TAARIFA YA JESHI LA POLISI MKOA WA MBEYA KWA VYOMBO VYA HABARI

MTU MMOJA ALIYETAMBULIKA KWA JINA LA NTALE MOSES (38) MKAZI WA AIRPORT JIJINI MBEYA ALIFARIKI DUNIA WAKATI ANAPATIWA MATIBABU HOSPITALI YA RUFAA JIJINI MBEYA KUTOKANA NA MAJERAHA ALIYOYAPATA BAADA YA KUCHOMWA KICHWANI NA KITU CHENYE NCHA KALI MNAMO TAREHE 27.12.2014 MAJIRA YA SAA 23:00 USIKU AKIWA NYUMBANI KWAKE HUKO AIRPORT.

MAREHEMU ALIFARIKI DUNIA MNAMO TAREHE 05.01.2015 MAJIRA YA SAA 11:32 ASUBUHI HUKO KATIKA HOSPITALI YA RUFAA JIJINI MBEYA. CHANZO CHA TUKIO HILO BADO KINACHUNGUZWA. WATUHUMIWA WAWILI 1. EZEKIA MENGO (23) MKAZI WA JAKALANDA NA 2. EZEKIA MWANSASU (21) MKAZI WA AIRPORT WALIKAMATWA MNAMO TAREHE 02.01.2015 MAJIRA YA SAA 06:00 ASUBUHI KUHUSIANA NA TUKIO HILO.

KATIKA TUKIO LA PILI:

MWANAFUNZI WA DARASA LA PILI KATIKA SHULE YA MSINGI SAZA WILAYANI CHUNYA ALIYETAMBULIKA KWA JINA LA EPANI RAPHAEL (10) ALIKUTWA AMEKUFA MAJI KWENYE KORONGO REFU LENYE MAJI MENGI ALIMOKUWA ANAOGELEA NA WENZAKE.

MWILI WA MAREHEMU ULIPATIKANA MNAMO TAREHE 05.01.2015 MAJIRA YA SAA 18:00 JIONI HUKO KATIKA KITONGOJI CHA KIBAONI, KIJIJI NA KATA YA SAZA, TARAFA YA KWIMBA, WILAYA YA CHUNYA, MKOA WA MBEYA. INADAIWA KUWA CHANZO CHA KIFO HICHO NI BAADA YA MTOTO HUYO KUZIDIWA MAJI NA KUSHINDWA KUOGELEA. MWILI WA MAREHEMU UMEHIFADHIWA HOSPITALI TEULE YA MWAMBANI WILAYA YA CHUNYA KWA UCHUNGUZI WA KITABIBU.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAZAZI/WALEZI KUWA MAKINI NA WATOTO WADOGO KWA KUTOA/KUWEKA UANGALIZI WA KUTOSHA IKIWA NI PAMOJA NA KUTOWARUHUSU KUOGELEA KATIKA MITO, MABWAWA KWANI NI HATARI KWA MAISHA YAO HASA KATIKA KIPINDI HIKI CHA MVUA ZINAZOENDELEA KUNYESHA.
TAARIFA ZA MISAKO:

JESHI LA POLISI MKOANI MBEYA LINAWASHIKILIA WATU WAWILI AMBAO NI 1. ISACK MWAMPASHI (26) MKAZI WA SAE- JIJINI MBEYA NA 2. DESDELIUS MZOGOLA (42) MKAZI WA IHANGA –NJOMBE WAKIWA NA SILAHA BUNDUKI AINA YA SHOT GUN YENYE NAMBA CO 57126 ILIYOACHANISHWA, MTUTU UKIWA KWENYE BOMBA LA MAJI NA KITAKO KIMEFICHWA KWENYE BEGI LA NGUO.

WATUHUMIWA WALIKAMATWA MNAMO TAREHE 04.01.2015 MAJIRA YA SAA 23:00 USIKU HUKO ENEO LA MPAKANI- CHECK POINT, KATA YA IGAWA, TARAFA YA RUJEWA, WILAYA YA MBARALI, MKOA WA MBEYA WAKIWA KWENYE PIKIPIKI YENYE NAMBA ZA USAJILI T.173 CYJ AINA YA KING LION WAKITOKEA MBEYA KUELEKEA NJOMBE VIJIJINI NYUMBANI KWA MMELU MGALA MKAZI WA NJOMBE VIJIJINI.
Imesainiwa na:
[AHMED Z. MSANGI – SACP]
KAMANDA WA POLISI MKOA WA MBEYA.