JE KUPOROMOKA KWA MAJENGO NINI TAFAKARI YA TAIFA?

Waokoaji wakipekua kifusi kutafuta majeruhi baada ya jengo la ghorofa 16 kuporomoka katika makutano ya Mtaa wa Indira Gandhi na Asia jijini Dar es Salaam Machi mwaka huu. Zaidi ya watu 30 walikufa katika zahama hiyo mbaya.

…………………………………………………………………..

Dar es Salaam. Utafiti uliofanywa hivi karibuni na Taasisi ya Twaweza unaonyesha kuwa licha ya kuwapo sababu nyingine zinazochangia kutokea kwa ajali za kuporomoka kwa majengo, rushwa inaonekana kuwa chanzo kikuu cha kukithiri kwa hali hiyo.

Ripoti ya utafiti huo inaeleza kuwa rushwa imekuwa ikichangia kwa kiasi kikuba majengo mengi kujengwa chini ya kiwango, hali inayochangia kutokea kwa majanga mbalimbali yanayogharimu maisha ya Watanzania.

Utafiti huo umekuja kufuatia tukio la Machi 29 mwaka huu ambapo jengo la ghorofa 36 katika Mtaa wa Indira gandhi liliporomoka na kusababisha vifo na wengine  kadhaa kujeruhiwa.

Akiwasilisha ripoti hiyo, mmoja wa watafiti kutoka katika mradi wa Sikiliza, Dk Thomas Maqway alisema licha ya serikali kusisitiza kuchukua hatua mbalimbali lakini utafiti huo unaonyesha  kuwa wananchi hawana imani na mfumo wa  kisheria katika kuwawajibisha na kuwaadhibu wanaohusika kusababisha ajali zinazotokana na majengo kuporomoka.

Alisema hali hiyo inatokana na mfumo wa rushwa unaonekana kutawala katika ujengaji wa majengo kuanzia ukandarasi, usanifu, vifaa, ujenzi  hadi kwenye ukaguzi wa majengo katika jiji ji la Dar es Salaam.

“Asilimia 78 ya wahojiwa walioshiriki katika utafiti huu wanataja  rushwa ndiyo sababu ya kuendelea kutokea kwa hali hii, hivyo hata uwajibishwaji wa wahusika hawana imani.