IRINGA- DODOMA KILOMITA 260 KUFUFUA UCHUMI WA MIKOA HIYO

Saturday, June 04, 2016 Maoni: 0

Waziri Wa Ujenzi, Uchukuzi na Mawasiliano Profesa Makame Mbarawa akitoa maelekezo kwa watendaji wa taasisi zilizo chini ya Wizara ya Ujenzi, Uchukuzi na Mawasiliano Mkoani Iringa. Kulia ni Waziri wa Ardhi Nyumba na Maendeleo ya Makazi Mhe.William Lukuvi na Kushoto Mkuu wa mkoa wa Iringa Bi Amina Masenza.

Waziri wa Ardhi Nyumba na Maendeleo ya Makazi Mhe.William Lukuvi akifafanua jambo kwa Waziri wa Ujenzi, Uchukuzi na Mawasiliano Profesa Makame Mbarawa mara baada ya kuanza ziara ya siku nne mkoani Iringa.

Waziri Wa Ujenzi, Uchukuzi na Mawasiliano Profesa Makame Mbarawa akimsikiliza Meneja wa wakala wa Barabara nchini (TANROADS) Mkoa wa Iringa Eng. Daniel Kindole wakati wa ukaguzi wa barabara ya Dodoma –Iringa KM 260 ambapo ujenzi wake umekamilika kwa kiwango cha lami.

Mkuu wa mkoa wa Iringa Bi. Amina Masenza akitoa taarifa ya hali ya Miundombinu kwa Waziri wa Ujenzi, Uchukuzi na Mawasiliano Profesa Makame Mbarawa wakati wa ziara ya waziri huyo katika mkoani Iringa.

Waziri wa Ujenzi, Uchukuzi na Mawasiliano Profesa Makame Mbarawa amewataka wakazi wa mikoa ya Dodoma na Iringa kutumia fursa ya kukamilika kwa kiwango cha lami barabara ya Dodoma Iringa kufanya shughuli za uzalishaji ili kujiletea maendeleo.

Akizungumza wakati akikagua barabara ya Dodoma Iringa KM 260 Profesa Mbarawa amesema Barabara hiyo imelenga kufufua uchumi wa mikoa ya Iringa na Dodoma hususani hifadhi ya Ruaha na Vivutio vya utalii vilivyopo mkoani Iringa.

“Barabara hii tuIiigawa katika sehemu tatu Iringa-Migori KM 95.2, Migori- Fufu KM 93.8 na Fufu –Dodoma Km 70,9 ili ikamilike kwa haraka na hivyo kuharakisha maendeleo ya watu wa Dodoma na Iringa “. Amesema Profesa Mbarawa.

Profesa Mbarawa amesema kiasi cha sh. bil 4.6 itatolewa na Serikali ili kulipa fidia kwa wananchi watakaopisha ujenzi wa barabara ya Iringa mchepuo KM 7.3 itakayoanzia Kihesa –Kilolo kupitia Chuo Kikuu cha Iringa hadi Igumbilo ili kuondoa msongamano wa magari katikati ya Mji wa Iringa.

Waziri Mbarawa amesisitiza nia ya Serikali ya kuukarabati uwanja wa Ndege wa Nduli mkoani Iringa ili kuwawezesha watalii wanaokwenda katika hifadhi ya Ruaha na Vivutio vingine vya Utalii Mkoani Iringa kutumia uwanja huo ili kuhamasisha uchumi wa mkoa wa Iringa.

Naye Mbunge wa Isimani Mhe. Wiliam Lukuvi ambaye ni Waziri wa Ardhi, Nyumba na Maendeleo ya Makazi akizungumza kwa niaba ya wabunge wa Mkoa wa Iringa amemshukuru Waziri wa Ujenzi, Uchukuzi na Mawasiliano Prof. Mbarawa kwa kukubali kujenga barabara ya Mchepuo ya Iringa na kumuomba aangalie uwezekano wa kujenga kwa kiwango cha lami barabara ya Iringa-Kalenga hadi katika hifadhi ya Taifa Ruaha yenye urefu wa KM 104.

