Chama cha Mapinduzi (CCM) kimepata ushindi kwa kujizolea viti vya 138 mkoani Katavi

Baadhi ya wananchi wakiwa wamejipanga katika mistari wakisubiri kupiga kura katika uchaguzi wa Serikali za Mitaa na vitongoji uliofanyika jumapili wiki iliyopita jijini mkoani Katavi.

Baadhi ya wananchi akihakikiwa majina yao kabla ya kupiga kura mkoani Katavi.

………………………………………………………………………………..

Na Kibada Kibada –Katavi

KatikaUchaguzi uliomalizika wa Serikali za Mitaa   kwa hapa nchini kwa upande wa Halmashauri ya Wilaya ya Mpanda Mkoa wa Katavi Chama  cha Mapinduzi (CCM) kimepata ushindi kwa kujizolea viti vya 138 katika nafasi ya kitongoji kati ya vitongoji 215 katika Halmashauri hiyo huku CHADEMA ikipata viti 62 na CUF viti vitano.

Kwa mjibu wa Afisa Uchaguzi wa Halmashauri ya Wilaya ya Mpanda Charles Linda ameeleza kuwa kwa matokeo hayo chama cha mapinduzi kimepata ushindi wa asilimia 63.8 wakati Chama cha Demokrasi na Maendeleo (CHADEMA)  kimepata asilimia 29.96 na Chama cha wananchi ( CUF) kimepata asimilia 2.3.

Akizungumzia nafasi ya Mwenyekiti wa Kijiji CCM imepata viti 26 na CHADEMA imepata  viti vya uenyekiti wa kijiji 15 na CUF imejinyakulia kiti kimoja.

Aidha Linda alieleza kuwa katika uchaguzi huo ni kwa matokeo yaliyopokelewa kutoka kwenye maeneo mbalimbali ya Halmashauri hiyo ingawa ilikuwa imebakia  vitongoji vinane ambavyo vilikuwa bado hawajawasilisha matokeo ambayo hayawezi kubadili sura ya matokeo.

Na kuongeza kuwa katika kitongoji kimoja wagombea  wagombea wamegongana kwa kulingana kura zilizohesabiwa mgombea wa chama cha Mapinduzi na Mgombea wa cha cha Demokrasia na Maendeleo CHADEMA hivyo kwa mjibu wa taratibu Kanuni na sheria itabidi uchaguzi urudiwe upya kadiri itakavyokuwa imepangwa.

Kwa upande wa matokeo ya awali Halmashauri ya Mji wa Mpanda inaonesha kuwa pia CCM imepata viti 28 katika uchaguzi wa nafasi ya mwenyekiti wa Mitaa sawa na asilimia  kati ya 65 na 68 .

Kwa Mjibu wa matokeo ya awali yaliyotolewa na Mkurugenzi wa Halmashauri ya Mji Mpanda Seleman Lukanga yanaonesha kuwa Chama cha  Demokrasi na Maendeleo CHADEMA  kimepata mitaa 13 sawa na asilimia  kati ya 32 na 38Ameeleza kuwa  hayo ni matokeo ya awali matokeo kamili yatatolewa baada ya kukamilika kwa shughuli ya kuhesabu na kuweka matokeo sawa ya vituo vyote.

Matokeo hayo ni yale yaliyotolewa kwa Halamshauri ya Wilaya ya Mpanda na Halmashauri ya Mji wa Mpanda wakati yale ya Halmashauri ya Mlele Na Halmashauri ya Wilaya ya Nsimbo walikuwa bado hawajatoa matokeo.

Hata hiyo katika uchaguzi huo kulijitokeza changamoto za  hapa na pale ambazo zilipatiwa ufumbuzi na uchaguzi ukafanikiwa kufanyika na kuenda vizuri karibu maeneo yote Halmashauri hizo.

Kwa upande wa matokeo ya Halmashauri ya Nsimbo na Halmashauri ya Mlele kulikuwa pado matokeo kupatikana kulinga na jiografia ya maeneo ya vijiji na maeneo mengine walikuwa bado hawajakamilisha  matokeo yataendelea kutolewa pindi yatakapoendelea kutolewa.