Wanafunzi elfu kumi kunufaika na mradi wa afya ya akili

Na: Gladness Mushi, Meru

ZAIDI ya wanafunzi pamoja na vijana elfu kumi kutoka katika wilaya za Arusha na Meru wanatarajia kunufaika na mradi wa afyaa ya akili ambao unalenga kuwafanya vijana kuepukana na madhara mbalimbali yanayowatokea

Hata hivyo mradi huo unatekelezwa chini ya shirika la Farm Radio kwa kushirikiana na wadau mbalimbali ambao wote kwa pamoja wana malengo ya kuwakomboa vijana

Akiongea kwenye uzinduzi wa kampeni shirikishi mapema jana mratibu wa mradi huo kutoka katika Shirika la farm radio, goodlove Nderingo alisema kuwa mradi umeanza rasmi toka mwezi September

Nderingo alisema kuwa mpaka sasa utawasaidia vijana kutoka katika vituo lakini pia hata wanafunzi kutoka katika shule 35 za Arusha vijijini lakini pia hata katika wilaya ya Meru

Alidai kuwa kutokana na jamii kushindwa kujua umuhimu wa afya ya akili hasa kwa vijana kumesababisha vijana wengi kushindwa kufikia malengo yao huku kundi kubwa nalo likiwa linaendelea kuteseka kwenye jamii

Alisema, wamedhamiria kutoa elimu ambayo itaweza kuwasaidia makundi yoye kwenye jamii wakiwemo wazazi lakini pia hata walezi na walimu ambao wakati mwingine wanakuwa mwiba kwa vijana hususani wale wenye matatizo ya akili.

“takwimu zinaonesha kuwa asilimia kubwa sana ya vijana wameathirika na matatizo haya ya afya ya akili na wanakosa msaada kwa kuwa baadhi yetu tulio wakubwa bado hatujaweza kuelewa vyanzo vya haya yote lakini tutaweza kuwaelimisha hawa vijana na wanafunzi ili wafike pale ambapo taifa limethamiria wafike’aliongeza Nderingo

Naye mwakilishi wa walimu ambaye ni Slyvester Paul aliongeza kuwa mpango huo wakuwelimisha jamii kuhusiana na afya ya akili pamoja na walengwa wenyewe ambao ni vijana na wanafunzi wa shule kutaweza kupunguza matatizo mbalimbali ambayo yamo kwenye jamii

Paul alibainisha kuwa hata kwa upande wa walimu nao wanatakiwa kuhakikisha kuwa wanajijengea tabia ya kuwasoma wanafunzi wao hasa wanapobadilika kwani wakati mwingine yapo baadhi ya matatizo ambayo yanasababisha hata wanafunzi hao kubadilika