Dereva wa Pikipiki auwawa Katavi

Na Kibada Kibada-Katavi.

Dereva  wa Pikipiki Maarufu kwa jina la Bodaboda  ameuwawa kwa kuchomwa kisu tumboni  na abilia aliyekuwa amembeba lengo la kutaka kupora Pikipiki.

Kamanda wa Polisi wa Mkoa wa Katavi Kamishina Msaidizi wa Polisi Dhahari Kidavashari ameleza katika Taarifa yake kwa vyombo vya Habari kuwa alimtaja aliyeuwawa kuwa ni Zakari  Lungwa (24) mkazi wa Kawajense Mjini Mpanda.

Kamanda alieleza kuwa tukio hilo limetoea  Usiku wa kuamkia leo Disemba 15 majira ya  saa sita na robo usiku huko maeneo  ya Kichangani  Kata ya Nsemulwa  Tarafa ya Kashaulili Wilaya ya Mpanda .

Alisema kuwa  huyo kijana  Zacharia   alivamiwa na watu wawili  anaowafahamu kwa sura  na kumpora  pikipiki  aina  ya sanya  nyekundu   na kisha  kumchoma kisu  tumbon na  kusababisha  mauti yake.

Ameeleza katika taarifa yake kuwa pamoja na marehemu kupiga kelele  lakini hakufanikiwa kupata msaada mpaka mauti kumfika.

Aidha  Kamanda amewashauri   madereva  wanapopata  abiria nyakati za usiku  basi wawe wawili  ili waweze kusaidiana  kama tatizo likijitokeza.

Katika tukio hilo Jeshi la Polisi linamshikilia  mtu mmoja  Mwenye asilia ya Kiasia aliyefahamika kwa jina la Khalidi Self Mwarabu  miaka (24),mkazi wa Nsemulwa.

  Jeshi la Polisi linaendelea  na upelelezi  ili kubaini    mtuhumiwa  na kumtia mbaloni mtuhumiwa wa   mauaji hayo na wote wanaohusika.