Mkuu wa Mkoa wa Iringa Bi. Amina Masenza amemuomba Waziri wa Ujenzi, Uchukuzi na Mawasiliano kupanua barabara ya TANZAM eneo la Mlima kitonga na kumalizia ujenzi wa barabara ya Tosamaganga –Ugwachanya kwa kiwango cha lami na Ujenzi wa daraja la Tosamaganga ili kupunguza changamoto za usafiri kwa wakazi wa Iringa.

Waziri wa Ujenzi, Uchukuzi na Mawasiliano yupo katika Ziara ya siku nne mkoani Iringa kukagua maendeleo ya Ujenzi wa Miundombinu mkoani humo.
=========================================

TANZANIA YATEULIWA KUWA MWENYEJI WA MKUTANO MKUU WA 37 WA SHIRIKA LA MAKAZI AFRIKA

Saturday, June 04, 2016 Maoni: 0

Katika kutambua mchango wa Tanzania katika uendelezaji wa makazi ya watu na kuweka mbele utu wa binadamu wa mahitaji ya msingi ikiwemo nyumba, wajumbe kutoka nchi 44 za kiafrika waliohudhuria Mkutano wa 35 wa Shirika la Makazi la Afrika Jijini Abuja Nigeria, kwa pamoja wameiteua na kuiidhinisha Tanzania kuwa mwenyeji wa Mkutano wa 37 wa Shirika hilo utakaofanyika mwaka 2018.

Katika Mkutano Mkuu wa Abuja changamoto iliyojitokeza ni uwezo wa nchi za kiafrika wa kuwapatia wananchi wake nyumba za gharama nafuu, huku wajumbe wakitoa rai kwa serikali zao kuainisha vigezo vya kutambua nyumba ya gharama nafuu. Aidha, wajumbe wa Mkutano huo wanaona changamoto kubwa ya wananchi wengi wa Afrika kuweza kumiliki nyumba ya gharama nafuu ni uwezo mdogo unaotokana na vipato vidogo, kutokuwepo sera ya kuwezesha raia kumiliki nyumba za gharama nafuu, kukosekana kwa miundombinu katika makazi ya gharama nafuu, riba kubwa za mikopo ya ujenzi wa nyumba nafuu na ukosefu wa ardhi ya kujenga nyumba hizo.

Kwa ujumla changamoto za nchi za kiafrika katika kuwapatia wananchi wa kawaida makazi nafuu zinafanana na kilio kikubwa katika nchi hizo ni kuwepo makazi holela hata baada ya nchi hizo kujikomboa kutoka ukoloni mkongwe. Hivyo, Mkutano Mkuu huu umeazimia nchi wanachama kuweka juhudi katika kuipa kipaumbele sekta ya nyumba kwa kuwa ni sekta mtambuka katika kuharakisha ukuaji wa uchumi na maisha bora ya watu.(Habari za mkutano huo katika picha na Muungano Saguya, Abuja, Nigeria).

Naibu Waziri wa Ardhi, Nyumba na Maendeleo ya Makazi Mhe. Dkt. Angeline Mabula akiwa na viongozi wa Taifa la Nigeria na Shirika la Makazi la Afrika Jijini Abuja wakati ukipigwa wimbo wa Taifa la Nigeria katika ufunguzi wa Mkutano Mkuu wa 35 wa Shirika la Makazi Afrika.

