WANACHAMA WA CCM WATAKIWA KUVUNJA MAKUNDI

Mahmoud Ahmad Arusha.

Wanachama wa C hama cha Mapinduzi wametakiwa kushirikiana na kuvu nja makundi ili kuleta umoja na mshikamano utakaokisaidia chama hicho kupata ushindi kwenye uchaguzi mkuu kama ilivyokuwa kwenye uchaguzi wa serikali za mitaa.

Kauli hiyo imetolewa na Mwenyekiti wa chama hicho wilaya ya Arusha mjini  Dkt. Willfred ole Soiley wakati wa mkutano wa kuwashukuru Wananchi kwa kukipa chama hicho mitaa yote ya Kata ya Kaloleni kwenye viwanja vya ofisi ya Mtendaji wa kata hiyo.

Alisema kuwa kushindwa kwa chama hicho kunatokana na wanachama kuendekeza makundi yasio na lazima kwa mwenye kupata ridhaa ni mmoja hivyo wote kumuunga mkono alieshinda na hivyo kukiwezesha chama kupata ushindi na si vingine.

Dkt. Soiley alisema kuwa wanachama wa chama hicho wanatakiwa kujipanga kuhakikisha chama hicho kinashika hatamu za uongozi kuanzia ngazi ya kata hadi uraisi na kuwa wanatakiwa kujenga umoja wenye nguvu kuweza kupambana na vyama vya upinzani.

“Sisi ndio tunaongoza serikali na tumefanya mengi katika kuwaletea Wananchi Maendeleo hivyo yatupasa kutembea kifua mbele kwa kuweza kutekeleza ilani ya chama chetu kwa asilimia mia na hii itasaidia kuweza kushinda katika uchaguzi uliopo mbele yetu”alisema Dkta Soiley.

Aidha aliwataka wakazi wa jiji la Arusha kujitokeza katika kujiandikisha kwenye daftari la wapiga kura ilikutumia haki yao ya kikatiba, sanjari na kuipigia kura ya ndio katiba pendekezwa,huku akiwataka wananchama wa chama hicho kujiandikisha uananchama wao pamoja na kujitokeza kwenye ziara ya katibu mkuu wa chama hicho.

Alisema kuwa msingi wa kuweza kupata ushindi ni umoja kwenye chama kwani daima umoja ni ushindi hivyo akawataka wanachama hao wa kata na wilaya kwa ujumla kuwa na umpoja na mshikamano ili chama kiweze kupata ushindi wa kishindo kwenye uchaguzi ujao na kura ya kuikubali katba pendekezwa.

Dkt. aliwataka wote waliochaguliwa kuwa mabalozi wazuri wa chama kwa kuondoa kero mbali mbali zinazoikabili jamii kwa uadilifu ilikuweza kuwajengea imani Wananchi kukipa ridhaa sasa si wakati wa maneno bali vitendo vya kukijenga chama kwa nguvu zetu.

Nao wenyeviti wa mitaa ya Kaloleni kusini na magharibi wamewashukuru nwanachama na viongozi kwa kuonyesha umoja na hatimae wao kuweza kushinda katika uchaguzi wa serikali za mitaa hivyo wakaahidi kushirikiana na wananchi katika kutatua kero mbali mbali.

Nae mwenyekiti wa mtaa wa Kaloleni Magharibi Hassan Sharif alisema kuwa viongozi wa chama lazima wawe mfano wa kuigwa na wananchi katika kuhamasisha maendeleo na kuwataka wanachama na wakazi wa kata hiyo kuweza kushirikiana kujiletea maendeleo sanjari na kudumisha amani na mshikamano.