MFANYABIASHARA WA UTALII ARUSHA ATOA MISAADA YA KIJAMII HOSPITALI MKOA WA ARUSHA LEO. MTAZAME RAIS MAGUFULI AKIMTANGAZA KATIBU MKUU MPYA IKULU JIJINI DAR Kichupa cha leo #LETIGO by Nameless and Nyashinski WAZIRI MKUU, KASSIM MAJALIWA AENDELEA NA ZIARA MKOANI SIMIYU MWAMBATA WA ZAMANI WA JESHI UBALOZI WATANZANIA NCHINI MAREKANI NA CANADA BRIGADIEAR GENERAL EMMANUEL MAGANGA ASTAAFU RASMI CATHERINE MAGIGE AKARABATI OFISI YA UWT MKOANI ARUSHA RAIS MAGUFULI AMTEUA BALOZI JOHN WILLIAM KIJAZI KUWA KATIBU MKUU KIONGOZI MAKAMU WA RAIS MHE. SAMIA AWAHUTUBIA WANAWAKE KWENYE MAADHIMISHI YA KIMATAIFA YA SIKU YA WANAWAKE DUNIANI DKT. SHEIN AONGOZA MAMIA YA WAOMBOLEZAJI KWENYE MAZISHI YA MZEE HAMID AMEIR MUASISI WA MAPINDUZI RAIS WA VIETNAM KUFANYA ZIARA YA KWANZA YA KITAIFA NCHINI VIJIMAMBO INAKUTAKIA JUMAPILI NJEMA NA UPENDO NKONE- HALELUYA USIFIWE HAPPY BIRTHDAY UDSM YAKANUSHA TAARIFA ZA KUWANYANYASA WATUMISHI WAKE CHUO KIKUU CHA MZUMBE CHAPONGEZWA KWA KUIMARISHA ELIMU NCHINI DAR USIKU, UNAWEZA KUDHANI UKAHABA UMEHALALISHW IKULU YAVUNJA UKIMYA SAKATA LA UMEYA DAR CHADEMA YACHAMBUA SIKU 120 ZA MAGUFULI VIDEO: LULU NA RICHIE WASHINDA TUZO ZA AMVCA 2016 MAONESHO YA SIKU YA WANAWAKE DUNIANI KATIKA VIWANJA VYA MNARA WA KUMBUKUMBU YA MAPINDUZI KISONGE ZANZIBAR MAGAZETI YA MARCH 06, 2016 SHEREHE YA RED CARPET DAY SEATTLE WA. Bocco avuruga chereko Yanga Chadema Monduli yamkubali Magufuli Mama afariki dunia pamoja na watoto wake wachanga kwa kukosa damu

MFANYABIASHARA WA UTALII ARUSHA ATOA MISAADA YA KIJAMII HOSPITALI MKOA WA ARUSHA LEO. Posted: 06 Mar 2016 12:02 PM PST Mkurugenzi wa kampuni ya utalii ya Viola,Violet .c.Mfuko akizima mshumaa alipokuwa akiazimisha siku yake ya kuzaliwa iliyofanyikia katika hospitali ya mt.Meru jijini Arusha jana  Mkurugenzi wa kampuni ya utalii ya Viola,Violet .C. Mfuko akikata keki alipokuwa akisherekea siku yake ya kuzaliwa iliyo fanyika katika hospitali ya mt. Meru iliyoko jijini Arusha jana. Mkurugenzi wa kampuni ya utalii ya Viola,Violet Mfuko akimlisha keki mkurugenzi mwenzake, ambae ni (mme wake) ndugu Kim Godwin Fute,alipokuwa akiazimisha siku yake ya kuzaliwa iliyo fanyika katika hospitali ya mt.Meru iliyoko jijini Arusha jana. Mkurugenzi wa kampuni ya utalii ya Viola,Violet Mfuko akimkabidhi shuka mganga mkuu mfawidhi wa hospital ya mt.Meru dr.Jackline Urio alipokuwa akiadhimisha siku yake ya kuzaliwa jana.  Picha ya pamoja ya marafiki wa Violet ilipigwa. Mkurugenzi wa kampuni ya utalii ya Viola,Violet Mfuko akimuombea mgonjwa Frida Shayo alipotembelea hospitali ya mt.Meru alipokuwa akiadhimisha siku yake ya kuzaliwa jana.  Mkurugenzi Viola Mfuko anamlisha keki Habibya Fadhili alipotembelea hospital ya mt.Meru alipokuwa akiadhimisha siku yake ya kuzaliwa jana. Katika kuelekea maadhimisho ya kilele cha siku ya wanawake duniani machi nane baadhi ya wanawake jijini Arusha wanaadhimisha siku hiyo kwa matukio mbalimbali ambapo mwanamke mjasiriamali wa jijini humo Violet Mfuko amejitolea kujenga sehemu ya kusubiria na kufanyia ibada katika mochwari ya hospitali ya mkoa wa Arusha ya mountmeru pamoja na mashimo nane ya vyoo katika sehemu hiyo. Akiwa ameongozana na wakina mama wengine walianzia kutoa msaada wa vitu mbalimbali katika wodi ya wanawake na watoto ambapo Viola anasema baada ya kutembelea sehemu ya mochwari katika hospitali  hiyo aligundua changamoto hiyo ambayo ilimgusa na kuamua kujitolea kuanza ujenzi wa jengo hilo kuanzia jumatatu machi 7 ambalo litagharimu kiasi cha shilingi milioni 50. Alisema ameamua kujikita katika kusaidia jamii badala ya kutumia fedha zake katika mambo ambayo hayana faida kwa jamii na kysisitiza kuwa baada ya kupewa ramani na uongozi wa hospitali ataanza ujenzi jumatatu machi 7 mwaka huu. Alisema baada ya kujionea adha wsnayoipata wafiwa kukosa sehemu ya kusubiria miili ya marehemu na vyoo vinavyotumika kuwa ndani ya mochwari aliguswa na suala hilo na kuamua kujenga vyo na sehemu hiyo. "Tayari nimeshapokea ramani nitaanza ujenzi jumatatu nawaomba wana Arusha mnipe ushirikiano tuweze kumsaidia rais magufuli yeye alianza na muhimbili sisi tumeamua kumsaidia hospitali yetu ya mkoa"alisema Violet. Viola ambaye ni mkurugenzi wa kampuni ya Viola car hire yenye makao makuu yake jijini Arusha anatumia siku yake ya kuzaliwa kutoa msaada katika hospitali hiyo na kutoa wito kwa wakazi wa mji wa Arusha kuanza kuisadia serikali kuboresha sekta ya afya kwa kuwa sekta hiyo inachangamoto nyingi. "Mimi nikiwa ni mwanamke ninajua changamoto nyingi zinazotukaabili kina mama na watoto  ambapo naamini ukimsaidia mama na mtoto umegusa jamii nzima"alisema Violet Hata hivyo baadhi ya wajasiriamali wengine wa jijini humo wanaunga mkono jitihada za mwanamama huyo  ambapo daktari Edmund Matafu anajitolea mashine mbili za hewa safi kwa ajili ya kusaidia watoto wanaozaliwa kabla ya muda yaani njiti. Mganga mfawidhi wa hospitali ya mkoa ya mountmeru Jackline Uriyo amemshukuru Violet na Dakta Matafu kwa  msaada wao ambao amesema umefika  wakati mwafaka. "Kwa niaba ya uongozi wa hospitali ya mountmeru tunatoa shukrani za dhati kwa Viola na dakta Matafu tunawaomba waendelee na moyo huo lakini tunatoa wito kwa watu wengine wenye mapenzi mema kuisaidia hospitali ya mkoa kwani inalabiliw na changamoto nyingi"alisema Uriyo Mbali na msaada huo Viola pia ametoa msaada wa vitu mbalimbali vikiwemo mashuka mia mbili,sabuni,mchele,juisi soda mablanketi vyote vikiwa na thamani ya shilingi milioni kumi.