Naibu Waziri wa Ardhi, Nyumba na Maendeleo ya Makazi Mhe. Dkt. Angeline Mabula (wan ne kulia) akifuatilia mada mbalimbali zilizowasilishwa katika Mkutano Mkuu wa 35 wa Shirika la Makazi Afrika (Shelter Afrique). Wengine ni Waziri wa Nishati, Ujenzi na Nyumba wa Nigeria Mh. Babatunde Fashiola (wa tatu kulia), Mkurugenzi Mkuu wa Shelter Afrique Bw. James Mugerwa (wa pili kulia) na Mwenyekiti wa Bodi ya Wakurugenzi ya Shelter Afrique Bw. Jean-Paul Missi (wa kwanza kulia). Mkurugenzi Msaidizi wa Usanifu wa Miji na Uendelezaji Upya Maeneo, kutoka Wizara ya Ardhi, Nyumba na Maendeleo ya Makazi, Bibi Immaculata Senje (wa pili kushoto) akiwa miongoni mwa wajumbe wa Mkutano Mkuu wa 35 wa Shelter Afrique uliofanyika Jijini Abuja wakifuatilia mada mbalimbali zilizowasilishwa.

Mchoro huu juu na chini unaonyesha taswira ya mji wa kisasa unaotabiriwa kuwa Dubai ya Nigeria unaojengwa nje kidogo ya Jiji la Abuja ujulikanao kama Centenary City Abuja ambao wajumbe wa nchi mbalimbali za Afrika waliohudhuria Mkutano Mkuu wa 35 wa Shirika la Makazi Afrika waliweza kuutembelea na kujionea ndoto ambayo wanigeria wameamua kuitekeleza.

Naibu Waziri wa Ardhi, Nyumba na Maendeleo ya Makazi Mhe. Dkt. Angeline Mabula akiwa meza kuu baada ya Tanzania kuteuliwa na kuidhinishwa na Mkutano Mkuu wa 35 wa Shelter Afrique Jijini Abuja kuwa mwenyeji wa Mkutano wa 37 utakaofanyika nchini Tanzania mwaka 2018.Kulia kwa Naibu Waziri ni Waziri wa NIshati, Ujenzi na Nyumba wa Nigeria Mh. Babatunde Raji Fashola ambaye pia alikuwa Mwenyekiti wa Mkutano huo.Wajumbe kutoka nchi 44 za Afrika na wageni waalikwa kutoka nchi na mashirika mbalimbali ya Kimataifa wakiendelea na Mkutano wa 35 wa Shirika la Makazi la Afrika uliofanyika katika Hoteli ya Transcorp Hilton Jijini Abuja, Nigeria. Tanzania iliwakilishwa na Naibu Waziri wa Ardhi, Nyumba na Maendeleo ya Makazi Mhe. Dkt. Angeline Mabula.

Read more » 
================================================ 

TAGLA NA TBA WAKAMILISHA MAFUNZO YA SIKU TANO KWA NJIA YA MTANDAO (VIDEO CONFERENCING).

Saturday, June 04, 2016 Maoni: 0

Mmoja wa Washiriki wa Mafunzo ya siku tano kwa njia ya mtandao akipokea cheti chake toka kwaMkurugenzi Mtendaji wa Wakala wa Mafunzo kwa Njia ya Mtandao (TaGLA) Bw. Charles Senkondo (katikati) pamoja na Ofisa Mtendaji Mkuu wa Wakala wa Majengo (TBA), Bw. Elius Mwakalinga (kushoto) mara baada ya kumalizika kwa mafunzo hayo yaliyoaratibiwa na Ofisi ya Wakala wa Mafunzo kwa Njia ya Mtandao (TaGLA) 3 Juni, 2016 jijini Dar es Salaam.

Wadau kutoka Wakala wa Mafunzo kwa Njia ya Mtandao (TaGLA) pamoja na Wakala wa Majengo Tanzania (TBA) wakimsikiliza mtoa mada kwa njia ya video (Tele Conference) wakati wa Mafunzo ya Siku Tano yaliyolengwa kwa ajili ya Wakala wa Majengo Tanzania (TBA) kuhusiana na masuala mbalimbali yanayaohusu majengo 3 Juni, 2016 jijini Dar es Salaam.(PICHA ZOTE NA BENEDICT LIWENGA-MAELEZO)

Wadau kutoka Wakala wa Mafunzo kwa Njia ya Mtandao (TaGLA) pamoja na Wakala wa Majengo Tanzania (TBA) wakimsikiliza mtoa mada kwa njia ya video (Tele Conference) wakati wa Mafunzo ya Siku Tano yaliyolengwa kwa ajili ya Wakala wa Majengo Tanzania (TBA) kuhusiana na masuala mbalimbali yanayaohusu majengo 3 Juni, 2016 jijini Dar es Salaam.

