MJADALA WA ASCROW UMEFUNGWA KILICHOBAKI NI HATUA KUCHUKULIWA

Mahmoud Ahmad Arusha

 

Mjadala wa akaunti ya Tegeta Ascrow hauna tija katika kampeni za uchaguzi wa serikali za na ulifungwa Bungeni na Serikali ipo mbioni kuwachukulia hatua wale wote watakaobainika kuhusika na upotevu wa fedha hizo hivyo sio muda sahihi wa kuunadi kwa wananchi katika mikutano ya hadhara bali vyama vya siasa vinatakiwa kunadi sera vitawafanyia nini wananchi wakivipa ridhaa.

Kauli hiyo imetolewa jana na Katibu wa Chama cha mapinduzi wilaya ya Arusha, Feruzy Banno ,wakati akiwanadi wagombea wa chama cha Mapinduzi katika kata za Unga Ltd na Daraja Mbili huku akiwata wanachi kuwachaguwa wagombea wa CCM.

Banno, amesema kuwa mjadala wa Ascrow  kwa sasa ulishafungwa bungeni na wagombea wa vyama mbali mbali katika uchaguzi wa sarikali za mitaa wanatakiwa kunadi sera badala ya kuweka mjadala huo katika kampeni kwani sarikali ipo teyari kuyafanyi kazi maazimio ya bunge.

Alisema kuwa CCM imejipanga katika kunadi sera za kuwaondolea wananchi kero mbali mbali zinazowakabili na kuwaambia wananchi CCM katika kipindi cha miaka mitano wametekeleza kwa vitendo Ilani ya uchaguzi ya mwaka 2010.

“ Ifike pahali vyama vya siasa  vinanadi Sera badala ya kuendeleza  siasa chafu za Matusi na Kejeli kwa wagombea  wananchi wanataka kuona wagombea watawafanyia nini iwapo watawapatia ridhaa na kamwe wananchi hawahitaji matusi na kejeli ‘alisema, Banno.

Amesema ukiona vyama vinatumia matusi na kejeli kwenye kampeni zake badala ya kuwaeleza wananchi watawafanyia nini mtambue kuwa vyama hivyo vimefilisik kisiasa  kwa kuwa havina cha kuwafanyia  wananchi .

Nae Mgombea wa CCM Mary Thomas akiomba kura aliwataka wakazi wa Mtaa wa Tindiga kata ya Unga limited,kumpa ridhaa ili kumwezesha kushirikiana katika kuharakisha maendeleo na huduma zingine za kijamii ikiwemo kutatua kero mbali mbali zinazoukabili mtaa huo.

Kuhusu gharama za ulinzi na usafi ambazo zinachangiwa na wananchi ,Mary, amewaambia wananchi kwamba haiwezekani shughuli za ulinzi na usafi kufanyika bila ya  kuchangiwa fedha kwa ajili ya huduma hiyo,hivyo akaomba wananchi kuwahoji hao wanaodai kuwa shughuli hizo zitafanywa bure,  nani yuko tayari kufanya shughuli hizo bila ya kupokea ujira.

Amewaambia wananch kuwa atawaambia ukweli na kamwe hayuko tayari kueleza uongo ili achaguliwe la hasha, kwa kuwa anatambua changamoto zilizopo katika shughuli za ulinzi na usafi hivyo lazima zichangiwe ili ziweze kufanyika

Kwa upande wake mgombea unyekiti wa Mtaa wa Darajani Mahmoud Said ,alisema kuwa wanaopanda kwenye majukwaa na kuwaambia wananchi kuwa wataondoa malipo hayo ya huduma za ulinzi na usafi wameishiwa sera na hawapo kwa ajili ya kuhamasisha maendeleo katika mtaa huo.

Amewaambia wananchi kuwa haiwezekani shughuli za usafi na ulinzi wa mtaa zifanyike bila ya kuchangiwa kwa kuwa wanaozifanya nao wanamahitaji .

Alisema kuwa akipewa ridhaa ya kuchaguliwa katika nafasi hiyo atatekeleza kwa vitendo ilani ya CCM na kuwa ana mipango endelevu kwa vijana wa mtaa huo katika kukabiliana na suala zima la ajira kwa vijana.