MASAU BWIRE AUNGURUMA NA MTANDAO

  on March 7, 2014 in MICHEZO 

Msemaji wa maafande wa Ruvu Shooting, Masau Bwire ametamba kuwa klabu yao imejiandaa vizuri kuwazamisha maafande wenzao kutoka kule jijini Arusha, uwanja wa Mabatini Mkoani Pwani.
Shooting wameingia katika rekodi msimu huu wa 2013/2014 baada ya kufungwa mabao 7-0 na Yanga ya Dar es salaam katika dimba la Taifa.
Timu nyingine ambazo zimekula kipigo kikali ni JKT Ruvu waliofungwa mabao 6-0 na Prisons.
Mgambo JKT walifungwa 6-0 na Simba mzunguko wa kwanza, huku Ashanti nao wakila kipigo cha 5-1 kutoka kwa Yanga.

HALL AKIRI LIGI KUU MSIMU HUU NI BORA, APONDA UBABAISHAJI WA VIONGOZI SOKA LA BONGO!!

 

Kocha wa Zamani wa Timu ya Taifa ya Zanzibar na Azam fc, Sterwart John Hall

Na Baraka Mpenja, Dar es salaam

0712461976 au 0764302956

WAKATI ligi kuu soka Tanzania bara ikiwa wakati wa magharibi kwa maana ya lala salama, aliyekuwa kocha wa zamani wa Timu ya Taifa ya Zanzibar, Zanzibar Heroes na klabu ya Azam fc mpaka mwishoni mwa mzunguko wa kwanza msimu huu wa 2013/2014, Mwingereza Sterwart John Hall amesema msimu huu una ushindani mkubwa zaidi ya msimu uliopita.

Katika mahojiano maalumu na mtandao huu, Hall alisema imekuwa jambo zuri kuibuka kwa timu ngumu kama Mbeya City, lakini bado kuna timu dhaifu nyingi kitu ambacho si kizuri katika ligi.

“Nikiwa kocha wa mpira, lazima nisema ukweli, msimu huu umekuwa bora zaidi, lakini nadhani yanahitajika maboresho zaidi kwa klabu ili kupunguza udhaifu wa timu nyingi”. Alisema Hall.

Kocha huyo aliongeza kuwa imekuwa ikishangaza sana na ni jambo zuri pale timu ndogo zinapotoa changamoto kubwa  uwanjani dhidi ya timu kubwa za Simba, Yanga na Azam fc.

“Zinahitajika timu nyingi  zenye ubora kama Mbeya  City, hapo utaona ligi bora. Kuna timu za chini, hakika zimekuwa zikionesha kiwang duni sana na kuharibu utamu wa ligi”. Alisema Hall.