Meneja Mafunzo toka Wakala wa Mafunzo kwa Njia ya Mtandao (TaGLA) Bw. Dickson Mwanyika akiwashukuru wadau waliohudhuria mafunzo hayo wakati wa ufungaji jan 3 Juni, 2016 jijini Dar es Salaam.

Mdau kutoka Wakala wa Majengo Tanzania (TBA), Mhandisi Mtapuli Juma akichangia mada kuhusiana na mafunzo ya siku tano waliyopatiwa na Wakala wa Mafunzo kwa Njia ya Mtandao (TaGLA) wakati wa ufungaji wa mafunzo hayo 3 Juni, 2016 jijini Dar es Salaam.

Read more » 
===================================================== 

MUHAMMAD ALI AFARIKI DUNIA

Saturday, June 04, 2016 Maoni: 0

Bingwa wa zamani wa mchezo wa Masumbwi Dunia kwa uzito wa juu (World Heavyweight Champion) aliyeaminika kuwa mmoja kati ya Mabondia bora zaidi kuwahi kutokea, Muhammad Ali maarufu kama "The Greatest" amefariki Dunia leo katika hospitali ya Phoenix-area iliyopo Phoenix, Arizona alipokuwa amelazwa kwa matibabu. 

Ali ambaye alikuwa ni Bingwa mara tatu wa  ngumi za Uzani wa Juu Duniani, amefariki akiwa na umri wa Miaka 74.

Muhammad Ali aliyestaafu ndondi za kulipwa mwaka 1981 aligundulika kuwa na ugojwa wa Parkinson (Parkinsons Disease) Mwaka 1984 na amekuwa akisumbuliwa na ugonjwa huo hadi alipopatwa na mauti.

 Mbali na ugonjwa huo pia Ali alikuwa akisumbuliwa na ugonjwa wa Kiharusi pamoja na maambukizi katika njia ya mkojo.

Mungu ailaze roho ya Marehemu Mahali Pema Peponi. Amina

**********  *********
HISTORIA FUPI YA MUHAMMAD ALI.

Muhammad Ali alikuwa bondia kwa sababu kuna mtu aliyemuibia baskeli yake. Alikuwa na umri wa miaka 12 wakati ule na alikuwa akiishi Louisville katika jimbo la Kentucky akijuilikana kwa jina la Cassius Mercellus Clay Jr.

Joe Martin, aliyekuja kuwa kocha wake baadaye, anaelezea jinsi kijana huyo alivyokuwa akilia huku akiahidi kumtandika magumi aliyemuibia baskeli yake pindi akimpata. Kocha huyo wa ubondia alimchukua Clay, kijana mweusi anayetokea katika familia ya watu maskini, na kumjumuisha na watoto wengine aliokuwa akiwafundisha.

“Alikuwa na bidii zaidi kuliko waatoto wote wengine niliokuwa nikiwasimamia,” anasema Joe Martin.
Ingawa Clay wakati ule hakuwa na nguvu ya kuvurumisha masumbwi, alikuwa mwepesi wa kuranda randa kupita kiasi. Mnamo mwaka 1960, akiwa na umri wa miaka 18, alishinda katika pambano la ndondi la michezo ya Olympiki mjini Rome, Italia. Medali yake ya dhahabu inasemekana aliitupa ndani ya Mto Ohio kwa sababu alikasirishwa na jinsi watu weusi wanavyobaguliwa nchini mwake.

Cassius Clay alikamilisha michuano ya wasiolipwa baada ya kuibuka na ushindi mara 100 katika jumla ya mapambano 108 aliyopigana. Wafanyabiashara 11 wa Kizungu kutoka Louisville walishirikiana ili kumfungulia njia Cassius Clay ya kuingia katika ulingo ya mabondia wa kulipwa.