MTAZAME RAIS MAGUFULI AKIMTANGAZA KATIBU MKUU MPYA IKULU JIJINI DAR Posted: 06 Mar 2016 10:16 AM PST Rais wa Jamhuri ya muungano wa Tanzania Dr. John Pombe Magufuli amemtangaza katibu mkuu kiongozi mpya kwenye serikali yake ambaye anachukua nafasi hiyo iliyokua kwa Ombeni Sefue, katibu mkuu mpya amekua akifanya kazi kama Balozi wa Tanzania India, mtazame Rais Magufuli hapa chini.

Kichupa cha leo #LETIGO by Nameless and Nyashinski Posted: 06 Mar 2016 07:46 AM PST

WAZIRI MKUU, KASSIM MAJALIWA AENDELEA NA ZIARA MKOANI SIMIYU Posted: 06 Mar 2016 06:34 AM PST Waziri Mkuu,Kassim Majaliwa akikagua jengo la matibabu ya wazee baada ya kulizindua kwenye hospitali ya Wilaya ya Meatu iliyopo Mwanhuzi akiwa katika ziara ya mkoa wa Simiyu Machi 5, 2016. Waziri Mkuu, Kassim Majliwa akizungumza na watumishi wa serikali katika ukumbi wa Halmashauri ya Wilaya ya Metu akiwa katika ziara ya mkoa wa Simiyu Machi 5, 2016. Waziri Mkuu, Kassim Majaliwa akiwapungia wananchi wakati alipoingia kwenye uwanja wa Stendi ya Mwanhuzi wilayani Meatu kuhutubia Mkutano wa hadhara Machi 5, 2016. Waziri Mkuu, Kassim Majaliwa akiwapungia wananchi wakati alipoingia kwenye uwanja wa Stendi ya Mwanhuzi wilayani Meatu kuhutubia Mkutano wa hadhara Machi 5, 2016.Kulia kwake ni Naibu Waziri wa Nchi, Ofisi ya Makamu wa Rais na Mbunge wa Kisesa, Luhaga Mpina na wapili kushoto ni Mkuu wa Mkoa wa Simiyu, Erasto Mbwilo. Waziri Mkuu, Kassim Majaliwa akihutubia mkutano wa hadhara kwenye uwanja wa Stendi mjini Mwanhuzi. Alikuwa katika ziara ya mkoa wa Simiyu Machi 5, 2016. (Picha na Ofisi ya Waziri Mkuu). SERIKALI imeanzisha mfumo wa Kielektroniki wa malipo ya mishahara kwa watumishi wa umma ambao unalenga kuondoa tatizo la madai ya malimbikizo ya stahili zao. Hayo yamesemwa na Waziri Mkuu Kassim Majaliwa jana (Jumamosi, Machi 5, 2016) wakati akizungumza na watumishi wa sekta mbalimbali  katika wilaya ya Meatu, mkoani Simiyu. Waziri Mkuu alisema mfumo huo ujulikanao kama LAWSON, unatumika kwenye ajira za watumishi wote nchini, wa Serikali Kuu na wale wa Serikali za Mitaa   Waziri Mkuu alisema mfumo huo unasaidia kutunza, kutuma na kuhuisha  taarifa za watumishi kwa wakati na kwa ufanisi tangu mtu anapoajiriwa hadi inapofikia wakati wa kupandishwa madaraja na hadi anapostaafu. Kabla ya kuanzishwa kwa mfumo huo, maafisa utumishi walipaswa kukusanya taarifa za watumishi wote walioajiriwa na kuzipeleka Ofisi ya Rais Menejimenti ya Utumishi wa Umma ili zikathibitishwe kabla ya kuzipeleka HAZINA kwa maandalizi ya mishahara.  Akitolea mfano wa kada ya ualimu, Waziri Mkuu alisema ajira za walimu zilikuwa zinaanzia Idara ya Utumishi wa Walimu  (TSD)  lakini anapaswa aende kuripoti kwa Mkurugenzi Mtendaji wa Halmashauri  (DED) ambaye ni mwajiri wake chini ya TAMISEMI. "Hii ilileta ugumu wa malipo ya kupanda madaraja, uhamisho ama likizo kwa sababu mwajiri anakuwa hajatenga hizo fedha." "Sasa hivi tuna Tume ya Utumishi wa Walimu  (TSC) ambayo iko chini ya Mkurugenzi Mtendaji wa Halmashauri. Kwa hiyo ni rahisi wao kukaa pamoja na kuamua tuwapandishe daraja walimu 10 na wote hao wakalipwa bula bila kuchelewa," alisema. Alisema mfumo huo umeanza kutumika tangu mwaka 2012 na ulianza kwa ajira mpya za wakimu na hadi sasa umethibitisha kuwa inawezekana kumlipa mtumishi mshahara wake hata kama ameajiriwa ndani ya mwezi huohuo. "Kama mtumishi anaripoti kwenye kituo kipya hata iwe wilaya ya wapi ili mradi amefika na barua zake zote na ziko sahihi mtu huyu ataingiziwa taarifa zake na wakati huohuo taarifa zitaonekanaOfisi ya Rais Menejimenti ya Utumishi wa Umma na pia zitapokelewa kwa maafisa wanaoshughikia mishahara kule HAZINA." Alisema changamoto pekee waliyokutana nayo wakati mfumo huo umeanza ilikuwa ni kutoingizwa taarifa za wale ambao wameripoti baada ya tarehe 10 ya mwezi husika. "Hii ni kwa sababu matayarisho ya mishahara yanakuwa yameshaanza. Kwa hiyo wengi walishauriwa kuripoti kati ya tarehe 25 hadi tarehe 9 ya mwezi uliofuata na wote hawa hawakupata matatizo ya kucheleweshewa mshahara," alisema. Akifafanua kuhusu upandishaji madaraja ya watumishi, Waziri Mkuu alisema  Serikali imeondoa utaratibu wa mtumishi kulazimika kuandika barua ya kukiri kupandishwa daraja/cheo ndipo aanze kupata stahili zake mpya. "Hii imeondoa ucheleweshaji wa kufanyika marekebisho ya mshahara  na pili imeondoa tofauti za mishahara kwa watumishi wenye ngazi moja (sifa sawa za kitaaluma, tarehe moja ya kuajiriwa) ambao walikuwa wakilipwa tofauti kwa sababu mmoja aliwahi kuandika barua ya kukiri na mwingine alichelewa kuandika barua hiyo hiyo " alisema. Wakati huohuo, Waziri Mkuu Kassim Majaliwa amelazimika kukatisha ziara ya mkoa wa Simiyu ambayo ilikuwa imalizike kesho kutokana na msiba wa Mkurugenzi Mtendaji wa Halmashauri ya Wilaya ya Maswa ambayo alipangiwa kuitembelea leo. Mkurugenzi huyo Bw. Traceas Kagenzi alifariki dunia usiku wa kuamkia jana kutokana na shinikizo la damu.  Atasafirishwa kwenda Muleba  kwa mazishi. Akitoa salamu za rambirambi kwenye ibada ya kumuombea marehemu Kagenzi iliyofanyika nyumbani kwake Maswa mjini, Waziri Mkuu alisema ameshtushwa na msiba huo uliotokea ghafla na kwamba Taifa limempoteza mtumishi mahiri ambaye bado Taifa lilikuwa likimtegemea. "Nimeshtushwa sana na taarifa za msiba huu. Nimeambiwa hadi juzi usiku alikuwa akishirikiana na Mkuu wa Wilaya hii kuandika taarifa ya ziara ya wilaya hii. Kwa niaba ya Serikali, ninawapa pole sana wafiwa na Mungu awape uvumilivu katika kipindi hiki kigumu cha majonzi," alisema. "Nimelazimika kukatisha ziara ya mkoa huu kwa sababu huyu ni mtumishi mwenzetu.

