CCM YAIBOMOA CHADEMA ARUSHA, VIONGOZI WA KATA WATIMKIA CCM

CHAMA cha mapinduzi, CCM, wilaya ya Arusha kimeziidi kujiimarisha mara baada ya kukibomoa Chama cha Chadema, kufuatia hatua ya baadhi ya viongozi waandamizi ngazi za kata kukihama na kujiunga na chama cha mapinduzi  .

Viongozi hao wamejiunga na chama cha mapinduzi kwa nyakati tofauti kwenye mikutano ya hadhara ya Chama cha mapinduzi katika kampeni za uchaguzi wa serikali za mitaa zinazoendelea nchini kote.

Miongoni mwa viongozi hao walijiunga na Chama cha mapanduzi ni, aliyekuwa katibu wa Chadema, kata ya sombetini, Abdi Madava,Gerad Majengo, aliyekuwa katibu kata ya Terati, Prospa Mfinanga, aliyekuwa katibu, mwenezi kata ya Olerien ,Thomas willson aliyekuwa katibu kata ya Kaloleni, Emanuel Daniel, aliyekuwa  mwenyekiti wa Bavicha kata ya Kaloleni  na Mussa Lungo,aliyekuwa kamanda  wa kanda ya kaskazini wa Chadema.

Uamuzi huo wa wanachama hao kukimbia Chadema kunazidi kukiweka pabaya chama hicho pamoja na UKawa na hivyo  kukididimiza kabisa.

 Akiwapokea wanachama hao wapya katibu wa CCM, wilaya ya Arusha, Feruzy Bano, kwenye mikutano ya hadhara, kwa nyakati tofauti,amesema viongozi hao wamefanya maamuzi magumu ya kukubali kupoteza nyadhifa zao na kujiunga na chama cha mapinduzi kutokana na ubora wa sera zake.

Kuanzishwa kwa vyama vingi ilikuwa ni fursa kwa kila ch

ama  kutekeleza ahadi zao kwa kuwatumikia wananchi lakini cha ajabu mpaka leo hakuna ahadi hata moja iliyotekelezwa na vyama hivyo na badala yake vyama hivyo vimebakia kuendesha siasa za maji taka ambazo ni za chuki zinazolenga kuwachonganisha wananchi ili waichukie serikali yao.

Feruzi,amesema vyama hivyo vilikuwa na fursa ya kuleta changamoto ya maendeleo nchini lakini kutokana na kutokuwa na sera wala  ilani za kuwatumikia wananchi vimekuwa vitumikia matakwa ya watu na hivyo  vimekuwa ni vyama vya watu binafsi na sio vya kisiasa hivyo wanachama hawana sauti .

Akihutubia mikutanio wa hadhara kwenye kata ya Sokon one  wakati wa uzinduzi wa kampeni hizo katibu wa ccm, wilaya ya Arusha, Feruzy Bano, amesema  Chama cha mapinduzi, kinaendelea kutekeleza ahadi mbalimbali za kuwaletea wananchi maendeleo hivyo akawaomba wananchi kuwachagua wagombea wa CCM.

Amesema Chama cha mapinduzi kinatoa ahadi na kuzitekeleza tofauti na vyama vingine ambavyo tangia vimeaanzishwa havijafanya lolote licha ya kupata ruzuku, na badala yake vimebakia kulalama.

Kuanzishwa kwa vyama vingi ilikuwa ni fursa kwa kila chama  kutekeleza ahadi zao lakini cha ajabu mpaka leo hakuna ahadi hata moja iliyotekelezwa na badala yake vyama hivyo vimebakia kuendesha siasa za maji taka ambazo ni za maandamano.

Feruzi,ameongeza kuwa iwapo nguvu kubwa ambayo inafanyika wakati wa maandamano ingelikuwa inatumika katika maendeleo ni wazi kero nyingi zingelikuwa zimetatuliwa na kutoweka kabisa.

Wakizungumza kwenye mikutano hiyo kwa nyakati tofauti wanachama hao wapya wamesema walipotea njia kujiunga Chadema, walienda kutokana na wimbi lililokuwepo na hivyo walidhania kuwa wangelifikia malengo yao ya kisiasa  wamegundua kuwa wanapoteza muda hivyo wameamua kurejea CCM.

Walisema kuwa ndani ya Chadema na UKawa kumejaa ubabauishaji na ubabe na kamwe vyama hivyo havina lengo la kuwatumikia wananchi bali viongozi na wakawataka ambao hawajajiunga na CCM kufanya hivyo haraka kwa kuwa CCM pekee ndicho chama chenye misingi imara na uwezo wa kuondoa kero za wananchi.