SHULE YA SEKONDARI LILASIA YAFANYA MAHAFALI YA SITA(6).

Wahitimu wa kidato cha nne, Shule ya Sekondari Lilasia, iliyopo eneo la Kitunda kwa Kibeberu, Dar es Salaam wakiwa katika picha ya pamoja na wadau mbalimbali wa shule hiyo, kwenye sherehe ya mahafali ya sita iliyofanyika Dar es Salaam jana.Mwanafunzi  wa Shule ya Sekondari Lilasia, iliyopo eneo la Kitunda kwa Kibeberu, Dar es Salaam, Beatha Shembilu, akipokea cheti cha kuhitimu kidato cha nne kutoka kwa mgeni rasmi, Samwel Lyimo, katika sherehe za mahafali ya sita ya shule hiyo, zilizofanyika Dar es Salaam jana. Kulia ni Mkurugenzi wa Shule hiyo, Christina Lyimo, na Mkuu wa Shule, Silas Kamando. Wanafunzi wa Kidato cha Nne nchini kote wanatarajia kuanza mitihani yao ya Taifa ifikapo Novemba 3 mwaka huu. Mwanafunzi  wa Shule ya Sekondari Lilasia, iliyopo eneo la Kitunda kwa Kibeberu, Dar es Salaam, Flora Jeremiah, akipokea cheti cha kuhitimu kidato cha nne kutoka kwa mgeni rasmi, Samwel Lyimo, katika sherehe za mahafali ya sita ya shule hiyo, zilizofanyika Dar es Salaam jana. Kulia ni Mkurugenzi wa Shule hiyo, Christina Lyimo, na Mkuu wa Shule, Silas Kamando. Wanafunzi wa Kidato cha Nne nchini kote wanatarajia kuanza mitihani yao ya Taifa ifikapo Novemba 3 mwaka huu. Mwanafunzi  wa Shule ya Sekondari Lilasia, iliyopo eneo la Kitunda kwa Kibeberu, Dar es Salaam, Peter Nyaikobe, akipokea cheti cha kuhitimu kidato cha nne kutoka kwa mgeni rasmi, Samwel Lyimo, katika sherehe za mahafali ya sita ya shule hiyo, zilizofanyika Dar es Salaam jana. Kulia ni Mkurugenzi wa Shule hiyo, Christina Lyimo, na Mkuu wa Shule, Silas Kamando. Wanafunzi wa Kidato cha Nne nchini kote wanatarajia kuanza mitihani yao ya Taifa ifikapo Novemba 3 mwaka huu. Mkurugenzi wa Shule ya Sekondari Lilasia, Christina Lyimo.

Shule ya Sekondari Lilasia yafanya mahafali ya 6.

*Wataka kuwe na lugha maalum mashuleni

 

NA ANDREW CHALE

 

NJIA nyepesi ya kukabiliana na tatizo kubwa la ajira kwa vijana nchini ni kuongeza kasi ya uwekezaji kwenye viwanda, sanjari na kuutazama upya mtaala wa kufundishia kuanzia shule za msingi hadi vyuo vikuu, hususan kwenye eneo la lugha, imeelezwa

Akizungumza kwenye mahafali ya 6, ya Shule ya Sekondari Lilasia, iliyopo Kitunda, Dar es Salaam jana septemba 20, Mkurugenzi wa shule hiyo, Christina Lyimo, alisema kupitia viwanda vijana kwa maelfu yao wataajirika na kujiajiri kwa mtiririko wa fursa zitakazokuwepo, huku pato la taifa likizidi kukua.

“Sina shaka sana na rasilimali tulizonazo..zinatosheleza, tuna uchumi mkubwa, hebu kama serikali itanisikia niombe sasa tuwekeze nguvu kwenye viwanda, tupeleke surveyors wakapime maeneo, sababu tuna nguvu kazi kubwa, tuna rasilimali..tuanzie hapo,” alisema Lyimo.

Aidha, Lyimo, ambaye kitaaluma ni mwalimu anayehudumu kazi hiyo kwa zaidi ya miaka 25 sasa, ameshauri yafanyike mabadiliko ya mtaala hususan kwenye lugha ya kufundishia, huku akisisitiza ni wakati mwafaka sasa kwa taifa kuamua ni lugha ipi itumike kufundishia kama ni Kiingereza au Kiswahili, tofauti na ilivyo sasa kuchanganya changanya.

“Watoto wengi wanababaika kwenye mitihani kwa sababu ya Lugha..watoto wengine wanafeli kwa kushindwa kujieleza kwa lugha za kigeni!..shule ya msingi Kiswahili miaka saba..sekondari kiingereza kwa kweli inachanganya, tuamue basi kubadilisha kama ni medium basi ziwe kuanzia awali hadi vyuo vikuu, na kadhalika kama Kiswahili iwe hivyo,” alisema

Hata hivyo, katika hatua nyingine, aliwaomba wafadhili kujitokeza kuchangia shule hiyo kwenye eneo la upatikanaji wa maabara ya kisasa, ikizingatiwa shule kwa sasa pamoja na mambo mengine inasomesha watoto yatima bure na kusaidia kwa kiasi utoaji wa elimu bora kwa watoto wa Kitunda na kwingineko nchini

“Tunaomba pia serikali igeuzie macho kwenye shule hii, tuna watoto yatima hapa, itusukume kwenye kupata ruzuku sababu tunasaidia taifa na hata ada tunazopokea ni ndogo mno,” alisema

Kwa upande wake Mkuu wa Shule ya Lilasia, Silas Kamando alisema katika mahafali hayo jumla ya wanafunzi 36 wakiwemo wanaume 17 na wasichana 19 wamehitimu kidato cha nne mwaka huu, na kwa sasa wanajiandaa na mtihani wao wa taifa unaotarajia kufanyika Novemba 3 mwaka huu, nchini kote.