MWAMBATA WA ZAMANI WA JESHI UBALOZI WATANZANIA NCHINI MAREKANI NA CANADA BRIGADIEAR GENERAL EMMANUEL MAGANGA ASTAAFU RASMI Posted: 06 Mar 2016 05:55 AM PST \ Mwambata jeshi wa zamani nchini Marekani na Canada Brigadier General Emmanuel Edward Maganga siku ya ijumaa trh 04 March alikuwa miongoni mwa majenerali 16 walioagwa rasmi baada ya kustaafu utumishi jeshini. Jenerali Maganga amestaafu akiwa na wadhifa wa Mkaguzi Mkuu wa Jeshi. Amelitumikia jeshi kwa takriban miaka 37 na mwezi mmoja. Katika utumishi wake zaidi ya kuwa Mwambata jeshi USA na Canada pia aliwahi kuwa Mwambata Jeshi nchini Africa ya Kusini akiwa pia analiwakilisha jeshi katika nchi za Angola, Botswana,Lesotho na Namibia. Watanzania walioko Marekani watakumbuka upendo wake kwao akiwa na mke wake Untie Love na ushiriki wao usiobagua katika matukio ya raha na shida. Timu ya VIJIMAMBO inamuombea maisha mapya ya furaha na kumkaribisha URAIANI. Hongera SANA Kamanda, mwanataaluma ya uandishi wa habari, mwanadiplomasia, mwanamikakati, Mkaguzi uliyebobea na mwanamichezo madhubuti.

CATHERINE MAGIGE AKARABATI OFISI YA UWT MKOANI ARUSHA Posted: 06 Mar 2016 05:39 AM PST Mbunge wa Viti Maalum CCM mkoa wa Arusha Mhe. Catherine Magige, leo amekabidhi ofisi ya UWT mkoa wa Arusha ambayo amefanyia ukarabati na kuweka vitu vya thamani iliyogharimu shilingi milioni 6 na nusu. Mbunge wa Viti Maalum CCM mkoa wa Arusha Mhe. Catherine Magige akicheza ngoma na viongozi wa UWT mkoa wa Arusha mara baada ya kukabidhi ofisi ya UWT aliyokarabati kwa gaharama ya shilingi milioni 6.5 ,ambapo ofisi imepakwa rangi ,kuwekwa tiles , viti, meza , amakabati pamoja na TV. Mbunge wa Viti Maalum CCM mkoa wa Arusha Mhe. Catherine Magige akiwa kwenye picha ya pamoja na viongozi na wajumbe wa UWT mkoani Arusha. BOFYA HAPA KWA PICHA ZAIDI

