UPIGAJI KURA SERIKALI ZA MITAA JIJI LA ARUSHA WANEDNELA SHWARI

Na: Mahmoud Ahmad, Arusha

 

Zoezi la upigaji kura katika uchaguzi wa serikali za mitaa,Vijiji na Vitongoji linaloendelea katika maeneo mbali mbali hapa nchini huku kwa upande wa mkoa wa Arusha hususani jiji la Arusha limekwenda salama bila ya kuwa na dosari zozote.

Jiji la Arusha ambalo huwa na heka heka ya matukio mbali mbali wakati wa kampeni hadi uchaguzi lakini uchaguzi huu wa serikali za mitaa umeenda salama huku wakazi mbalimbali wakijitokeza kutumia haki yao ya kikatiba kuwachaguwa wenyeviti wa serikali za mitaa.

Pamoja na yote licha ya tukio la mheshimiwa Mbunge wa jimbo la Arusha Mjini Godbless Lema Kuchezea Kichapo na vijana wa mtaani almaarufu Chokoraa ambapo alilazimika kufyatua risasi tatu juu kuwatawanya vijana hao ambao walikuwa wakipigana kutokana na hali ngumu ya kusaka maisha na mbunge kulazimika kushuka kwenda kuamuaa ugomvi huo ndipo vijana hao walipoamua kuhamisha ugomvi wao kwa mbunge huyo

sakata hilo lilitokea siku moja kabla ya hitimisho la kampeni za uchaguzi huu hali imekuwa shwari katika jiji hili huku wakazi waliojiandikisha wakitumia haki yao kuwachagua wenyeviti wa serikali za mitaa na kesi ya Mbunge huyo aliechiwa kwa dhamana siku hiyo hiyo huku akizitaka mamlaka husika kuchukuwa hatua kwa vijana hao waweze kuishi kama jamii.

Moja wa wapiga kura katika Mtaa wa Giriki kata ya Sakina Izadin Salum alisema wananchi ndio wanawafahamu wagombea na wao watatumia haki yao kumchagua kiongozi anayewafaa bila ya kujali anatoka chama gani.

Alisema kuwa ameshiriki chaguzi mbali mbali hapa jijini Arusha na kukiri kuwa uchaguzi huu umerudia katika hali iyokuwa hapa kabla ya mwaka 2009 na kuwataka wakazi wa jiji la Arusha kuwachaguwa viongozi watakaosimamia maendeleo na kuacha malumbano yasio na lazima kwani watu wate wana haki sawa.

Kwa upandi wake msimamizi wa kituo cha Mitaa 200 kata ya Nagerenaro Regina Mfoi alisema kuwa hali katika kituo hicho ipo shwari na kila mtu anatumia haki yake kupiga kura na kuwa vifaa vipo vya kutosha kwa watu wote waliojiandikisha kupiga kura na hakuna malalamiko yoyote hadi sasa.

Mfoi alisema kuwa zoezi hilo kwenye kituo hicho limeenda salama bila ya manung’uniko yeyote na wakazi wa mtaa huo wamejitokeza kwa wingi kupiga kura bila ya matukio yeyote ya uvunjifu wa Amani.