WILAYA TEMEKE KINARA WA UKATILI KWA WATOTO

Na Mahmoud Ahmad Arusha

 

WILAYA ya Temeke Mkoani Dar es Salaam inaongoza kwa matukio  ya watoto kufanyiwa ukatili wa kijinsia kwa matukio 45 sawa na asilimia 4 huku Mkoa wa Kagera ukifuatia kwa matukio 36 sawa na asilimia 3.

Aidha Mkoa wa Arusha matukio yanayoongoza ni 36 kati ya hayo  matukio  makubwa ni ya watoto yanayotokana  na unyanyasaji wa vipigo majumbani unaofanywa na wazazi/walezi wa watoto hao.

Hayo yalisemwa jana na  Michael Kihongo kutoka Shirika la Ustawishi na Utetezi wa Haki za Watoto(SISEMA), wakati alipokuwa akizungumza na mwandishi wa habari hii juu ya kampeni ya kampeni ya Huduma ya Simu kwa Mtoto ijulikanayo kwa jina la kingereza  Care For Me! Quality Care for Every Child inayokwenda sambamba na upigaji wa simu ya bure kupitia namba 116 na kutoa habari za unyanyasaji wa watoto unaofanyika mahali popote.

Alisema tangu kampeni hiyo ilpozinduliwa mwaka jana hadi leo hii Wialaya ya Temeke inaongoza kwa matukio ya watoto kunyanyaswa na kwamujibu wa matukio ya nchi nzima ambayo yameripotiwa tangu kampeni hiyo ilipoanza hadi leo hii matukio ya unyanyasaji wa kijinsia ni 139 sawa na asilimia 6 huku matukio ya kutelekezwa kwa watoto yakiwa ni 91 sawa na asilimia 4.

Pia matukio ya utumikishwaji wa watoto ni 70 huku matukio ya watoto kutukutunzwa na wazazi/walezi wao  ni 62 ubakaji 28.

“Tangu kampeni hiyo ilipoanza hadi leo hii matukio ya watoto yameripotiwa kuwa mengi na walipokea jumla ya simu 27,545 huku simu 2,362 zikiwa ni simu zenye uhitaji wa kushughulikia na zilizobaki ni za kutekelezwa.

Naye Mratibu wa Utetezi wa Shirika laSOS Bara na Visiwani, John Baptista wakati alipokuwa akizungumzia  kampeni ya Huduma ya Simu kwa Mtoto lijulikanalo kwa jina la kingereza  Care For Me! Quality Care for Every Child inayokwenda sambamba na upigaji wa simu ya bure kupitia namba 116 na kutoa habari za unyanyasaji wa watoto unaofanyika mahali popote.

Pia alisema vituo zaidi ya 180 nchi nzima ndio zinalea watoto wanaoishikwenye mazingira hatarishi kati ya hivyo 39 tu ndio vimesajiliwa huku kwa Mkoa wa Arusha vituo vinavyofanya kazi ni 13 huku vingine vikitoa huduma kwa watoto bila kusajiliwa pia akaitaka idara ya maendeleo ya jamii kufanyakazi kwa ukaribu na kuweza kuibua tafiti mbalimbali zitakazo weza kuondokana na tatizo hili.

 

Alitoa rai kwa serikali kutenga bajeti zaidi kwaajili ya mahitaji ya watoto pia alitoa rai kwa wadau mbalimbali kushirikiana kwa pamoja ili kuwasaidia watoto wanaoishi kwenye mazingira hatarishi waweze kuishi maisha sawa na wakiwa na familia zao.