RAIS MAGUFULI AMTEUA BALOZI JOHN WILLIAM KIJAZI KUWA KATIBU MKUU KIONGOZI Posted: 06 Mar 2016 06:46 AM PST

MAKAMU WA RAIS MHE. SAMIA AWAHUTUBIA WANAWAKE KWENYE MAADHIMISHI YA KIMATAIFA YA SIKU YA WANAWAKE DUNIANI Posted: 06 Mar 2016 05:13 AM PST Makamu wa Rais wa Jamhuri ya Muungano wa Tanzania Mhe. Samia Suluhu Hassan, akisalimiana na Mkurugenzi Mkuu wa Kampuni ya TRUMARK Agnes Mgonge alipowasili katika ukumbi wa Kingsolomon Kinondoni jijini Dar es salaam jana jioni March 05,2016 kwa ajili ya kuhudhuria Maadhimisho ya siku ya Kimataifa ya Wanawake Duniani. Makamu wa Rais wa Jamhuri ya Muungano wa Tanzania Mhe. Samia Suluhu Hassan katikati akiwa katika picha ya pamoja Viongozi wa Kampuni ya TRUMARK iliyoandaa sherehe ya maadhimisho ya siku ya Ki,ataifa ya Wanawake Duniani alipowasili katika ukumbi wa Kingsolomon Kinondoni jijini Dar es salaam jana jioni March 05,2016 kwa ajili ya kuhudhuria Maadhimisho hayo. Makamu wa Rais wa Jamhuri ya Muungano wa Tanzania Mhe. Samia Suluhu Hassan, akizungumza na Wajasiriamali wa Vikundi vya Vikoba kutoka katika taasisi mbalimbali kwenye maonesho ya maadhimisho ya siku ya Kimataifa ya Wanawake Duniani yaliyondaliwa na Kampuni ya TRUMARK katika ukumbi wa Kingsolomon Kinondoni jijini Dar es salaam jana jioni March 05,2016. Makamu wa Rais wa Jamhuri ya Muungano wa Tanzania Mhe. Samia Suluhu Hassan, akiangalia Bidha katika maonesho ya Vikundi vya Wajasiriamali wa Vikoba kutoka katika taasisi mbalimbali kwenye maadhimisho ya siku ya Kimataifa ya Wanawake Duniani yaliyoandaliwa na Kampuni ya TRUMARK katika ukumbi wa Kingsolomon Kinondoni jijini Dar es salaam jana jioni March 05,2016. kulia Naibu Waziri wa Afya Maendeleo ya Jamii Jinsia,Wazee na Watoto Mhe. Khamis Kigwangala. Makamu wa Rais wa Jamhuri ya Muungano wa Tanzania Mhe. Samia Suluhu Hassan, akimtunza msanii wa kikundi cha Barnaba Bibi Patrisha Hilary alipokua akiimba nyimbo ya kusifu siku ya Wanawake Duniani kwenye maadhimisho ya siku ya Kimataifa ya Wanawake Duniani yaliyoandaliwa na Kampuni ya TRUMARK katika ukumbi wa Kingsolomon Kinondoni jijini Dar es salaam jana jioni March 05,2016. Makamu wa Rais wa Jamhuri ya Muungano wa Tanzania Mhe. Samia Suluhu Hassan, akihutubia kwenye maadhimisho ya siku ya Kimataifa ya Wanawake Duniani iliyoandaliwa na Kampuni ya TRUMARK katika ukumbi wa Kingsolomon Kinondoni jijini Dar es salaam jana March 05,2016. Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na kuzungumza na Wajasiriamali wa Vikundi vya Vikoba kutoka katika taasisi mbalimbali baada ya kuwahutubia kwenye maonesho ya maadhimisho ya siku ya Kimataifa ya Wanawake Duniani yaliyoandaliwa na Kampuni ya TRUMARK katika ukumbi wa Kingsolomon Kinondoni jijini Dar es salaam jana jioni March 05,2016 (Picha na OMR)

DKT. SHEIN AONGOZA MAMIA YA WAOMBOLEZAJI KWENYE MAZISHI YA MZEE HAMID AMEIR MUASISI WA MAPINDUZI Posted: 06 Mar 2016 05:09 AM PST Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) pamoja na Viongozi wengine na wananchi wakibeba jeneza la Marehemu Mzee Hamid Ameir Muasisi wa Mapinduzi,pia Mwenyekiti wa Baraza la Wazee wa CCM baada ya kuswaliwa leo wakati wa Mazishi yake yaliyofanyika Kijijini kwao Donge wilaya ya Kaskazini B.Unguja. Wananchi waliohudhuria katika mazishi ya Marehemu Mzee Hamid Ameir Muasisi wa Mapinduzi,pia Mwenyekiti wa Baraza la Wazee wa CCM wakilibeba jeneza wakati wa Mazishi yake yaliyofanyika leo Kijijini kwao Donge wilaya ya Kaskazini B.Unguja. Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) pamoja na wananchi na Viongozi wakiwa katika maziko ya Marehemu Mzee Hamid Ameir Muasisi wa Mapinduzi,pia Mwenyekiti wa Baraza la Wazee wa CCM aliyezikwa leo Kijijini kwao Donge wilaya ya Kaskazini B.Unguja. Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) akitia udongo katika kaburi la Marehemu Mzee Hamid Ameir Muasisi wa Mapinduzi,pia Mwenyekiti wa Baraza la Wazee wa CCM baada ya kufariki jana katika hospitali ya Mnazi Mmoja na kuzikwa leo Kijijini kwao Donge wilaya ya Kaskazini B.Unguja. Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) pamoja na Viongozi wengine na wananchi wakiitikia dua iliyoombwa baada ya kuzikwa Marehemu Mzee Hamid Ameir Muasisi wa Mapinduzi,pia Mwenyekiti wa Baraza la Wazee wa CCM leo Kijijini kwao Donge wilaya ya Kaskazini B.Unguja. Waziri wa nchi Ofisi ya Makamo wa Pili wa Rais Mohammed Aboud Mohammed akisoma risala ya na wasifu wa Marehemu Mzee Hamid Ameir Muasisi wa Mapinduzi,pia Mwenyekiti wa Baraza la Wazee wa CCM baada ya kuzikwa leo Kijijini kwao Donge wilaya ya Kaskazini B.Unguja.Picha na Ikulu.