Bondia huyo mwenye kipaji alikuwa akitajikana pia kuwa ni mtu aliyekuwa na majivuno na mdomo mpana. Kabla ya mapambano yake, Cassius Clay daima alikuwa akijinata kuwa yeye “ndie mbabe wa wababe na mzuri kuliko mabondia wote na kuwakejeli wapinzani wake.

Katika pambano lake la kwanza la kuwania ubingwa wa dunia Februari 1964 dhidi ya mtetezi wa taji hilo, Sonny Liston, Clay hakuwa akijulikana ni nani na watu waliamini angeshindwa tu. Lakini baada ya raundi ya sita, Liston aliungama. “Mie ndie mbabe,” alinguruma Cassius Clay kupitia kikuza sauti.

*Mwaka huo huo, alisilimu na kujiunga na kundi la Nation of Islam lililokuwa likiongozwa wakati huo mwanaharakati wa haki wa Wamarekani Weusi, Malcolm X. Akabadilisha jina la Cassius Clay na kujiita wakati huo huo Muhammad Ali*

Muhammad Ali hakuwa bondia tu, alikuwa mwanaharakati pia. Alipinga vita vya Marekani nchini Vietnam na alikataa kutekeleza sheria ya kutumikia jeshi. Mnamo mwaka 1967, akapokonywa sio tu leseni yake ya ubondia, bali pia alihukumiwa kifungo cha miaka mitano jela, ingawa baadaye bondia huyo wa aina pekee aliachiwa kwa dhamana.

Wasanii na wasomi mfano wa Richard Burton na Henry Fonda au mwandishi vitabu Truman Capote wakampigania mpaka Muhammad Ali akaruhusiwa tena kurejea ulingoni baada ya kulazimika kukaa nje kwa miaka mitatu.

Machi 8, 1971 Muhammad Ali aliteremka ulingoni Madison Square Garden mjini New York kwa kile kilichotaajwa “kuwa pambano la ndondi la karne” dhidi ya bingwa wa wakati ule, Joe Frazier. Lilikuwa pambano kati ya mafahali wawili, kati ya mpinzani na yule aliyekuwa akiangaliwa kama mwakilishi wa mtindo wa maisha wa Kimarekani. Katika pambano hilo la kusisimua la zaidi ya raundi 15, Frazier akashinda kwa pointi. Ali akalazimika kwa mara ya kwanza katika maisha yake ya ubondia kunusa jamvi.

Yakafuata mapambano mengine ya kusisimua mfano wa lile la mjini Kinshasa dhidi ya George Foreman mnamo mwaka 1974, ambapo Muhammad Ali anasema “aliranda mfano wa kipepeo na kuuma kama nyuki”

Muhammad Ali alilipiza kisasi dhidi ya Joe Frazier mwaka 1975 na kumlazimisha kusalimu amri mnamo rauni ya 14. Mohammed Ali alistaafu mwishoni mwa mwaka 1981 baada ya kuranda kwa karibu miaka 40.

Wakati huo tayari alikuwa anasumbuliwa na maradhi ya Parkinson. Licha ya maradhi hayo, Muhammad Ali ndiye aliyewasha mwenge wa Olimpiki huko Atlanta mnamo mwaka 1996 na kuusisimua ulimwengu mzima. Mwaka 1999 aliteuliwa na kamati kuu ya michezo ya Olimpiki kuwa “mwanaspoti bora wa karne.”

Mpinzani wake wa zamani George Foreman amegeuka hivi sasa kuwa rafiki yake mkubwa na kuungama “Muhammad Ali ndie bingwa wa mabingwa.”


Mpaka leo june 4 2016. Muhhamad Ali anapoteza maisha ndie mwanamasumbwi mstaafu kutoka nchini Marekani. aliepata kuwa bingwa wa uzito wa juu mara tatu