RAIS WA VIETNAM KUFANYA ZIARA YA KWANZA YA KITAIFA NCHINI Posted: 06 Mar 2016 05:04 AM PST Waziri wa Mambo ya Nje na Ushirikiano wa Afrika Mashariki, Kikanda na Kimataifa, Balozi Augustine Mahiga (Mb.) (kulia), akizungumza na Waandishi wa Habari kuhusu ziara ya kitaifa ya siku 4 ya Rais wa Vietnam nchini, Mhe.Truong Tan Seng kuanzia tarehe 08 hadi 11 Machi, 2016. Ziara hiyo itakuwa ni ziara ya kwanza ya kuja Tanzania pia Afrika. Kushoto ni Mkuu wa Kitengo cha Mawasiliano ya Serikali, Bi. Mindi Kasiga naye akisikiliza kwa makini mazungumzo ya Waziri na Waandishi wa Habari. Waandishi wa Habari wakimsikiliza kwa makini Balozi Mahiga (hayupo pichani).  Bi. Mindi Kasiga naye akitolea ufafanuzi ratiba nzima ya ziara ya Rais huyo wa Vietnam. Sehemu nyingine ya waandishi wa Habari wakinukuu baadhi ya pointi wakati mkutano ukiendelea. Picha na Reginald Philip Rais wa Jamhuri ya Kisoshalisti ya Vietnam, Mhe. Truong Tan Sang atakuwa Rais wa kwanza kufanya ziara ya kitaifa nchini Tanzania katika Serikali ya Awamu ya Tano inayoongozwa na Dkt. John Pombe Joseph Magufuli. Rais Sang atawasili katika Uwanja wa Ndege wa Kimataifa wa Julius Nyerere siku ya Jumanne tarehe 08 Machi 2016 saa mbili usiku na kupokelewa na Waziri wa Mambo ya Nje, Ushirikiano wa Afrika Mashariki, Kikanda na Kimataifa, Mhe. Dkt. Augustine Mahiga ambapo mapokezi rasmi yatafanywa siku ya pili na mwenyeji wake, Rais Dkt. Magufuli katika Viwanja vya Ikulu. Akiongea na Waandishi wa Habari Ofisini kwake leo, Waziri Mahiga alieleza kuwa Rais Sang atafutana na mke wake, Mama Mai Thi, Mawaziri watano na Wafanyabiashara 51 katika ziara hiyo. Dkt. Mahiga alieleza kuwa Serikali inaupa uzito wa pekee ugeni huo kwa sababu ni ziara ya kwanza ya kitaifa katika Awamu ya Tano kufanywa na Mkuu wa Nchi. “Wakuu wa Nchi kadhaa walishakuja hapa nchini lakini kwa ziara za kikazi, sio za kiserikali, hivyo Vietnam imetupa heshima kubwa sana”. Waziri Mahiga alisema. Rais Sang ni mara ya kwanza kufanya ziara katika Bara la Afrika na Tanzania ambapo pia atazuru nchi ya Msumbiji baada ya kuondoka hapa nchini tarehe 11 Machi 2016. Dkt. Mahiga aliwambia Waandishi wa Habari kuwa Tanzania ina mambo mengi ya kujifunza kutoka Vietnam namna ilivyopiga hatua kubwa ya maendeleo katika kipindi kifupi, licha ya kuendesha vita kubwa ya mapambano ya kupigania uhuru dhidi ya Ufaransa na baadaye dhidi ya Marekani. Alisema nchi hiyo imepiga hatua katika sekta za viwanda, kilimo, mawasiliano na uvuvi. Kwa upande wa kilimo, nchi hiyo ni ya kwanza kwa kuuza kahawa aina ya robusta na korosho duniani ingawa mbegu za mazao hayo zimechukuliwa Tanzania.  Aidha, Vietnam ni maarufu duniani kwa kuuza samaki aina ya sato ambao walichukuliwa kutoka Ziwa Victoria. Waziri wa Mambo ya Nje alieleza kuwa ili Tanzania nayo ifike ilipo Vietnam ni lazima ifuate mambo matatu ambayo Vietnam inayazingatia. Mambo hayo ni kufanya kazi kwa bidii katika mazingira ya aina zote, utekelezaji wa maamuzi wanayofanya na kuwekeza katika mafunzo ya ufundi, miundombinu kama ya umeme, barabara, reli, bandari na mabemki kwa ajili ya mitaji na huduma nyingine za kifedha. Katika ziara hiyo, Rais wa Vietnam pamoja na mambo mengine atafanya mazungumzo rasmi na mwenyeji wake; Rais wa Zanzibar, Mhe. Dkt. Ali Mohammed Shein; Mwenyekiti wa CCM, Dkt. Jakaya Mrisho Kikwete, Spika wa Bunge la Jamhuri ya Muungano wa Tanzania, Mhe. Job Ndugai; Kuongea na wafanyabiashara na kutembelea eneo la uwekezaji la EPZA, Ubungo Jijini Dar es Salaam.

VIJIMAMBO INAKUTAKIA JUMAPILI NJEMA NA UPENDO NKONE- HALELUYA USIFIWE Posted: 06 Mar 2016 05:00 AM PST

HAPPY BIRTHDAY Posted: 06 Mar 2016 04:45 AM PST 9 years my little Niece was born, an angle and my mom's first grand child. Michelle Wishing you nothing but happiness baby doll. May God bless you and shower you with all the blessings from above that you grow up to be loving, caring and successful, wishing you nothing but happiness  With love from  Aunt Maggie and bibi Emelder

UDSM YAKANUSHA TAARIFA ZA KUWANYANYASA WATUMISHI WAKE Posted: 06 Mar 2016 01:23 AM PST Na Aron Msigwa - MAELEZO Uongozi wa Chuo Kikuu cha Dar es Salaam (UDSM) umekanusha  tuhuma zilizotolewa na baadhi ya wafanyakazi waendeshaji wa chuo hicho kwenye baadhi ya vyombo vya habari kuwa unaendesha vitendo vya dhuluma, uonevu na upendeleleo katika ulipaji wa mishahara na kuwasahau watumishi hao  jambo linalokwamisha ufanisi wa chuo hicho.  Taarifa ya kanusho dhidi ya tuhuma hizo iliyotolewa na Ofisi ya Naibu Makamu Mkuu wa Chuo Kikuu cha Dar es salaam, Utawala na kusainiwa  na Prof.Preksedis Marco Ndomba leo jijini Dar es salaam imeeleza kuwa Chuo Kikuu cha Dar es salaam kinaendeshwa kwa mujibu wa sheria, kanuni na taratibu zinazosimamia Utumishi Umma nchini na kamwe hakina mamlaka ya  kumwonea, kumdhulumu wala kutoa upendeleo kwa mtumishi yeyote kwa kuwa suala hilo liko nje ya misingi iliyoanzisha chuo hicho.  Taarifa hiyo imeeleza kuwa kama ilivyo kwa vyuo vingine vya umma suala la maslahi hasa nyongeza za mishahara na marupurupu mengine ya watumishi wa vyuo hususan Chuo Kikuu cha Dar es salaam linapangwa na kuidhinishwa na Serikali kupitia Ofisi ya Msajili wa Hazina na siyo uongozi wa chuo hicho.  Aidha, mishahara ya watumishi wa chuo hicho hupangwa kulingana na kanuni na taratibu za Serikali na kuongeza kuwa wanataaluma wa Chuo hicho hupewa mishahara yao kutokana na Muundo wa Pamoja wa Utumishi wa Wanataaluma wa Vyuo Vikuu vya Umma wa mwaka 2014 na Sheria ya Kazi na mahusiano kazini ya mwaka 2004 na Kanuni za Kudumu za Utumishi wa Umma za mwaka 2009.  Kuhusu tuhuma za kuwepo kwa tofauti ya mishahara miongoni mwa watumishi wa Chuo hicho imeeleza kuwa hilo inatokana na tofauti ya vyeo waliyonayo watumishi hao na kuongeza kuwa wao kama viongozi wa chuo hicho hawana mamlaka ya kuwapangia mishahara watumishi wala kutengeneza nyaraka za mishahara.  Taarifa hiyo imefafanua kuwa Chuo Kikuu cha Dar es salaam hupokea nyaraka za mishahara kwa watumishi kutoka Ofisi ya Msajili wa Hazina na kuzitekeleza na kuwataka watumishi hao kutambua kuwa tofauti ya vyeo waliyo nayo inawafanya walipwe mishahara tofauti.  Kupitia taarifa hiyo uongozi wa chuo hicho umeeleza kuwa hakuna upendeleo katika nafasi  za uongozi chuoni hapo kwa kuwa nafasi zote hujazwa kwa kufuata hati idhini ya chuo, pia hupatikana  kwa kushindanishwa kwa waombaji kwa sifa zao na inapotokea mtumishi katika nafasi ya Mkurugenzi uendeshaji anastaafu kazi  Menejimenti ya chuo humwomba mwanataaluma kutoka chuoni hapo kukaimu nafasi hiyo wakati taratibu za kuitangaza nafasi hiyo ili kumpata mkurugenzi mpya zikiwa zinaendelea.  Kwa upande wa tuhuma ya kuwepo kwa matumizi mabaya ya mali za chuo hasa magari kwa safari zisizohusiana na chuo hicho imefafanua kuwa Chuo Kikuu cha Dar es salaam kina Sera, Kanuni na miongozo mbalimbali inayodhibiti matumizi ya magari na mali za umma ikiwemo ujazaji wa vitabu maalum vya makabidhiano ya magari " Log Book".  Taarifa imebainisha kuwa UDSM hudhibiti matumizi ya magari yake  kwa  kuyawekea maandishi ubavuni na kwamba magari  hutakiwa kuegesha chuoni baada ya matumizi saa 12 jioni na wafanyakazi wanaoyatumia kinyume na miongozo iliyowekwa wanachukuliwa hatua za kinidhamu.  Aidha, ili kuboresha maslahi ya watumishi wa chuo hicho hasa upandishwaji wa vyeo ndani ya chuo muundo wa Utumishi wa wafanyakazi waendeshaji hutumika pia maboresho hufanyika kupitia vikao rasmi vya ajira kulingana na matakwa ya sheria ya kazi.  Taarifa hiyo imebainisha kuwa Menejimenti ya chuo hicho baada ya kubaini kuwepo kwa changamoto zilizojitokeza katika utekelezaji wa muundo wa Utumishi wa Waendeshaji iliamua kuuhuisha na kuuwasilisha kwa Msajili wa Hazina ili ufanyiwe kazi.  Pia kikao cha Baraza la Chuo Kikuu cha Dar es salaam kilichofanyika Februari 12, 2016 pamoja na mambo mengine kilielekeza Chama cha Wafanyakazi UDSM kwa kushirikiana na Uongozi wa chuo kuandika muhtasari unaoaininisha changamoto za watumishi zilizopo ili ziwasilishwe katika Ofisi ya Msajili wa Hazina.

CHUO KIKUU CHA MZUMBE CHAPONGEZWA KWA KUIMARISHA ELIMU NCHINI Posted: 06 Mar 2016 12:52 AM PST  Mkuu wa Mkoa wa Morogoro, Dkt. Rajabu Rutengwe (kushoto) akimkabidhi madawati  Kaimu Mwalimu Mkuu wa Shule ya Msingi Mindu, Bw. Samwel Mdee (wa tatu kulia) yaliyochangwa na wanafunzi wa somo la Menejimenti wa Chuo Kikuu Mzumbe mwishoni mwa wiki. Wengine ni Kaimu Makamu Mkuu wa Chuo Kikuu Mzumbe, Profesa Josephat Itika (wa pili kulia), Mkuu wa Skuli ya Utawala na Menejimenti, Dkt. Stella Kinemo (kulia) na wanafunzi wa shule hiyo ya msingi. Mkuu wa Mkoa wa Morogoro, Dkt. Rajabu Rutengwe aliyekaa baada ya kuikabidhi Shule ya Msindi Mindu madawati  yaliyochangwa na wanafunzi wa somo la Menejimenti katika Chuo Kikuu Mzumbe mwishoni mwa wiki.  Wengine ni Kaimu Makamu Mkuu wa Chuo Kikuu Mzumbe, Profesa Josephat Itika (wa pili kulia), Mkuu wa Skuli ya Utawala na Menejimenti,  Dkt. Stella Kinemo (kulia); Mratibu wa Mradi wa Madawati, Bw. Aloyce Gervas (kushoto), muwakilishi wa wanafunzi wa Menejimenti, Bw. Vivans Roseline (wa pili kushoto) na wanafunzi wa shule hiyo ya msingi. Serikali imekipongeza chuo kikuu Mzumbe kwa juhudi zake za kuboresha elimu nchini kwa kujitolea kuchangia vifaa hasa madawati na mahitaji mengine katika shule za msingi na sekondari zilizo karibu na chuo hicho.   Akiongea baada ya kupokea madawati 20 kutoka uongozi wa chuo hicho mwishoni mwa wiki, Mkuu wa Mkoa wa Morogoro, Dkt. Rajabu Rutengwe alisema msaada huo ni mfano mzuri wa kuigwa na wadau wengine wa maendeleo kote nchini. Madawati hayo kwa shule ya msingi ya Mindu yametolewa kutokana na michango ya wanafunzi wa mwaka wa kwanza wa somo la Menejimenti kwa matumizi ya wananfunzi wa shule ya msingi Mindu. “Ubunifu huu ni mfano wa kuigwa katika maeneo yetu ili kukabiliana na changamoto zinazotukabili,” alisema Dkt. Rutengwe.   Kupitia ubunifu huo, Mkuu huyo wa mkoa alizindua kampeni itakayokuwa na mfuko maalum kwa ajili ya kukusanya rasilimali ili kutatua changamoto zilizopo katika shule za mkoa wa Morogoro. Alifafanua kwamba waraka wa serikali wa elimu bure inalenga swala zima la ada na tozo nyingine hivyo jamii bado inapaswa kuchangia ili watoto waweze kusoma katika mazingira mazuri.   Kwa upande wake, Kaimu Makamu Mkuu wa Chuo Kikuu Mzumbe, Profesa Josephat Itika alisema chuo chake kimekuwa na kawaidia ya kujitolea kusaidia jamii inayowazunguka kwa kujenga mahusiano mazuri katika sekta ya elimu na afya. Alisema ni muhimu kwa taasisi za umma na binafsi kujitolea kuchangia sekta ya elimu kwani ndio msingi wa maarifa kwa vijana ambao ndio nguvu kazi ya taifa.   ‘Ni muhimu kwa mashirika binafsi na taasisi za umma kujitolea kuwekeza katika elimu ili kuisaidia serikali kukabiliana na changamoto katika shule za msingi na sekondari,” alisema Prof.Itika.   Alisema changamoto zilizopo katika shule ya msingi Mindu ni kielelezo cha shule nyingine nchini hivyo ni jukumu la kila mmoja kuchangia rasilimali ili kupunguza changamoto hizo hasa madawati na matundu ya choo.   Akizungumza kwa niaba ya mwanafunzi wenzake Mzumbe, Bw.Vivans Roseline alisema walichangia baada ya kuguswa kutokana na mazingira ya shule hiyo kuwa magumu. Alisema zoezi hilo halitaishia kwenye madawati tu bali watachangishana kuhakikisha changamoto zote katika shule ya msingi Mindu zimekwisha.   Naye Kaimu Mkuu wa shule ya msingi Mindu, Bw. Samwel Mdee alishukuru kwa msaada huo na kuomba waendelee kusaidia zaidi ili watoto waweze kusoma katika mazingira mazuri. Alizitaja baadhi ya changamoto zinazowakabili kuwa uhaba wa vitendea kazi kwa walimu, matundu ya choo, maktaba, ukosefu wa nyumba za walimu na ukosefu wa maji. Chuo kikuu Mzumbe kuliahidi kutoa jumla ya shilingi milioni 5 ili kusaidia katika kufanya ukarabati katika shule hiyo.

DAR USIKU, UNAWEZA KUDHANI UKAHABA UMEHALALISHW Posted: 06 Mar 2016 12:49 AM PST Kwa hali ilivyo unaweza kusema ukahaba jijini Dar es Salaam umehalalishwa. Hivi sasa wanawake wanaofanya biashara hiyo na wateja wao wamekuwa wakifanya ngono kwa malipo kweupe na katikati ya makazi ya watu bila kificho, huku ikionekana kuwa ni mfupa mgumu kwa Serikali kutokana na sheria kutotambua kama ni halali au la na bali wanaokamatwa hushtakiwa kwa uzururaji. Timu ya waandishi wa gazeti hili, ilitembelea maeneo maarufu kwa biashara hiyo hasa baa na kushuhudia wanawake wanaojiuza na wateja wao wakifanya ngono katika vichochoro vya karibu, katika viti ndani ya baa hizo na kwenye magari. Kadhalika, waandishi walibaini kuwa baadhi ya wanawake wanaojiuza wameolewa waume wao wanajua kuwa wake zao wanajiuza lakini wamewaruhusu ili kutafuta fedha. Hali ilivyo Kinondoni, Temeke, Ilala Katika biashara hiyo, makahaba hao wamebuni mbinu za kuhakikisha hawakosi wanunuzi ikiwamo kuweka mitego katika klabu ambazo hupiga nyimbo za zamani au za ‘watu wazima’ kama ambavyo wenyewe huziita. Katika moja ya klabu hizo iliyopo Mikocheni, mwandishi wetu ameshuhudia makahaba tele wakisaka wateja kwa kila aina ya mbinu, baadhi wakiwa wamevaa vizuri lakini ‘kimitego’, wengine wakiwa wameketi na wakati mwingine kucheza muziki unaopigwa ‘live’ huku wakiwawinda wazee ambao hutoa dau kubwa kuliko vijana. “Huwa ninakuja kudanga (kuweka mtego) hapa. Wengi ni wazee wenye fedha zao. Hapa ukiopoa wateja wawili kwa usiku mmoja aah, siyo mbaya inalipa, mzee ukimwambia akupe Sh50,000 anatoa,” alisema mmoja wa makahaba ambaye hakutaka kutaja jina lake. Mwingine ambaye pia hakutaka kutaja jina lake, huweka mitego yake katika klabu nyingine inayopiga muziki wa zamani katikati ya jiji, alisema: “Kujiuza si lazima usimame barabarani. Wengine wanakosea ‘timing’ kwa kutojua maeneo yanayolipa. Si kwamba mimi ninapenda muziki wa wazee lakini hapa biashara nzuri, ndiyo maana sikosekani kila wikiendi, yaani hapa pana uhakika wa maisha siyo huko kwa vijana ambako ukipata wa kukupa Sh20,000 shukuru.” Tabata Saa mbili usiku katika baa maarufu iliyopo eneo la Sanene, Segerea katika maegesho ya magari, makahaba wakiwa wamevalia nusu utupu walilisogelea gari pindi mmoja wa waandishi wetu alipokuwa akiegesha. Raha ya makahaba hao ilidhihirika pale walipomulikwa taa za gari, kwani huwa wanaamini hapo ndipo mteja anapowaona vizuri. Hata hivyo, mwandishi wetu anaposhuka na mabinti hao kubaini kwamba pia ni mwanamke, walisonya na kutukana. Akiwa hapo, alishuhudia katika moja ya ngazi za maghorofa, makahaba na wateja wao wakikamilisha biashara yao, chini ya usimamizi wa walinzi kwa ama ujira wa fedha au wakati mwingine ngono. Katika baa nyingine maarufu iliyopo maeneo ya Tabata Bima, mapema ya saa mbili usiku, mwandishi mwingine alishuhudia wanaume na wanawake kila mmoja akiwa ‘bize’. Mwandishi alipofika, alitafuta eneo katika sehemu ya maegesho na kukaa ndani ya gari kwa muda ambako alishuhudia eneo hilo kugeuzwa ‘gesti’ kwani alishuhudia kahaba mmoja akikokotana na mteja wake hadi nyuma ya gari moja ambako ‘walimalizana.’ Mmoja wa makahaba hao (jina linahifadhiwa ambaye mwandishi anafahamu kuwa ameolewa), alisema mumewe anafahamu biashara hiyo na wamekubaliana. “...anajua (anamtaja jina) hana neno, natafuta maisha, yeye mwenyewe hana kazi,” alisema. Msichana mwingine mdogo aliyekuwa akirandaranda katika maeneo hayo akiwa amevaa nguo za kuonyesha maungo alipoulizwa kwa nini anafanya vitendo hivyo kwa uwazi na katika maeneo ya makazi ya watu, alijibu; “biashara ni popote. “Wewe vipi... mnatufuatilia sana mbona,” alisema baada ya kuona maswali yakiongezeka. Wakazi walalamika Wakazi wanaoishi jirani na baa maarufu zilizokithiri kwa kuwa na makahaba walisema mambo hayo ni kama yapo katika milango ya nyumba zao, huku wakihofia kuharibika kwa maadili ya watoto wao. Mmoja wa wakazi wa Sokota, Wilaya ya Temeke, Mussa Mkotya alisema ingawa anapenda kusikiliza muziki wa zamani katika baa, sasa hivi ameacha kutokana na kukithiri kwa ukahaba. “Napata wakati mgumu kuja eneo hili kutokana na kukithiri kwa makahaba, hata mke wangu akinisubiri hapa anaonekana kama anajiuza,” alisema Mkotya. Mmoja wa wahudumu wa chakula katika baa moja maarufu Tabata, Faraji Hussein alisema anachukizwa na tabia za makahaba hao lakini hiyo ni biashara kubwa hapo. “Wengi wanafika hapa kufuata huduma hii, wateja ni wengi hasa siku za mwisho wa wiki kwa kuwa makahaba pia wanakuwa wengi. Tunakerwa lakini utafanya nini na haohao ndiyo wateja, tunawahudumia hivyohivyo,” alisema Faraji. Mkazi wa Tabata, Sanene, Mama Janeth alisema wasiwasi wake ni kwa mabinti wake wawili ambao wapo katika umri wa kupevuka. “Kwa bahati mbaya mume wangu shughuli zake ni za kusafiri, hivyo watoto wanabaki na dada wa kazi na kaka yao mmoja, wasiwasi wangu ikiwa wanatoka usiku na kukutana na mambo hayo.” Bodaboda wavuna Madereva wa bodaboda katika maeneo mbalimbali walisema wanafaidika na biashara hiyo ya ukahaba kwa sababu wanapata wateja wengi, pia wanatumika kama walinzi wao. Mmoja wao anayefanya shughuli zake Mbagala Sabasaba aliyejitambulisha kwa jina la Majanga alisema licha ya kumkera, vitendo hivyo vinamuongezea kipato kwa wateja wa ‘chapchap’ ambao wakati mwingine hawapeleki mbali. “Wengi hutaka niwapeleke kwenye faragha kidogo, au gesti, nikimsubiri napata buku tatu, nikimuacha buku tatu (Sh3,000),” alisema na kuongeza: “Kwa siku kuanzia saa mbili usiku naingiza kati ya Sh30,000 hadi Sh60,000 kukiwa na muziki, ”alisema Majanga. Mwenzake wa Tabata Camp, Bashiri Kangili alisema mara kadhaa anapowarudisha nyumbani makahaba hao, humlipa ngono badala ya nauli. Mfupa mgumu kwa Polisi Alipoulizwa kuhusu kukithiri kwa ukahaba jijini, Kamanda wa Polisi Kanda Maalumu ya Dar es Salaam, Simon Sirro alisema wamekuwa wakiwakamata lakini kesi zao haziwezi kuendelea kutokana na kukosa ushahidi wa kuwatia hatiani. Alisema suala hilo huwa ni makubaliano ya watu wawili na hakuna sheria inayozuia watu kuwa wapenzi, hivyo kuwabana inakuwa shida kisheria. “Wa kulaaniwa hapa ni wanaume, ambao wamekuwa wakinunua hii huduma, kama wao wataacha makahaba hawatakuwa na mtu wa kumuuzia, ” alisema Sirro. Alitaka jamii kwa kushirikiana na mamlaka husika zitoe elimu ya kutosha kuhusu madhara ya vitendo hivyo badala ya kukaa kimya kusubiri polisi kuwakamata na kusababisha usumbufu kwa jamii. Kamanda wa Mkoa wa Kipolisi Ilala, Lucas Mkondya na alisema changamoto kubwa ni kupata ushahidi kama kweli watu hao wanajiuza. “Kazi yetu si kukamata watu waliosimama barabarani au kwenye maegesho ya magari, kufanya hivyo tunakiuka haki za binadamu. Hatuwezi kufika na kuwakamata tu, iwapo tutawapandisha kizimbani tuna ushahidi gani kuhusu huyo mtu?” alihoji. Alisema mfanyabiashara yeyote wa baa ana leseni, hivyo wanapopita katika lindo usiku wanachoangalia ni wahalifu na siyo raia wema. “Huwezi kufika na kuanza kubughudhi wateja wake bila sababu, lakini kama anaruhusu biashara hiyo sina uhakika kwani hawa nao wana ushindani wa biashara, huenda wanachafuliana.” Imeandikwa na Julieth Kulangwa, Harriet Makwetta, Kalunde Jamal na Florence Majani.

IKULU YAVUNJA UKIMYA SAKATA LA UMEYA DAR Posted: 06 Mar 2016 12:43 AM PST Ikulu imevunja ukimya kuhusu ile sinema ya kuahirishwa mfululizo kwa uchaguzi wa